淥鼎記

營業中

休息中

同爸爸食下午茶，呢度環境好靚，坐得舒服，下次要再嚟！ 今次我地叫咗 ：杞子高湯鮮竹卷湯底好清甜，令人好想飲晒啲湯。鮮竹卷吸晒啲湯汁，好好食！黃金鮮蝦餃賣相好靚，皮薄餡靚，蝦又多又新鮮，好鮮甜。 蟹子龍皇燒賣餡有蝦、豬肉同蟹子，蝦好新鮮，肉質又彈牙。蟲草花鮮蝦菜苗餃好少見到菜苗餃配蟲草花，但呢個配搭都幾match，有大大隻蝦，皮又薄，好好味！松露叉燒腸粉每舊腸粉上面都擺有松露，松露好香。腸粉皮薄，又多叉燒，配埋松露味道更加豐富。流心紫薯炸得好脆，食落超級有紫薯味，真材實料，一咬落，流心紫薯餡就會流晒出嚟，呢個好值得叫！安蝦鹹水角同樣炸得好脆，好香口，食落好鹹香，皮唔會太薄太厚。椰汁桂花糕椰汁同桂花味配搭得啱啱好，食到椰汁嘅香甜，又食到桂花嘅香味。作為甜品，完美呀！

-🔸堂主套餐 $248/位-收工同細妹喺觀塘行街，見天氣咁凍就好想打邊爐，嚟到依間淥鼎記，任飲任食兩小時，食物仲好新鮮高質，絕對可以encore。用手機掃QR code落單，方便快捷，另外仲有自助配料、醬油、飲品區，每樣食物都用獨立有蓋嘅食物盒裝好，整齊又衛生。我哋叫咗花膠美人湯，湯底有好多舊大大舊嘅花膠、紅棗、杞子等，滾起先飲碗湯，超濃郁好味呀！跟住開始打邊爐，食材方面除咗有牛/豬/雞/羊肉之外，仲有蠔、海蝦、鯇魚等海鮮，仲有少少熟食，好似鹽酥雞粒脆卜卜都好推薦啊！

放假同女朋友去淥鼎記堂主套餐（假期$258/位），佢哋總共有八款湯底可以選擇。.我哋揀咗田園農香蕃茄鍋，味道酸甜開胃，同多款食材都好夾。😋.我哋瘋狂食安格斯牛小排同牛肩胛🥰，肉味香濃好味道。羊肉口感細膩，亦有少少羊羶味。.佢哋仲有多款丸類、蔬菜、餃子任食。.蔬菜好新鮮，萵筍顏色翠綠，味道鮮甜。👍🏻.冬菇大隻又厚身，索晒湯汁味道一流。.餃子皮薄餡靚，特別推介冬菇雞肉餃，充滿冬菇鮮味，而且仲好多肉汁。😌.佢哋仲有好多唔同款式嘅罐裝同埋紙包飲品，亦都有自家製嘅涼茶，啱晒打邊爐。🎁

小寶套餐 $228一人，任食120分鐘！當中有安格斯牛小排X鹿兒島萝幻豚，也有美國安格斯牛肩胛、紐西蘭羊肉片、鮮脆鯇魚肉、手打鯪魚丸及鮮雞件等等。.環境大方舒服，座位寛闊，感覺似去了中國式宮廷。.有多款湯底可以選擇，我們的花膠美人鍋好正，金黃色的湯底帶有雞香味，花膠有很多，加入紅棗及杞子，十分養生。.牛肩胛香濃，鮮紅色十分新鮮，而且瘦身不會有很多肥肉，中間又有少少筋，口感十足！牛小排牛油脂感較多，雪花紋明顯，較鬆軟香滑，也很不錯。豬肉及雞肉也很新鮮，一次過食盡牛豬雞，好正。.也有不同熟食小食任君選擇。.到自助區，應有盡有，有不同的菜、菇，丸類多到眼花撩亂，當中餃子類有驚喜，全部都是新鮮製作的，一看就知道不是冰鮮，皮薄餡靚，啖啖鮮蝦。.除了食物，也有任飲汽水、自家制養生茶等，二百幾蚊食到如此高質火鍋放題，抵！$228火鍋任食 抵食

天氣凍冰冰，打邊爐就最好不過啦！上網見到呢間餐廳正評都好多，一於捉個朋友同我去試吓。環境方面，都坐得好舒適，而且火鍋配料任取，飲品多選擇之外仲可以任飲，當然竹蔗茅根係我哋兩個嘅首選！花膠美人鍋湯底非常足料，目測至少有五六件花膠，飲落味道清甜，絕對唔會話多味精同令人口渴。美國安格斯牛肩胛同牛小排相比，我個人更加喜歡呢個牛肩胛位。肥牛含有許多筋絡及油花，吃起來軟嫩適中，肉汁豐富。鹿兒島夢幻豚肉除咗牛肩胛之外，豚肉都係我地無限追加嘅食物之一。豚肉肉質軟腍，味道夠鮮，真係一定要食。手打墨魚丸墨魚丸口感彈牙，果然係手打！座枱出面仲有一個空間係俾人自己攞蔬菜、餃子、魚蛋等，而且仲有出前一丁😆。我自己就拎咗少少響鈴、炸魚皮、魷魚同牛柏葉，唔知係咪因為食咗大量肥牛同豚肉，所以今晚真係好滿足！

最近天氣開始轉凍，最適合打邊爐，觀塘打邊爐最正嘅地方就係淥鼎記啦！地方大，卡座多，不會擁擠，而且裝修古香古色，食嘢心情都好。價錢唔貴，$248/人，性價比高，2個小時任食任飲。湯底都好吸引人，有8大湯底，除左成日食啲酸菜，麻辣，清湯，沙爹湯底，還有特色湯底藥膳和花膠。有興趣嘅朋友可以嘗試下，我和friend都情有獨鐘沙爹湯底，所以最後嗌左沙爹鍋。等鍋上桌前，我哋還嗌左小食吃，而且小食也是任食，有炸雞，木耳，秋葵等任點。美國安格斯牛肩胛好正，肉質鮮嫩，牛肉味好足。我任是嗌左3盤，食得好滿足。120分鐘放題，我哋實在是食撐肚腩，太多的食物揀，真是抵食。

天氣轉涼，最好就係打邊爐。酸辣湯底，酸酸地，辣辣地，好開胃呀！有少量海鮮選擇，例如海蝦，蜆，生蠔，魚🐟安格斯牛肉片，出面仲有一個位，自助拎其他打俾爐配料例如丸，菇，唔同嘅菜，水餃。仲有公仔麵響鈴魚皮。飲品方面，竟然有恆溫嘅飲品，好好呀。整體來講都好乾淨好衛生，食得好放心。除咗邊爐材料外，仲有唔同嘅小食前菜，炸雞粒好好味😋建議份量可以再少啲，如果想再食，可以再添加，鮑汁鳳爪，煮到好淋，味道唔錯。

年底又是跟好朋友聚會的時候，約了去打邊爐🍲，烚吓烚吓最熱鬧。「淥鼎記」這個名字實在改得太好，易記之餘「淥」這個字也跟餐廳主打火鍋有關，實在絕了。淥鼎記主打任食火鍋，今日就試咗佢的$248任食火鍋，主要因為我們幾個人對海鮮過敏，如果喜歡海鮮的朋友，可以試試其他任食套餐。這裏地方寬敞，座位之間有一定距離，大家食飯的時候可以更安心。這裏點餐(肉類、海鮮和熱食)主要是用二維碼非常放便，而且出餐勁快又乾淨衛生。這裡的牛肉質量非常好，口感腍滑，我們幾個人叫了起馬40+ 碟。黑豚肉肥瘦相間，食起來很爽口，愛了。手打墨魚丸和鯪魚球亦都是我們重點愛食的丸子，新鮮爽口，很不錯。另外這裡的鯇魚是用高價的脆肉鯇，烚久了也不會散開。淥鼎記供客人自由選擇的食品也非常乾淨，所有食品都有盒子蓋好，蔬菜🥬用保鮮紙獨立包好，防疫到位👍🏻

#觀塘覓食記❣️#黃金鮮蝦餃皇不過不失 普通水準 😂❣#抹茶奶黃流沙包奶黃流沙包好食‼️ 一咬開啲奶黃流沙湧哂出嚟😆 好正😌 個包都好軟熟，不過所謂既抹茶應該係個包嘅顏色純粹係綠色😂 ❣#五年陳皮牛肉球個人覺得呢個平凡得黎又不失水準😊 牛肉球好大粒 上枱夠熱。平時牛肉球下邊有腐皮墊底 ~ 呢度就用左娃娃菜~❣#香芋天鵝酥賣相好掂~ 外皮好酥脆☺️ 都幾好食☺️❣#麻辣豬耳個麻辣辣度適中~ 加埋豬耳呢啲basic配搭 無乜岀錯機會😂🤣 不過我就唔太喜歡係芽菜底🥲 個人覺得草青味太重~ 麻辣嘅味道都蓋過唔到浸草青味🥲🔺🔺🔺🔺🔺🔺🔺🔺🔺🔺🔺🔺🔺🐷味 道 : 🌕🌕🌕🌗🏠環 境 : 🌕🌕🌕🌕🌕💰抵 食 : 🌕🌕🌕🌕🌗‼️性價比 : 🌕🌕🌕🌕😊服 務 : 🌕🌕🌕🌕🌗(最高為 5)-❣️整體評分 👉🏻 7.5/10-📍淥鼎記 (觀塘)觀塘觀塘道414號壹亞太中心8樓🔺🔺🔺🔺🔺🔺🔺🔺🔺🔺🔺🔺🔺

呢間又有酸辣、麻辣火鍋店聽朋友講話好正宗，所以今次同朋友一齊嚟食早段時間每位$218 /120分鐘真係好低🤩另外每位加$28 可以order酸菜魚、雞煲、椰子雞、烤魚，即係吸引到啲唔食辣嘅朋友我就order咗花膠美人湯底，清澈嘅湯底，鮮甜嘅味道加入花膠，膠質比較厚身，食落去唔會太薄，簡直係滋潤又養顏啦🧏🏼‍♀️💓放題主打肉類✨美國SRF和牛 ✨薄薄一層，仲有牛肉✨嘅油花香味✨美國SRF和牛粒 ✨重牛肉味，比較厚實✨美國安格斯牛肩胛 ✨厚度適中每啖食到牛肉牛油香味✨脆脘魚片 ✨比較厚實爽口彈牙比較新鮮✨紐約羊片 ✨晶凝通透，10秒啱啱好，保持到羊肉嘅油脂，冇羊肉膻味✨鹿兒島夢幻 ✨全肉分布均勻爽口大少少脂肪口感更爽口另外仲有其他任食仲有墨魚滑、魚腐、生菜、通菜、萵筍、台式血米糕各款蔬菜好新鮮仲有用保存膠盒確保衛生，多款飲品包括汽水果汁仲有竹蔗茅根清熱又開胃，食多幾舊都唔怕熱氣🤫

上一次去淥鼎記飲茶，就已經想試吓佢嘅火鍋，今日終於約咗個朋友一齊去試飲品櫃除咗有汽水同紙包飲品，仲有三款自家製飲品，竹蔗茅根、日式玉露冷泡茶、玫瑰冷泡紅茶雪櫃嘅自助吧選擇都好多，而且存放都好乾淨，蔬菜亦用保鮮紙包好一份份，夠晒衛生湯底有八款選擇，我哋揀咗田園農鄉蕃茄鍋，蕃茄味剛剛好，唔會太濃，味道夠自然安格斯牛肩胛、安格斯牛小排、紐西蘭羊肉片、鹿兒島夢幻豚肉、韓國生蠔、沙巴蜆、海蝦等都係仼食，真係要不停encore😍另一樣值得一食係手打鯪魚丸同手打墨魚丸，又彈牙又真材實料，而且細細粒，食多幾粒都唔怕😆平時飲茶鮑汁鳳爪都好貴，反而食火鍋可以任食鮑汁鳳爪，如果鍾意食嘅朋友就可以盡情咁食啦

淥鼎記唔係第一次來, 記得有疫情前已經開始來, 疫情期間人流好少, 有點冷清, 但當時既質素, 服務都非常好, 而且 like 佢地社交平台會仲有折扣 ! 依家疫情穩定了, 再來就無左任何折扣, 但就多左個火鍋前既半主菜 4 揀 1 , 但其他既質素就開始有偏差左今次火鍋前半主菜就揀左要少辣既酸菜魚,  Order 完唔使 10分鐘就上枱, 來到仲係好夠熱, 酸辣味尚可,  魚就好滑好食, 而且份量都幾足 !  食完就揀左幾個小食來食下, 泡椒雞翼尖幾值得推介,  食得辣既就會覺得醃得好入味, 反而蠔油雞腳就炆得太淋同埋有 D 咸, 其他小食都係一般般 ! 到火鍋喇, 今次就揀左花膠美人鍋, 呢款鍋之前都有食過, 係幾唔錯, 不過今次就完全係差左, 花膠少左之餘, 仲要係細塊左好多, 湯底亦無之前咁夠味, 之前係可以滾左之後先來飲一小碗嚐下味道, 依家值頭無人會過來咁樣叫你試, 而且埋到來既湯都唔太多, 加左水就會失味道, 所以都有佢, 先食左無得番添既牛肩胛, 小海鮮併,  呢 D 都係新鮮比較好, 而其他都係出去出面自取, 感覺已經無左以前中上既格局, 但價錢就仍然係走中上,  每

上次同係十二月生日，識咗17年嘅朋友仔請食飯，我都請返佢同佢嘅男朋友食生日飯。我哋揀咗火鍋放題，呢度食物選擇唔係算多，不過味道唔錯，而且仲有兩個優點，第一係不限時任食，可以由最早嘅五點半食到十點，第二係兩位成人惠顧，一位小朋友就可以免費，完全解決咗小朋友唔係點食嘢，比錢好唔抵呢問題。調味料自助區。餐前小食，鮑汁雞腳做得好好，暫時係我食過最好味嘅一間。火鍋前會先上幾款食物比你揀，食完先會上個鍋底，我哋揀咗招牌淥鼎記酸菜魚(走辣)，好好味，好有驚喜，啲魚好滑，連平時唔食魚嘅小朋友都食咗好多。湯底揀咗花膠美人鍋。以下三份食物按付費人數送出：刺身，豪華海鮮拼盤，美國Prime牛小排。刺身都幾新鮮。鮑魚仲係生㗎。牛小排有牛味，又唔韌。以下係任食嘅食物：鹿兒島夢幻豚，美國安格斯牛肩胛，手打鯪魚肉，手打蝦丸，手打墨魚丸。鮮雞件，韓國生蠔，紐西蘭羊肉片。韓國生蠔應該即係廣島蠔，雞件嘅部位好鞋。沙白蜆，海蝦，鮮脆鯇魚肉片/腩，脆肉鯇魚腩好味，蜆都好新鮮。自助區食物，亦有蔬菜類。各款飲品。付費人數每人一杯Häagen-Dazs雪糕。

天氣凍最適合就是打邊爐了，收工和朋友在觀塘找了一間火鍋店，名叫鹿鼎記。當我一踏入店內，氣氛和環境很漂亮，環境寬敞，店員安排了窗口位置 ，可以飽覽觀塘景色。服務員表現亦十分之踴躍，態度十分良好，我和朋都滿意，套餐$248，性價比很高，所有邊爐配料任食，飲品任飲，醬料都是自助，十分方便。我地選擇了一個澳門豬骨鍋湯底，碗湯都好足料，味道好清甜。當然要選海鮮食，叫左大大粒韓國生蠔同海蝦，生蠔配合埋豬骨湯底，夠突出鮮味，海蝦容易去殻，唔會食到好麻煩。牛肉方面就叫左美國安格斯牛肩胛/牛小排，淥幾秒食得易入口又濃牛味，肉質嫩滑，另外手打肉丸都好彈牙有口感！打完邊爐唔夠喉仲有小食嗌，台式鹽酥雞都炸得香脆可口。最特別係大大杯竹蔗茅根，味道清甜剛剛好，很適合打邊爐之後降火。整體食物質素都好高，冬天火鍋必選，一定會翻食👍🏻

今晚同女朋友再黎呢間觀超最好食既火鍋店，食幾多次都係咁高質！今次我地叫左個 正宗藥膳鍋果然都係冇令我地失望，好多不同既藥材作湯底，真材實料。呢間絕對除左裝修靚之外，佢既每一樣菜式都好有心思，我最鐘意係佢既鹿兒島夢幻豚一如已往咁好味，肉質鮮嫩，香氣獨特。除此之外，今次仲order左幾次佢既脆脘腩，爽脆好味，而且佢既order唔會因為你叫第2 第3次而比少左或者質素差左，仍然都好高質！佢既坐位非常大，坐得好舒服，一次一定會再黎！