深宵食堂 (已結業)

今日友人從美國返黎，一於黎到深宵食堂，位置都算易搵係係厚福街入面既藍馬大廈 成間舖頭環境都係比較暗，但都幾岩同朋友吹水食野 野食方面，就好似居酒屋咁全部都係細細件，所以我地可以叫好多款試 本來好期待食依個雜菌芝士玉子燒嫁！但係店員切開果時已經有少少失望，一係得好少芝士流心，二係食落冇咩芝士味.... 白鱔串：雖然有少少骨但十分好味！魚油十足同埋啖啖肉，係成餐飯既亮點！  芝士年糕：mochi口感，幾有咬口，但芝士味唔濃 牛舌：好好好失望，燒得又薄又乾要比個喊樣！黑松露帶子配鵝肝：um.....鵝肝食落好似加左其他肉係入面咁，怪怪地，（本身形狀都唔完整）帶子就正常啦 南瓜餅：好正呀！我都唔怕熱氣食左3件，又脆又食到南瓜蓉甜味，我比90分！ 烤大菇：大菇好juicy ,同埋個白汁芝士好夾！推介～ 一口牛：presentation好搞笑，店員提醒下面係生薯仔唔食得嫁！牛味係有但又係熟左d 抵讚既係店員都十分好，勤力加水，同埋好有禮貌,但注意食物分量唔大，可能要叫飯\面先夠飽啦～

今晚同男友到深宵食堂用餐，兩人點的份量不多，不過都已經飽肚啦！點串燒一定要配啤酒，我地就選了Asahi，1/4都是泡沫，正！一口牛（2串）牛經過燒烤後，天然烤香散發出來，令人垂涎三尺。一口牛經燒烤後，肉汁都被鎖住在肉內，當咬開時覺得很JUICY。而且熟度剛好，軟稔又容易咬開，同時做到入口即融口感！而一口牛分量剛好，滿足味蕾之外，更可過下口癮！8吋蒜蓉大虎蝦蒜蓉鋪滿在虎蝦上，蒜蓉香味非常濃郁，每啖都可嚐到蒜蓉香味。而虎蝦很大隻，可以說是啖啖肉，同時結實肉質顯示蝦都是新鮮食材！香草羊架(2件)初時以為羊羶味會很濃烈，有點怕男友接受唔到，但後來他也吃得津津有味！餐廳幫忙將羊肉切下來，方便食客吃用。另外更配上芥末醬，猜不到用來沾羊肉又很相襯。羊肉燒得熟透同時保留了肉汁，而且天然烤香同樣保留，每啖都吃到香噴噴的羊肉！而羊肉肉質都是入口即融，感覺很棒呢～汁燒牛肉飯牛肉分量都很多，熟度控制得剛好，加上吸收了醬汁味道，味道非常濃郁。而醬汁亦滲透到飯粒之中，每啖都令人吃不停！吉列廣島蠔(4隻)炸粉不會太厚，可緊貼蠔本身體積。而且蠔體積都算是適中，可以滿足味蕾！加上熟度控制得剛好，入口非常滑，同時亦保留了

今日同老公去銅鑼灣行街放工時間邊到食飯都要等位。。。等位真係好好好浪費時間所以就捐窿捐啦搵d小店食下，可能人流無咁多丫ma去到耀華街見到呢個大廈勁多人排隊望左陣就決定食呢間串燒上到黎唔洗等直接入坐無乜人。。。開頭有d擔心架都。。。不過不出30分鐘就爆哂場都ok wor小店入面大約10張枱左右，坐得都舒服餐牌好簡單 有啲似放題嘅餐牌不過緊係唔係任食啦飲品唔係太多選擇，點左杯汽水唔係汽水機係罐裝汽水點左佢餐牌冇嘅玉子燒我見枱枱都有叫應該無伏一切開芝士爆出黎又幾好食wo入面仲有d蟹肉，蛋都夠滑因為我地起佢未爆場嘅時候入坐d野食黎得好快燒物豚肉蘆筍卷最快到燒得都幾香脆，加左d燒汁一齊燒唔會乾真真呢到嘅牛舌係用牛舌心，比起一般牛舌淋d同味道重d入口好香呀！今晚最愛之一汁燒帆立貝36蚊平平地就試下啦肉質都ok 唔會腥一口牛都係好味之選唔會難咬開，有肉味另外我同老公習慣左會叫d蔬菜通常翠肉瓜都係我地必點嘅。。。如果有芝士翠肉瓜就好喇不過呢到燒完都keep住多汁唔乾羊架係老公最愛雖然外皮有少少燶咗，不過又唔會過熟唔錯唔錯茄子呀茄子呀我的最愛 雖然重口味，但我欣賞呢到唔會炸到勁油再燒好味怕唔夠飽點左但炒

又黎伯樂中心食野，近times黎講依度真係一百分，仲近聰嫂可以糖個水。深宵又係食居酒屋既野，大同小異都係燒物刺身炸物。出哂名既玉子燒，芝士內餡仲有蟹肉，整體好味又鮮味不過冇想像中咁流心。清甜燒粟米，真係好甜好爽口，粟米真係燒野食既必點🤤🤤燒冬菇，我同同學都唔太吃肉，依啲素菜係必吃，冇乜草青味，燒得唔太乾。第一次見到燒雞泡魚乾咁豪邁咁上碟，佢偏有汁但仲keep到個口感，值得一吃。🤤最愛港女芝士，好香，內軟流心。燒鯖魚，烤得啱啱好，不過都係普通鯖魚味，冇乜特別。炒烏冬，偏甜。去邊都要食既燒菠蘿，好甜但係唔夠爽。燒虎蝦，好大一隻，好多蒜係上面好香，仲有膏架😼😼😼整體有質素，地段又好，不過口味偏甜，同埋會想有多啲野飲款。

剛和男友去完日本旅遊，還是很想念當地的食物，所以約會當晚大家都說想吃日本菜，在openrice找到看來像居酒屋的深宵食堂，就敲搥了。上到來比較早，不是太多人，幸好有位。它的格局就如典型居酒屋，第一印象良好。食物以燒物為主，炸物，飯麵和小食都一應俱全，不怕只吃串燒不夠飽。每款份量應該不大，可一次過吃好多款式。冷奴豆腐即冷豆腐配芝麻醬，份量比我想像多。這個組合永遠都好夾又好吃，芝麻醬非常香，份量又多，配上超嫩滑豆腐就完美。豆腐太嫩，夾時要有技巧才行手打烏冬看似普通，但湯底其實是豬骨湯，味道濃厚有鮮味，我們整碗喝完後不覺得口渴。烏冬頗彈牙，還有不少份量的清甜蔬菜一點也不寡。燒小甜蕃薯是必點的，外皮脆，內裡蕃薯肉軟糯，味道又清甜，大大隻帆立貝又怎能錯過。燒汁有甜味，配上帆立貝本身的鮮甜味，豚肉露荀卷味道比賣相好。豚肉燒得香脆沒油膩感，露荀新鮮又爽口，無論味道還是口感都有層次。芝士蝦球好酥脆，蝦滑爽口彈牙，芝士半溶狀態再點蛋黃醬好邪惡~如果芝士份量可以再多點做到爆漿效果會更正！一口牛要78元，但是肉質非常嫩滑，有點入口即溶的感覺，牛肉味也香濃，配得上這價錢一碗烏冬不夠飽，多點了一碗飯。洋蔥和豚肉

星期5晚同朋友去左銅鑼灣食飯,果晚要OT,所以都夜左去要朋友等到我9點幾,真係唔係幾好意思之後我地去左耀華街果面,因為可以以行一陣先食野行左一陣商場,就去左百樂中心啦去左依間深宵食堂,去到可能過左食飯時間,唔算太多人好快就叫左野食啦呢度既汁燒牛肉飯（$42）好好食！甜甜既醬汁，帶少少脂肪既牛肉，惹味洋蔥絲，連埋粒粒分明又圓潤既米飯😱令人不自覺咁食完一啖又一啖汁燒帆立貝($36) 每一隻都有一個五蚊銀這麼大，而且燒得外層酥脆，內裏還是非常juicy，吃下去每一口都啖啖肉，鮮味十足😋😋 呢度開到凌晨4點，啱哂貓頭鷹Happy hour 😆整體感覺唔錯,下次可以再食

經過一天的辛勞下班最期待係跟最好既朋友吃串燒 飲啤酒 笑下傾下放鬆下~深宵食堂 是一個不錯之選位於銅鑼灣時代廣場旁的百樂中心環境雖小 但坐位闊落 設計充滿日系感覺食物以燒物 炸物為主 款式豐富亦有主菜 前菜等選擇 相當吸引•••最重要當然係酒 有清酒 梅酒 啤酒岩哂 一班朋友 放工後消磨~~~我地都係鍾情Asahi~~食物點了 一口牛,燒牛利芯,芝士年糕,香草羊架,炸芝士蝦丸,芝士蟹肉玉子燒 同日式炒手打烏冬燒牛舌芯 是最出色的 厚度適中 有咬口又燒得惹味~一口牛 果然的式 一碟有2串一啖一口 充滿肉汁 又夠淋 ~炸芝士蝦丸 唔算油 裡面芝士有拉絲感覺又彈牙 食下一粒食下又一粒 好快清碟~芝士控必吃~~芝士多到呢 年糕軟軟配香濃芝士 好滿足 完全無油膩感~讚!!香羊羊架~大廚好有心思起哂骨 食既時候 啖啖肉 脂肪分佈平均 配埋芥辣 好正~最期待既芝士蟹肉玉子燒 ~燒得剛好 玉子配已溶既芝士同蛋汁仲有啖啖蟹肉 真係好滿足 ~~~而日式炒手打烏冬 有大廚的秘製醬汁真的色香味有哂 手打烏冬亦很彈牙 朋友也說好吃到連配料都吃清好吃的食物 真的讓人心情開懷價格每人約二百多元 也合理再加上好的環境

香港食日式串燒既地方唔多，呢度系其中一個推介，食物質素高價錢又唔貴，相當難得！奴豆腐其實系芝麻醬豆腐，豆腐冰涼又滑，芝麻醬香，特別在加左啲刺激味蕾既野，食落有啲飲汽水時舌頭被辣一辣既感覺！汁燒牛肉飯好好食！甜甜既醬汁，帶少少脂肪既牛肉，惹味洋蔥絲，連埋粒粒分明又圓潤既米飯，令人不自覺咁食完一啖又一啖！雞軟骨食落脆脆地好特別，雞肉雖然唔多但好嫩滑！帶子鮮甜，但稍為韌左少少。鯖魚肉厚，唔會乾同嚡，多汁鮮味！蔬菜方面，秋葵燒得乾身，食落口滑滑既感覺，唔錯！粟米香甜又多汁，而且份量仲好多！京葱葱味好濃，而且爽脆多汁，啱哂鍾意食葱既人。芝士年糕炸得唔油膩，軟糯既年糕包住香濃軟滑既芝士，好食，但年糕再煙韌啲就更好！豚肉露荀卷好爽脆，豚肉帶嚟一啲脂香，露荀中和左油膩感，兩者好夾。冰燒菠蘿好甜好多汁，做飯後果啱啱好！總括嚟講，呢度既串燒有質素又價格相宜，食多都唔肉赤，下次想食日式串燒，呢度系不二之選！

一直久仰這間食堂大名，這天男友忽然說他卜了這間餐廳慰勞我，一定是他知道我最近工作很辛苦在整幢都是食肆的百樂中心，一出lip向右轉，走廊盡頭就是了。中位價錢。由於未病好，不能啤一啤。惟有點了熱柚子茶，柚子肉比想像中多，不會太甜。男友點忌廉溝鮮奶，冰涼飲品配串燒真是一流呢。先來冷盤，麻醬很多，豆腐很涼很嫩滑。在炎熱的夜晚吃上一口簡直是透心涼，作為餐前小吃一流。芝士年糕（$36）中的芝士是流心出來，表皮亦很煙韌。帆立貝（$36）有三大粒，咬下啖啖肉，這個價錢真是大推介呢！豚肉露荀卷（$38），露荀很新鮮沒有渣，被燒得剛好的豚肉包著，清新的露荀可以解串燒的膩。京蔥（$22）不像其他串燒燒得太乾身，咬下還帶有汁。秋葵（$24）很欣賞餐廳不同食材會有不同present的方法，用的碟也不同。秋葵這樣串法令我想起日本五月兒童節掛的鯉魚旗呢，是我想得太多嗎？咬下去也很清爽，不過若能燒得脆口一些會更喜歡。冬菇（$22）大驚喜，從來沒有吃過串燒冬菇咬下去仍有很多汁，多數吃得都是乾身再乾身！四塊都十分多汁，很幸福呢翠玉瓜（$24）都是十分多汁，表面燒到黃金，火候掌握很好。這裡的燒疏菜普遍水準以上呢。金菇肥牛（

話說近排愛上居酒屋嘅氣氛，而且可以一邊傾談，一邊品嚐小食，雖然食物份量唔多，但可以試到更多不同款式。一直都想試呢間人氣小店，平時一定要book位先可以食到，好彩預先有訂枱咋。店子不算大，但裝修精緻，好有日本小店感覺。餐牌似一些日本放題店將食物分類，再印上紙仔上俾食客剔選，非常方便。我們各自剔選了一些燒物，小食一同分享。煙肉荔枝卷煙肉包著茘枝肉，煙肉香口，荔枝肉juicy 生燒牛利芯牛利芯燒得剛剛好，爽脆又鮮嫰一口牛牛肉味濃郁又夠juicy 芝士蚧肉玉子燒我最愛玉子燒，內裏軟綿綿，加上芝士同新鮮蚧肉，蛋味香濃，非常滋味。芝士蝦球蝦球外層金黃酥脆，蝦肉彈牙，芝士夾心呈流心狀態，完全有拉絲嘅感覺。豚肉露筍卷豚肉鮮味，露筍爽嫩汁燒金菇肥牛卷肥牛一啲都唔肥而且肉質鮮嫩多汁，加上燒汁真係好美味呀！汁燒牛肉飯雖然碗仔細細但份量都好足夠，牛肉嫩滑又濃味，燒汁甜甜地，配飯吃一流啊！

星期日晚同朋友出左街,去左行SOGO,想買D禮物仔比媽咪,不過行左好耐都諗唔到想買咩最後都係決定下星期再睇過,再買過行行下都唔覺肚餓,原來過曬食飯時間,所以拿拿聲同朋友睇下邊度可以食野我地最後去左深宵食堂,因為依度夜左都可以食晚飯一黎到緊係食佢地主題玉子,大大個深宵其實係蕃茄醬,撈埋左一齊好好食玉子燒得好香,而且唔太老,好好味口感幾好之後食左燒餃子,餃子皮好脆好香,幾好咬口而且唔太膿,做工唔錯炸蠔炸得熱辣辣,好香口不過好燙口,小心熱蠔好新鮮,好多汁最後我地食到12點,好滿足呀

好一段時間沒吃串燒，跟朋友試一下價錢公道抵食的深宵食堂試試質素如何，點了下列食物：一口牛($78)、雞軟骨($32)、豚肉露荀卷($38)、生燒牛脷芯($38)、吉列廣島蠔($42)、奴豆腐($34)、汁燒帆立貝($36)、川式茄子($72)、自家製豬軟骨手打烏冬($44)照片就跟住上枱的次序出場！不用煮，只需澆汁就上枱的奴豆腐($34)當然最快來到，豆腐很滑嫩，只是芝麻醬太咸。怎能不叫一份香脆可口的吉列廣島蠔($42)蠔的份量中等大小，鮮味一般，一客四件，吃到最後才發現有燒汁，只怪碟太黑實在難發現。抵食便宜而有驚喜的豚肉露荀卷($38)！食過「南蛮亭」鮮露荀豬肉卷實在睇不到豬肉真身，發現深宵實實在在的豬肉，實在感動，眼淚在心裡流，露荀亦清甜多汁，多吃都不油不膩，所以encore多一碟。雞軟骨($32)生燒牛脷芯($38)期待怎樣「生燒」法，發現牛脷較薄，固然偏乾，調味亦過重。一口牛($78)juicy 肉厚多汁，絕對有驚喜！汁燒帆立貝($36)$36 3粒，超抵食，還能有強求什麼？有個中國胃的朋友要飽肚熱食，點了自家製豬軟骨手打烏冬($44)雖然豬軟骨只有薄薄3片，烏冬爽口彈牙，抵食

返返下工想食串燒，收工即刻同女朋友黎深宵食好西。深宵食堂雖然地方比較細，但食物既質素真係無得輸。呢個麻醬豆腐真係唔講得笑，連我唔鐘意食豆腐都忍唔住要食，真係超正。仲有個牛唎，真係超多汁，超有口感。個牛柳又係無得輸既，個牛味超重，又係勁多汁，一流。炸蠔都係無得頂，一咬落去d汁爆曬出黎。金菇肥牛都好正，唔會痴阿，肥牛又無根，好食。芝士年糕，d芝士可以拉絲既，好好食。個蝦又係無得彈既，入口彈牙唔痴殼，食落啖啖肉，超爽，超滿足。鵝肝飯必食，鵝肝香口，油份足就不在話下，個飯既汁先係精華所在阿，好食到唔知點講好。叫埋支清酒，埋單$9xx，咁既質素正啦。

居酒屋通常都係飲下清酒食下小食傾下計咁，好少話去食正餐。但係以我同我男朋友呢對咁中意食嘅情侶收工淨係食小食點會夠，所以從來都冇話諗住夜晚收工去居酒屋食野。不過近日我男朋友個同事話呢間深宵食堂好得，小食不在話下，連個d主食，即係飯個d都好正，咁我同我男朋友就達成協議，一於就去食個晚飯😂一入到去唔係好多位，裝修幾精緻，我地就坐左係窗邊嘅高枱到。佢d燒物都有幾多特別野見到虎蝦諗到冇諗就嗌左兩隻，嗌多客一口牛，芝士年糕，仲有金菇肥牛卷。蔬菜野嘅燒物我男朋友就唔多有興趣，我叫佢點都揀樣我地就揀左翠玉瓜。主食方面我地就叫左鵝肝什菌石窩飯佢仲有d小食同甜品揀，不過我地就叫住先然後嗌左300ml清酒，我地要左熱嘅，如果唔想飲熱可以嗌凍。佢個清酒係好飲，入口好純。唔使好耐食物就到啦係啊又係呢d芝麻配豆腐嘅物體，佢呢個凍得黎食落唔會凍親我d牙，連我男朋友平時唔中意食都話呢個唔錯。上面個碟係牛利芯，好腍好入味，好彩我食得切，唔係實會比人食埋我個份！食完呢兩碟，先上第三碟係芝士年糕！佢係食落一d都唔膩，外面仲有d脆，所以唔會話食完呢個就食唔到其他。呢到好好，佢係每當您差唔多食完枱面d野先上第二樣，唔使食得咁急

朋友失戀,捉住我成晚唔放,吹左成晚水,食完晚飯8點,一路行銅鑼灣都繼續講,其實真係累累地之後唯有同佢去宵夜,由於佢應該有排講,所以去左間可以坐耐小小既餐廳,最後去左深宵食堂黎到叫左小小啤酒,依度飲啤酒唔貴,都幾抵之後開始肚餓,所以叫野食三文魚沙律,蕃茄蟹肉沙律,軟殼蟹沙律 清新醒胃，作為燒烤前嘅第一道菜式最合適不過首先食左秋葵串燒,燒得幾夠味,又唔會濃入面唔似其他串燒店D秋葵咁林,味道唔錯牛肉粒都好惹味,好多肉汁磨菇入口唔太濃味,點小小汁都幾好食最後食左佢地餐廳既招牌深宵玉子,個附幾香,入口幾滑而且好大份,食完已經好飽