清真牛肉館 (龍崗道) (已結業)

今日係城大上完堂 忽然想起這裡牛肉餅於是立即坐小巴過來由於到達時間尚早 暫未見人龍黎到呢度 必食清真牛肉餅 一咬落去 肉汁四濺 湯汁整到成長枱都係 真係浪費曬好彩無整污糟件衫咋食嘅時候 小心熱呀之後仲order 咗另一signature dish 酸辣湯 味道不錯 可惜唔夠熱最後還order 咗個凍盤 雞絲海哲仲有青瓜絲 囗感爽口 不過不失

入得來清真牛肉館，點會唔叫牛肉餅，吃慣了這個牛肉餅，已經知道第一啖食個餅皮時，是要同時吸一口湯汁，這樣湯汁便不會濺到別人或自己了！牛肉餅即叫即做，上桌時是熱辣辣酸辣湯又是必食的，非常好喝，湯料十足，酸香爽脆，開胃好味另外一個必食的是上海湯麵，用的是粗麵，有咬口，煙煙韌韌，蔬菜和牛肉的份量比例平均，麵湯清淡鮮美，平常食店的麵湯，我是不會飲的，但這裡的湯我是不會錯過的這𥚃的菜式有粗有細，豐儉由人，既可作便飯亦可當大宴，在九龍城覓食，怎少得這間店呢？

每次經過九龍城都會想去食牛肉餅，但成日都排哂長龍😭，今次決定早少少去，可以避開繁忙時間，一行2人18:00前就到左😂，果然，即刻就可以入去又唔使等，所以早少少都係值得既😝，內裏環境比較窄，服務員都ok既，1）麻油雞，好香，好嫩，不太差，2）咖哩牛腩，咖哩幾好食，但略嫌牛腩有d靱，3）牛肉餅，一咬落去d牛肉汁已經流晒出嚟，好正，內裏牛肉好有味，溫馨提示呀☺️，要小心d呀，因為牛肉汁好熱架😂，價格唔貴，值得一試

第一次黎九龍城食野，唔知食咩好，男朋友就推薦左呢間餐廳，甘我同我個friend就緊係話甘就去試下。我地三個人嗌左清真牛肉餅，賽磅蟹，咖哩羊腩。個咖哩羊腩係真心好好食，係外面好少食到呢啲質素，勁入味，啲暑仔係入曬味係lum曬，啲羊腩都好lum而且唔會好騷，啲咖哩汁唔係稀個隻同埋唔會覺得咸，同吾會覺得好重味精。個清真牛肉餅係多汁，一咬開就勁多汁，唔會乾。而個賽磅蟹同平時係酒樓食個啲唔同，呢到嘅賽磅蟹係有隻蛋黃係上面要自己撈混，同埋啲蛋白係有口感啲冇甘水。呢間野真心可以encore,價錢合理又幾高質，不過係唔係甘方便。

好耐之前已經食過呢一間清真牛肉館，呢一間鋪頭坐立於九龍城已久，最懷念就係細細個同家人黎食晚飯，乜都唔食，淨係食牛肉包，一個人可以3個。今日我同朋友喺附近嘅酒吧睇波睇到半場，出嚟搵嘢食。知道附近有好多正串燒食，但今次真係想壞緬一下，所以去食呢一個清真牛肉包。由於我哋趕時間，所以我哋叫左外賣，依然係即叫即煎，需要等大約10分鐘。一嚟到嘅時候仲係熱辣辣，未食得住，要等一陣先可以放得入口。同以前一樣，食呢個包嘅時候一定要搵野裝住，因為一咬嘅時候入邊嘅精華牛肉汁就會流晒出嚟，未食過呢一個包嘅人一定估唔到入面竟然會有咁多咁多嘅牛肉汁，食完之後啲汁仲可以飲埋佢。牛肉嘅鮮味同牛汁配搭得岩岩好！最緊要最緊要真係飲晒啲汁！

有日#墨婆婆問#墨嚐，去親飲茶都叫牛肉球，好中意食咩，食過會爆漿既牛肉包未？體諒佢苦苦哀求，就免為其難黎到#清真牛肉館，拿拿林叫份#牛肉包，試一試佢水溫。咪俾佢賣相呃到，一咬，炸到成口都係牛肉汁，成條脷既味覺區都充分感受到牛肉既香味。原來牛肉包，真係會爆漿架！

清真牛肉館話就話叫牛肉館，不過我鍾意食羊，佢哋嘅咖喱羊腩飯超級好食，將羊嘅蘇味混入咖喱嘅香，雖然碗咖哩好細碗（同米通飯碗差唔多size），不過真係值得一試，嗰度嘅肉全部都祈過禱，回教徒適合食用，仲有嘅就係牛肉餅，超級多汁應該要改名做灌湯牛肉餅。

近日去左九龍城嘅清真牛肉館朝聖😋食左呢個好好味嘅咖哩牛腩飯（$51）我其實好怕食牛腩，因為真係好難煮得好食，但係清真牛肉館就係少數嘅例外。佢嘅牛腩煮得啱啱好，唔會太硬亦唔會太淋；而咖喱食落雖然十分惹味，但係就唔會蓋過左牛腩本身嘅香味🖒可惜嘅係牛腩份量略少，$51黎講算係有啲貴。雞絲粉皮亦都好好味，花生醬味好香，粉皮亦都煮得岩岩好，幾有咬口，大大碟幾抵食。

After visiting a friend in Kowloon East, we decided to do dinner at Kowloon City. As it was still early around 6pm, we chose to try this - one of the most popular restaurant in Kowloon City, if not whole Hong Kong.We arrived at 6:30 but there had been a long queue already... Yet, there were seats outside for waiting people and we got in after waiting 30mims... The restaurant was not very spacious, around 12 tables in total and customers had to share tables. The waiters were not kind neither... T

約了朋友到九龍城打邊爐，彷彿要食好食嘅打邊爐泰國菜就會想起九龍城，事實上要我來呢一個地方係有點困難，要轉折轉車。一場黎到，順便框框街市買下啲泰國材料，然後有點餓，經過這家清真牛肉館。講過要泥食好多好多次，今次我終於可以諗都唔諗直衝入去叫兩個牛肉餅。一路同朋友傾住電話，一路等呢個即叫即做嘅美味牛肉餅。我只係點左最低消費嘅牛肉餅一客兩件。我計過大概需要等10分鐘，我地傾開花球，用咩花最好？咩色系？家下興繡球花喎！定係粉紅玫瑰配其他？粉紅繡球花同粉藍繡球花10分受歡迎喎？家下興保鮮花？定全個紅玫瑰？講吓講吓牛肉餅終於嚟到喇，其實真係等得唔算耐，而且絕對值得。愛陳乾身不會油。面層金黃，明顯地睇到邊皮位十分之薄，薄到好似透到裏面嘅牛肉一樣。每一個形態都一樣，十分之飽滿而且吸引人。咬一下，真心，感動了，肉汁爆出來，好香嘅牛肉味道，配上不停流出來的肉汁。加少少醋響入邊食更加好味。材料十分之豐盛，絕對唔係得個空殼，肉大概佔六成，湯汁佔兩成，而皮呢就佔兩成。香得不能形容。係計我最喜歡嘅曉河街牛肉餅，祥興記生煎包之外，又一一個一食第一啖已經欲罷不能嘅美食。汁香到的都唔捨得浪費。食晒兩個都能夠keep住嗰個

清真牛肉館簡直係我my飛佛，由小學五年班食到現在，咁多年佢地既食物都保持到水準。細個嘅時候，食一啖佢哋嘅咖喱，條嘴唇已經腫哂👄。到大個食到辣野，大啖大啖咁食呢個咖喱羊，簡直令我身心舒暢！依碟咖喱羊飯只係＄52 ,價廉物美，好食到頂呱呱誇啦啦❤️清真牛肉館係食Isiam菜式😋，所以佢哋嘅咖喱係特別純、香、甘，同惹味；而且啲羊肉炆咗好耐，入晒啲咖喱味，連骨頭都可以食埋！如果佢喺九龍城以外地區開分店就好啦！🤔🤔

放產假的第一天，即復活節假期的第一天，約了親愛的朋友一起陪我吃最愛的牛肉餅。平時的餐飲中，我很少吃牛，連去茶樓飲茶，我都很少吃牛肉球，但這裡的牛肉餅令我讚不絕口！牛肉餅的餅皮搓得非常薄，輕輕一咬便已經穿了。外皮烤得少少香，咬下去的一刻，餅內的肉汁便急不及待湧出來，一個不留神便很容易滴在自己身上。（當天牛肉汁滴在我的袋子上，十分狼狽）餅內的牛肉一點騷臭味也沒有，反而非常鮮甜味美，而且肉的份量也剛剛好，絕無偷工減料。每次都要吃3個的牛肉餅

牛肉餅 (2件) Pan Fried Beef Bun (2pcs) $36黎到梗係要食出曬名既牛肉餅 望落似豆沙鍋餅 食落係世界級正 咬一啖bi曬d汁出黎 濃濃既牛肉味係個口度留香 裡面塊牛肉好juicy 個包皮好香脆 食完心思思返沉味酸辣湯 (中碗) Hot and Sour Soup (Medium) $53以為個湯會好細碗 所以先揀中碗 原來中碗就已經好大碗 同出面食既酸辣湯唔一樣 呢度多左豬肚絲同筍絲 落左勁多胡椒粉同辣油 食左就勁重口味 岩曬我夏天食呢d野幾開胃 唔洗成日食飯

今日匆匆忙忙經過九龍城突然想起這間清真牛肉餅，佢整嘅牛肉餅皮薄餡靚，而且入邊勁多肉汁。即叫即做，保證新鮮熱辣。食嘅時候要好小心，因為牛肉餅本身熱辣辣整出嚟，太大口食佢既話啲汁會bi出嚟，小心辣親個口。於是乎我去咗呢度買咗一件牛肉餅($15)黎食。呢個牛肉餅一如以往都咁好食。其實除咗牛肉餅之外，佢哋仲有羊肉小籠包，咖喱，酸辣湯等等都好好食。晏晝食午餐及晚上晚餐都需要排隊。建議大家都係早一些去到攞位。

今日天氣熱屎辣辣..黎到九龍塘食好西..一路好想食清真牛肉館...一開始去左打鼓嶺道果間..上黎openrice 見到龍崗道呢間多like d..就轉個彎過去..天氣甘熱..叫左個酸辣湯..開胃d..叫左個中size..點知勁大碗..兩個人都食唔晒..胡椒味好重..有埋豬肚好足料..好少食到甘好味既酸辣湯..重頭戲係牛肉餅..個皮煎到脆脆地..一啖咬落去爆汁..好juicy..d肉好碎..唔似食緊牛肉甘..超正...🤤叫埋杯豆漿飲..呢個lunch 好perfect!!!!!