清真牛肉館 (龍崗道) (已結業)

之前在九龍城番學，都無食過清真牛肉館。過左接近十年都有，終於第一次食牛肉餅！ ！ ！ 好期待！食晚飯，去到都係搭枱，唔洗等。地方尚算整潔1. 川辣擔擔麵 ($38)- 食到最後睇張單先記起自己係叫川辣麵，因為食嘅過程完全無辣味....- 麵質好！ 唔淋！軟硬適中- 失望係因為無肉碎 無花生🤔🤔不過好彩多葱。- 總括而言係無乜特別。2. 酸辣湯麵 ($38)- 多料，夠酸但又無辣味。- 比起擔擔麵更值得食。3. 牛肉餅 ($34/2件)- 好多好多汁！ 食到必哂啲汁出離😅- 不過舊肉真係無乜牛肉味🤔🤔- 所以如果只係因為多汁而出名，甘真係名過其實。因為連基本的牛味都無🤔🤔🤔

應該有好幾年沒有吃這餐廳、經過九龍城、諗起他的牛肉煎餅、所以順道入去食下。叫咗個招牌牛肉煎餅、咖喱牛、滷水拼盤。真的真的和多年前的味道一樣、很好吃。其實一間餐廳要保持水準多年是一件很困難的事。牛肉餡餅皮薄多汁、咖喱牛腩有少少但送飯一流、滷水拼盤夠味、而且做得夠仔細。而且價錢唔係貴、兩個人食每人都係＄100鬆啲。本人建議平日七時前來食就不用排隊了。這麼有誠意的餐廳真的買少見少、香港人真是要好好珍惜。

在附近醫院探病，探病後搵地方醫肚， 九龍城有好多不同地方食店，但不知為何總喜歡去這店食飯, 未到食飯時間可以不用排隊, 坐位不太舒服是圓櫈圓枱, 低坐看餐牌後首先叫了牛肉餅，肉質鮮美皮薄,依然美味，仍是每次到這店的不二之選，第二選了咖哩牛腩飯，咖哩有點辣，但牛腩是超淋 配合了美味薯仔簡直是天衣無縫 , 最後點了雲吞雞,雞可以選半隻而雲吞也有七至八粒，整個菜真的非常貨真價實，足料下帶出了美味的湯，吃得好滿足， 食物依然能保持水準，下次有空會再來光顧。

屋企唔近九龍城，但成日都會心掛掛好想食呢到既牛肉餅，好多汁，好足料，佢 d 汁太多，個皮又薄，搞到每次 d 汁都流晒出黎，好狼狽咁今日仲叫左好多朋友推介既糖醋松子魚，個味道好好，魚外面炸脆，裡面真係好滑，只係略嫌個炸粉厚左 d 。牛肉餅真係食極都唔嫌既

九龍城對我黎講，絕對唔係一個就腳既地方一年可能只會經過幾次但每次經過，我都會諗起牛肉餅記得第一次食已經係10年前既事10年後今日，水準依然保持皮既厚度適中，可以將牛肉汁緊緊鎖住但又唔一口粉一啖咬落去，熱辣辣既肉汁真係會爆出黎所以真係要小心燙口入面既牛勁香勁好味真係返到屋企，諗返起都流口水

下午媽媽要去法國醫院做眼睛矯正手術，想到九龍城有家牛肉餅出名的小店，平時也不太會特意去，借此機會正好帶媽媽去試一下。11點半到達，不用等位，熟知他家的招牌菜，迅速點單。先上了牛肉餅，大大的一件，咬開一點，汁水迅速湧出來，吮一口好鮮，入面嘅牛肉碎軟糯無渣，好食跟住牛肉湯餃也上了，每一個餡料飽滿，味道鮮香最後是麻油雞，麻油味浸滿整塊雞肉，雞肉嫩滑，回味無窮吃完買單165，真心不貴，媽媽說下次再來！

好内無去清真，今晚兩個人去食牛肉餅，失望，牛肉餅無牛肉味，仲叫左個雞絲海哲，淡而無味，仲要成$80蚊碟，個牛肚牛展又係唔得，三碟野食左$200蚊，不會再去幫襯，大失所望！

係九龍城行左半日，肚入面個戰鼓響了，又係時候要出戰啦! 女神導遊屈小姐帶左賴生去第2個作戰地點 - 清真牛肉館! 一個嚮赴盛名既新疆戰場，呢次只能夠講敵人太強大啦!入到去坐底，全部都圓枱黎，人多既時候就要搭檯啦，除非本身軍隊夠6-8個人，先可以獨佔一張檯! 另外要提提既係……地方比較凍，冷氣好強勁作為是日既大軍指揮，屈小姐早就對敵人作出深入而詳盡既分析，決定挑戰爆汁牛肉餅+咖哩羊腩飯+三絲拉皮!1) 爆汁牛肉餅 (5星)- 皮勁薄，雖然有d油，但真係好神奇! 如果唔用洪荒之力夾住就會穿，漏晒d汁…(究竟點解佢煎既時候唔穿既呢?)- 牛肉餡超多，塞滿晒！超juicy, 如果唔小心整穿左，有成半碗汁咁濟- 熱辣辣好正！ 忍唔住要挑戰多塊！但2次賴生都失敗…整穿左，屈小姐就食得極滋味屈小姐話無整穿連汁食，好味程度直達爆星完全係另一個level! 2) 咖哩羊腩飯 (5星)- 咖哩汁好香濃，香料味勁重，辣度又夠! 撈飯食一流! 而個咖哩仲吸埋d羊味，好惹味!- 羊腩炆得好淋，冇酥味，好好味呀- 超大碗飯，不過撈咖哩食，多多都食得哂！唯一係個飯凍到好似雪櫃拎出尼咁，可能咁配咖哩食無咁辣掛3) 三

好耐冇黎食過，同同事去食!雖然我唔食牛肉，不過喺清真餐廳都可以有好多野食，雖然有好多野揀，不過都係離唔開咖喱雞飯!個咖喱雞飯黎到見到咁大碟，好後悔唔見少飯，不過食下食下，辣辣地，勁多汁，好岩撈飯，不知不覺就食晒! 啲雞煮到好林，好入味，啲咖喱汁望落好油，不過食落一啲都唔膩，超match!唔記得幾錢添! 係貴既，不過抵食，真係正!

今晚為左食，專登去九龍城清真牛肉館買個外買。為左改一改張單，收銀都要發脾氣話搞到佢多左野做，係到嘈。你話間舖多人就話je,啲員工仲多過啲人，請問我又有攪到你有幾忙呢？俾錢仲要受你氣！？其實員工服務態度差，啲野有幾好食都無用。

在網路上看到很多人推薦這家餐廳的咖哩牛腩,所以和朋友一起來嘗鮮。我們大約是中午12點之前到的,馬上就有位子,上菜速度也很快!咖哩牛腩口味偏重又有點辣(我比較不吃辣),但是牛腩和咖哩一起煮得很入味,所以入口即化,很好吃,配在咖哩裡面的馬鈴薯也很好吃!!!朋友點的是宮保雞丁,再另外配一碗白飯,宮保雞丁也不錯吃,腰果很多!

鄉下妹終於出城食到牛肉餅了！！今晚特登落九龍城食牛肉餅好多人門口等外賣 walkin唔洗等上菜速度勁快 但全部熱辣辣👍🏼牛肉餅裡面勁多汁 熱到痴線皮勁薄微脆 肉餅被濃湯包圍住 淡淡牛肉味酸辣湯 夠酸夠辣 好多木耳絲肉絲 足料三絲麻醬冷麵 青瓜絲牛肚絲同牛x絲麻醬份量岩岩好夠拌勻整碗麵冷麵似上海麵般粗身 好飽肚臨走前外賣多兩件牛肉餅俾媽媽食✌🏼️

第一次朝聖(在門口等足20分鐘左右)算少人等位嘩！！！！！牛肉餅外觀不花巧，外皮煎得好靚(焦黄金色)咬開(皮好脆，好香口)肉汁彈出(好多好多肉汁)牛肉好嫩口，肉汁好香濃，似牛肉湯，而且熱辣辣(即煎的效果)肉好大塊，皮好薄身，每個牛肉餅都滿滿肉汁，師傅煎功出色，上枱(牛肉餅皮無穿)但我筷子一夾，漏曬d肉汁出來，食完後，想多食幾個值得等位再食！點左酸辣湯(细碗)2個人分享(最好)，细😮都算大碗味道方面，好重胡椒味(好香口)酸味少左d，辣不算特辣(湯好足料，多肉絲，冬菇絲，筍絲，好濃)整體好飲(但不似酸辣湯)，少左d酸和辣味三絲拉皮牛肉絲，雞絲，青瓜絲，牛肚絲，红蘿蔔絲……粉皮(粉皮好薄身，口感好滑)花生麻醬入味(味道好香口，不會太鹹，整體好惹味)牛肉鍋贴外表煎得香脆(每隻煎行金黃色)，好香脆咬了一口，肉汁流出，牛肉好嫩好甜，配上濃郁的肉汁和金黄的外皮，好香好可口整體食物味道偏濃味，不用再加任何調味料，已經好好味p.S.多人食，也有套餐選擇環境方面，少人一定要搭枱(全部是大圓枱設計)想唔搭枱(很難，因為都好多人等位)

每次經過九龍城, 都會使我想起我的至愛牛肉餅。食店門口總是一大堆等候的人, 但可能部份是等候牛肉餅外賣的。我們今日3.45pm到達食店, 可能過了午飯時間, 所以不用等位。已經幾年沒有到九龍城, 原來這食店亦重新裝修過, 燈光比前光亮, 座位亦較為寛濶。由於未到晚飯時間又覺得有㸃餓, 所以每人各㸃2件牛肉餅充飢。牛肉餅的水準依然保持到, 外皮薄煎得焦脆, 多肉汁且牛肉味香濃, 肉汁還是熱騰騰, 吃時要小心燙傷, 可以先咬穿皮後倒肉汁入碗中否則肉汁會爆開, 沾上豆辦醬更惹味。

最近多了去九龍城, 所以試了不同的餐廳, 清真牛肉館的牛肉餅是招牌菜, 而且已有一段時間沒光顧, 豈能不回去尋味!今次是買外賣的, 牛肉餅, 真的不得不讚, 熱騰騰的, 而且味道仍然咁滋味, 一咬下去, 皮薄餡多, 肉汁多到一個程度是....流到一手都是, 真的能保持水準, 難怪那麼出名!