混亂拉麵 (已結業)

是咁的，小弟聽聞深水埗有間拉麵店出名大大碗，無論你有幾肚餓點都會頂住個肚出黎。自問食量大既我一向都唔信都市傳說，所以就膽粗粗走去試下啦。一去到門口就有個日式打扮既侍應走埋黎遞左張全日文既點餐紙，果然係一間不折不扣既日式拉麵餐廳。等左十分鐘左右就見到好好好大大大碗既芽菜.. Sorry係拉麵至真，不過有勁多芽菜鋪左係面。平心而論，拉麵既質素就普普通通，塊豬都算係幾肥文美，但份量就真係十分驚人！總括而言，食完真係好飽，真心唔好叫咁多芽菜呀！