深宵食堂 (已結業)

奴豆腐($34) 豆味濃郁，滑溜又香麻醬。吉列廣島蠔 ($42 4隻) 炸得金黃脆口，蠔鮮味又飽滿，但略嫌厚粉漿。芝士年糕 ($36)芝士餡芝味濃郁軟滑🧀熱辣辣半溶咁好正❤️皮仲好薄身😚必食芝士蚧肉玉子燒 ($78) 玉子燒寫上店名。蛋燒得好juicy，加上芝士更香口滑嫩，間中食到既蚧肉好鮮味，不過份量多啲就好啦。一口牛 ($78 兩串) 牛肉粒燒得林嫩，肉味香濃，滿口肉汁好惹味。香草羊架 ($78 兩件) 羊架兩件件頭唔細架，仲好細心剪開一塊塊方便食。羊肉鮮味香口，雖然肉質唔算好林但都唔錯，肥膏位多但好香羊騷味。汁燒帆立貝 ($36) 帆立貝大大粒認真抵食，醬汁甜身惹味，帆立貝亦好爽口。芋丸 ($ 忘了) 出乎意料地正，芋丸炸得脆口香脆，裡面係甜膩既芋蓉，成粒滿滿芋頭香，加上芝士真係無得頂。

常常都聽說吃串燒的話，一定要嘗一下深宵食堂，今天終於有機會來到，與友人嘗一下這裡的串燒。最有名的蟹肉芝士卷蛋，十分推介，蛋煎得剛剛好，依然嫩滑，入面包著大大啖的蟹肉和芝士，鮮甜惹味。煙肉包荔枝，很新奇的一碟，煙肉咸香，加上清清甜甜的荔枝，口感味覺都十分新鮮。娃娃菜。燒至十分清甜軟淋，但入口依然爽口，配上豉油汁，把蔬菜的甜味完完全全的引了出來。一口牛，兩支牛肉串插在薯仔上，肉質十分軟淋，醬汁香濃，肉味突出，好味道。豬軟骨烏冬。本身期待是一碗大烏冬，想不到這個價錢卻也只時一小碗。豬骨湯底很甜很香，豬軟骨煮至淋身，一咬即散。

晚上大約七點到達餐廳，只有少少人，坐吧台。食物一樣一樣上，質量都很好，但只有一位服務員，所以有時服務會比較慢。價錢偏貴。飲料的價錢比市場價高很多。是一間放題式的餐廳，值得去。

等朋友收工後一齊去食宵夜，不過好多地方都就關門，誤打誤撞搵到依間深宵食堂，見個名叫到深宵食堂，應該專食深宵？上到樓上睇埋營業時間，OK時間岩岩好，就入左去住低喇！ 門面有幾分日式居酒屋，入到去除左環境之外，食幾野同居酒屋差唔多，係大家宵夜既好去處！環境唔算太大，亦有卡位同枱吧位，室內係比較休閒既裝飾，而且有部電視機睇住送飯 分左食物同飲品兩張餐牌，二話不說緊係揀野食，食物都以日式串燒為主，另有小量蔬菜同飯類選揀，因為大家都幾肚餓，所以都揀左唔少野黎食 烏龍茶，為免大家食得太油膩，飲品就揀左毫無油份既烏龍茶，不過冰落得比較多，沖淡左個茶味，而且唔想太飲凍野，下次要嗌走冰 芝士蟹肉玉子燒，香熱既玉子中間包住芝士同蟹肉，以茄汁寫上深宵字樣，店家既招牌菜式一定要食！玉子軟淋蛋香味好重，半凝固既芝士再加蟹肉，香甜回味，茄汁做番個調味，令味道更豐富，玉子燒既份量都幾大件，值得一試！ 一切開就見到流心既芝士蟹肉，望住都覺得吸引！ 胡麻蕃茄，自從我食過依兩款既配搭之後就深深愛上左～新鮮多汁既蕃茄配上酸甜開胃既胡麻醬，兩種都係酸既味道但就係特別夾！胡麻醬令蕃茄更fresh，同時令胃口大開～ 煙肉荔枝卷，

居酒屋文化，從日本傳到來香港已有一段時間，而香港人亦十分受落這種小份量多花款的飲食方式，有得食有得飲，對於一眾好酒之徒更是喜愛非常。較早前跟朋友試了一間位於銅鑼灣耀華街的樓上居酒屋，出品跟氣氛算是頗有水準。這小店位於商業大廈樓上舖，地方不大，簡約設計，以原木橫條作牆身，配上深啡色的沙發，入牆木架上放滿不同年代的日本漫畫書，很有部屋、溫暖在家的感覺。居酒屋多以串燒炸物小食為主打，此店亦不例外，選擇算是不少，除此之外還有其他主食如石窩飯及湯烏冬。飲品方面除一般汽水或較懷舊的忌廉溝鮮奶外，同時亦有清酒及啤酒供應。這裡採用點餐紙落order，讓客人自己挑選心頭好，而牆上面掛了個店主推介的餐牌，標註着這裡的招牌菜---芝士蟹肉玉子燒，這麼吸引當然要試一下啦！我們還點了幾款心水菜奴豆腐，充滿豆香的凍豆腐，以日本胡麻醬涼拌，味道酸酸的，清涼順滑，胡麻醬濃郁芬香，質感豐厚，與凍豆腐配搭絕對是最佳拍檔。煙肉荔枝卷，以半肥瘦煙肉捲著香甜荔枝烤燒，咬落荔枝肉汁澎湃湧出，那香甜中和煙肉的鹹香，鹹甜感覺在味蕾縱橫交錯，口感複雜但味道恰到好處。一口牛，賣相趣緻，將兩串牛肉串插在半個薯仔上邊，像擺設一般。食落肉味濃

「串燒食得飽人架咩？」友人道。串燒不是餓鬼的正餐首選，正如西班牙的tapas 般，每客份量不多，但勝在可更彈性的因應飽肚度而點，而且即使人數不多，款式都可以多得放滿案前。適逢一個假期前夕的晚上，和大伙兒在霎東街喝酒前，就在對面的百樂中心吃個便飯。正打算上大學同學開的 Sodam Chicken 前，在樓下拿到一張「深宵食堂」的傳單。見價錢大致上相宜，友人說試試無妨，便轉戰這家串燒店。這個串燒店名之所以耳熟能詳，除了因為有另一家串燒店名是同發音，和日本漫畫《深夜食堂》亦是相近。是半個漫畫迷的友人，看到餐牌上有「貓飯」，雙眼發光。我見過串燒店有燒飯團，但一碗碗上的米飯在串燒店實屬少見。當男生說吃串燒不飽肚的話，點個貓飯相信能令他少一點抱怨。晚上九時到達，可能是假期前夕關係，門口有7-8人在等。磨砂玻璃門後的光景，看不透，畢竟只是一家走輕鬆風格的小店，卻要按門鈴才推門而進。等了15分鐘後有位，人潮的確是一輪輪的，一窩鋒的離座，一窩鋒的來。店面不算很大，可坐上二十餘人。不算寬敞，但置身於木色的氛圍下，感覺溫暖恢意。牆上的書架上放在日本漫畫《深夜食堂》，是店主的真心珍藏，或是綽頭擺設，不得而知了

每次OT過後，平日吃飯的餐廳大多快打烊了，但是，工作打拚過後，餓腸轆轆的我卻不甘就這樣回家，隨便填飽肚子作罷。這時，突然想起朋友介紹的這家營業至深夜的小店，說它像極了日本居酒屋，正如電影《深宵食堂》中的現實版食堂……說得這樣特別，今晚就跟同事會一會它。店不算大，但是坐得頗舒適的，我跟同事就坐在靠近窗邊的高桌子，而其他桌子就是一般高度，客人是坐在梳化或木椅上。餐牌是木製的，貫徹木桌子和室內木系裝潢的特色。這店以串燒為主打，供應酒精飲品，亦有一些主食，如飯和麵這些較飽肚的食物。而我跟同事都想試它的串燒，而沒有選擇主食。在我們選串燒後，便發現這裡有個隱藏式菜牌——就是寫在店內的黑板上。我們都被那個「芝士蟹肉玉子燒」吸引住，於是後加了這個。這裡的串燒是即叫即燒，因此，每次上桌都是一至兩碟。雖然我肚餓，但我覺得這才是享受食物的最佳節奏。美食，要慢慢品嚐，才能吃出真滋味。汁燒白鱔我向來喜歡吃鱔，吃鰻魚，這個汁燒白蟮非隨處能吃。蟮皮燒得微焦，入口爽脆，肉亦已去骨，吃起來「啖啖肉」。面層塗上了燒汁，更惹味呢。芝麻雞翼（3隻）這裡有2款雞翼，包括芝麻雞翼和汁燒雞翼，我們就選了前者。雞翼外層撤上白芝麻再炸

一直都想試深宵食堂, 今日終於約到朋友黎, 餐廳細細間, 主要係卡位同sofa位, 所以都坐得好舒服, 餐廳入面仲放左好多漫畫書, 唔知係味可以比客人睇嫁呢~野食以串燒做主打, 亦有飯同烏冬, 選擇都唔少, 飲品方面亦有清酒飲~牆上面掛住個深宵推介既餐牌, 芝士蟹肉玉子燒係呢度既招牌, Vi一早睇中左一定要叫既xd芝士蟹肉玉子燒好快就黎到, 比想像中大份, 上面用茄汁寫左深宵2個字, 幾特別, 一拮開, 裡面既芝士開始流出黎, 中間仲多到夾住唔少蟹肉, 玉子燒得好滑好香, 加埋芝士同蟹肉好好味, 仲熱辣辣, 唔怪得係呢度招牌~燒芝士年糕又係另一推介, 年糕好煙un, 芝士好流心, 芝士控實中意~而呢串燒白鱔就唔係咁抵食, $78得一小串, 但白鱔燒得好香, 皮脆肉嫩, 味道係好好, 但有點太貴~之後既燒牛舌都幾好味, 牛舌好爽口, 好香黑椒味, 唔錯~燒翠玉瓜就普普通通, 太多香料有點辣, 但翠玉瓜都幾多汁~另外仲點左芝士蝦球同吉列大蝦, 吉列大蝦無咩特別, 反而芝士蝦球幾有驚喜, 一份有6粒, 每粒入面既芝士都多到可以拉絲, 蝦球幾彈牙, 幾好食~除左串燒同炸物之外, Vi都點左d主

店內雖然地方不大，但係整整有條！有私竇既感覺！食物款式亦非常多，但人手有點不足，但亦無阻食物既質數！值得一讚最推介就係鵝肝什菌石窩飯，珍珠米粒粒可見，晶瑩剔透！鵝肝油份滲透到米飯，再有什菌減輕油膩感！非常好味

超級差的一次食野經驗！等到餓到胃痛，興到同自己講以後唔會黎！首先，menu都post 過，所以唔特登再post....一句講晒係款式超少。。5張細紙仔睇晒。。點嘅時候就係覺得好少野食。。。我點左牛舌，芝麻雞翼，一口牛，冬菇，翠肉瓜，鵝肝石頭碗飯！牛舌，好'un'，無味，又檸檬汁吊味，一串得味3小片，係細得可憐芝麻雞翼，呢個正常小小，熱辣辣，皮都算脆，肉都算嫩，食得下一口牛，又係果句，又鞋又un....完全無牛味。。。又有筋。。有3份1都咬唔到要吐。。。。冬菇，唔香，無冬菇味，得胡椒味，明知冬菇係好吸味，唔應該落得咁重手，over 左。。。翠肉瓜都OK~~正常！佢寫有4件，結果有5片，唔知應唔應該開心，因為每片好似刺身咁薄！石碗飯，我覺得幾好食嘅，不過完成係靠燒汁。。。。。。超市買一枝都做到一樣效果食物質素真係超麻麻最差係服務態度。。。去過嘅都知果度唔係好大。。。一眼睇曬，想要杯水，問左3次先有。。重點係佢唔忙，企係度睇電視都唔拎！問佢拎枝匙都係一樣。。。。。仲有。。。食物出得好慢，我明食串燒就係耐，但食咁多間。。。呢間真係好誇，我去嘅時候係7點未full 都要40分鐘先出到第一樣食物。

和珊珊看完當代藝術展，我們都想去深宵食堂吃宵夜及聊聊天，寫意不過了!我們首先叫了胡麻蕃茄，蕃茄清甜的味道和胡麻最夾了，令我們胃口大開!秋葵不是每間居酒屋也有，但今次的秋葵很新鮮，口感十足!豚肉露筍卷肉味鮮甜，加上露筍的清新，絕配!原條粟一燒，整整一條粟米分成四條，燒得份量剛剛好!芝麻雞翼雖然炸得金黃香脆，但仍保留雞翼的軟熟，感覺真不錯!一口牛的和牛串燒剛口有2串，牛的肉汁没有流失，軟軟的，入口真香!冰燒菠蘿酸酸甜甜，再加上日夲蕃薯仔，真的甜入心!今晚的宵夜在深宵夜堂中，對酒吃串燒，不愧為人生的一大快事! 原來兩個女仔食宵夜也可以好開心的!

日本漫畫書及改篇電影之深宵食堂，晚上方才營業，香港的，取了其名，營業時間亦至零晨。 同樣店子細小，卻是位於商業大樓內，大門關上，要按門鈴才開門迎客。 裝潢簡單，直橫木條作牆身，深褐色的疏化，木架上放些書籍及小物，並非設計理念，隨意卻溫暖，相信來的客人不為環境。 散紙餐單，客人自行點選，省人手及時間，款式不太多，皆是居酒屋的食品，以燒物為主，而炸物丶小食丶主食及甜點皆有數款。來到居酒屋，清酒豈能放過，見有自家品牌，300ml 的深宵清酒難不到我們，涼涼的米酒，味清，二人帶些酒意，倍增氣氛，亦正在配合燒物。胡麻番茄 +奴豆腐 我喜歡日本的胡麻醬的濃郁芬香味道，所以點了胡麻番茄；亦喜歡豆腐，又選了奴豆腐，但原來兩者皆用上胡麻醬，如果服務好一點，或者是真正日本式面對廚師的居酒屋，也許老闆已經提點之我們，才兩個人！ 日本胡麻醬並無令我失望，富芝麻香，略黏稠，份量十足滿佈香茄或豆腐，味酸酸，亦甜亦鹹味醂味道，我覺得跟滑溜的豆腐最匹配，這個豆腐，質感豐厚，並且日本絹豆腐般滑，但沾了胡麻醬，尤其順滑。新鮮番茄汁水足，果酸加上麻醬的醋酸，吃出層次，非常醒胃。來到居酒屋，有幾款是我必選的燒物。生燒牛脷心 

都市人生活繁忙, 食飯時間都被工作佔據了, 即使工作再忙,飯也要吃。幸好, 香港既餐廳都營業到很晚才關閉。早前, 相約朋友前來深宵食堂這間餐廳, 大家也是晚收工的, 所以平日營業時間至淩晨2點, 真的很感動。即使10點也可以輕鬆找到好去處。深宵食堂店舖不大, 但裝潢及擺設卻很有心思, 會放著日本漫畫在架上, 好讓到訪的人就像到家裡一樣, 可以在工作後好好的休息一下。在點單上已精選了不同種類的食品，以細細份量吸引客人，可滿足眼寬肚窄既同時又可滿足輕食作宵夜的人。忌廉溝鮮奶小時候最愛的飲品，有益之餘又不會過甜，非常健康。芝麻雞翼新鮮油炸既雞翼，以芝麻佈滿雞皮上，香脆可口，滋味無窮。煙肉荔枝卷以煙肉卷著肥美既荔枝肉，荔枝肉既甜度十足，有助中和煙肉既味道。唯獨煙肉比較厚身，和預期中的香口感覺有點距離。8吋蒜蓉大虎蝦壓軸出場的有它，單以賣相也人興奮，虎蝦既魅力令我食指大動。足足有前手臂既長度，肉質仍可保持爽口，而且蝦味十足，蒜蓉調味及燒烤煮法，美味指數無得輸。整體來說這裡是OT上班一族既好地方，食物調味吃不出有味精的味道，令人吃得很放心。即使假日都可以與朋友相聚，邊吃串燒邊飲啤酒，真係好梳乎呢！

深宵食堂店內裝修充滿住日本居酒屋既風格，食物質素亦都拍得住當地店鋪，同事冇介紹錯。 一口牛牛肉味超濃，而且唔韌，食完一口想再黎多口。七味尤魚圈七味中有酸味有咸味，幾開胃，師傅冇用好多脆漿去炸，值得一讚。汁燒帆立貝啖啖肉好肥美，配上燒味好鮮味。汁燒金菇肥牛卷牛肉好鮮嫩，唔多渣。汁燒白鱔師傅將白鱔皮燒得好香脆，而魚身入口即溶，油香四溢，高級享受。香草羊架鮮嫩多汁 ，師傅燒得岩岩好，唔會老得濟，配上薄荷醬去除油膩感。8吋蒜蓉大虎蝦全晚重點，隻蝦有手掌咁大隻，蒜泥帶出左蝦既鮮味，蝦肉結實爽口 ，黎到一定要嗌黎食。呢間係串燒加飲酒既好地方，可以為我地上班族舒缓下平日工作既壓力。