清真牛肉館 (龍崗道) (已結業)

今天放假，突然好想食久違了的牛肉餅，特登由西環去到九龍城龍崗道總店，大概4點鐘到達，不用等位，但店內都滿了8成，隨即急不及待叫了兩個牛肉餅，一碗油豆腐粉絲湯，每次食牛肉餅要好小心，首先用筷子在餅上刺個小孔散熱，慢慢吃，免得餅內牛肉汁漏走，咬每一啖都有汁夾著😋齒夾留香。至於個油豆腐粉絲湯則一般。這裡的牛肉餅是食極都唔厭👍

同日食完泰菜...其實都已經好飽喇，不過都好想食佢嘅牛肉餅，於是格硬周圍行，消化咁啲先再戰佢。買左一塊牛肉餅19蚊...我最期待係佢入面爆汁....點知..今次佢漏晒汁🤦🏼‍♀️⋯⋯晌個紙袋到...味道係好味架...不過個重點 牛肉汁就無左咁囉...

5:30pm左右，同爸爸媽媽食晚餐，好掛住牛肉餅！必點嘅牛肉餅38有兩件，可以散嗌。第一口咬落去冇汁，原來已經喺底漏緊。總係好難掌握食嘅技巧😂好好味！一如往常牛肉好嫩，肉汁又多。餅皮好薄。.蔥爆羊片肉好軟身，加埋洋蔥大蔥食味道夾。洋蔥偶爾有幾片太韌。但我竟然食唔出係牛定羊，肉偏咸，冇咩羊味。.瑤柱蛋白炒飯。較清淡嘅炒飯，唔多油，幾大碟，不過不失。.出乎意料地大碗！可以兩個人分。麵嘅熟度剛好，肉軟身。.

下午茶時間路經九龍城,同事話牛肉餅好正,我又心思思試下1件。外賣電話叫定2件牛肉餅,職員都好客氣話可以,十分鐘後可取,39蚊2件,揸車到門口剛剛好可取。先看外貌有啲似老婆餅,面有少少焦黑,食落外皮少少脆,口感都唔錯,而且咬落去內涵啲肉汁噴晒出來,而且味道豐富,牛肉加埋啲蔥香不得之了,雖然價錢中上。但味道十分不錯,而且服務都好似幾好(電話外賣兩塊都肯接又唔炸型)下次可試下堂食。本人食過好多間牛肉餅,好多都沒有肉汁,皮又唔脆,這間算是試過最不錯的。

This restaurant is well-known for its signature dish- 牛肉餅!This time i purposely come for it! and it didn't  disappoint meThe meat is large for each cake, and it is very very juicy!!I advise not to order one for each person, coz it will be a bit heavy, share the cake with a group of people will be perfect.Besides, we ordered a dish of vegetable, yet it is a bit salty with normal taste.Also we ordered a 鮮蝦牛肉雲吞, which is quite special as there is too often we can eat this kind of dish in outside re

知道這裡的牛肉餅很出名，今晚特地來吃晚餐。牛肉餅：裡面很多肉汁，就像小籠包，吃的時候要注意呢，我是先咬一口，然後先飲湯汁再吃。牛肉味香濃，非常惹味！蔥爆牛片：吃不出很重的薑蔥味，倒是覺得個汁有少少甜，不過味道也不錯。清炒時菜：蒜蓉白菜仔味道還可以，炒得夠香，不過如果份量可以再多點就好。高力豆沙：味道不錯，不會太溜也不會太甜。埋單兩個人吃共$204元，都夠飽，不用加一，價錢也算合理，牛肉餅很有特色，值得一嘗。

幾年前試過清真牛肉館嘅蕃茄凍覺得超好食， 今日同朋友經過九龍城，諗住再入嚟試試，點知真係大失所望，搵勻整個餐牌都唔見有蕃茄凍，而我朋友亦都未食過，之後問侍應姐姐，而姐姐嘅反應好大，話從來都冇做過什麼番茄凍，搞到我朋友都笑我，以為我係記錯咗第二間餐廳，之後我就上網搵資料發現原來呢間清真牛肉館已經有好幾年冇做番茄凍，真心唔明點解侍應姐姐要咁嘅反應搞到我俾朋友誤會。心情已經有啲唔好，之後叫了一個下午茶餐~牛肉餅加牛腩湯，另外朋友話想試嫩雞煨麵，就係散叫嘅。再加一杯豆漿，坦白講~牛肉餅質素沒有下滑，保持水準，是不錯的選擇。但係牛腩湯是第一次試，真心唔好食，嫩雞煨麵的湯俾我們感覺是落了很多花奶才令佢變成白色，同埋好重奶味。題外話，豆漿遲遲未到，所以催促侍應姐姐叫佢俾杯豆漿我，點知侍應姐姐走去大聲同收銀講加多一杯豆漿喎，但是從頭到尾只來了一杯。最後收銀結帳時，真的收我兩杯錢，我當然即時澄清，收銀有顯得有點深深不忿，不停碎碎念。食物水平比較參差，招牌菜是出色但其他都一般般，服務就真係不敢恭維，應該沒有下一次了

有外國朋友從遠方來！所以想帶佢地食啲特別既菜色🧐而我自己都係食過一次外賣牛肉飯咋，未真正落過鋪食都唔算真正食過既！星期五既八點幾九點島黎到，唔洗等位，鋪面人流一般，直接入座！😛我地四個人嗌左：清真牛肉餅，蔥油餅，咖哩羊腩，羊肉春卷牛肉水餃，清真炒麵，乾燒四季豆清真牛肉餅💁🏻‍♀️一開始嗌左4件，食完覺得太好味再每人嗌多件！牛肉汁香濃，皮脆內鮮，肉多汁多！有個朋友一咬，真係爆汁爆到成隻手臂都係🤪外國朋友都大讚好食😋咖哩羊腩 & 蔥油餅💁🏻‍♀️呢兩個我地係嗌埋黎一齊食既!蔥油餅幾香口，我最愛食薄餅／蔥油餅！齋食已覺得幾好味，同咖哩一齊食仲正！羊腩都好食，炆到好林。🤤羊肉春卷💁🏻‍♀️脆口！都唔算太油。唯春卷內羊肉餡料唔多😐牛肉水餃💁🏻‍♀️皮厚，無野需要特別一提。但下次應該唔會再係度叫水餃😪清真炒麵💁🏻‍♀️正常濕炒麵，有肉片有洋蔥又啲紅綠椒咁，都算辣。乾燒四季豆💁🏻‍♀️香口，都唔油，加埋面啲肉碎食幾好食。--整體黎講，都係牛肉餅最出色☺️其他都係正常無大特別。為左牛肉餅，都會再返黎食既！😆

很少食店可以攞獎後仲keep住水準，幾年前到過呢間清真牛肉店，品嚐佢嘅招牌點心牛肉餅，真係做得好出色，事隔幾年今日再到九龍城，亦不忘去到此店叫兩客牛肉餅。呢度嘅牛肉餅水準咁多年都無變，外邊脆裏面嫩，牛肉汁好多，牛肉亦非常鮮味，仍然係我number one 首選。另外仲有叫咗咖喱羊腩飯同埋雞絲麻醬冷麵，咖喱做得好出色，好正宗但羊腩較un，雞絲麻醬冷麵就太過落後，買張太多，始終唔係本店招牌彩，所以我都冇乜期望。店內好多都係回教徒、亦有印度人。

有一段時間無來九龍城，今日要來買食材去朋友屋企，未買之前先食左午餐先，通常都係食泰國菜，不過今次朋友建議去食清真牛肉館，想起已經係好耐以前食過，仍然好掛住它的牛肉餅。星期日中午時間，唔多人唔駛排隊，坐低後先叫左兩件牛肉餅，然後我再要碗酸辣湯麵，朋友就要個麻醬雞絲冷麵。牛肉餅落完單即刻就到，煎得表面好脆，食嘅時候要小心入面的湯汁，湯汁非常多，令到食個牛肉餡時牛肉味更加濃，又唔會乾身，所以真係鎮店之寶。至於我的酸辣湯麵好大碗，表面有少少辣油，撈混之後成碗麵更加香辣，而且碗麵好足料，入面有好多冬菇絲，筍絲和肉絲，加上碗麵又熱又辣，食完都真係會出一身汗😅，但味道確係好味。

🐮牛肉餅依然多汁，羊肉卷有羊味🐑今次係第二次食呢間。由於周圍掃街既原故，已經飽飽地。所以剩係叫左牛肉餅同埋羊肉春卷。原本諗住剩係食牛肉餅，但因為有每人最低消費$32，所以叫埋個春卷試下。😫牛肉餅依然多汁，但都偏油。未食已經穿左一個，汁同油都出哂黎。夠熱，肉味都有，味唔會太濃，但就感覺好似無以前咁好食。但牛肉餅黎講，佢算係整得好。🤪羊肉春卷，原本以為係羊肉碎，但竟然係羊肉絲。有大概兩至三條肉絲，有羊味但唔會太羶。亦有醋可以點下，唔會太膩既感覺。但得兩條春卷，感覺唔太抵食，不過羊本身就貴啲。所以就算啦😋但整體黎講，都係好食既😬

牛, 全部都係牛!重要係全部都係好好食的牛!(備註: 其實此店有牛肉, 雞肉和羊肉, 只是小弟今次每款食品都含有牛肉)重點是牛肉餅, 雖然有點退步, 但仍然好食! 佢內含好好味的牛肉汁，當牛肉汁流入口腔，真是滋味! 其實鍋貼和牛肉水餃都是內含不少牛肉汁, 而鍋貼亦煎得皮脆，好食!至於雜錦炒飯就有點驚喜, 炒得幾好! 小朋友想叫多一碟! 不過其他食物未食完, 所以未能滿足佢要求, 不過佢都將碟飯食了大半三鮮粉皮是凍食, 但味道同樣有水準!

同長期同胖老公去完法國...... 醫院留位之後，我話又要出動帶佢食好野 😋😋如果你去淸真牛肉館只可以食一樣野，咁一定係牛肉餅！其實都係為左帶老公食呢個餅先黎 （其他食物比較普通）真正皮薄餡靚！忍唔住咬左先記得映相咖哩牛腩唔夠淋，但勝在個咖哩汁幾正，唔係死辣，例牌的份量仲好多奶油津白係老公嗌的，點知一黎到好搞笑，佢個傻朱好自責，因為賣相一般令佢覺得好”溜” 喎😂😂但我覺得比出面的奶油津白反而ok wor整體來說 220 蚊十分抵食 ✌🏻

九龍城除左泰國野出名，呢間清真牛肉館都好出色架。十幾年前去既時候，晚晚都排曬隊，店入面就算有兩層都坐到好迫。而家佢地裝修左，響九龍城仲開多左間分店，再加上我星期日兩三點去，人少啲，坐得幾舒服，但係都要搭枱。一係十幾年冇去，一去就一個月去左兩次。牛肉餅，非常Juicy，皮薄䐄靚，啲汁多到半個碗都係，即叫即整，熱辣辣，好好味。咖哩牛腩飯，一黎到飯好大碟，牛腩好細碗，但食落岩岩好。牛腩唔難咬，咖哩唔太辣，薯仔又林又入味。干扁四季豆，個味好出色，但有啲偏鹹同少少辣。

住左係九龍城十幾年，以前每隔一排一定要黎食個牛肉餅。但自從搬走左之後，好幾年都冇黎到，幾年後既今日再黎到，食唔返以前既味道，有點失望。首先講服務，本來都唔期待有幾周到既服務，但係明明店鋪內有好多空位，由我地坐低到食飽都只係得半滿，都依然要求我地人齊先可以入座，其實都幾唔講合理。伙計係店舖入面不停大聲講大聲笑，其實佢地知唔知咁樣對食客係一種騷擾。再加上，由我地坐低開始，不停係我地旁邊問我地落得單未，又不停推介套餐，都幾係困擾。之後我想講既係上菜速度，我會想用離譜黎形容，由落單到上菜，用左唔洗幾分鐘，你可以話佢好快，但係亦都令我地懷疑，到底有幾多佢係煮定晒炒返熱就拎出黎。我地一行人叫左幾味菜，第一樣當然有招牌既牛肉餅，三分鐘就上菜，一睇見已經有Ｄ失望，個感覺就好似煎完放係暖櫃夾出黎比我地咁。一咬，更失望，皮厚過以前好多，而且皮肉分離，個溫度同個皮有Ｄ分別，我好懷疑會唔會只係用微波爐叮返熱呢。第二樣係麻油雞，雞肉正常，只係個「麻油」醬個顏色好令人不安，好似路吐物既稠度同顏色。。。第三樣係咖哩牛腩飯，個分量。。。飯就多啦，咖哩就好細碟，仲要係好少肉，收我八十蚊，好誇張。。。其他叫左既不過不失，