深宵食堂 (已結業)

很少去居酒屋食飯， 今晚朋友介紹來到銅鑼灣的深宵食堂 。地點就近地鐵站方便快捷 ，居酒屋地方不算很大 ，但勝在很有日本風味 ，食物方面很有水準，特別推薦一口和牛串，多汁嫩滑 ，很有牛味，忍不住吃完一串又一串。另外，京蔥雞肉串也非常香口，蔥味齒頰留香。串燒秋葵及BB蘆筍都很好吃，不會太乾。想飽感多些可點日式炒烏冬及豬軟骨手打烏冬 ，同樣也很美味。

百樂中心係銅鑼灣既晚餐熱點，深宵更加係人氣之選，今晚終於有時間約朋友食喇大大晚門面，好期待😁😁我既例牌-芥末八爪魚🐙，份量好多，味覺非常刺激👍🏻前菜推介！吉列蠔，呢個好抵食啊，外脆內香，我好少沾汁，但沾左食冇咁熱氣芝士年糕omg!必食！如果你喜歡麻薯既話更加唔好錯過呀！係我暫時食過最好既芝士年糕，咸咸加香香芝士，外面小薄脆，入面軟軟軟，有d唔捨得大啖食！牛舌多汁好味，都一定要試，燒得好香，難得！燒鱔，這真的新鮮，但都真的有點貴，火🔥掌握好好，冇得挑剔，比其他串燒有點貴而已8吋大蝦！蒜冇得輸啦，🦐新鮮甜菌鵝肝飯！成程熱熱的，就咁食鵝肝有啲淡，我撈埋飯一齊食好香！！趁冇人嘅時候影,七點左右就坐滿晒啦

禽日同朋友 去到 銅鑼灣食野 ，佢話想食日本嘢所以我就去深宵食堂，因為之前食過都覺得唔錯啲嘢，都新鮮，所以今次我再同佢講話不如過去食。去到八點半 ，唔使等位就有得入去入到見到有唔同嘅選擇，最後我哋選擇咗和風豆腐同牛舌做前菜牛舌偏乾，但係味道十足，點左醬汁味道唔錯，所以整體黎講幾好食， 都燒得啱啱好好軟熟又香,和風豆腐好滑好大舊,食到幾舒服開胃荔枝煙肉好juicy,荔枝好新鮮,好多汁 ，煙肉都好好食 。燒魷魚筒味道好食煮得啱啱好又唔會太甜，小食整體都幾好食 。整體嚟講味道都可以最後每人價錢230蚊都可以接受。

之前食開一間居酒屋，不過個度真係太細同太窄，人多小小就唔方面,所以今日黎深宵食堂！一早BOOK左於位,坐得舒服D, 門口有專人安排BOOKING，服務唔錯,食左個沙律先,蕃茄沙律好大份，幾得人驚但都幾好食！食左個三文魚親子卷，好新鮮好好食，價錢唔太貴！石鍋飯Keep 到水準，每人一碗,食到四人！ 海膽芝士卷蛋都ok，海膽好鮮甜地！ 最後要讚環境同服務，靜靜地幾好坐，服務又一流，會主動加茶加水！ 門口帶位又熱情， 經理雖然新黎,但仲好貼心介紹食物，要加分！

上次去了尖沙咀的深夜食堂後，今晚去試下深夜食堂😆但係😕今晚食的所有⋯⋯得秋葵，同芝麻雞翼有水準外，其他真係一般⋯⋯先係芥末八瓜魚～芥未味不夠而且八瓜魚切得太細粒了。鵝肝什菌石窩飯～鵝月肝同米攪起食口感同味道我就不感興趣了。西京銀雪魚加了檸檬都有點腥。芝士蟹肉玉子燒有深宵字都好特別，味道淡了點。BB蘆筍味道給味粉蓋過，連同鹽燒雞腎一樣而且切得好薄好硬。而其他～我都唔講了，整體鋪內不大坐位不多，服務都好好，應該有改善空間。

朋友介紹過的銅鑼灣樓上串燒店，坐位不多，幸好和男朋友來到時還有一張二人枱，店內氣氛很熱鬧，有點像日本入夜的居酒屋🏮。牛油炒什菌的確很重牛油香味，菇的味道仍幾香，份量雖少，但作兩人前菜都足夠。京蔥雞肉串非常出色，首先大蔥因有燒汁，烤得香噴噴又不會變乾，而雞肉恰到好處，有燒烤過而又保留到鮮嫩肉味。芝士年糕不錯，外脆內軟，芝味香滑。翠肉瓜和冬菇各有4件，調味適中，幾香燒烤味道。鹽燒鯖魚超級美味，雖然多骨，但即製的魚肉鮮嫩多汁，啖啖肉汁都夾著魚肉和燒烤味，必點！BB蘆筍有點過咸，不過很爽口。川式茄子都有水準，鋪滿了蒜蓉，除了夠入味，本身茄子都燒得淋。芥辣八爪魚奶油飯和相像的不同，是生的，奶油飯是四小片牛油在白飯上，口味不對我。日式一口雞夠新鮮熱辣辣，沾沙拉醬很正。蜜燒八爪魚（脆皮腸）幾有創意，但脆皮腸味道一般，如果改用雞肉腸好好多。整體食物味道很好，是用心制作的樓上舖，而且老闆會同食客交換意見，值得推薦！

每每到銅鑼灣做facial, 喺同一座大廈𥚃面，見到有日本餐廳-深宵食堂，一直未有機會入去試下恰巧地朋友相約今天喺呢度聚會串燒配淸洒，perfect match 😊枝豆粒粒飽滿，多汁，豆味清新，作為佐酒前菜，好夾京蔥雞肉串大大件京蔥，表面燒得燶燶地，好香蔥味，雞肉唔駭又唔乾秋葵外面好乾身，𥚃面依然幼嫰多汁，秋葵味道出哂來，估唔到燒秋葵原來咁好味牛油炒什菇，什菇鮮甜，用左牛油炒，味道更為惹味吉列廣島蠔咬落脆卜卜，唔油膩，蠔大大隻，鮮甜多汁，十分美味

上星期和朋友來到深宵食堂,. 用餐是下午6時, 大約有5枱客人, 座位有點迫, 好彩人不太多, 如果人多就真係好迫.2個人都食得唔多野,食左汁燒帆立貝,燒到個邊脆脆地 燒汁好惹味 帆立貝亦都好新鮮 質感好彈牙！芝士年糕好煙韌 配埋熱熔芝士好味！但呢個記住要趁熱食！鹽燒雞軟骨串,我地最鍾意食,揸炸好鬆脆 鹽燒嘅味道好香日式炒野菜份量有點小 普普通通有椰菜同雜菇冰燒菠蘿嘅菠蘿味道更加出 好juicy奴豆腐係芝麻醬配豆腐 豆腐好滑 個配搭好清新這店的店長好有禮貌,  價錢也不太貴, 可以再來.

在銅鑼灣開完會後就跟同事試下呢間餐廳，我地見到餐牌以燒物為主，我地按個人喜好叫來食。首先，一口和牛串，有2串，好有牛味，啖啖肉。二，汁燒白鱔，好好食，白鱔肉彈牙、新鮮，燒過程無流失晒魚汁，正。三，生燒牛脷芯，只食牛脷芯位，好淋，唔痴牙。四，汁燒凡立貝，大大粒，新鮮，味道明顯，唔錯。五，豚肉露荀卷，露荀唔會燒太耐，保持露荀味道同菜汁，豚肉都唔會燒晒水份，正。我地另外叫了芝麻雞翼，好好食，熱上，雞翼唔會過咸，有埋芝麻在面，啖啖肉，真係想encore. 最後我地叫了自家制豬軟骨烏冬同黑豚肉飯，烏冬湯底好味濃郁，烏冬彈牙，豬軟骨入味，煮得剛好。黑豚肉飯，飯是珍珠米，加埋汁食好好食，黑豚肉有少少肥膏，好似五花腩，正。飲埋可樂/菊花茶，為呢一餐劃上完美句號。

外國朋友啱啱落機,同佢喺銅鑼灣嘅酒店check in完就去醫肚,佢話銅鑼灣真係好多嘢食,佢都唔知應該從何入手, 叫我介紹同埋佢食好嘢 ,我即刻諗起深宵食堂.來到 深宵食堂當然要食佢嘅招牌玉子燒啦， 玉子燒質感 細滑， 最喜歡是 吃下去嫩滑的感覺， 而且亦有很香的 雞蛋味 .雖然是一道簡單的菜式.但卻深得我心。來到深宵食堂. 串燒 是不可錯過的一部分， 我們這一夜都 品嚐 了不同的串燒 ， 燒雞翼是我最喜歡的雖然只是簡單的調味.但係燒得十分有幾好,外面乾身內裏嫩滑 。

上次食過深宵食堂覺得價錢親民, 食物質素幾好, 所以有外國朋友返香港約今晚食飯又想食d特色少少既野, 即刻再黎食多次! 訂左枱上到去, 侍應同之前一樣好好禮貌咁招呼入座, 然後簡單介紹下有咩特別小食, 我地嗌左啲串燒同小食, 就邊傾邊等食啦~ 芥未八爪魚首先上檯, 食凍盤先有一種好清新既感覺, 芥未攻鼻又可以醒一醒胃 然後到串燒, 望到都流口水, 我地嗌左秋葵、煙肉蠔卷、生燒牛脷芯、汁燒帆立貝, 樣樣都熱辣辣而且好香煙肉蠔卷隻蠔算大隻又唔腥小食蒜片一口牛粒亦都有牛味又多汁,  好好味特色小食唐辛子大阪軟骨，係炒雞軟骨，醬汁辣辣地又甜甜地, 幾好 最後輪到我的最愛既孖芝:芝士年糕- 燒得岩岩好, 外脆內軟, 食落口好煙韌又有口感芝士蟹肉玉子燒- 蟹肉同芝士混和左一齊, 仲有好香滑既蛋, 好正 

夏天又到了, 又是換季的 時候, 和一班好姊妹在銅鑼灣瘋狂shopping完 ,有人提議來 深宵食堂 ,來到等了一會兒 便安排入座~~不知道是否天氣太熱大家都不是很肚餓 ,所以主要是叫了一些小吃~ 燒京蔥~ 被燒後 京蔥的香味十分守突出,喜歡吃蔥的朋友應該都喜歡這道菜 ,加上少少醬汁 ,令到 燒京蔥 變得特別 好吃.芝麻雞翼外脆內嫩 的芝麻雞翼, 十分搶手, 外皮 蘇脆, 裏面的肉還是粉紅嫩嫩的 ,一口咬下 有不少肉汁, 完全沒有乾身的情況出現, 面上鋪上的芝麻粒 ,也為雞翼帶來另一種香味.

最近成日食韓國野，我已經唔記得自己幾耐冇食日本餐，以前講開食乜，女朋友答日本野梗冇死，唔知係咪我口味變左，成日想食豆腐辣湯，哈哈。早幾日收工黎左呢間深宵食堂，時間都唔早急急腳食啲野番歸。餐廳位於時代廣場附近，我發現我只係食過串燒店，其餘幾間烤魚啊、點心都未試過，我見都幾多人等位。餐廳位置唔算好多，一般居酒屋格局，木枱木櫈，平日晚上客人唔算好多，可能已經比較夜。店員好快安排好座位，遞上餐牌。餐牌選擇豐富，除左一般串燒外,仲有鵝肝多士,豚肉鍋。汁燒帶了串燒好惹味,帶子大大粒,口感好豐富鵝肝多士好香口好脆,雖然係邪惡,係黎到必食鵝肝飯都係香噴噴,識食一定要運飯焦食,食完依個已經有小小飽另外叫左個豚肉鍋,雖然天氣熱左.但係飲住啤酒食別有一番風味,豚肉好厚切,入口一流

放工後的深夜, 來了深宵食堂吃串燒 。這間店還挺有名氣的, 好像出名吃串燒和喝啤酒。我認為在夜晚, 尤其在星期五六晚深夜時分來這裏吃串燒, 也不錯, 應該會很有氣氛和relax。店內環境不大, 所以很快便坐滿了人, 店員的服務很好, 很熱情。我們兩個點了好幾款串燒和小食吃。我點了兩碗枝豆作小食, 一邊談天, 一邊吃枝豆, 很快便可以消滅兩大碗。汁燒帆立貝有兩串, 很惹味。八吋蒜蓉大虎蝦很大條, 上面佈滿蒜蓉, 吃落有蒜蓉香, 虎蝦有少少彈牙的質感。燒冬菇很juicy, 一點也不乾身, 上面有些海鹽以增添味道。我很喜歡吃燒秋葵, 但不是人人也接受到秋葵的質感, 因為它食落比較黏口。胡麻醬豆腐很嫩滑, 吃落很開胃, 我很喜歡芝麻醬汁, 所以這個豆腐很好吃。

今日突然間想食串燒，又想試吓新野，上網睇吓有咩選擇，見到呢一間深宵食堂，之前已經聽過朋友介紹過，的起心肝上去試吓好唔好食。我哋兩個女仔，一個本身唔大胃口，一個努力戒緊酒，最後決定叫少少串燒試吓先。一口和牛串 - 一份有兩串，每串有五粒，牛肉粒燒得啱啱好，有好多肉汁，調味亦都唔錯，呢個價錢叫得過！汁燒白鱔 - 一串有四件，一人兩件啱啱好，白鱔嘅皮燒得好脆，好香口，魚肉亦都切得夠厚身，入口彈牙，一啲腥味都冇，比起好多餐廳佢做得更加好，必食推介！生燒牛脷心 - 作為牛脷精嘅我一定要試佢嘅牛脷心，同我想像中有啲唔一樣，但係佢做得都唔錯，調味都係啱啱好，唔會太咸，一串有三件，朋友仔覺得佢有啲硬，我就鍾意佢夠𡁻頭！芝士蟹肉玉子燒 - 作為深宵推介，呢個玉子燒算係交到功課，個蛋煎得夠滑，中間有流心芝士，蟹肉食得出有鮮味，唔係一般雪藏貨色，中意食蛋嘅你必叫！日本黑豚肉飯 - 有好多蔬菜，豚肉夠入味，佢個汁甜甜地好開胃，細細碗啱晒女仔食！自家製豬軟骨手打湯烏冬 - 烏冬夠彈牙，豬軟骨都炆得好琳，細細碗啱晒女仔食！蒜片一口牛粒 - 上到枱我哋都嚇咗一跳，因為以為佢係乾身，點知原來佢係蒜蓉汁炒，不過都冇問題