海灣冰室 (已結業)

成個海之戀，真係想搵一間平少少嘅嘢都難，除咗譚仔之外我平時去開嘅就係呢一間對住成個海嘅海灣冰室，佢喺海之戀最外圍嘅商店，加上如果有得坐窗邊，可以話係第一靚景嘅冰室，食平嘢都有靚景！🥰芝士忌廉汁龍利柳焗飯 $68芝士勁拉絲，表面焗到香脆，最估唔到係魚柳咁大塊，幾乎大塊到cup住成個碗，我就叫多杯特飲$9紅豆冰，正常，甜度適中，紅豆未煮到淋晒依然有咬口！大碟飯可以跟薯菜 $67至尊豬扒，另外再揀多2款配菜，最重要係汁醬選擇有成6款，任君選擇，豬扒幾好食，唔柴，足夠厚大，招牌無誤😚quick lunch都可以對住靚景食係個不錯嘅選擇呢