影片
更多
2017-05-17
911 瀏覽
香港食日式串燒既地方唔多，呢度系其中一個推介，食物質素高價錢又唔貴，相當難得！奴豆腐其實系芝麻醬豆腐，豆腐冰涼又滑，芝麻醬香，特別在加左啲刺激味蕾既野，食落有啲飲汽水時舌頭被辣一辣既感覺！汁燒牛肉飯好好食！甜甜既醬汁，帶少少脂肪既牛肉，惹味洋蔥絲，連埋粒粒分明又圓潤既米飯，令人不自覺咁食完一啖又一啖！雞軟骨食落脆脆地好特別，雞肉雖然唔多但好嫩滑！帶子鮮甜，但稍為韌左少少。鯖魚肉厚，唔會乾同嚡，多汁鮮味！蔬菜方面，秋葵燒得乾身，食落口滑滑既感覺，唔錯！粟米香甜又多汁，而且份量仲好多！京葱葱味好濃，而且爽脆多汁，啱哂鍾意食葱既人。芝士年糕炸得唔油膩，軟糯既年糕包住香濃軟滑既芝士，好食，但年糕再煙韌啲就更好！豚肉露荀卷好爽脆，豚肉帶嚟一啲脂香，露荀中和左油膩感，兩者好夾。冰燒菠蘿好甜好多汁，做飯後果啱啱好！總括嚟講，呢度既串燒有質素又價格相宜，食多都唔肉赤，下次想食日式串燒，呢度系不二之選！
香港食日式串燒既地方唔多，呢度系其中一個推介，食物質素高價錢又唔貴，相當難得！
奴豆腐其實系芝麻醬豆腐，豆腐冰涼又滑，芝麻醬香，特別在加左啲刺激味蕾既野，食落有啲飲汽水時舌頭被辣一辣既感覺！
汁燒牛肉飯好好食！甜甜既醬汁，帶少少脂肪既牛肉，惹味洋蔥絲，連埋粒粒分明又圓潤既米飯，令人不自覺咁食完一啖又一啖！
雞軟骨食落脆脆地好特別，雞肉雖然唔多但好嫩滑！
帶子鮮甜，但稍為韌左少少。
鯖魚肉厚，唔會乾同嚡，多汁鮮味！
蔬菜方面，秋葵燒得乾身，食落口滑滑既感覺，唔錯！
粟米香甜又多汁，而且份量仲好多！
京葱葱味好濃，而且爽脆多汁，啱哂鍾意食葱既人。
芝士年糕炸得唔油膩，軟糯既年糕包住香濃軟滑既芝士，好食，但年糕再煙韌啲就更好！
豚肉露荀卷好爽脆，豚肉帶嚟一啲脂香，露荀中和左油膩感，兩者好夾。
冰燒菠蘿好甜好多汁，做飯後果啱啱好！
總括嚟講，呢度既串燒有質素又價格相宜，食多都唔肉赤，下次想食日式串燒，呢度系不二之選！
張貼
