海灣冰室 (已結業)

未坐低就已經大聲呼喝叫你掃安心出行，驚死你唔掃咁，但係佢每一枱嘅枱面都起碼會有一個code。我嗌咗一個沙嗲牛肉麵拼牛乳炒蛋配牛油多士，上嚟嘅野食普普通通，係個多士上嚟真係夠脆，以佢$39係還可以嘅，但係呢個價錢出去食其他冰室/茶餐廳會有更好嘅選擇。佢係有海景睇嘅，不過係有樹檔嘅海景囉，要睇景我會選擇上去樓上麥當勞慢慢睇，個景仲靚，啲員工態度又好啲。不過呢間冰室真係環保，用嘅碗碟寫係凱柏冰室，查一查先知原來係同一個鋪位之前嗰間鋪，唔怪之得連個裝修都一樣啦，咁係咪即係轉過個名又開過呀🤨

過年瞓到自然醒係超正的， 謙謙話好耐冇玩過佢架Scooter，咁就去荃灣西海邊果頭啦 ！ 但我又想食飽先比佢玩， 好彩海之戀有間海灣餐廳，我地入去食飽再玩。我亦見到好多單車手在外停泊單車入去嘆杯奶茶再出發。謙謙聽到食飽有得玩，胃口大開， 我地叫左以下野食：⚛ 大碟飯系列 ～ 至尊豬扒+腸仔+餐肉 配咖喱汁飯 ， 謙謙鍾情咖喱正好呢到的咖哩係好香而dd 辣， 豬扒肉質軟諗易切。⚛ 韓式春川辣雞起司蛋餅 ～ 估唔到係呢到有蛋餅食， 忍唔住叫返客啦！ 即叫即煎😍😍蛋餅煎得好香， 內裡包住辣雞和芝士口感好豐富。⚛ 吉列豬扒沙律 ～ 阿媽放縱系列， 吉列豬太吸引我了好酥脆點沙律醬我最愛呢！⚛ 炸薯條 ～ ☺ 舊式粗肥薯條， 自己再加鹽唔錯喎。今次可以座到卡位望住個海嘆返餐， 阿媽覺得好舒服，食飽後先有力陪謙放電。

呢個雜錦烏冬，其實係上海粗炒但收烏冬價錢，烏冬極幼，完全唔係日常食開烏冬，係粗炒黎，而雜錦只有一些蝦仁，好細粒，去過茶餐廳食就知唔會細成如此，至於發菜蓮藕湯，好咸，味精重，最重要係無咩發菜，但多蓮藕，飲完好口渴。即使有海景，即使價格普通，餐廳最緊要做好自己品質先會客似雲來。仲有，埋單時，木口木面，連謝謝、下次再黎都無，難怪成間餐廳開係海之戀都比附近海濱茶樓差很多，個度座無虛席。

以超值的價錢可以在海濱美景下享用午餐，曬著和暖的陽光，絕對是享受。餐廳裝修非常有格調屬於新式冰室，近門口位置全是落地玻璃設有多個卡位，非常適合喜歡用海景拌飯的朋友仔。食物方面性價比高，分量十足。特別推介午餐的卡幫你煙三文魚意粉，非常香濃的忌廉汁加上煙三文魚的鹹香令意粉更加滋味，加上蘑菇及煎香的煙肉，令整碟意粉含有層次，口感豐富。常餐也值得一讚，蛋炒到非常香滑，而通粉的龍雞湯真的非常濃郁，不是一般貨色，絕對值得加錢選蒜香多士，外層香脆內層軟熟蒜香撲鼻。瑞士雞翼就不過不失。紅豆冰的紅豆相當澎湃。金牌常餐 $55～必食火腿仿鮑魚絲濃雞湯通粉北海道炒滑蛋+午餐肉蒜香脆多士(+$4)瑞士雞翼2隻（+10）紅豆冰(+$9)午餐$57卡邦尼煙三文魚意粉 ～必食（+$3凍檸茶）公司三文治$58

荃灣西原來都有平價茶餐，仲有勁靚海景😱🤣 放假走左去donki入貨買完野食個lunch，搵左呢間係海之戀商場既茶記「海灣冰室」，價錢係呢頭黎講算幾平，質素都算係咁。.🍴咸魚雞粒炒飯 $68叫個炒飯就知夠唔夠鑊氣，足料夠鑊氣，仲將雞粒炸過先炒飯，炒飯底唔油，食落鹹魚味夠香。.🍴熱辣辣豬排炒烏冬 $47下午茶1400就開始，晏左食lunch仲有得叫tea，幾鍾意佢既豬扒炒烏冬，豬扒係原件上架，唔會切到碎粒粒撈埋啲烏冬一齊，烏冬就正常發揮。.🍴炸雞髀拼薯條 $48炸髀都係食隻髀係唔係生炸，炸得岩岩好唔過火，咬落先有肉汁夠好味👍🏻薯條脆卜卜.加$9轉特飲咸檸7，咸檸原粒上👍🏻夠晒味，唔會好似有啲鋪切一半。咁岩今日有海景位真係好relax，茶記價錢嘆靚景👍🏻

荃灣站📍海灣冰室-去完Donki就係海之戀商場睇下有咩野食，見到好多單車友同街坊都食呢間冰室，又去試下。大碟飯系列（$67）未食晏就叫大碟飯食下，瑞士雞翼火腿午餐肉意粉配黑椒汁，啖啖肉嘅茶記之選😋好鬼多汁好惹味。牛魔王焗飯（$68）焗飯超多黑椒汁，面頭仲有芝士，超邪惡😍鮮牛肉都好多塊，女朋友食唔晒又到我出場👅以上兩個套餐配熱飲一杯。炸雞髀沙律（$48）炸髀大大隻，咬落有肉汁，唔多炸粉。雞髀炸之前仲𠝹左一下，唔中意拎著黎食都好易拆到肉出黎👍🏻沙律好有童年回憶嘅味道😛環境方面，望到海景嘅冰室真係好少有，建議大家黃昏黎，望著海景食下午茶都唔錯。中午黎就會係猛烈日光嘅沐浴下用餐😹 冰室價錢，海景享受，餐廳裝修都幾靚，坐得舒服。另外大家記得係荃灣西C出口出，因為餐廳係唔可以係商場入去😛

早幾日做嘢經過海之戀，見到有間冰室望到靚景，環境都唔錯，所以入去幫襯。.食品選擇唔少，而且喺海之戀商場嚟講價錢都唔算貴😄。.🥢咸魚雞粒炒飯 $68炒飯粒粒分明又有鑊氣，充滿鹹魚嘅鹹鮮同香氣。.雞粒份量唔多，但肉質彈牙。加入蛋花後顏色金黃吸引。蔥花增添香氣，亦令炒飯味道更豐富。整體嚟講份量多，而且味道唔錯。午餐仲有送熱飲，性價比不俗。🍟炸薯條 $32呢款係茶記常見嘅扭紋薯條。香脆又重薯味，份量多，女朋友好鍾意😋😋😋。.整體性價比高，環境好坐，值得一試😁！.

冰室都以港式美食為主，但可以看著海景的冰室，確實不多，海灣冰室就有這樣的條件。海景，並不是其重點，食物才是其重點。食味質表素同味道都不錯份量都很充足，價錢又合理，還可以看著海景品嚐，值得加分。******************************擁有不錯地理位置的海灣冰室，位於荃灣海濱的一個商場地下，從地鐵站C1出口，轉左就已經到達，都非常方便。餐廳裝潢帶點懷舊味道，空間充足，座位也坐得舒服，在疫情之下，都可以食得安心。前來剛好下午茶時段，午餐的人剛好離開，所以有座位選擇。坐下不久，又發現餐廳已經滿座了。下午茶時段的餐廳都以下午茶餐為主，午餐和鐵板餐還有供應。周末就睡夠才前來，就早午餐一拼而吃，最後選上了金牌常餐，因為可以加錢改選其他食物，還有我喜歡的蕃茄湯底。這金牌常餐 HKD72，脆卜卜多士，加HKD4 改為蒜香多士，麵底加HKD4 改為出前一丁麵，還附上湯粉和麻油。選了北海道滑蛋和午餐肉、沙嗲牛肉配蕃茄濃湯，凍檸檬茶都只需加HKD3，還可以加HKD10 配瑞士雞翼，非常豐富的一個早午餐。出前一丁麵底都不用多說，但值得一贊就是蕃茄濃湯，除了蕃茄，還有雜菜，湯底和羅宋湯味道一樣

今日放工之後經過荃灣,我想食一些又暖又飽肚嘅正式西餐。😊入到餐廳裏面見到裝修唔錯好舒服。有餐牌, 選擇我哋最愛嘅經典鐵板餐。我自己就點咗一個黃金雞扒鐵板餐,可以任君選薯條薯菜或白飯。而佢哋可以有好多配搭比你選擇,例如燒汁蒜蓉汁,同埋洋蔥汁。我自己認為佢哋嘅黑椒汁永遠係最好食。原來下晝都可以有,炒蛋通心粉。佢哋嘅雞蛋好特別係美國正式A級雞蛋。可以話營養高脂肪低好適合女士選擇。間餐廳無論地理位置各樣嘢面向海景都係享受一流。

▶️行完Donki見海邊有一堆餐廳，最後揀咗呢間冰室，因為真係好鍾意食茶餐廳🤣黑椒汁特色什扒配意粉🥓🥩🍖🍝什扒最好，唔使揀咩都有得食🤣雞扒煎到脆皮👍牛扒同豬扒都唔係茶餐廳嗰種勁薄用鬆肉粉整到勁淋個種，配埋黑椒汁甜甜地辣辣地🌶️都幾好食😋魚香茄子煲配白飯同中湯🍆🍚幾欣賞個魚香茄子煲，唔會死咸同好油膩，平時好怕食嚿茄子成口油，呢個做到清得黎夠味，配飯食或者就咁食都唔錯😋有得加廿蚊配碟油菜，就算一個人食都可以有肉有菜👍🌟環境都幾乾淨企理，比冰室嘅價錢，可以對住個海食飯，真正男人既浪漫🤣

2022新年快樂！想去荃灣西海邊吹吹風，在屯馬線C1出口一出去記見到海灣冰室（之前叫凱柏冰室），環境好正面向大海。.剛好坐在望海卡座，不得了！食個tea好正好嘆。.法蘭西多士$32，脆香吃食，中間還加入了醬汁，加上糖漿食好邪惡好正！加上杯菠蘿冰，新年之樂趣！.見下午茶時間都有lunch 食，瑞士汁乾炒肥牛河都是$57送飲品，抵食。炒到好香，不會太油或太乾，肥牛靚不會太肥。.再來一個”全日早餐”常餐，$55好豐富，加$10可配雞翼2隻。蕃茄湯濃郁健康，沙嗲牛肉份量多。.好食又有靚景，當是去了一次本地旅行。

屯馬線開通後經常去荃灣西海之戀，近海吹吹風行下好relaxing，而在海邊有海灣冰室，以為海邊的餐廳好貴？價錢合理又坐得舒服，嘆呀！.午餐一律$57，有中西式，見到份量多賣相又OK，我叫了C餐意式焗魚柳飯或意粉，焗得好香，芝士又多，蕃茄汁煮得意粉好入味。魚柳一大塊，食得飽飽。午餐送飲品/例湯，湯水足料又滋潤。.大碟飯系列可以自己mix & match: 扒類任選1款（黃金雞扒/薄牛扒/至尊豬扒/香煎龍脷柳/ 瑞士雞翼/ 炸雞翼）、配料任選2款（廚師腸/煎蛋/火腿/午餐肉/煙肉/炒滑蛋）、自選醬汁 （燒汁/ 黑椒汁/洋蔥汁/蒜蓉汁/咖哩汁/忌廉鮮茄汁），可以配飯/意粉/薯菜。.如果不餓，可以食小食加杯特飲（紅豆冰），坐在卡座望海，不得了平民價錢，海之戀享受。

近年來，在港鐵荃灣西同圍一帶，都變了很多，除了大型樓盤，隨之而來就是新商場，沿着海濱走，偶然發現了這一家茶餐廳「海灣冰室」，雖然位置屬於「海之戀商場」，但其入口卻在商場之外，正正對着公眾碼頭及海濱步道那一邊，相信在海濱走走的朋友才會發現。室內環境沒有大玩甚麼懷舊，但感覺新簇光猛，地磚有少少懷舊風，整體裝潢仍是以摩登為主，地方算是頗闊落，沒有太過擠逼感。最佳位置當然是近門口，倚着窗旁的卡位，視野既開揚，又有少少遠眺的海景，又可享受着冬日暖陽，感覺特別舒服，予人也份外精神。午市時段的選擇非常多，包括常餐、午餐、大碟飯系列、焗飯餐、意粉餐及炒粉麵飯餐，如果2:00pm後來，就開始供應下午茶餐了，此外，還有經典鐵板餐、小食、飲品……等等。而各款套餐，都包基本飲品或例湯，亦可以加錢轉特飲。各款餐具、調味包都如大多數的茶餐廳般，已放好在枱面旁的抽拉櫃桶，自由取用，看到排列井然有序，就感覺到店家的管理很不錯。我們選了一份午餐：「京都豬扒飯」（$57），再配一杯「鹹梅七」（+$9），碟頭飯的份量可不少，而感覺像是即點即做，不是那一種兩餸飯般的質素，京都豬扒甜酸細緻，豬扒亦很鬆化，還加了很多洋蔥和菠蘿，

成個海之戀，真係想搵一間平少少嘅嘢都難，除咗譚仔之外我平時去開嘅就係呢一間對住成個海嘅海灣冰室，佢喺海之戀最外圍嘅商店，加上如果有得坐窗邊，可以話係第一靚景嘅冰室，食平嘢都有靚景！🥰芝士忌廉汁龍利柳焗飯 $68芝士勁拉絲，表面焗到香脆，最估唔到係魚柳咁大塊，幾乎大塊到cup住成個碗，我就叫多杯特飲$9紅豆冰，正常，甜度適中，紅豆未煮到淋晒依然有咬口！大碟飯可以跟薯菜 $67至尊豬扒，另外再揀多2款配菜，最重要係汁醬選擇有成6款，任君選擇，豬扒幾好食，唔柴，足夠厚大，招牌無誤😚quick lunch都可以對住靚景食係個不錯嘅選擇呢

星期日去荃灣海之戀商場行街，呢個商場最近開左donki迴轉壽司，不過今日就多人無去試，但就試咗呢間喺海旁附近嘅海灣冰室😋揚州炒飯嚟到已經有好香嘅獲氣味！入邊有好多蝦仁、叉燒、飯炒到一粒粒！好好口感！配上一碗中湯例湯，今日係紅青蘿蔔雞腳湯，湯好好飲，唔會有味精湯嘅味道😋火腿雞柳千島汁焗飯呢個味道超神奇！可能係因為我平時最鍾意食海鮮千島醬pizza，呢個簡直係好似千島醬pizza加飯嘅味道🤣🤣好神奇！炸雞髀沙律雞髀炸得好好，外脆內軟，雞肉仲有肉汁，一啲都唔鞋😋咸檸七就飲得多，呢度竟然有鹹梅七，一於試下。叫餐轉特飲都只係加$9，熱飲全唔使加錢，幾好🤣咸梅七好fresh，送飯一流！