混亂拉麵 (已結業)

香港實在甚少有"二郎系”拉麵的身影。今次點了"混亂全部入拉麵"。湯底使用濃稠的豚骨湯為主打，但缺乏豚骨湯應有的鮮甜味道。即使加上蒜蓉和芝士粉亦未能和豚骨湯有和諧及互相提升味道的作用。牛油和"背脂先生”(豬背脂)亦無法把湯的味道和香氣昇華到另一個層次，反而令整個湯底增添幾分油膩感。使用坊間不常使用的闊身扁麵條，個人認為這挺硬身的麵條沒有足夠的彈性，掛湯能力亦不足。叉燒的肥瘦部份分明，口感和味道亦不錯。雞蛋亦夠溏心，但感覺調味不夠，比較清淡。大量清淡的炒芽菜和栗米是整碗麵最矚目的部份。但芽菜本身有大量的水份，跟湯一起吃的時候就會把湯的味道變淡。栗米使用牛油烹調過，所以非常香口多汁。可惜總括來說，這是一碗份量十足，卻失去整體和諧的拉麵。

初初開o個陣排隊排到傻...見呢排d人都轉晒去排7x9雲吞麵...於是嚟呢度試...12:40食飯時間...兩個人去都大排位...o個陣6-8人一齊入都無問題~ Menu全日文...睇圖揀...知道可以免費加大蒜, 野菜, 豬油膏及醬油...我最後叫o左芝士拉麵...加大蒜同野菜...都唔算等o左好耐...一見到碗麵...真係俾d芝士粉嚇親~ 真係好多wor!!! 滿晒!!!完全見唔到d肉同埋麵...要了開先知入面有乜~ 麵係粗麵...都幾有咬口~ 份量放面我揀o左"加倍" o既菜...真係好多芽菜同椰菜~ 而且都幾爽口~ 麵份量唔係太多...所以最後成碗都食得晒~ 不過d芝士份真係太多...搞到d湯好傑同好咸...已經唔飲d湯...但係下晝返到office係咁飲水...漏到不得了...$85真係唔係平...又唔係太突出...未必會再嚟lu...

同事帶領下去了這間拉麵。我要了一個玉子混亂拉麵，一開始擔心湯底和豬肉會太過油膩，但事實上，湯非常鮮美、濃香，喝了一口就忍不住想喝第二口，豬肉也是肥而不膩，非常美味。另外我選了加倍芽菜，芽菜非常爽口，和濃湯正好互相配合。總的來說，這是一間比較有特色的拉麵鋪。

是咁的，小弟聽聞深水埗有間拉麵店出名大大碗，無論你有幾肚餓點都會頂住個肚出黎。自問食量大既我一向都唔信都市傳說，所以就膽粗粗走去試下啦。一去到門口就有個日式打扮既侍應走埋黎遞左張全日文既點餐紙，果然係一間不折不扣既日式拉麵餐廳。等左十分鐘左右就見到好好好大大大碗既芽菜.. Sorry係拉麵至真，不過有勁多芽菜鋪左係面。平心而論，拉麵既質素就普普通通，塊豬都算係幾肥文美，但份量就真係十分驚人！總括而言，食完真係好飽，真心唔好叫咁多芽菜呀！

先說環境，做到一般日本感覺，只係靠牆位置用摺檯，大殺風景。另筷子感覺不好，雖然做桶裝好，但木製質地另漬沈澱，感覺好污糟，湯匙更加差，完全無東西蓋著的。跟住就是拉麵了，湯底非常濃郁，好味道；麵條，還是頭一次食粗拉麵，但很"煙un"；之後豚肉，半肥瘦，亦好林身，有種即溶感覺；溏心蛋就麻麻地，食落無什麼大感覺；最後就係芝士喇，本人其實係一個非常愛食芝士之人，但我並不推介，因為佢落嘅係芝士粉，唔知係未完全溶於湯或是其他原因，芝士粉黏著喉嚨得不舒服 芽菜，本人係唔食的，但店外有寫不喜食芽菜者不適宜進入，咁咪試下男朋友個碗嘅芽菜囉，用鐵板炒過，但食落無特別無味道，不知道何解會有咁嘅告示

店內有二十多的座位, 我們到達時前面有4, 5人在等候甫進入店內, 馬上就有店員給你選麵的紙看到牆壁上拉麵的份量還真令人卻步... 山一般高呀我是靠圖選麵, 如果想更清楚可以請問店員兩碗都是「混亂全部入拉麵」麵是粗麵有彈性, 芽菜清淡爽口, 加埋湯一起吃就剛剛好配料還有兩隻流心蛋, 粟米跟豚肉芝士粉混和在湯裡並沒令整體有更大的突出, 因為湯已經夠濃而且湯裡已經有一定的油脂, 所以背脂先生沒有另加被孤立了..哈哈!喜歡蒜蓉的朋友點選3倍也沒關係喔, 小妹最喜歡蒜蓉了不過小食量的朋友要三思:-) 食完一碗真的超級飽。

如果有一派系的日本拉麵是屬於男人的浪漫的話，相信必定是一碗「二郎系」拉麵莫屬了：肥膩味濃的湯底、份量巨大、配料及叉燒堆積如山，再加上絲絲的肥豬肉，嘩嘩嘩！雖說是男人的浪漫，但其實有很多女生們都喜歡豪邁一下作挑戰！混亂拉麵是深水埗同區隱家拉麵的分店，用的拉麵、湯底同具水準，難怪同樣大受歡迎。環境來說，混亂拉麵的地方也算是寛敞舒適，明亮整潔。點拉麵時也是在點餐紙上選擇，但在這裡，客人可以選擇加倍什至達三倍的野菜、大蒜、醬油及背脂先生的份量，去創造及挑戰二郎系的巨型拉麵。噢，什麼是背脂先生？下面看圖你便知道!是次點了一碗混亂豚肉拉麵及混亂玉子拉麵。混亂豚肉拉麵明確寫明是肉食系男生的最愛，當然要慕名一試，而且要加倍地試！拉麵在面前出現時真被它的份量嚇了一跳！真想不到如果是加四倍會有多大！這裡的拉麵湯底是味噌豬骨湯，豬骨味香濃，與味噌平衡得不錯，加上生蒜的辛辣味，令湯底格外的開胃美味；湯中有背脂先生，其實是豬背的脂肪，在長時間的烹煮後為湯底加入滿滿的油脂香。拉麵與一般的圓柱型幼麵不同，這裡的是粗而扁身的麵，口感爽口，掛湯能力同樣高！叉燒有差不多五塊，煮得軟腍入味，雖然肥肉較多，但口感認真一流！野

去之前好大期望，去到感覺有點失望，因拉麵款式少，但總算味道不過不失！拉麵款式千篇一律，只是有芝士，走芝士，有蛋和無蛋，多叉燒同少叉燒之餘…無其他選擇，湯底都只分為辣和走辣 我們點了一碗辛辣和一碗走辣，走辣的味道幾好，拉麵原來是非一般的， 扁扁身，食入口似上海麵多一些但叫做幾煙煙韌韌，味道幾好，豚肉較為淡了些，溫泉蛋都幾好味，另一碗辛辣，除有辛辣外，其他和走辣的一樣，辛辣味都幾濃，味道算可以啦！

今日都無咩點食野，所以夜晚好肚餓，決定去一間出名重量級既拉麵-混亂拉麵！！ 久聞佢既大名好耐啦~~一路都未有機會挑戰，今次可以食個飽！！係深水埗一帶最出名既都應該係“隱家“沾麵，而去得混亂既大多數都係因為知道呢間同隱家係同一個老闆吧？ 相對隱家呢度無咁多人排，夜晚時段8成滿但都可以一下子就有位坐。一眼之下地方比隱家寬敞，起碼唔洗坐汽水箱先=￣ω￣= 20個位左右，大部分都係吧木台位對住廚房，加上連啲menu都係日文，都幾有日本feel的！！ 久聞呢度份量十足，於是點了普通混亂拉麵+玉子就好，另外蒜，雜菜和醬油加倍。見到有個好得意既term"背脂先生“ 一問之下原來是豬油>_<¦¦¦ 未免太罪惡所以沒點了。麵條軟硬沒得選！！但因這裡同隱家同上同一隻麵，所以應該ok的。。等了5-10分鐘由吧台端上熱呼呼又大大碗的拉麵！！其實我所見的沒有想像中嚇人，沒有“一座山“的感覺，可能因為我不是點三倍加倍吧@@先試一試湯底，不是一般純豬骨湯底，有一種平時阿媽煲蕃茄薯仔豬骨湯果種感覺，但入口是很rich的，而且都幾油，加上有濃濃的蒜味同背脂先生！嘩，真係少啲口味都頂唔順！我一般都係少油

今天活動是去美荷樓參觀，既然要去深水埗那當然要在那邊搵食：腸粉﹑蛋牛治﹑豆腐花﹑水餃等等等等，不過來這區的機會不算多所以還是想試試之前未食過的，正好友人有提及過，所以是日午餐就去混亂吃拉麵了。因為怕要等位，所以我們就早些去到，還有20分鐘才到12點，果然未有人潮。不過我見到"營業中"的牌子掛了出來，於是便入去看看，裡頭有位女服務員見到我，便過來說"我地未開門啊"，我本想出返去門外之際，她再說"你地可以響呢度坐下"，之後她將冷氣開動，令我們不用在外頭30幾度高溫下加馬路旁邊等候，實在感動﹗這裡除了放了一張長櫈給客人坐住等之外，也是拉麵售賣處，原來只需付出$53起就可以在家中自製拉麵了，方便非常。不過我是懶人一大名，情願出去食。XD在等侯期間，女服務員派上我們一人一張點菜紙，方便我們一入座就可以落單了。夏日炎炎，新推出了中華冷麵(每日限定20份)，我對於限定物都有著一定的興趣，但可是每次去新拉麵店吃，我先會想食熱湯的呢~唯有照原定計劃吃湯拉麵吧﹗11點58分，師傅示意服務員可以開始，之後他們便帶我們入去了。我們踏入店內，所有店員便精神抖擻地叫"いらっしゃいませ!"。店子屬狹長型，只有一排座

我份人最怕排隊等食，即使多吸引的餐廳食肆，只要看見那長長的人龍，就會卻步，寧願過一排等人氣無咁旺盛，再去惠顧。所以，很多時我的資訊都會比人慢，但不打緊啦，開開心心舒舒服服跟大家分享我的飲食經驗，來得更好。混亂拉麵是一例，曾經兩度想前往用餐，不過就被人潮嚇退了，轉了去附近吃三文治和腸粉。是晚跟老友即興一聚，地點在深水埗，又即管來碰碰運氣。結果，食神終於眷顧我們了。其實，我是不適宜來這裡吃拉麵的。因為，第一項我已經犯了。縱然是日中午只吃了很少，到埗時已是有點肚餓，但面對眼前巨大的拉麵，筆者雖已出盡全力，還是吃剩了少許。至於第二至六條，於我而言，不成問題。碗麵好巨大架咩? 大家可能會問。是的，因為這裡的蒜泥、野菜本已是多，仲可以免費的加倍，甚至三倍，另豚肉的肥 (背脂先生)及醬油的濃淡，也是可以選擇的。因此，你可能會見到，有些人的拉麵或會像山那麼高。而我的那碗，已是小兒科了。筆者選取的，是混亂玉子拉麵，只是醬油和背脂先生加倍。芽菜只是正常份量，但已經非常的多，跟上粗麵條，單是看已足以令人滿足。先呷口湯，幾濃味，而不是死咸，唔錯。麵條是較為硬身，夾雜大量芽菜，正合我意。蛋的溏心程度亦教人滿意，

喺深鼠寶發現呢間叫'混亂'既日本拉麵店，由㗎仔主理，裝修粗獷，好有自我風格，碗麵真係幾亂，店內播著強勁日本pop music, 希望客人不其然跟著強勁節拍食得快啲，但可惜出品有啲耐，由等位到走頭攪咗成個鐘，收費有少少搏大霧，深鼠租金港島收費，但份量重手，加幾倍大蒜野菜等不收費，讚，仍然不知道什麼是背脂先生，但整體現都合格，喜歡吃粗麵可試，豬背脂肥而不膩，比起一般日式叉燒好吃

入去拎點單紙，個圖好搞笑我揀最普通果份$75，左上角第一個。無料增量果度如果第一次食，建議可以揀加倍，想挑戰自己就全部揀哂三倍，就會好似果張圖咁，一座山既碗麵 我揀左大蒜：加倍野菜：不加背脂先生：加倍特製醬油：加倍當野食黎度時，個廚師會拎你頭先寫果張點單紙，睇下果份係唔係你寫。見唔見到個碗麵多到一座山？ 等左十分鐘，我果份黎了湯底用左豬骨湯，由於我揀左特製醬油，有少少辣，同豬骨湯混合，個味道岩岩好而燒肉比較多脂肪，少肉，而佢唔係連湯底一齊煮，唔入味，個味道似之前煮左好耐，之後放左一邊，當野食黎到時，就將燒肉擺係碗麵度，好似快餐叫野食咁。背脂先生，其實係豬肉既脂肪，無肉。麵係粗麵，應該係自製，夠彈牙，同鋪頭名好貼，仲意食野菜既朋友可以叫三倍，會多到一座山咁。trust me!!

係炎炎夏日既情況下,33度已經不再重要,而係極速搵一間有強勁冷氣既餐廳坐底慢慢HEA.係深水埗行左5分鐘,見到豆花妹,正打算行入去食,點知....原來係米線外賣店,開玩笑嗎?最後一路行行行,見到混亂拉麵就亂入吧.再行我驚自燃拉麵有6款,$75至??因為第6款係??,我唔識日文所謂唔理解.我簡左$95混亂全部入,行得咁辛苦一於食盡佢.仲要TICK左3倍野菜同3倍大蒜.心想食埋今晚既菜,夠健康$95 既混亂全部入3倍野菜3倍大蒜果然係極級挑戰,芽菜既份量我諗應該有一斤或以上,你幻想下買斤芽菜自己食哂就知咩回事.而大蒜的確很多,但絕對能克服因此本身成日食蒜,見到呢個小堆蒜即時覺得濕濕碎.咁配料仲有肥豬肉,蛋,紫菜同荀.面頭亦有芝士粉.如果一般人叫左3倍野菜,我相信食完菜已經飽左,細胃之士別亂叫.芽菜十分爽,只有輕微調味,食出芽菜既清甜.而蒜頭既作用就係撈埋個湯,湯頭即時變得更香濃辛辣.缺點係口比較臭.見到呢個芽菜份量,食到我個腦不斷亂諗野,例如浪費食物,馬來西亞芽菜雞,街市既賣菜商人同埋芽菜既價錢等等,思緒十分混亂.湯頭係豬骨湯加埋味噌,主調係豬,味道極濃而不過咸,那個豬味很強勁,濃郁美味.

放假拎啲衫去二手社區店捐，回程經過混亂拉麵，入去試試我假日6：30左右入去，唔駛等點左混亂玉子拉麵，只加倍了大蒜同野菜，因為無㸃三倍，所以唔似其他人嗰碗堆到山咁高麵是寛扁的，口感偏硬，我一向喜歡偏硬的麵，所以挺喜歡,玉子都唔錯湯頭應該係豬骨加味噌，濃度尚可，淨飲偏咸，但加芽菜一齊食就剛好～後加嘅免費一倍份量野菜～整體嚟講都唔錯，尤其係免費三倍野菜，唯一不太滿意嘅係我嗰碗嘅叉燒有㸃過多肥肉..