海底撈火鍋 (金巴利道)

營業中

休息中

估唔到係尖沙咀新開的呢間海底撈竟然有lunch set，一於同同事一齊happy lunch hour啦！一出𨋢門，員工已經非常好招呼，入座後還提供圍裙、熱毛巾...等物品，難以想像我地係黎食火鍋，哈哈哈！餐廳環境舒適，座位寬敞，唔會坐得好迫。我地一行四人，叫了巴沙魚、羊肉及西班牙梅臀肉三個套餐連拼盤，已經好夠食。湯底選了四格湯底，有蕃茄、清油麻辣、菌湯底及清水，湯底味道各有特色。但火鍋調味料就要另外收費，但湯底本身味道濃，我就覺得唔駛調味料都好夠味。啲食材新鮮乾淨又整齊，巴沙魚煮一陣就ok，口感嫩滑，比預期好食。我本身唔係好喜歡食羊肉，嫌有陣騷味，但呢度的羊肉騷味唔係好濃，係我接受到的範圍，肉質柔嫩，好食。但梅臀肉就一般，口感較鞋但勝在新鮮。至於3個拼盤材料豐富份量又多，有凍豆腐、午餐肉、魚蛋、鴨血、海帶及多款蔬菜等。而且生果、小菜及糖水都係任食。仲有重頭戲係這位師傅表演拉麵，真佩服佢可以係咁窄範圍表演。即整麵條，口感煙韌有彈性，直得一嚐。用餐全程都非常愉悅，服務周全又細心，食材新鮮質素高，係度食飯真係有種尊貴的享受。

2019年10月8日 女朋友當晚在尖沙咀有工作， 咁岩我之後又要去尖沙咀， 所以就在尖沙咀附近找火鍋店食晚餐， 本來是女朋友趁我未到尖沙咀時， 在THE ONE隔離找一間台式火鍋， 不過仲裝修緊， 結果在上面呢間找個轉就返唔到轉頭， 因為女朋友話呢間火鍋店在門口就已經會派小食比人睇餐牌或等位， 佢仲在等我到之前做了美甲， (變成我到了之後入去等佢做完美甲lolz) 所以我們亦都決定入去呢間光顧下。 這些是店門口就比人坐低食既 這是我到了之後在座位度既小食， 而且全程打邊爐時都會有一個專派的服務員在附近「照顧」我們的需要， 無錯，他們的服務好到可以用照顧來形容， 例如我想起身較細火力， 我才一起身， 服務員就快步過來問我有咩需要佢服務， 令到我都有點不好意思。 火鍋店是用IPAD點菜品的， 大部份食材甚至鍋底都可以叫半份的， 照顧到兩個人的需要。 我們點了麻辣和野菌鍋底， 食材點了鴨血3份，牛小排半份， 滑雞半份，翡翠墨魚滑半份， 珊瑚蚌半份，撈面一份。 半份的份量亦絕對足夠兩位用的。 牛小排肉質嫩，味道濃， 脂肪分佈平均。

之前喺大陸食過好多次咁啱路過尖沙咀分店有個服務員上嚟推銷話送蝦滑好啦就嚟試一試香港同大陸有咩分別入邊嘅環境都幾乾淨幾舒服而且店員同大陸嘅一樣咁熱情我哋本身諗住叫個兩格鍋底點知店員同我地講話原來叫個四格兩格選你要嘅湯底兩格就選白開水係會平過你就咁叫兩格真係多謝店員嘅介紹咁又慳咗幾十蚊係等嘢食嘅期間店員拎左碟西瓜同埋一碟免費小食俾我哋味道不過不失不過免費就唔好咁有要求我哋兩個人叫咗無刺沙巴魚片呢個係每次你海底捞都一定要叫嘅完全冇骨非常嫩滑味道一流⭐️⭐️⭐️⭐️⭐️（5⭐️為滿分）血旺嫩滑唔會太散係略嫌麻辣湯底煮完都無乜味⭐️⭐️⭐️⭐️撈派牛肉牛肉嫩滑有牛味又係每次黎的必點⭐️⭐️⭐️⭐️⭐️皇帝菜菜夠新鮮味道不俗⭐️⭐️⭐️⭐️炸饅頭外層金黃香脆內裡鬆軟香甜而且不會炸得太油⭐️⭐️⭐️⭐️⭐️魚籽蝦滑呢一份係送既味道亦非常不錯蝦夠彈牙滑都夠滑加上魚籽口感豐富⭐️⭐️⭐️⭐️⭐️撈面除左特登有個人來幫你拉麵外其實味道無乜特別口感都夠煙韌⭐️⭐️⭐️自助醬料有好多十幾二十款$15一位另外仲有湯，生果，小食係免費任食嘅最後買單兩個人$415估唔到香港比起大陸都唔大分別而且呢度嘅服務質素係非常之好店員嘅貼心服務一定唔會令到你想再來鍾意食火鍋嘅朋友可以一試

星期一晚朋友約晚餐提議去海底撈，第一次係香港食，同國內一樣甘好service ,唯一不同係服務員同我地同聲同氣因爲講廣東話😊又好會推介我地叫菜，最後我地叫左麻辣香猪骨湯煱底，最中意去海底撈嘅原因因爲有服務員幫手除蝦殻，火鍋調味配料好多，海鮮都好新鮮，活蝦好鮮味，真係好犀利👍真係好想學🤗麻辣湯底越食越辣，尾段朋友受不了要轉食猪骨湯底，但我就覺得好惹味。另外菠菜墨魚滑都係第一次食綠色的，味道不錯，服務員好熱情，經常過黎睇下我地煮緊乜，仲同我地玩小遊戲，有禮物送。整體食物都好鮮味，價錢和服務成對比🥰服務員全程照顧，5星級的享受😍今次終於享用到Gel甲服務💅🏻又整得幾靚喎🥰下次再去食，順便再整下Gel甲，開到上午7am真係好正😬以下5分為滿分😋好味程度: 😋😋😋😋 😋💞回頭度: 💕💕💕 💕 💕📝服務: 📝📝📝📝 📝🌉環境: 🌉🌉🌉 🌉 🌉

公司附近新開了火鍋店，今日放工決定同黃兔試下食午餐！可能還是新開，客人並不多，但已經感受到服務員的熱情招待不過本人無在大陸食過，在香港也是第一次食，所以無法同其他分店作比較！餐廳環境寬闊沒有壓迫感，全部座位都係梳化卡位，私隱度高同坐得舒適！－坐底已經有服務員派熱毛巾抹手，送上前菜同水果，又派圍裙，介紹修甲服務等等。又介紹點四格鍋平過點鴛鴦鍋，因為四格鍋其中2格可以點清水湯底而不用收費，另外2格可點自己喜歡湯底，用這個攻略收費平過點鴛鴦鍋差不多－半價錢另外估不到今日星期六還有平日的午市套餐食，問過服務員可以点。午市套餐有五款肉類選擇，最平＄68。再包任選五款有丸類同菜類拼盤，又有主食麫類同飯三揀－！不過價錢不包湯底，及有加一收費。另外可自由選擇加醬料每人＄18或者加任飲每人＄15，而水是免費的。另外食物吧枱上的水果，湯及糖水是免費任食的！午餐沒有用餐時限，而晚餐有2個鐘用餐時限。聽聞晚餐有好多人食，walk in起碼要等2個鐘呢，建議打電話訂位穩陣！點完餐我便去試下修甲服務，好幸運地無人排隊，我第一個整。指甲油顏色都有數十種，花多眼亂。修甲師話有些款式只有尖沙咀分店先有的而每位客人可免費

要找個舒適的地方等人。行過加拿芬道，看到海底撈的招牌，就衝進去了。問過店員，店子原來八月尾才開業，開業至今只是十多天，而且宣傳不多，所以人流亦不多，店員亦很好，准許我們用膳後在店子多留一會。來得海底撈，一定要見識一下貼心到意想不到的服務。甫坐下，先遞上濕毛巾。再遞上髮圈，圍裙。接著又來倒飲品，店員和我們都忙個不停。店員一見飲品只剩下半杯，湯底剩下半鍋，前菜水果吃光光，就會自動自覺來添加。加上所有店員有禮友善，是香港餐飲業前所未見的服務水平。前菜任吃，共有三款，分別是豆乾絲，海帶絲及醃菜。豆乾絲煙韌有豆香，海帶絲爽口帶微辣，醃菜微辣帶麻油香。好吃得令我們要encore!但亦令我們未打邊爐已半飽。此店有午市套餐，兩人點了手切牛小排套餐（$118),西班牙梅豚肉套餐（$88),價格親民。套餐另配有五款的蔬菜拼盤，可選擇其中一款。火鍋湯底要另外收費，四宮格（$66)蕃茄火鍋- 蕃茄味超級濃郁，有點像羅宋湯的味道，味道酸甜開胃，用來煮肉類超級匹配。大骨湯火鍋-呈奶白色的湯底，有濃郁的中藥味，但又不苦不澀，有點像川芎白白芷魚頭的味道，用來煮豬肉最適合不過。另外兩格鍋底是清水。這樣的配搭會比較實惠。