海景咖啡廊 (已結業)

鄉下佬牛一，難得美女早已訂了位請去大酒店食自助餐。當晚自助餐主要有長腳蟹、生蠔、三文魚同壽司等。因我係唔食得生嘢，所以只好睇著美女們津津有味咁食生蠔同三文魚，佢哋話啲生蠔好新鮮，因為係即開即食，恨到我流晒口水，唯有走去攞熟嘢食，但係呢到嘅熱盤就比較少啲選擇。見多人攞長脚蟹，自已都試試，但蟹脚無乜肉嘅。而燒牛肉眼都幾好食，雖然我係食啲邊皮位。甜品食芝士蛋糕，都食咗好多舊。當晚食得好飽，好多謝美女請嘅豐富生日晚餐。

用信用卡積分換了四張午餐自助券,星期日來試試，大堂很美觀，用餐區望到少少海景，食品唔錯，尤其係佢既甜品: 芒果蛋糕、紅豆豆腐...但海鮮就一般，因為唔肚餓，都無試晒所有野...隔離枱 有位小女孩，侍應整了隻狗型汽球逗她開心，服務體貼

刺身ok，壽司有海膽﹗生蠔太細隻～翡翠螺有d 沙but大隻肉眼扒幾好！熟食普通左ｄ同少～甜品ok 多（最鍾意）和有質素整體幾好﹗﹗

佢既長腳蟹好出位架, 加上大大隻既蠔, 簡直甜到漏. 不過2月份d蠔就差左啦. 吾知係米有季節性呢. 鵝肝醬和苜蓿沙津就吾係成日有, 但整體都ok 架. 有時重會碰見杜x莎同佢兩個女架. (我都見過3 次啦)

因為2月14日情人節係平日第2日要返工玩得唔係好盡慶所以我同男友選擇左2月16日補祝情人節,今次係我第一次去呢間酒店,環境舒適侍應態度好好,今次最主要係想試一試佢地既生蠔，因為係即開即食有2種口味俾你選擇,有法國同愛爾蘭,我比較愛食愛爾蘭因為甜Ｄ,法國就海水味重D,但都好好味非常鮮又唔醒,仲有長腳蟹,供應源源不絕VERY GOOD ! 可能因為酒店重質不重量,食物種類唔算太多,冷盤有即開生蠔,凍蝦,龍蝦仔,藍青口,長腳蟹,扇貝,如果你地係為左食生蠔都算OK 架!

食物既質數是可以的, 但款式真係太少, 完全冇咩選擇, 熟食得幾款, 一張細檯都可以放得晒.甜品方面,我以為連芝士蛋糕都冇, 因為我問佢地有冇芝士蛋糕, 佢地先拎出, 仲要係好夜先拎, D人都走左1半.

(16/1/08)原來係under InterContinetal的。不過"內龍"裝修已有點old fashion,這cafe不像星級酒店。anyway食物ok,雖有韓/日煮意,但沒該些味道。好像韓式燒烤牛肉、韓式雞翼,吃不出什麼韓式風味,牛肉過熟,鞋口、雞翼與bbq燒的無分別。辣汁蒜頭鴨胸,雜菜粉皮,喬麥麵,炭燒排蝦,粉絲帶子,面豉煎三文魚,甜酸魚,韓式海鮮蛋餅,餃子,拉麵,栗子雞絲飯,炒烏冬,均觸一般。周打莧湯杰!好難飲!長腳蟹多肉,供應多。龍蝦仔多膏鮮味,喜出望外。細隻種類的即開生豪,雖有十足海水味,但恕我不懂欣賞。沙律很多,極好味的dressing自已配搭。甜品很多款,蜜糖柚子蛋糕,柑桔慕絲薑啫喱,草莓人參啫喱慕思(無柑桔,無人參味),得個甜字。"song"莓紅棗批,紅豆綠茶蛋糕,焦糖布甸<--極甜,椰子蜜糖紅棗糕,人參杞子布甸,銅鑼燒,糯米糍,難食。我這甜品專家,覺得以上甜品,賣相75分,味道60分。最好味是芒果熱情果朱古力杯(芒果味夠香,與濃味朱古力matching得不錯),NewYork Cheese cake也ok,唔太甜,芝味中等,不會太漏。雪糕有綠茶&黑芝麻

昨晚我和Honey去了海景嘉福酒店(尖沙咀)吃Buffet,本人之前從未去過,今次係第一次去,昨晚都普遍多人,食物方面有生豪,魚生,壽司...值得一提的是生豪,真係超正,好鮮甜,而且很乾淨...生豪方面有二款,一是法國生豪,二是愛爾蘭生豪,本人比較鍾意吃愛爾蘭生豪,因為貪佢細隻,而且無咁咸,法國生豪好咸的,而且比較大隻,如果鍾意食大隻的,可選擇此款,刺生方面,我最喜歡吃帶子,立魚,生蝦,三文魚,還有海膽壽司...超正...我和Honey吃了20隻生豪,3-4轉刺生,很好食啊...其他熟食方面,我比較喜歡的是鰻魚,粉絲蒸元貝,牛肉眼扒,不過我就覺得牛肉眼扒柴左o的,生少少會無咁柴,還有長腳蟹...又是很正..不過我只吃了一隻,因為實在太飽了,吃不下,甜品方面比較無咩款式,只有好食少少的new york cheese cake,其餘的麻麻地...總括來講,此間酒店Buffet值得一試,以$323價錢都算低(已+10%)...原價$368...如有匯豐Visa有8折...

食下午buffet。熱盤又真係唔得。不過蟹腳好鮮味，我食蟹腳、蠔、三文魚、燒牛肉、加埋煎和牛(可惜煎得熟了點)、甜品及其他零零星星都好飽。冇食蝦、冇食沙律、冇食壽司，因為食唔落啦。

嘢食水準只是一般。我最鍾意食甜品，可是這間是我食咁多間最差的一間，其他食物選擇少，最矝貴都係長腳蟹，凍蝦蝦頭又發黑，肉質有D"脢"，個個朋友都話唔新鮮，燒牛肉舊舊肥肉，啖啖肥膏，沙律居然連最基本的粟米都冇，喺......，總之都冇咩好食啦，$ 328(再加10%)，就真係唔值，唔值得再去，我也不會再提議朋友去吃了

上星期六一家人去，已經預早兩星期預定，當時忘記指定坐窗口位，結果安排不到，有點可惜。地方確實有點擠逼，但服務不錯。食物方面，值得一讚是生蠔不斷供應雖然要排隊。魚生、壽司（有我最喜歡的海膽）、海鮮（長腳蟹、螺、大蝦、青口等等）水準OK。燒肉眼扒有酒店扒房水準，其它食物整體都很好，但只有甜品比較弱。選擇是比較少，畢竟地方太細，平日去可能會較好。當晚還有墨西哥食品，但已經食得太飽，沒有試。有一枱兩父子客人食量驚人，而且主攻生蠔、魚生及牛扒，起碼10個round，肯定翻本有凸。匯豐信用卡還有8折，3大2細平均每人$250。抵食！

自從3年前食過一次之後,我都未去過食多次喇,咁岩老豆有張free既餐卷,咁就一於去食多次!!今次裝左修呀!, 我覺得個環境靚左,大左,感覺無咁迫,同多野食左喎!~海鮮好味! 蠔,海膽,(羅),(線)貝,長腳蟹...!!好味!好clean 全部都, 蠔clean得好好!!一啲都唔(聲), 左邊個c苦好用手咁clean,跟住個大廚過黎check, 佢話唔clean wo,clean 多幾次得唔得, 跟住佢話佢自己clean!佢話咁唔clean , 客人點食!!好關心客人呀真係~! 好好食!!!全部都重質不重量!個白朱古力噴泉,好得意,好好玩,甜品勁多! 樣樣都要試呀真係!!3文魚個d都唔少得啦!燒牛肉食得過! 牛腩真係要食,我覺得好味呀!唔同出面街個啲~ok架未食過可以去試下!!

响呢度攪個family gathering。食嘢其次，見見可愛嘅姪女最重要^0^...嘢食水準認真一般。選擇少，最矝貴只得燒牛肉，水準當然亦不高；壽司一睇就知唔對路，冇試；凍蝦蝦頭發黑，肉質有D"脢"，唔新鮮；熱盤又係一睇賣相就知唔得，有D仲一pat pat好似漿糊咁，放棄...於是猛咁食沙律及唯一有水準嘅點心類如燒賣、粉果等，先夠飽....

之前試過Holiday Inn buffet, 覺得這裡環境比較靜, 裝修豪華, 侍應有禮, 坐得比較舒服, 食物的質素也較好, 只是款式較少。個人認為當中以海鮮為主, 有蝦、生蠔、青口、螺、龍蝦仔、扇貝和長腳蟹。長腳蟹實在是全晚焦點所在, 肉質鮮甜, 喜歡吃長腳蟹的朋友, 一定要來這裡一試。每張上都有剪刀, 十分方便, 可以把長長的蟹肉拔出, 慢慢品嚐。而且海鮮供應源源不絕, 另外還有魚生, 由師傅即時砌, 每都有四五塊厚厚的。單是吃海鮮已值回票價。熱葷方面, 選擇不多, 但每款味道都不錯, 質素高。當晚是Mexico之夜, 有粟米片和薄餅, 很好味, 薄餅中間有海鮮和厚厚的芝士。扒類方面, 有肉眼扒, 很”稔”, 另外還有豬頸肉, 也很好味, 還可配上細少的焗薯。另外還有牛腩, 很”稔”。甜品方面, 款式都算多, 而且味道不錯。有朱古力噴泉、Tiramisu、Cheese Cake、玉桂條(很少見, 真的很好味)、幾款甜品杯、香蕉朱古力蛋糕、mousse、布甸…雪糕方面款式較少, 只有朱古力、雲喱拿、士多啤梨和芒果。生果方面, 有西瓜、哈密瓜、密瓜和菠蘿, 都很新鮮; 見到鄰座有人

去完我真係好後悔同好失望, 好多野食都好唔掂, 今次係墨西哥主題, 都無理由難食成咁, 先講佢既凍盤, 生蠔係即開, 都ok新鮮同大隻, 凍蝦係林既, 扇貝勁好沙, 蟹腳雖然refill得好快, 但係唔鮮甜, 龍蝦仔d肉仲少過一隻蝦既肉, 已經好失望!都未完呀, 熱盤又話係墨西哥, 全部粉麵都係港式, 仲有四川雞, 我問你服未, 但全晚唯一好食既係生蠔, 炒薯仔同埋四川雞, 甜品款式少又唔吸引, 壽司吧亦係唔掂, d飯係硬既, 魚生係凍既..未試過食buffet係唔飽咁離開