深宵食堂 (已結業)

銅鑼灣就算入夜，都係人來人往，非常熱鬧但在鬧市中，仍然有個小地方可以俾我地安靜咁食野朋友介紹下，黎咗深宵食堂，入面人唔多，十分除咗音樂，就冇其他喧鬧，俾我地暫時離開一下鬧市，享受晚餐大阪燒整成一粒粒咁，方便進食，上面毫不吝嗇的木魚碎，我好喜歡麻辣牛舌幾得意，凍凍地嘅，口感係脆身，唔似平時食開燜牛舌咁軟身，亦唔似燒牛舌咁韌叫咗個芥末八爪魚奶油飯，原黎奶油飯即係牛油飯，所以都算重口味架，兩個人分啱啱好個芝士蝦球勁得意，咬落去，竟然會爆汁，真係好過癮燒物應該係即叫即燒，因為上到枱真係燙手燒荔枝真係第一次食，配埋煙肉之後，荔枝甜味就中和咗，但仍保留荔枝香味，荔枝口感就有d煙韌，未試過嘅可以一試燒茄子睇落唔似我地之前食嘅咁爆曬料，但孜然味仍然係十足架，不過價錢就稍貴其餘嘅燒物都係香口十足，本身預多咗好多budget黎食飯嘅，點知只用咗心目中budget嘅一半多，已經飽到食唔落了

老公一向很喜歡吃串燒。今日，我和他一起到銅鑼灣逛街，便決定到這間人氣嘅串燒店-深宵食堂試一試。這間店舖的地理位置十分方便，位於銅鑼灣耀華街，和港鐵站十分近。 這間店鋪不算大，座位也不算多，如果想吃的話，記得要早些訂位。由於時間尚早，大約晚上七時，我和老公成為第四台客人。坐下後，你只需要在食物紙上（像放題的紙）加上剔號就可以。 我們先點了兩杯解渴飲品，分別是巨峰提子梳打（38元）和菊花茶（18元）。🍸🍹 之後，我們點了墨魚大阪燒（42元） 墨魚頗爽口，粉漿和椰菜的分量配合得很好 ，加埋上面的燒汁和沙律醬一起吃，口感一流，令人食指大動。我們再點了煙肉荔枝卷一串（38元） 這是極具創意的一種美食，我真的想像不到煙肉和荔枝是如此的夾。荔枝十分清甜，煙肉的鹹香，它們夾在一起，竟是意想不到的配合 ，十分美味。 再來汁燒白鱔 （78元 ）平常不太喜歡吃魚的我，覺得這燒鱔非常好味 ，因為它的魚肉十分嫩滑、爽口，最重要是完全沒有骨，再配上他們的秘製醬汁，真是一流。老公喜歡吃羊，所以點了香草紐西蘭羊架兩件（82元）， 羊肉的肉質十分鮮嫩，完全沒有騷味，再配上醬汁，更加惹味。欣賞店主的細心，羊架送上桌時，已

十月是朋友們的生日月，單想生日飯要吃什麼也死了不少腦細胞。幸好這一次是主人翁自己想好餐廳並主動訂好位子，是滿分的閨蜜愛!這次來的深宵食堂以串燒作主打！當然都有主食炒飯、烏冬......但是我們決定來個串燒之夜，便全點了串燒！1/ 雞泡魚干 （HKD78)完全是配酒佳品呀！ 雞泡魚干口感qq的，完全想獨佔這一盤！可惜的是這間餐廳只有罐裝啤酒，沒有生啤酒真是一大缺點呀！2/吉列廣島蠔 (HKD 42)絕對是真材實料的！蠔十分鮮味，只能說老闆真的是大佛心，cp超高!而且不是只吃到粉漿的炸物哦！3/冰燒菠蘿 (HKD48）每次吃串燒必點的一道！烤過的菠蘿真的會更甜！4/ 汁燒帆立貝 （HKD 38)又是超大顆的！ 也是鮮味滿滿的呀！5/八寸蒜蓉大虎蝦 （HKD75@)這個真的不是開玩笑的 超級大隻!而且十分新鮮，個人認為單吃已經超贊！雖然只吃串燒但是飽足感也很高!而且每款串燒也能吃到，食物10分多元化！贊！

放工想搵個地方放鬆下順便食埋個晚餐，咁啱就見到呢間餐廳，把心一橫入去試試。餐廳環境舒適，坐位空間不焗促，日系橫裝令人想起日本既居酒屋,鹽燒雞,腎,燒到乾身爽口，但保留到肉汁，盡對係水準之作！ 生燒牛脷芯,外表燒到焦香，入面肉質依然軟糯，極重牛味，大推！ 京蔥雞肉串,成個組合爆多汁，京蔥既香味融入雞肉，一定要叫！ 冰燒菠蘿
啖啖菠蘿汁，燒得啱啱好！表面仲沾左D調味粉，非常有風味！ 一口和牛串,完全係燒得啱啱好，肉嫩香口，入口即溶！,香草紐西蘭羊架,上菜前已切好，有羊味唔太蘇，配醬汁別有一番風味,貓飯,有特色，足料，飯既熱力令木魚絲擺擺下，美觀又好味！芥辣八爪魚奶油飯,加牛油夠滑，芥辣點到即止！,芝士蟹肉玉子燒
重蛋味， 餡料有驚喜，加埋茄汁好夾！總結：地點就腳，服務好，上菜速度快，啱口味！

其實呢間想試好耐，可惜見到個門口有點卻步。但今日機緣巧合終於可以一試。去到門口已經聞到燒野食味，入到去又好煙吓，所以預咗頭髮及衣服有BBQ味。但原來這間食物很好吃，食物新鮮，有點驚喜啊。只係裝食物的碟比較普通😊整體好好味，尤其是蒜片一口牛，鵝肝什菌石頭鍋飯，仲有佢個芝士玉子燒估唔到又OK好味及芝士年糕好正, both 要番兜。可惜今次試唔到汁燒白鱔，期待下次。值得一讚戴cap帽應該係老闆好nice，樓面又係佢，招呼人落單又係佢，收錢又係佢！老闆好人埋單時送了可樂因為叫咗三四次都未有😆大家未試過真的可以試吓。此行5個人吃了$13xx, 抵食！

今晚放工又要OT，之後就要趕去銅鑼灣同M佬睇戲 －《登月第一人》，所以求其咬咗個包就算，點知一路睇戲，我個肚就餓到咕咕聲，睇完2個半鐘嘅電影之後，都已經11點幾，我本身諗住食串燒賣就算，但M佬話返工咁辛苦，要帶我去食銅鑼灣深宵食堂。燒白鱔厚肉嘅白鱔真係好正！白鱔嘅外皮燒到脆脆哋，魚肉嫩滑彈牙，咬落去仲有好多魚油，最重要係完全無骨，配埋秘製醬汁，真係好match！芝麻雞翼大量嘅芝麻，令到雞翼更加香口。熱辣辣，炸到雞皮夠脆，雞肉多汁惹味。川式燒茄子基本上食串燒都必定叫嘅就係茄子，茄子劏開一半，鋪上大量蒜蓉、醬汁同辛辣粉，真係好有四川風味，味道香濃微辣，超香嘅蒜蓉為茄子加滿分！芝士蟹肉煎蛋玉子上面寫住深宵兩隻字，真係努有feel。嫩滑嘅玉子釀滿芝士同蟹肉，切開滑滑玉子仲有芝士流出，口感豐富，味道唔錯。汁燒牛肉飯秘製嘅醬汁令呢個牛肉飯更香更濃，越食越開胃，份量唔會話太多，啱晒呢啲時間食。

之前朋友都介紹過呢間深宵食堂話幾好味！之後我都上openrice check 過好似好多好評，應該都係好味嘅呢間所以今日去開銅鑼灣就去試埋先叫咗杯巨蜂提子梳打，飲第一啖嚇親因為好甜，沉哂底d糖漿之後攪勻咗先正常翻！叫咗呢個冷盤，麻辣牛舌！口感幾特別，唔會太辣但又有麻嘅感覺大阪燒，都煎得唔錯，係個燒汁酸咗d!但我個人還接受到啦！整體都好味蒜香牛柳粒好夠蒜味呀，而且特別在於佢係濕炒！平時都係食開乾炒！而且都幾「林」幾入味炸蠔，熱辣辣上枱！個人覺得唔點汁已經好好味！又香又脆燒牛舌芯！係最最最最好味嘅串燒 好夠「林」而且入味，又有少少偽焦地嘅香和牛串，呢個排第2吧比起牛舌芯，因為有牛舌芯咁「林」芝士炸蝦丸睇下真係流心架！幾好味呢個燒雞翼，我鐘意食！好味到只係影咗一隻，另一隻食咗😂個人太懶，如果去埋骨會仲正原條茄子，好香孜然味！覺得唔錯而且好多茄子肉食到一絲一絲咁芥末八爪魚🐙奶油飯！好特別嘅奶油飯，原來係牛油，真係第一次食，先知都幾夾而且牛油超香！成個配搭都幾特別！總捨呢間小店價得推一推！性價比都幾高架！快d再約朋友黎食

好耐冇食過日式串燒，今晚同朋友黎到銅鑼灣深宵食堂試一試一般居酒屋格局，木枱木櫈，一種平實、親切的感覺蟹肉沙律，醬汁酸酸甜甜好醒胃，味道唔錯和牛串軟淋淋，幾好咬口，生熟度岩岩好，牛味十足串燒必叫，燒牛舌，口感特別，與其他牛口感唔同鹽燒雞軟骨-爽口又有咬口泡菜豚肉飯，豚肉稍為有少少肥，不過味道不錯，泡菜都好味燒羊架， 好香口，肉汁超多又好貼心咁切開一件件容易食。另外叫左條燒原條茄子, 大大條, 上面舖滿了大量蒜容, 燒得好香另外好欣賞上菜速度，即叫即燒但上菜的速度仍然好快！

百樂中心成日見到有人龍排隊搭lift, 8 卦之下, 原來呢座中心有好多野食。做過research, 對呢間深宵食堂有興趣, 今晚就黎試下。一出lift, 見到門口好神秘咁, 可能時間尚早, 我地成為左第1枱客。裝修簡簡單單, 座位唔算多, 所以最好book 定位啦!呢到主打食串燒, 款式好多, 有蔬菜, 海鮮, 肉類既燒物, 除左燒物, 仲有小食, 主食, 一品料理同甜品。好似平時食日本放題咁, 睇岩食咩, 係紙仔tick 就可以啦。先黎個蟹肉沙律, 一絲絲既蟹肉, 爽脆既新鮮沙律菜, 甜甜既車里茄, 配埋甜酸汁, 係一個好開胃既前菜。煙肉蠔卷($38串), 呢個配搭好新穎, 煙肉既香配上好juicy 既蠔, 原來係咁match,  欣賞D 蠔燒完都唔會變蠔屎。 鹽燒雞翼($32) , 食串燒必叫, 雞翼醃得好入味, 燒得個皮脆卜卜, 肉質仲好嫩。 香草New Zealand 羊架($82), 廚師好細心將羊架已切好一件件上, 方便大家share 食, 讚呀! 味道都一樣要讚呀, 好入味, 肉質好淋身, 燒得岩岩好。配埋芥末醬, 但我覺得唔洗點醬仲好味。吉烈廣島蠔4 隻($42), 

在附近商場行街後，朋友話附近有間幾好食堂，而且開到好夜。去到見到係非一般食堂，應該似居酒屋個類，比個朋友整估了。入到餐廳，多數都係梳化椅，燈光較暗，好好氣氛。奴豆腐，見相片應該係麻醬凍豆腐。有手指公，就叫了一客。個凍豆腐真係好滑，有清新感。吉列廣島蠔，炸得夠鬆脆，熱辣辣，蠔又甜。而芝麻雞亦炸得剛剛，雞皮夠脆，咬開雞肉有汁，亦係熱辣辣，夠惹味。跟住係香草羊架和芝士蟹肉玉子燒，個玉子燒好靚，好似蛋包飯面上寫了店名，而食落都好滑。羊架煮得好嫩又唔蘇。其實小店的優點，就是即叫即做即上枱，食物新鮮熱辣辣係最好味。

夜左收工，和同事食飯，一想就想到這食飯，不但收得夜，而且地方好坐， 係三五知己聚腳好地方。吉列廣島蠔和牛肉薯餅，炸得又熱又脆。芝麻雞亦，但皮脆，而且雞肉好有肉汁。蒜片一口牛粒，炒得好香，醬汁甜甜地。芝士蟹肉玉子燒，好滑而且有微微芝士味。墨魚大阪燒，係迷你大阪燒。鵝肝什菌石窩飯，攪拌後醬汁入哂落飯，飯變得較淋身，鵝肝就煎到好香。蜂蜜抽子茶，夠凍亦算大柸。串燒一口和牛，燒得乾身。比起炒，我較喜歡這個煮法，有好香牛肉味。川式茄子，上面全是橙橙地色，辣辣地好惹味。

深宵食堂是少數和朋友聚完會再去的地方，畢竟人總想嘗鮮。巨峰提子梳打　柚子茶墨魚大阪燒墨魚彈牙不韌，椰菜份量很多令粉漿吃起來很清爽，燒汁與沙津醬味道和諧，不錯！手打湯烏冬湯底香濃，烏冬滑溜，配料有些蔬菜，飽肚之選！芝麻雞翼熱辣辣，皮脆肉嫩，仍有肉汁不會過火生燒牛舌芯串燒必食牛舌，爽口富油香吉列廣島蠔金黃色外皮，香脆可口，炸醬不會厚，不錯！汁燒白鱔白鱔肉厚而肥美，魚皮燒得香脆，必食！川味茄子原條茄子上鋪上大量蒜蓉和香料，小辣而香口，不錯

放工同同事來光顧這間位於銅鑼灣既串燒-「深宵食堂」！這店雖然地方不大，但坐得舒服！而且串燒的種類很多，有幾張紙可供選擇！除在串燒，還有料理、烏冬、窩飯等，食物款式包羅萬有！汁燒帆立貝： 帆立貝燒得恰到好處，又大大粒又厚肉，食落去很多汁！芝士蟹肉玉子燒：必點招牌菜「芝士蟹肉玉子燒」，溶溶的芝士加上鮮甜的蟹肉釀係玉子燒裡面，再加上用茄汁寫係玉子燒上面的「深宵」字，十分好的配搭同味道，真的是非吃不可。鵝肝雜菌石鍋飯：石鍋飯以小鍋裝著，上桌還熱呼呼的！很厚的鵝肝，很肥美，咬落去很多汁，又香口！熱的石鍋飯再配上不同的雜菌，很惹味！總括來說，這間店很值得推界！對於我愛吃又自己懶得動手既人，這間串燒是一間很好的選擇！價格合理而且品質還不錯，可以稱得上是一口一個奢華的享受。

今晚黎到銅鑼灣的深宵食堂，地方唔算太大，但都好雅緻。我們7:30左右到，所以唔算太多人~不過好快就客似雲來。坐底時枱上已放有點餐紙，食物既種類好多，有燒物、主食、飲品同推介，蔬菜水果、雞、豬、牛、羊，應有盡有，我們下單時都無理太多，想食就點。食物即叫叫做，夠哂熱同新鮮。吉列廣島蠔炸蠔外面炸到金黃色，香脆可口，而蠔都好肥美，好鮮甜。汁燒白鱔我平時唔食魚，但友人點左依串白鱔，我試左一舊，真係好正！白鱔配上秘製汁燒到外皮脆脆地，好香口，魚肉鮮嫩仲無骨，岩哂我~芝士蟹肉玉子燒食之前做過下功課，見個個都叫招牌菜芝士蟹肉玉子燒，所以我地都點左一客，果然不負眾望，大大份玉子上面用茄汁寫上「深宵」兩字，切開滑滑玉子仲有芝士流出，係我食過最豐富的玉子燒，味道唔錯～蒜片一口牛粒牛肉嫩滑多汁，唔會煮到太韌/唔熟，再加埋D蒜片汁，超惹味！鵝肝什菌石窩飯大大塊的鵝肝，表面煎得焦脆，油脂滲入飯中，份量多，鍾意飯焦，等左一陣先食，成個飯都好香脆~川味茄子茄子最後先上枱，果然係好戲在後頭，一上枱我地都被茄子的賣相吸引住。有很多很多的蒜蓉同辛辣粉，味道很濃很香口！總括黎講我們食左好多野，都感受到師傅係用心烹調。

今晚去銅鑼灣行街街，友人介紹百樂中心間深宵食堂好得，所以我哋就上左去六樓幫襯。食物種類繁多，一般居酒屋的食物都有，但我今次只主打燒物，下次先食其他嘢。唔洗諗，食串燒一定要飲啤酒，我點了 Asahi 朝日啤酒。夠涼！夠氣！正！煙肉荔枝卷美味可口，煙肉配荔枝估唔到味道好夾，好好食。生燒牛脷芯惹味易嚼，啖啖肉。香草紐西蘭羊架好食，沒有討人厭的騷味，腍而且易咬，蘸上芥末醬，豐富味道充斥口腔。汁燒白鱔好吸引，厚切白鱔令我好開心，而且鱔皮燒得爽脆香口，水準不賴。煙肉蠔卷，配搭合宜，蠔身大大隻，認真抵食。八吋蒜蓉大虎蝦，大大隻，香味出眾，肉質爽實，用料上乘。芝麻雞翼上碟時熱氣騰騰，熱燙香脆，配上啤酒，人生一樂也。食店環境舒適，有卡位，可自成一隅。店員服務殷勤爽快，清碟快手，工作投入認真。食過一定會翻單。