清真牛肉館 (龍崗道) (已結業)

今晩一行七人大約6點半到達，不用等位，剛剛有一張圓枱。牛肉餅，好大個，肉汁豐富，果然系名物。麻油雞（例），好香好滑但好細碟。酸辣湯（中），好大碗，味道不夠酸和辣，但料好多。上海粗炒，份量大，濃油非常，椰菜炒得入味，價錢又不貴，抵食又好味。咖喱羊腩，個汁幾香薯仔入味，羊腩有點肥仲碎濕濕。家常餅，熱辣辣，個皮好脆，淨食吾點汁都好好味。蔥油餠，冇乜香蔥味，比較失色。豆沙鍋餅，皮好厚，豆沙饀吾夠滑，好一般。雞絲粉皮，奶油津白，冇試。埋單 $600，抵食。

九龍城，不只是泰國菜出名，還有不少地道特色的餐館都非常有名氣，人人都爭著朝聖。其中一間連名人都朝的菜館，必定有這裡的份。而我今次第一次入九龍城，當然不會錯過它。點了一份招牌牛肉餅，說真的還真夠貴的，但那焦香的表皮同香氣的濃郁，它對得起這個價錢 ! 先咬一口試個究竟。一咬開真是不得了，牛肉汁流到一碟也是。好不容易用那包子盛起汁液。熱辣辣的湯汁惹味非常，整個肉涵都充滿著濃郁的味道。加上它脆脆的表皮，甘香可口。不消十分鐘，兩塊厚厚牛肉餅清掉，它不愧是九龍城中必朝的聖地

清真牛肉館依個名，總覺得以前聽過，但一直都未有機會去食，前陣子又再聽過一次，於是下定決心要試了，不然就會被自己的好奇心糾纏死。在去吃之前，當然要做足功課，所以去到的時候，就很快地點了牛肉餅。傳說很好吃的牛肉餅到底味道如何呢。只見一個個圓渾渾的，酥皮，外觀未見特別。但一拿在手上，就感受到一陣幾熱既熱力，咬落去，牙齒輕易輾壓過焦脆的表皮，就陷入左多汁牛肉既埋伏! 真係估唔到牛肉餅既肉汁都幾勁，唔小心之下差點兒燙親口，但味道獨特，分辨不出是甚麼香料但很是香濃，加上其惹味的質感，果然沒來吃錯!

下午茶（牛肉餅，蔥油餅，咖喱角） around💲39 @ 清真牛肉館佢既下午茶幾抵食，而且仲可以一次過試多d款式。今次叫呢個餐，3樣野上枱時都熱辣辣，食落仲脆卜卜，非常加分。重點一定係佢既牛肉餅，輕輕一咬，牛肉汁已經湧出黎，要即刻搵個碗墊住😂😂，牛肉湯水餃 @ 清真牛肉館接住落黎要介紹既係同樣係下午茶餐list既牛肉湯水餃。同牛肉餅一樣，水餃皮內充滿牛肉汁，但味道會較膻。而水餃的的骰骰咁，份量岩岩好，唔會食到好漏。

成日聽到清真牛肉好食，終於可以品嚐啦！我們叫了牛肉餅和咖哩羊腩羊肉好有羊味，但一D唔穌。咖哩好野味，不過有點兒過辣，但總括好好味。終於，等到主菜出場-牛肉餅，二話不說，即咬。嘩D牛肉汁流出來. 無得頂。食過翻尋味

每次經過九龍城的清真牛肉館, 外面的人類總是長長的, 今日同行Honey經過, 我話已經好耐冇食過啦, 他竟然陪我等位今天非常大風, 也下著密密麻麻的雨, Honey 陪我等了半個鐘, 好感動我們剛巧有一張大枱, 4個不認識的二人組佔據了, 所以座下來比想像中舒服。 先來一客鎮店之寶牛肉餅, 要等上十五分鐘才有食神, 但也是值得的! 非常熱辣辣、 香噴噴的牛肉餅放於面前, 皮薄餡靚, 一咬流汁, 調味恰當又軟熟的牛肉, 連咬數口, 秒殺掉我們也來一個油豆腐粉絲湯, 牛肉湯底濃郁 配上既新鮮又鮮甜的白菜, 豆卜豆味重, 少許香菇牛肉絲, 所有甜味注入粉絲中再來一個上海粗炒, 非常特色! 麵條應該是特製的, 因為粗度及跟一般上海粗炒不同, 火喉夠, 炒出來的軟硬度及調味非常合心水! 除了有新鮮的白菜之外還加了鮮甜的椰菜, 少許牛肉絲已經令這個上海粗炒炒得出色怪不得長年累月這家清真牛肉館都是人龍長長的

已encore過幾次的清真牛肉館, 每次來到大多必點的多汁牛肉餅,今次決不, 要試一試其他東東先~男友先發言要吃蔥油餅+麻醬雞絲撈麵, 順得女友當然就佢先來麻醬雞絲撈麵, 麻醬很多, 而且都幾大碗, 面頭仲有青瓜絲, 同外間的差無異, 先把所有東東撈均, 眼看雞絲都唔少, 麵條有點像油麵粗幼的上海麵般食哂成碗都會很飽肚呢~入面已有點酸醋, 麻醬味濃, 不過我不是太呷醋的人, 所以如果無左醋味會好d但男友就好鐘意, 所以每人口味不一而蔥油餅, 有2個圓餅切開, 有成8件, 表皮就像牛肉餅般, 佢地煎得好香脆但無乜油, 中間爽著香蔥, 真係又酥又香!由於講明話唔食牛肉餅, 於是我揀左牛肉鍋貼因為我覺得應該同牛肉餅差不多, 都係煎架嘛, 面且$3x/5隻, 都好抵牛肉餅都係$3x, 不過就2件, 其實份量就差不多既好...完整的5隻鍋貼上檯時見佢仲出煙, 一定會很熱, 所以我要攤一攤先放入口咬開, 其實都係牛肉餅咁, 只不過個皮唔同左, 肉汁都依然係咁多, 我唔會浪費, 漏左出黎果d我都會食埋啦, 咁先係佢地既精華嘛!如果人多我覺得可以叫鍋貼, 又可以食得到佢出名既, 又唔使成個餅食哂搞到無

每次落到九龍城，成班人一定話去食泰菜！所以今日襯住早放工兼一個人，去食九龍城好出名但我又竟然未食過的清真牛肉館。坦白講，我都係睇到OR食家的食評而點菜，無法啦，一個人嘛，又唔叫得多，當然要點大家都認為好食既去食！最後點了牛肉餅加咖哩牛腩再加薄餅（其實這個份量對一個人來說實在太多）。講真，我覺得牛肉同餅皮真係好夾，食落口淡淡肉之餘，又會有少少湯滲出來，幾好喎！等我仲有Ｄ擔心（因為初時見到少少劣評）至於咖哩牛腩配薄餅，幾時都係咁MATCH！，但初時未食時，我以為清真的新彊咖哩會點樣特別法，會同港式整既咖哩味會有點不同，不過咖哩算幾好食，所以又唔會話失望！

之前通常都係处買牛肉餅。今次第一次堂食。牛肉餅真係非常出色，熱到辣口。处皮算幾薄，煎得香口。皮薄得嚟又幾煙韌，好有口感。牛肉餡料醃得好入味，一咬好多肉汁流出，所以唔好心急，太熱食的話啲汁真係會辣襯，呢個牛肉餅果然唔少得，我食完一件之後，都忍唔住再食多件。另处叫咗酸辣麵，相比牛肉餅嘅出色，呢個麵就平平無奇，麵質不算爽滑，而且嗰湯又唔酸，又唔辣，比較淡然無味，而且佢嘅湯料唔係食開嘅酸辣麵湯料，嗰芡汁比較「杰」。

牛肉餅 $34 2件吃牛肉餅一定要等等，不要急於一口咬進去，小心會被燙傷，一路吃時小心肉汁會一路流出來，牛肉鮮嫩多汁，皮薄餡靚，外脆內軟，加了葱花，配搭得宜，鹹味適中。牛肉鍋貼 $36 5隻鍋貼皮較厚，比較粉狀，鍋貼牛肉鮮嫩多汁，但沒有葱，味道比較寡。個人較喜歡牛肉餅外皮質地，吃牛肉餅，便不用吃鍋貼了。葱油餅 $34 2件葱油餅鹹鹹香香，很香葱味，外脆內軟，但鹽灑落麵團時不夠均勻，葱油餅一開四後，一淡口咬下去，有時有鹹味，有時沒有鹹味，鹹味不夠均勻。

牛肉餅漲卜卜好飽滿, 外皮燒焦香脆, 牛肉餡足料紥實, 充滿牛味一咬開, 牛肉汁湧出, 睇相已經看到肉汁都流到碗裡了牛肉汁好濃郁, 唔會過鹹!牛肉水餃, 味道比較清淡, 外皮亦淡而無味, 連一點咸味都沒有而水餃皮有點過厚, 口感不佳好在內裡的牛肉餡跟牛肉餅一樣, 亦是多汁味濃, 充滿牛味咖哩牛腩粉絲湯, 原來(小)的份量也足夠呢, 跟平常面檔大小差不多牛腩口感較靭及痴牙, 不太理想而咖哩湯底十分惹味, 不是甜味日式咖哩, 而是比較中式, 有辣味的做法咖哩平時通常送飯, 而家做湯底, 跟粉絲亦十分配合

作為一個衝動派的吃貨, 突然想吃牛, 你會去邊呢?第一個閃過的念頭, 是打邊爐, 但現在是下午茶時間, 打邊爐好像....第二個念頭就是吃牛肉餅啦, 一於就來探下佢啦牛肉餅漲卜卜好飽滿, 外皮燒焦香脆, 牛肉餡足料紥實一咬開, 牛肉汁湧出, 好濃郁亦不會過鹹呢!一份牛肉餅已經安撫到想食牛的衝動再來是牛肉水餃, 睇落比牛肉餅清淡多了, 外皮亦淡而無味加上有點過厚好在內裡的牛肉餡跟牛肉餅一樣, 亦是多汁味濃最後是咖哩牛腩粉絲湯, 原來(小)的份量也足夠呢, 跟平常面檔大小差不多牛腩口感較靭及痴牙, 要扣分呢而咖哩湯底十分惹味,平時通常送飯, 而家做湯底, 跟粉絲十分配合雖然除了主打的牛肉餅, 其他食品有一點遜色, 但對於喜歡吃牛的朋友, 仍是一個價格合理的選擇呢

九龍城清真牛肉館街知巷聞，但一直冇機會去試。是日與女友行花市，順便試試這間人氣食店。我們中午到店鋪，已需要等位，大概等了15分鐘，但眼看其它食店，人數不多，可想而知這間牛肉館多麼受歡迎，更另我們更加其待。牛肉餅 ($34/2件)這個牛肉餅是食店招牌食品，基本上每個食客都會點的。牛肉餅外皮薄薄的，但內裹肉汁豐富，滿口都是香濃的湯汁和肉汁，十分過癮。除了堂食，我們還外賣幾個牛肉餅作晚餐呢！羊肉春卷 ($30/2件)春卷外皮香脆，但不覺特別。但羊肉餡料調味很好，沒有羊膻味，很美味。牛肉水餃 ($35/10隻)與牛肉餅的餡料是相同的，但換上了水餃皮，味道當然很好。牛肚絲麻醬冷麵 ($40)冷麵煙煙韌韌很有咬口，牛肚絲份量也很多，麻醬香滑美味，愈吃愈開胃呢。 

同事買咗九龍城嘅牛肉餅返公司一齊食，返到嚟都仲係暖嘅！雖然牛肉餅仲係暖，不過因為外賣嘅關係都焗咗一陣，所以個皮唔夠香脆！腍咗少少！咬開入面D牛肉汁就滴出嚟，仲聞到好香牛肉味！好多汁、好香！牛肉亦鮮嫩多汁、味道濃郁！

九龍城泰菜館林立, 當中亦有不少特色餐館是富有名氣及人氣的, 清真牛肉館就是其一. 在很多飲食評論網站都奪得不俗的評價. 在十多年前, 名氣還沒有這麼大的時候, 我們一家已經經常光顧, 因為其皮薄餡靚的牛肉餅, 總是叫人欲罷不能. 但今次再度光顧此店, 已經有點面目全非的感覺.店子翻新了, 店內光猛了不少, 但座位跟座位之間仍然”逼夾”, 而且仍然採用”搭檯”政策, 跟陌生人同檯吃飯總是有點不習慣, 惟有急急腳食完走人好了.不點牛肉餅 ($34/ 2件) , 倒不如不要來清真牛肉館好了! 記得以前牛肉餅的餅皮如煎餃子般薄的, 輕咬一口, 會看到肉汁在牛肉餅內蕩漾. 而餅皮的其他位置是絲毫無損的!而眼前的牛肉餅, 用筷子輕夾了一下, 餅皮即穿破了, 眼白白看著牛肉汁一瀉千里, 真是欲哭無淚. 失望地呷著毫無肉汁的牛肉餅, 發覺外皮比以前厚, 以前像煎餃子皮, 現在像生煎包的外皮, 加上有一點怪怪的麵粉味, 不太討好呢! 可幸的是牛肉餡仍算好吃, 啖啖牛肉香.牛肉水餃 ($34/ 10隻) 亦是我們每次必點的item, 水餃外皮比較厚重, 但堅韌度夠, 用筷子怎樣夾也不會穿. 因此牛肉汁就