清真牛肉館 (龍崗道) (已結業)

最近都成日去九龍城食晚飯…男朋友尋日先SEND OPENRICE呢個店既LINK比我~今晚就即刻去左試~**牛肉的吸引力的確很大?XD差D就入錯龍崗道23號個間北京清真牛肉館嚕…好彩睇清楚~ 幾點之差,天壤之別一間好多人排隊, 一間大把位 @@"去到清真牛肉館就玀飛等位啦個WAITRESS不停咁叫人去新舖..話搵人帶我地行去..好似話起黃珍珍附近, 話唔洗等位喎..仲話呢邊要等好耐.. 問佢要等幾多張檯又死唔肯答!其實都心郁郁想去新店架啦..不過正當我地仲猶疑緊之際, 就發覺已經差唔多叫到我地NO.前後都等唔夠5分鐘,就已經有位..真係好彩冇跟佢行去新店, 都未行到呢邊都有位咯都幾多野食揀..不過如果張推介既MENU有埋價錢會睇得方便D~結果我地叫左個二人套餐… ($148)有牛肉餅2個, 麻油雞, 咖哩羊腩, 菜..牛肉餅又真係幾好味喎~ 估唔到咬落去會有咁多汁* 正*不過我就覺得稍為少左d肉味唧~ 如果有更香更重既牛肉味會更好食麻油雞, 哈其實我唔expect係凍的..可能因為天氣開始凍既關係吧? 硬係想食熱野多d..不過食落又幾香, 整得幾入味既.. 是不錯的冷盤嘛 咖哩羊腩..

多人食野係有d好處可以食多幾款8個人armarm好食左個8人set開頭驚唔夠，點知飽到呢...一嚟就牛肉餅先，多汁夠香夠熱好味炸蝦都有少少蝦味，個咖哩就有齊雞牛羊點埋薄餅正，牛羊都好食，不過雞就太乾有條甜酸魚，都好食，開番個胃賽螃蟹同個拼盤都ok ge個豆腐羹就普通八個人飯都無叫七百蚊都唔洗好食又抵服務都ok，我覺得，收銀幾nice咁不過地方就唔多乾淨

昨日Nov 7﹐剛剛和朋友有點事情要去九龍城﹐遇著食晏時間﹐一心帶朋友食D好野﹐朋友又未去過呢度﹐所以同朋友黎左牛肉館。搭檯坐低﹐叫左牛肉餅﹐蔥油餅同上海粗炒﹐再後加蔥爆牛肉。先黎牛肉餅﹐同20幾年前食既無咩分別﹐一樣甘好食~之後蔥油餅到﹐咸左少少﹐都新鮮熱辣。後加既蔥爆牛肉到先﹐經過化學作用的牛﹐預左﹐OK喇~但係問題就黎喇~上海粗炒到左﹐我夾左一碗食左先﹐之後我朋友夾左兩住﹐之後夾住D野問我“係咪煙頭黎架﹖”我當堂嚇左一跳~望真D﹐真係煙頭!即刻叫個阿姐黎﹐阿姐梗係即刻收晒D碗筷同碟野喇~因為呢餐食得有D趕﹐所以開始時都無諗過影相﹐之後阿姐話送兩個牛肉餅比我地做補償。 我同我朋友都唔係太計較既人﹐所以算數喇。走既時候當然照比錢喇﹐但係同個收銀再講多聲呢件事﹐個收銀話個老闆唔晌度﹐但係會反映。由細個幾歲大食到而家﹐都未試過有D甘既事。唔知係咪呢度比D廚擔住口煙煮野食﹐如果唔係點解可以有煙頭呢﹖真係好難會再黎喇~

到此下午茶，叫左：牛肉餅：新鮮煎起熱辣辣，皮薄而脆，肉餡份量足而多汁，唔錯，唯稍欠牛肉味咖哩角：都係新鮮炸起，咖哩味都算香濃酸辣湯：要左小辣但都幾辣，配料都算足，唔錯

因為出咗去九龍灣睇戲, 又唸不到去哪兒吃飯結果前一晚search....就嚟咗九龍城吃飯~ 因為月尾去泰國所以不吃泰國嘢呀呢間好出名架 (都係睇openrice 先知)7點鐘去到,己經好多人, 全場爆滿仲要等位添...... (好快就有位嘞) 酸辣湯面 $24 好大碗呀~ 超抵... 個湯用咗好多胡椒,湯底好好味,好特別呀,料又足面又多....超值呀馳名牛肉餅 $10 / pcs , 真係外脆內熱呀~ 仲有汁流出嚟真係好好味呀~咖嘢羊腩 $53 , 好多羊肉, 無薯仔呀~~ 但我見人吔都有...我係咪賺咗呢???好入味, 好淋, 但就厭不夠熱呀 葱油餅 $20 / 2件 好耐無食過呀~ 好脆好好味 (不是太油呀)以上食物都好好味呀~有機會會再嚟試....

兩個人竟然唔洗等位, 6點鐘半咖喇喎~閒逛完九龍城瘋狂購物振興香港經濟就去左去食野, 兩個人都係137蚊, 好抵!!!咖哩牛腩好大兜喎~男朋友叫了一個白飯, 唔夠, 再叫多一個先得, 因為真係太好味~佢d牛腩唔肥, 而且好多筋, 唔知下次可唔可以走左d筋佢呢? 因為我飲倆都不甚喜歡汁香又夠辣, 又未會去到噴火流汗, 但真係好入味!蔥爆羊片好大碟, 2個人都食唔晒, 不過就油左d, 咸左d蔥好入味, 又好夠香夠多, arm晒我呢d蔥怪羊片唔蘇, 但有少少似係牛肉喎~牛肉餅最遲上, 但係最早叫...熱辣辣,一咬開牛肉餅,汁全部湧晒出黎, 流晒入個碗度, 我要裝番佢入個皮度!不過面頭係油左少少囉! 可能真係即整既, 佢地又多人叫喎~我將將temple放左面, 索左勁多油出黎囉!!!但係so far so good!!!

星期日5:15pm,店員話牛肉餅要等10分鐘,但收銀的女人(態度好差,瞪大雙眼)話要等45分鐘至真.周圍逛下,45分鐘後回來,還要等多十分鐘.牛肉餅暖暖的,不太熱,一咬開牛肉餅,汁全部漏掉(有點兒可惜), 若果肉汁可以融入肉餡內,令人一併食到便perfect了.餡的牛肉味不濃,反而個皮夠韌度,幾好食.見到咁多名人推介,估唔到店員的面口是這樣的,令人印象非常深刻.始終覺得唔夠以前西灣河的牛肉餅好食

雖然附近開了新店, 但仍選擇了此處, 老公下午無食飯, 於是同佢黎填肚!我係中午嘆了個自助餐, 根本無餓既感覺, 只想吃點菜, 但迷迷茫茫....無端端叫咗個黃瓜粉皮, $38...啲麻醬食唔慣, 怪怪地, 剩番半碟以上, 老公叫咗咖哩羊腩飯, $35, 仲平過粉皮, 食咗一啖飯已經覺得辣, 佢就當然好滋味咗食哂, 然後再叫多一個牛肉餅, $10, 原本應該來先才吃飯, 點知佢話現整....於是食完飯已經凍了點, 汁仍然多, 不過當然是熱食比較好啦!此店不是我所好, 因為不能吃牛羊之餘, 辛辣亦不可, 又太濃味, 其他上海菜也不見得出色!

晚上10:20pm到達九龍城,車子停在合誠前,原先是要吃泰國菜,但我見牛肉館未關,便想試一下.......但不曉得清真牛肉館或是北京清真牛肉館才是正宗. 最後,看到密集的雜誌廣告,都找對了.10:30pm,入內,緊隨一對情侶,還未坐下,便傳來侍應話 "要吃什麼,我們last order". 不是吧,我第一次來,有排看哩.........時間緊迫下,點了二人餐 ($148)麻油雞 : 味似鹽焗雞,冷盤,還不錯咖喱牛腩 : 羊腩賣完,咖喱很辣,味道是不錯但我卻吃不下,份量亦大,打包了半碟炒青菜 : 普通的唐生菜,略油兩件牛肉餅 : 全晚最能夠品嚐的食物,因最先到,還有搞笑場面...........總括而言,好食,而且好多汁,小心!!!!!因餐不包飯,另叫一碗飯...........太趕得一餐,不太體會到箇中的美味,我想我會再來.另外聽到老闆娘話新店已開,在黃珍珍附近,11:30pm才關門..............

冒名前往一試, 正是星期六中午約十二時,已有八成full客,果真幾有人氣!我們立即order2客牛肉餅,再叫一客清湯牛腩面,一(大)碗咖哩粉絲湯,伙計見我們兩大一小,即刻話食住先,慢慢再叫吧.果然,牛肉餅好香和有風味! 值得去試, 不過一定要小心燙, 我就中招, 唔係個口, 係右手夾的牛肉餅內的汁由餅內splash到我的左手, 都好誇張 !其他如清湯牛腩都好味, 夠霖和味道清清地, 喜歡牛肉的朋友都可以試吓.美中不足就是伙計招呼好一般, 加上天花冷氣機有水滴, 伙計都話唔使換位,我們都好無奈地啞忍,希望老闆做生意之餘都想想客人感受,呢到話哂都係食館,唔係街頭!

無耐之前電視介紹過~先知原來九龍城咁多特別野食~~去到岩岩六點左右,好彩有位姐,因為無耐之後出面就企曬等位GE一班人原本只係諗住試下個牛肉餅,唔會食太飽留肚食其它野不過去到見到個清真炒飯好似好好味咁,叫左一碟兩個人share,再加兩個牛肉餅同春卷先來春卷,普通啦,酒樓水準再來炒飯ok大碟,好好食~猛食~不過,係主角未出場時梗係要留下肚ge等左好耐終於有得食牛肉餅,都明白ge,個個都叫佢真係整到手軟都整唔切~耐D都無乜所謂因為都十分之期待~果然名不虛傳~牛肉餅fit到流油,食下飲下超過癮~~好飽....飯都食唔曬...

今日去開九龍城..臨走時買左幾個牛肉餅返屋企細細個屋企人成日帶我地黎食1向都好好味架今日個幾個好"火農"雖然都幾香味道同以前差唔多..汁都係好多~但係個皮就冇咁好味喇..~

呢間食店係我哋每次去九龍城必定前往朝聖嘅地方，而成日係九龍城開飯亦都係因為佢，去到如果人多，就會去食第二間先，然後留肚番轉頭食佢，唔理有冇招呼，亦唔理坐得有幾咁逼，一心都係為咗呢個牛肉餅！上星期一晚好好彩，唔係好多人，唔駛等好耐，可能過晒食飯時間啦！舖頭細細，仲有間A貨喺同一條街，但係佢永遠都咁好生意，食完就知點解嘞！我哋入去坐低就叫咗： 牛肉餅：實在太美味啦 ，皮薄兼鬆化，要好小心咬開，唔係就會射到一枱都係兼嘥晒！入面嘅牛肉好滑好鮮味，你仲會見到好多肉汁浸住嚿牛肉，一於吸晒啲汁先。雖然塊皮好薄，入面又咁多肉汁，但係食咁多次都好少話會穿，整餅師傅真係好掂，平時見佢一路整，一路講嘢，又或者睇吓單，唔似好專心，但係整出嚟嘅就真係搶晒食客嘅心！ 咖喱羊腩麪：羊腩好稔唔羶，入晒味，正！麪就冇乜味，但係都夠彈牙，當你成碗咖喱倒晒落碗麪度，你就知點解呢碗麫冇味嘅真正原因嘞，麪條索咗啲咖喱汁，搵番個靈魂，完美！ 小籠包：我食小籠包成日漏晒入面啲汁先食，但喺呢度食我就一滴不漏，因為包入面啲肉汁同牛肉餅入面嘓啲鮮甜度差唔多！一夾起要小心，你會見到個包因為啲肉汁而下墜，一啖吞咗佢，鮮肉味同啲汁喺口入面不停

6點幾去到,已經有好多人等位,好彩男朋友醒目book左位,呵呵!咖哩牛腩飯-真係非常普通jar wor,我覺得同大快活果d差不多啦!豆腐粉絲湯-ok啦!牛肉餅-好味在真係有好多汁呀,個皮又熱又脆,good呀!其實食物一般啦,不過價錢都算幾抵食,d 侍應都好好態度呀,會介紹我地食d咩~教我地點叫會好d.

咖喱羊腩飯 $ 35 有D辣辣地，羊腩 煮得唔夠“淋”。酸辣湯 $22 細份既， 佢有大中小之分， 細份既我一個人都飲唔曬，所以，兩個人飲 點一份細份既都OK。 落料落得好足，酸酸辣辣甘，好味！$ 一共食佐五十幾蚊我一個人，好飽！味道 無收加一。服務都算OK。