淥烚年代

營業中

休息中

新店開張，都係朋友推介比我先知！裝修幾modern，仲特設vip房，有派對🎉可以book房一齊shabu shabu!沙嗲火鍋湯底，好濃郁，晚上都吾口渴，所以應該唔重味精。叫沙嗲湯底，當然要叫啲食物係可以索晒啲汁，我叫左豬肚、牛柏葉、豬皮、黑木耳，全部好爽口，越煮越入味！豬大腸成日係街邊都會叫，估唔到打邊爐碌豬大腸又有另一番味道，豬味會再突出啲，而且洗得好乾淨，所以食得好放心。水魷口感煙韌有嚼勁，𠝹花後更美觀，加上沙爹汁係絕配😁脆鯇魚片整成玫瑰花，很有心思，食落有少少骨，但幾新鮮且厚身。我最開心係店員會將啲食材放喺條橋上面，擺盤好美。每款食材都砌得好似藝術品咁👍🏻👍🏻👍🏻鮮蝦雲吞有大大隻蝦係入面，好彈牙，又大粒，足料。牛頸脊份量不少，有15塊。牛肉味好濃，鮮嫩，充滿油花，牛魔王必食~白菜苗完全不是小苗，每棵都好茁莊🥬整體來講，無可挑剔，食得出係優質食材

今日同朋友去尖沙咀行街，睇完場戲諗住喺附近搵啲嘢食下，無意中發現一間新開嘅火鍋店非常吸引即刻去試吓。淥烚年代，地址係尖沙咀海防道32-34號寶豐大廈2樓。上到去餐廳，裝修得非常整潔，而且坐位嘅空間好闊落坐得好舒適。坐低店員好熱情嘅招待我哋問我哋鍾意食啲乜，店員推介我哋叫咗個鹿茸菌燉花膠湯底打邊爐，188元。首先先來一個九種配菜嘅調味任君選擇，我最欣賞佢有洋蔥粒，好少地方可以食到湯底嚟到店員會將啲雞，花膠夾出嚟俾我哋食咗先，跟住就係飲咗啲湯先。湯底非常香甜，帶有濃郁嘅雞湯昧，花膠味道亦都好出，湯底有啲黏口。飲完個湯真係覺得好正，又暖胃叫咗幾碟餸打邊爐，餐廳用一個好似天橋襯托住，將啲餸放到好靚。淨係賣相已經非常吸引。脆肉鯇腩真係我嘅至愛，入口魚肉味香濃，而且非常爽口，每一啖都食到脆肉鯇嘅鮮味，爽口彈牙，完全冇魚嘅腥味豬膶非常新鮮，等一陣已經可以食，入口香甜，口感非常特別。另一個拼寶丸都係做得好出色，黑松露豬肉丸拼柚子墨魚丸，墨魚丸做到好爽口彈牙，最正就係有柚子嘅鮮甜味同墨魚丸融為一體味道非常鮮甜。黑松露豬肉丸味道層次好豐富，加上我自己又鍾意食黑松露，整粒豬肉丸都好香而且仲好多汁。好值得推介

六十年代令人回想，而“淥烚年代”卻令人回味。呢度基本嘅火鍋食材都有提供，高質素嘅牛肉、豚肉、新鮮嘅海鮮以及自家製手打丸同特色餃子等等。點好食物後，店員會拎一個九宮格嘅調味盒俾你去調配合適自己嘅醬油。九宮格有辣椒、蔥粒、芫荽、香芹、生蒜、炸蒜、薑粒、洋蔥、芝麻，總有一款啱口味。火鍋店裝修雅致，地方唔算大，但勝在座位寬躺空間感十足，而且仲有房間提供夠曬私穩，想同多幾個朋友嚟打邊爐，真係可以自成一角。今晚揀咗一個特色嘅沙嗲火鍋湯底，湯底極為濃郁，非常惹味！牛頸脊脂肪分佈平均，紋理清晰，肉質嫩滑，牛味濃郁，味道令人無可抗拒。拼丸 (黑松露豬肉丸 / 柚子墨魚丸)豬肉丸里面有松露醬，入口帶松露味。墨魚丸爽口彈牙，配上柚子，味道清新又有特色！水魷味道清甜爽滑，淥熟後變成魷魚卷，原來魷魚片𠝹咗花，望落好睇，食落爽滑。脆鯇魚片魚片新鮮，厚度適中，入口爽脆彈牙。大花甲好鮮甜完全冇沙，大大隻新鮮好味。田園盛蔬菜盒內非常豐富，粟米、蕃茄、金菇、冬菇、香菇、菜心、生菜、油麥菜，樣樣都好新鮮。

今晚2個人去左打邊爐，openrice見到呢間邊爐啲野好精緻所以走黎試下。坐低左之後侍應姐姐幫我地倒豉油同拎左個盤黎俾我地加豉油配料，侍應姐姐好nice，上每道菜都會話俾我地知係咩黎，仲同我地講笑，我地想食雞煲佢又會問我地食唔食得辣，俾番啱我地既辣。講下個雞煲先，師傅喺廚房炒到好香先上枱，個煲一黎已經聞到好香，佢個汁好燶但唔係鹹，而且啲雞好入味，同埋真係好多雞，食黎食去都食唔完。不過我想講雞煲入面既菇都好出色，索哂啲汁簡直係一流!食緊雞煲既同時上埋個日本海魚刺身，個刺身好新鮮，個盆仲可以著燈好靚~ 姐姐話佢地定期會喺日本入啲新鮮海魚番黎，有唔同既size，呢個刺身真係好好味~個雞煲食到咁上下就加水打邊爐，我地另外仲叫左牛頸脊、鮮蝦雲吞、桃膠餃、8吋長既蟹柳同雜菜盆。牛頸脊好靚，肉同脂肪既比例好均勻，而且入口仲好滑好有牛肉味。而佢個蟹柳上台時我地都嘩左一聲，因為真係好長，而且一啲都唔粉，好味!最後要講下2個餃，其實佢啲餃都好大粒同好飽滿，鮮蝦雲吞隻蝦好大。而個桃膠餃真係好出色，佢其實係一個素餃，入面有冬菇、蘿蔔、椰菜同桃膠，粒桃膠都幾大下，但我鍾意佢個口感，好爽口~ 我覺得個雞煲個汁真係

假期前同 C6 去食火鍋, 可以享受二人世界, 慢慢嘆.餐廳名雖然係淥烚年代 (取其音60年代), 但一 d 都唔 old, 裝修簡約舒適.有種高雅嘅感覺.主角係個龍皇海鮮湯鍋, 職員小姐話一定要飲個湯, 係用新鮮龍蝦, 鮮蝦, 蜆, 帶子等海鮮制成的, 所以特別鮮甜美味, 果然無介紹錯睇下海鮮嘅份量大大粒帶子牛肉, 雜丸, 鮮粉腸, 豬肚, 魷魚新鮮蔬菜新鮮牛肉, 唔肥食落唔靭墨魚丸好彈牙, 豬肉丸也不錯仲有這個擺設精緻嘅調味格, 有香蒜, 薑蓉, 香蔥, 辣椒粒......想知仲有乜醬料, 自己嚟試下就知

尖沙咀樓上高質養生火鍋店 朋友介紹呢間打邊爐 今日終於可以嚟試吓 好鍾意佢嘅裝修 色調清雅 坐得好舒服 😌😉 鹿茸菌燉花膠湯$188 湯底我哋叫咗個花膠燉湯 秋風起 補一補先🤣廚師介紹我哋 先飲湯 湯底真係足料 有花膠 雞肉 雞腳鹿茸菌 相當清甜 😋 鹿茸菌索左啲花膠湯 真係特別好食 花膠大大塊 都有好幾塊😎 飲完兩碗湯之後 開始打邊爐😉😉 牛頸脊（細）$258 超靚嘅部位 肉質鮮嫩肥美 油脂分布均勻 好重牛味 食完之後 口有餘香😋 打邊爐必叫的丸類🥳清酒蝦丸 $88金沙牛丸 $88黑松露豬肉丸$88 丸類全部自家手打 食落有驚喜 用料上乘 😍金沙牛丸原來裏邊有鹹蛋黃 非常Q彈👍 自家製餃子🥟🥟養顏桃膠餃 $88帶子餃 $118蟹黃餃 $118每款都好食 我都係第一次食帶子餃🥟 非常足料 特別好食 😋 田園鮮菌盛$108叫一個菜拼盆就啱晒 啲菜樣樣都好新鮮 擺盤又靚 啲粟米都特別清甜 讚👍 完美的一餐😎🥰 🎈淥烚年代 (尖沙咀)尖沙咀海防道32-34號寶豐大廈2樓kfoodie #hkfood #hkfoodblogger #hkfoodlover #香港美食 #香港必食 #

由海防道貫穿亞士里道條小秘道，竟然都有隱藏餐廳，見到有居酒屋，而二樓就係淥烚年代打邊爐。應該岩岩新開無耐，環境新淨企理光猛，見佢仲有包箱房仔，一大班人黎卜定間房就開心d。必備九宮格調味盤👍🏻麻辣鴨血🌶併芫荽皮蛋湯底🥬一放低個鍋就聞到好香麻辣味，鍋內有鴨血，蜂巢豆腐同埋京蔥，豆腐索哂湯最正😋🥩本地新鮮牛肉🥩手切鮮牛，脂肪唔多，有厚度得黎唔會韌，好好口感，牛味突出。依度d丸同餃🥟都係手工野，叫左幾款試下👉🏻牛肉丸，蝦丸，墨魚丸，手打丸都係真材實料，牛肉丸好食重牛味，蝦丸同墨丸特別彈牙😋帶子餃同蟹黃餃，皮薄餡靚，最特別係依度有桃膠餃，粒粒桃膠用黎做餃子餡又幾得意，有q彈口感😋 🐟脆鯇魚片🐟堅新鮮！好少食到真係咁脆口既鯇片，有鮮味🐟🦀8吋長蟹棒🦀長度同個鍋差唔多😂平時中意食蟹棒既話就爽，大大啖唔洗懢勁滿足😎又索到湯好好味😋🥬田園盛🥬最後好飽都要食埋d蔬菜🥬夾埋都有六至七款菜同菇，仲有蕃茄🍎粟米🌽回頭指數高👍🏻

朋友推薦，今日同老公去試下，果然無介紹錯！每一道都有驚喜嘅感覺😌好高質樓上店，但唔難搵，沿住海防道向海港城方向行，好容易就搵到新開張一個月，裝潢摩登，座位闊落5:45上去，無咩人，座位任選，6點半後陸續有人入座一坐低，店員就送上九宮格配料，常見嘅芫茜、蔥、蒜都有，亦有平日少見嘅芹菜不同類型嘅配料齊全驚喜嘅開始❤️湯底：鹿茸菌燉花膠湯 $188好好飲，好香菇菌味，湯入面有鹿茸茵、花膠、雞腳、瘦肉、紅棗、枸杞飲左2碗，店員倒入豬骨湯做火鍋湯底，其實好唔捨得加豬骨湯入去，因為個湯真係好好飲安格斯（小）$198好重牛味，就算淥耐左，都唔會靭黑松露豬肉丸$88、清酒蝦丸$88、柚子味墨魚丸$88每種丸都好彈牙，手打嘅口感，絕不死實三款嘅調味都有驚喜，其中最喜歡嘅係墨魚丸，墨魚丸中心係日式柚子鹽醬，估唔到中式火鍋配料會用到日式調味，但同墨魚丸好夾，即刻小清新左！豬肉丸嘅黑松露味同蝦丸嘅清酒味都濃淡得宜👍🏻蟹皇餃$118、養顏桃膠餃$88每隻淥起都脹卜卜名貴海鮮拼盤$768原隻澳洲龍蝦、6隻海蝦、6隻大蜆，還有桂花蚌和珊瑚蚌龍蝦除了啖啖肉，肉質彈牙，還有好多膏！好香！海蝦用竹籤串起，大大隻，肉質彈牙，

✨椰子雞鍋超級有誠意，竟然係包咗半隻雞！而唔係好似出邊嗰啲餐廳得幾舊！呢個湯底偏向清甜！職員仲有禮貌咁介紹呢個湯底用上海底椰、椰青水，夠晒天然！✨菠菜蒟蒻麵質地好彈牙，而且卡路里夠晒少！✨養顏桃膠餃第一次食咁新奇嘅餃子！煮熟咗之後會呈現橙色因為餃子皮夠薄，見到入邊啲餡料！朋✨新鮮豬潤比較厚切，而且冇血腥味代表非常新鮮！✨黑松露豬肉丸簡直係今次嘅亮點，因為真係好好食！豬肉丸竟然好滑，而且一開已經爆多黑松露！✨日本黑豚肉造型非常有心思擺盤好似朵玫瑰花！半肥瘦，真係超正，入口即溶！✨鮮蝦雲吞今次嘅第二個亮點！好似乒乓波咁大，而且肉質好結實！唔會一咬就散開，同埋用上好大隻蝦！✨清酒蝦丸真係有啲有清酒未到，唔係講笑😀😀✨柚子墨魚丸墨魚丸好彈牙，仲食到墨魚粒而且唔多粉漿！入邊柚子味道就有啲似平日柚子蜜嘅味道！✨田園盛洗得好乾淨，啲菜好似靚到發光咁！同埋都係好柔嫩嘅蔬菜，所以冇渣！環境係新裝修，所以坐得好舒服😆😆

太耐冇打邊爐，搵到呢間新開嘅鋪頭所以試吓。餐廳位置唔覺眼，但好易搵，佢喺海防道中間萬寧嗰度上樓梯去到寶豐大廈2樓就係。餐廳裝修以綠色為主，好醒神高貴。格局有啲似私房菜，都幾開揚。醬汁可以自己調配，有辣椒、芹菜、芫荽、洋蔥等等，而且個盤會拎過嚟枱面，好方便客人。龍皇海鮮鍋（$538）超級鮮味！聽職員講係用澳洲龍蝦去烹調，飲落好似龍蝦濃湯咁😍。除咗龍蝦，仲有普通蝦、扇貝、蜆等等去煲嘅湯底，真係要飲多啲😍，啲龍蝦肉仲要係彈牙嘅👍🏻👍🏻，其他海鮮煲完食都唔老而且鮮甜。推介～～田園鮮菌盛（$108）食材非常新鮮，而且份量唔少。擺落去湯底煲索晒啲汁，食得多肉叫個菜食均衡一下😉牛頸脊（細）（$258）推介👍🏻油花分佈平均，未食都知道係靚嘢。淥到差唔多7-8成熟，食落好嫩滑，有好重牛香味。三寶丸（$98）係手工肉丸，唔係街上普通肉丸。包含有黑松露豬肉丸、柚子墨魚丸及清酒蝦丸。呢3款肉丸係出面都未食過，係創意手工丸，肉質彈牙，味道當然係黑松露最重味，另外2款好清新幾特別，而且唔會搶左味。最後加左個烏冬，因為唔想晒咗龍蝦湯🤣。加幾條菜，連埋其他餸就整咗個龍蝦湯烏冬。好好味😋，推介呢個食法。呢間質素不錯，下

朋友介紹尖沙咀鬧市新開了一家火煱店，食物好之餘亦充滿懷舊氣氛，這晚即管和老公去試試。一出門就見到店名淥烚年代。全新的內部真是充滿六十年代的懷舊氣氛。由於是主打火煱，甫坐下侍應已遞上百味醬架，各式各樣醬料包羅萬有，完全滿足我這個混醬精。我們叫了一個鴛鴦鍋，一邊麻辣，一邊清湯，這個麻辣湯底並不太辣亦不會太油。我們先點了一客安格斯牛頸脊，單看外形已非常吸，紋理清晰，脂肪分佈均匀，一拖即吃，幾乎入口即溶，非常嫩口。丸類是火煱必不可缺的食物之一，我們叫的五寶丸有鯪魚、牛肉、豬肉、蝦和墨魚全部由廚師自家手打而成，新鮮彈牙，絕非坊間現成丸類可比。鵝腸也是火煱一種不錯的選擇，值得一讚是廚師把鵝腸清潔得非常乾淨，沒有半點殘餘脂肪在腸內。水魷是老公點名要吃的，喜歡它爽口易咬，夾雜火煱湯料，味道清甜爽滑。而鴨血放進麻辣湯底，把本身沒什麼味道的鴨血完全吸收了麻辣湯底精華，非常好味。這頓豐富晚餐，完全滿足了我吃火煱的慾望。

今晚我哋嚟咗位於尖沙咀嘅火鍋店淥洽年代食飯，餐廳位置好方便，由港鐵站出口行一陣就到啦，入面嘅嘅環境都好闊落啊，裝修亦都好時尚。鮮茄雜菜鍋呢個鍋都有唔少材料啊，有蕃茄，蕃茄入口好鮮甜，其他材料仲有唔少菇菌類同菜等等。帶子餃依個應該係餐廳自己製嘅餃子，入口鮮甜，入面既肉仲好厚實添。黑豚片黑豚片入口即溶，肉味非常之濃郁，脂肪亦都唔算太多。牛丸牛丸入口爽口彈牙，肉味香濃，睇個樣似係自家製嘅，味道算係非常之唔錯。牛頸脊牛頸脊嘅份量都唔少啊，肉味都好濃，加上牛肉非常之嫩滑，令人忍唔住食完一片又一片。整體來講，餐廳嘅質素非常之高，佢嘅材料多數都係自家製嘅，令人感受到呢間火鍋店嘅誠意。❤️淥烚年代 (尖沙咀)尖沙咀海防道32-34號寶豐大廈2樓#尖沙咀美食 #尖沙咀好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfoo

朋友話尖沙咀最近開咗間新嘅火鍋店，好耐冇打過邊爐，就決定去試吓。鹿茸菌燉花膠湯火鍋湯底我地點左鹿茸菌燉花膠湯，燉湯好足料，飲落非常清甜，完全有阿媽老火靚湯嘅味道。牛頸脊肉質鮮嫩，有咬口，切嘅厚度恰到好處，口感爽嫩軟滑。田園鮮菌盛蔬菜及菇嘅種類好多，有番茄、金菇菜、冬菇、粟米、油麥菜、生菜……全部都好新鮮。脆鯇魚片鯇魚片好爽脆，擺碟有心思，睇落似朵花。清酒蝦丸、黑松露豬肉丸、柚子墨魚丸丸嘅口味好特別，全部都係餐廳自己手打。清酒蝦丸咬落去淡淡清酒味，仲會爆汁。黑松露豬肉丸咬入去會見到黑色嘅松露，柚子墨魚丸亦都係有餡，質感咬落去好彈牙。蟹皇餃、帶子餃、養顏桃膠餃三種餃子亦都係自家製嘅獨特口味，個人最鍾意帶子，咬落去真係有成粒帶子，配搭新穎又好味。炸響鈴炸響鈴火候十足，喺店舖即叫即炸，上枱嗰陣仲係熱辣辣，淥完仲好香脆但唔油膩。八吋日本蟹柳的確係好長，有兩至三條一般蟹柳嘅長度，淥完都唔會散開，食落個質感都唔錯。總括而言，餐廳食物質素非常高，食得出配料用心製造，而且環境舒適，如果想打邊爐嘅朋友可以去。

今日天氣好好 陽光普照 約朋友係尖沙咀行街 中午想打邊爐於是上到黎到呢間火鍋店 佢嘅位置係尖沙咀海港城附近 係尖東站行過黎大概10分鐘💦💦💦一入到黎就發現餐廳好環保♻️♻♻️雖然外面氣温30幾度🌞🌞🌞 但因為午市客人少 得我哋一枱客 只係開左一部冷氣 我個人非常欣賞支持環保嘅人👍🏻👍🏻👍🏻入到黎發現冇行打邊爐 不過唔緊要有燉湯盅飯 我揀左川貝海底椰魚湯 配 蟲草花北菇滑雞蒸飯 而朋友仔揀左黄金菜樹菇燉花膠湯 配 黑松露排骨蒸飯😄😄😄一上枱啲湯熱辣辣 飲到我個人好暖笠笠 飲左幾啖就開始流曬汗🔥🔥🔥 海底椰魚湯好濃 潤肺化痰補腎 啱曬轉天氣飲🔥🔥🔥 花膠湯就滋陰養顏 入邊仲有好大片花膠另外個飯嘅蟲草花好香 滑雞又嫩🔥🔥🔥

第一次嚟淥烚年代，雖然叫淥十年代，但一入到去就覺得啲裝修好摩登XD 同埋環境好乾淨企理，坐得好舒服～～湯底揀咗川貝百合燉螺片湯🍲湯底超足料，除咗好多螺片，仲有好多椰子、瘦肉、雞腳，超好飲！職員介紹我哋打邊爐之前可以先飲吓個湯先，本身都係諗住試吓，點知一飲飲咗兩碗先捨得開始打邊爐，十分推薦！呢度食物質素都好好，牛頸脊好夠牛味亦都好嫩滑🥩白鱔片同牛柏葉都好新鮮🐟另外叫咗啲丸同餃，餐廳用咗個架嚟裝住唔同款嘅丸同餃，好吸睛🥟啲餃嘅口味好新穎，食咗蟹皇餃、帶子餃同桃膠餃，最鍾意係佢啲餃子皮，煙靭得嚟又唔會太厚。試咗佢哋嘅豬肉丸、蝦丸同墨魚丸，全部都好彈牙同鮮味，真係幾出色👍田園盛豉油同配料都好多選擇，一開始會上個九宮格有九款配料，最欣賞佢啲炸蒜，好脆好香口亦好香蒜味，鍾意炸蒜嘅一定要試吓！