海景咖啡廊 (已結業)

見呢度的食評唔錯, 又有openrice 75折優惠券, 所以星期日來到食自助餐, 地方唔大不過環境唔錯, 見好多家庭朋友都係一大伙人來食...其實食物總類都算唔少, 先說凍盤, 有即叫即開的愛爾蘭生蠔, 淡淡的海水味但creamy, 不過因為得一個人開蠔, 有段時間要排晒長龍, 另有好大隻的翡翠螺, 但好難整舊肉出來, 我記得日航酒店的名仕餐廳係已幫客人整左, 細心好多, 仲有龍蝦仔, 凍蝦, 青口, 蟹腳...刺身有好爽好甜的帶子, 三文魚, 立魚, 八爪魚, 吞拿魚, 全部即點即切, 有即煮日式拉麵同烏冬湯有番茄白豆湯, 熱盤有, 蒸魚, 炒飯, 沙律, 咖哩羊, 芝士長通粉, 燒雞, 中東羊肉包, 雞翼, 炸洋蔥圈, 吉列豬扒等等, 我只係食過一部份, 只係中規中矩, 但燒牛肉卻不俗, 有肉味, 仲可以選擇, 廚師可就你需要生熟程度而切d適當位置比你, 夠細心甜品bar有朱古力噴泉配綿花糖, 而且有好多唔同的生果,例如橙, 奇異果, 西瓜,菠蘿等, 另有紅豆杏仁豆腐, 內有果醬的小型提拉米蘇, 或正常一盤盤的提拉米蘇, 芝士, 咖啡酒味配都合得到,美式芝士餅, 慕絲, 麵包

媽媽買「動L」有些少斬獲，所以我生日請大家食BUFFET，THX~雖然請啫，我都格下價，揾間平靚正，見OR有coupon，之前食過都ok，咁就再嚟海景嘉福啦！1行人5大2細 7:00到，都有7,8成full，冇諗過monday都咁多人！wow...好肚餓，去攞嘢食lu！先行1 round，食物種類唔太多，但勝在啱口味，牛/羊扒、剌身、海鮮、甜品.....生蠔我唔好，但屋企人個個話正，成打上，即開好新鮮，細細隻，有啲都好肥美，仲有２種揀，不過頭段多人，每次都要排隊凍海鮮有蟹腳、小龍蝦、翡翠螺、青口同蝦，係賣飛佛，樣樣都好有海水味，夠鮮甜爽口，我食咗好多，尤愛蟹腳、小龍蝦同翡翠螺，成晚食咗4碟！仲不停refill，每張枱都有較剪同鉗，方便！如果翡翠螺細隻啲就very good沙律款唔多，我食咗啲，有羅馬菜、煙三文魚、黑椒煙肉、豆、4/5款醬汁，都新鮮剌身+壽司基本嘢，有三文魚、八爪魚、吞拿魚、北寄貝同帶子，新鮮好味，尤其我至愛嘅帶子，都算大隻鮮甜，不過師傳每次切份量唔太多，中段已經冇晒lu~而壽司只得加洲卷之類，冇興趣冇食牛/羊扒我麻麻地肉，但係２樣都有食，味道唔錯，肉嫩唔鞋，有燒汁同黑椒

小妹向來不太熱衷自助餐，怕胖是原因，更怕看見大堆粗製濫造的食物，賠了金錢又影響心情。記憶所及的精品有已結業的中環麗嘉酒店，半自助餐的食物種類不多但都色香味俱全，可惜此情可待成追憶；大眾化的東涌諾福特酒店也不錯，種類多而見心思，最適合朋友「柴娃娃」聚會。上星期跟老公去海景嘉福酒店慶祝暑假的來臨，覺得這是吃得輕鬆又滿足的一頓，這裡少了麗嘉酒店的拘謹，但又沒有諾福特酒店那麼「熱鬧」。小妹最欣賞的是這裡的海鮮和甜品，熱葷也頗見心思，唯一「甩碌」就是焯蝦，老公吃了一口已大叫中伏，小妹自然不敢進攻。不過這酒店無論氣氛和食品皆是水準以上，慶幸能在她八月裝修前一嘗美味，期望十月再戰江湖會有驚喜(例如半價優惠或買一送一之類…呵呵！

昨晚到海景嘉福酒店海景咖啡廊自助餐，食物質素頗高，有2種即開生蠔，都很新鮮；翡翠螺和大蝦新鮮爽口但味道普通；長腳蟹一早解好凍不會一入口是冰凍的，肉質鮮嫩味道有點鹹但可接受；魚生有吞拿魚、三文魚、帶子、北寄貝，帶子很鮮甜其他的一般，海鮮和頭盤很好。湯有兩款粟米羹和南瓜湯，只淺嚐了南瓜湯，味道可以有很香的南瓜味但不太熱只可以說是暖入口的感覺很怪，湯要熱才好飲。沙拉，一般貨色無甚特別。熱葷，選擇不多可用一個字形容-差，燒牛肉燒羊肩太老太韌，蒸魚及蒸扇貝蒸得過火，全部外觀不佳而且質素都一般，可以不試。沒有中式粉麵，沒有西式炒意粉。甜品是驚喜，生果很新鮮，小型”心太軟”味道很好，用openrice優惠券送的那個火燒Haagen-Dazs 焗亞拉斯加不論是上桌還是味道都很精彩，連我這不好甜食的人也很欣賞。如果是原價的$338會覺得不很值，但如用openrice 的75 折優惠券就值得一試。Open Rice 版主請更新價錢，網頁內看到每位是$298，但現在已經是要每位$338

肥仔生日，一眾友好又送禮物、又一齊去食自助餐，認真比面！ 肥仔應該記住肥D、契媽、同契爹對你幾好啦！一早訂左位，但衰在無問價錢！皆因係Open Rice 網頁內看每位$298+1，但埋單竟要每位$338+1！ 好似累朋友駛多左錢咁！真唔好意思！ Open Rice 版主真要update下D價錢啦！講番嘢食，都OK啦！但如果係$298就更加OK囉。去到都幾早(6:45pm)，人唔多，見到個Tiramisu未有人食過，就同佢影番張齊整嘅靚仔相(好難得o架，因為一比人叉過就會好醜樣。但到最後食嘅時候就幾失望囉，因為中間個D好似浸濕麵包咁嘅嘢好難食(濕過頭、又甜、又唔夠酒味)。食唔到o個舊嘢就都幾好，但整體嚟講：係個餅稍"削"囉！"實"番少少口感就會好好多(亞蘇話唔駛講口感喎，傻嘅)！海鮮冷盆 ：即開生蠔 - 我自己一向唔食嘅，因為覺得好腥同我食唔到有鮮味就無謂"屣"啦！但見到即開，又試下！無以前晌第二度食咁腥，但仍然係無乜味道(可能味覺有問題)。Brother 同公子就不停咁食，應該係幾好啦掛！蟹腳 - 稍細隻、肉質"削"、稍咸，一般啦。三文魚、凍蝦、八爪魚都係一般貨色，唔好、但唔算差。娜威

嗯~心血來潮想食buffet!!聽d朋友仔講尖東有間酒店既dinner buffet唔錯,所以''殊''一聲就去啦~一行4人上左去...首先望下個場,,ok ar~唔係好大,但都唔細囉坐低之後,d waitress 好nice問我地要'凍水or熱水''因為有d酒店問都冇問就俾水,好唔專業開始我地既大搜查之旅~~第一件事梗係拎生蠔啦<<<即開嫁>>>唔錯唔錯~好美味啊!!!!再搜查其他海鮮~~有我最鍾意食既''凍蝦'',,''(非)翠螺''~值得一讚讚讚!!!經過一輪海鮮大搜查..再搜''日本刺身''~gooddd@@@由於我唔係太喜歡食熱盤~所以淨係飲左個湯&燒牛肉不得不提e個燒牛肉~~~超美味,i like it!!好~要去搜查甜品啦~d friut好甜..d cake整得好靚..原來佢地今個月係做thai promotion所以有好多泰國甜品~值得一試係個雪條自製嫁~我o係hk真係未見過囉~泰國風味牙!!飲埋個餐茶~埋單走luu!!有openrice coupon85折~超抵!總括黎講::::我會俾佢地幾高分因為依家即開生蠔真係好少.

款式不多, 沒有關東煮, 沒有咖哩等東西吃長腳蟹ok, 沒什海水味, 幾新鮮的, 都算啖啖肉龍蝦約半小時再上一次, 轉眼間便回消失. 蝦肉都算彈牙, 但要說新鮮及味道, 總不及洲際的好吃, 當然價錢也差很遠, 是理解的.三文魚一般, 新鮮程度尚可.生蠔一般size, 有幾款, 有幾個國家的, 師傅作了詳細的解釋

今次和朋友三人行去試下,熱食不多,幾樣熱食都好吃,有羊胺,德國腸,燒牛仔肉少食幾件.ok主打生蠔,長腳蟹,翡翠螺.Irish蠔small but it's really fresh &juicy,Crab's legs fresh and ok big(about 2-3oz each leg)I ate many,hehe!!Jade shell are also large size,not small one.我吃了20隻腳,10隻蠔,10隻螺已覺有賺.甜品酒店式一定好.用上korean士多啤梨的strewberry's cake 是超正.我是strewberry fans ,韓士多配白朱古力也很正找到西班牙火腿ok好吃.和那不很特出的芝士位才是好野所在.銀鍚紙包着的軟芝士配餅干是不便宜的貨色,超讚!!!日本bar無試,衹見三文,tuna 不是很肥美的樣子.可能係好貨色也不知道

一個禮拜之後又再黎呢度食,今次食d野同上次大部份都唔同晒,甜品唔同晒,上次係白朱古力噴泉,今次就係純朱古力.除左冷盤外,其它野都換左新口味,有驚喜.但就冇左湯粉麵,換了西班牙海鮮湯,完全冇海鮮味,浪費了碗中既海鮮.總括黎講都可以再黎,幾好味!

Thats the first time we dinner here. HKD$388 per head. After discount around $310 per head for 8 peoples. The choice of food are less. But the quality are quite good! All sea food there are good. Fresh open oyster are the best. All other hot dish are average. Desert are ok but ice-cream a bad! But will go again because I've got the discount card........... If not, its abit expensive for that less choice of food.

論款式, 唔算多, 比起差唔多級數嘅帝苑仲要少一啲, 不過自問對自助餐熱盤興趣唔大, 所以冇所謂.冷盤有蟹腳, 即開生蠔, 蝦, 藍青口同翡翠螺. 蟹腳質素唔錯, 鮮甜多汁, 唔似某啲酒店雪到乾晒味同嚼蠟. 生蠔幾新鮮, 味道稍淡, 但都幾ok, 其餘幾項都有中上水準.刺身有三文魚, 吞拿魚, 鱆紅同八爪魚四款, 都幾新鮮. 壽司有海膽之類較貴貨色, 都refill咗幾次, 冇話象徵式出兩次就算, 算係交足貨.西式煙燻魚有兩種, 味道唔錯. 主菜有兩款, 我揀咗燒牛肉(另一款唔記得係乜), 質素OK. 甜品整體中規中矩, 最正係芝士餅, 真係好香芝士味, 好彩事前check過食評, 趁早攞咗先. 後來冇再見到refill過.如果鍾意食冷盤, 唔介意款式少啲, 呢度嘅食物質素算唔錯, 以中價buffet嚟講, 幾好. 特別值得一讚係枱面一早擺定食蟹工具, 每位一份, 唔似某啲酒店, 要叫至有, 仲要係share用, 有欠細心.

昨天我和男友六週年...見網上評語不差...終於去試左凍蟹: 算係全場最好味, 我同男友前後食左好多隻腳生蠔: 本身我自己唔LIKE食, 但我都食左3隻, 第1隻入口已經好鮮甜, 不過我們2個人都只係食7-8隻左右螺: 第一隻入口真係好鮮甜好正...但食到第4隻發現有沙 之後冇再吃了蝦/青口: 各只吃了一隻...好一般囉~魚生: 款式很少...我只吃了3款(三文魚,八爪魚, 白色好似帶子)....入口都OK...前後食左2碟熱盤: 全場+埋夠放2碟...2個人食...魚/羊肩/芝士通粉 最好味...佢地今次主題"意大利", 點知佢個意大利海鮮炒飯好難食-.-....我平時好LIKE食芝士都接受唔到甜品: 個朱古力CAKE好苦...我男友最愛的朱古力都話好難入口...其他一柸柸既甜品...有D就太甜...而且大部分都有酒味...中東甜品太硬了...我只吃了一口就沒吃...其他都係麻麻地咋....最衰食唔到個芝士餅...出到去最後一件岩岩好比人拎埋...而且果時都9點幾...冇再出過....總結: 我和男友都得呢間比美麗華好少少...但呢間d款式太少...一定唔岩d小朋友去囉...唯一我喜

尋晚同屋企人去食自助餐, 係第一次去依間食~ 諗住都叫做星級酒店, d野食就算款式唔多都會精d啦...但點知款式極少之餘,質素亦唔見得好高...沙律實在唔吸引...沙律醬既款式好似仲多過配菜~生蠔勝在即場開囉,但唔大隻~ 長腳蟹﹑青口﹑扇貝﹑田螺﹑刺身都ok~熱盤有蒸魚﹑羊鞍﹑燒牛肉﹑大白菜﹑炒薯角...味道普通, 志在填肚~D甜品賣相都幾精緻,味道唔錯~整體唻講都唔係太差,但就真係冇野吸引到我再去幫襯嘞...

難得有朋友萬歲請食自助餐 , 減肥天使結果都係輸左比魔鬼去左食啦。第一次黎呢度試食buffet , 可能上網睇到其他人既評價都唔錯 , 所以對呢餐有少少期待 , 不過去到發覺食物款式真係唔太多 , 冷盤﹑沙律同麵包賣相唔吸引 , 唯獨係個焗薯唔錯 , 因為整到好淋食落都幾好味道； 其次海鮮類望落去都幾新鮮 , 有田螺﹑生蠔同長腳蟹等 , 如果鐘意食既人就會回到本囉；輪到熱盤飽肚選擇都只得一個石斑炒飯 , 最基本既湯麵區都冇呀 , 其他個d都係什麼炒時茶(白菜+椰菜)﹑炒薯角(顏色好怪望到都唔太想食)﹑清蒸鮮魚﹑燒羊鞍之類 , 味道不過不失啦； 最後甜品就反而掂 , 有一個白朱古力噴泉比較特別d , 而且又有幾款cakes﹑慕絲﹑布丁同生果揀 , 仲有兩三款係中東甜品(但係味道都太甜) , 最好食係個紐約芝士蛋糕同無花果杏仁批 , 之後仲轉左幾款新cakes添 , 由於太飽已經冇再試食啦。總括黎講唔洗錢我都仲覺得OK , 如果要自己比錢既話就寧願揀其他地方食野好過。

其實係第二次去架喇 ..尋晚都覺得咁好食..所以決定寫食評^^長腳蟹好甜、海膽壽司又好甜、生蠔係即開既好新鮮..呢3樣係我主攻既食物海膽壽司供完即止, 遲黎客人可能食唔到喇長腳蟹好甜..真係好好食...我食左十隻蟹腳都有生蠔..雖然細細隻..好食又唔漏...同兩個朋友去..一個食一打..一個嚇死我...食左4打...哈哈哈..乜都抵番曬魚生一般種類都有..叫ok啦熱盆種類係比教少...其中有個羊鞍幾好食岩岩仲新加..有中東包食甜品一般..又係ok啦可能我本身鍾意食長腳蟹..而呢度既蟹腳又好出色....所以特別有好感!^^有member..3送一優惠..好抵!