海底撈火鍋 (金巴利道)

營業中

休息中

今次係第一次喺香港食海底撈見到佢嘅環境同佢嘅原店都冇太大分別而且環境都好好服務態度都好好等嘅時候亦都可以食住啲小食或者飲其他飲品所以就算要等嘅話都係好舒服嘅再加上有預約嘅話就可以唔使等啦可以知道佢嘅服務質素係有幾高而叫嘢食呢就係用iPad嘅咁就可以慢慢揀自己想食啲咩野又可以睇吓啲相揀咁就可以即刻下單啊唔需要等係等緊嘅時候佢都有提供熱毛巾俾我哋暖一暖對手同埋清潔清潔抺完都覺得舒服晒係等緊嘢食嘅時候會仲會提供生果同埋零食個零食覺得超級好味呀唔知邊度有得買同埋有個湯喺度都係好好飲好香濃好正之後我仲加咗$15可以任飲飲品想轉其他飲品都可以㗎俾你睇吓唔同嘅小食先呢個就係我所選嘅湯底啦清油無渣麻辣蕃茄火鍋 係嘢食黎之前梗係要去整下啲豉油先啦揀返自己鍾意嘅味諗唔到我而家去上網參考下其他人嘅推介芝士牛肉丸🍡$$44首先食咗好香滑好多汁嘅芝士牛肉丸入邊係有香香嘅芝士味而且個肉丸都好有咬口好彈牙同埋好容易煮好快就有得食啦安格斯眼肉 $$188之後叫咗個安格斯眼肉係有兩層嘅所以仲有8塊你都係勁香牛肉味好好食見到佢哋肉質都會覺得好新鮮呀響鈴🔔$$32再叫咗響鈴 亦都係勁脆好大份食飽之後梗係要食返少少生果啦佢仲

今次去咗尖沙咀呢間海底撈火鍋店，餐單上可以選擇半份或者一份。❤️❤️❤️❤️兩個人叫左羊肉、特級肥牛、墨魚滑、嚮鈴等等，仲有好多蔬菜。蔬菜新鮮，特別萵筍，鮮味十足。❤️❤️❤️❤️❤️整體食物質素幾新鮮，黃喉好好味。❤️❤️❤️❤️❤️❤️豬骨湯底同蓄茄 湯底揀咗標準，味道恰好。顧客可以根據自己嘅口味選擇標準或者淡啲定濃啲。印象好深刻既真係服務態度好，就連洗手間都好細心，有牙籤橡筋女士用品提供。❤️❤️❤️❤️❤️

🌻聽講海底撈好出名但係一直都未有機會試，今次終於去咗尖沙咀呢間分店試吓！餐廳服務真係好到加零一，等位期間職員已經會比水同埋小食你，等你邊食邊等。🌻點餐係用iPad落單，落單嘅時候又有職員協助同埋推介。。。。。。。。。。。。。。。。。。。。。。。。。🌻餐單上可以選擇半份或者一份，就算少人食都唔怕食唔曬。我因為兩個人食，所以我地好多食物都叫左半份。叫左特級肥牛、墨魚滑、嚮鈴、黃喉等等，仲有好多蔬菜。。。。。。。。。。。。。。。。。。。。。。。。。。🌻整體食物質素都唔錯，幾新鮮～豬骨湯底同蓄茄 湯底可以選擇濃度！如果想突出食材既味道，建議 豬骨湯底或者清湯～！🌻印象好深刻既真係服務態度好和乎意料之外，就連洗手間都好多細心位～

以前經常聽人講要北上食海底撈，不過咁耐都無試過，知道香港開咗幾間分店，一直都想去食，就趁住呢日天氣轉涼去同姊妹食！開頭都有諗唔知香港可唔可以保持到內地嘅服務質素，但我實在多慮啦。一去到已經見到店員用燦爛嘅笑容招呼我哋入內，一坐低立即有職員幫我哋嘅衣服用布蓋好，仲有店員幫我哋戴上保護手袖同圍裙，以免打邊爐時整污糟件長袖衫。同時亦有店員遞上手機屏幕抹布。留意到我哋兩個都係長頭髮，仲提供埋紮頭髮嘅橡筋，服務真係勁好！喺等緊湯底滾起之時，店員仲為我哋送上免費小菜、零食及雞湯。我哋兩個本身已經好肚餓，呢一點真係超貼心超抵讚呀！雞湯雖然係免費，但都真材實料，味道鮮甜，上桌時仲保持微溫，飲落暖笠笠。另一個令人驚訝嘅服務就係，店員見我哋自拍緊，唔單止主動過來幫我哋影相，仲用相機幫我哋影完打印出來！打印完仲要貼心地用透明膠套封住。單單係呢個小動作已經令我好impressed！海底撈有幾款湯底都出名，店員見我哋得兩個人，就提議我哋點一個四宮格，揀兩款湯底，剩低兩格就點清水，咁樣就最抵食，而且清水嗰格仲可以之後叫廚房免費煮粥。我哋揀咗番茄湯底以及大骨湯湯底，湯底嘅濃度、辣度等等都可以自行喺iPad 選擇！蕃

海底撈星級服務真係毋庸置疑！星期日晚6:30入座，等10分鐘已經有位。點解會話係星級服務，一踏入海底撈，個服務員見我拎住個環境袋，已經主動開聲問我需唔需要幫我拎。服務低讚👍🏻坐底後，服務員介紹我地點四宮格湯底，因為價錢化算好多。蕃茄+麻辣絕對係我哋既首選。由於我地2個大人加1個小朋友，服務員好貼心，送左架玩具車比小朋友，又準備左個寶寶套餐。入面有魚，菠菜，鵪鶉蛋，午餐肉同拉麵，好適合小朋友食用。今次食材試下新野🤪推薦食材-翡翠墨魚滑又彈牙又爽口😋😋服務員既殷勤真係令我地讚不絕口不停幫我地清理枱面，有幫我地會refill水果今晚有特別環節-變臉每一枱食客都睇到好開心

我自己就剩係好耐之前食過深圳海底撈，嗰時覺得好新奇，侍應都好體貼咁為我地服務。今次同朋友一齊泥食香港海底撈，睇下同內地有咩分別先一開lift門，其中一個服務生就好熱情咁問我地有冇book位，然後好快就帶左我地入去坐了。佢已經set好晒前菜，小零食俾我地食，仲會即刻派每人一條熱毛巾俾我地抹手，又幫我地倒野飲，招呼一流！！有個女侍應知道我同朋友想整美甲，仲幫我地預約，可惜號碼排太後，食完都未試到，唯有下次再試。首先上左個湯底，我地叫左兩格清水，一格菌湯同一格蕃茄湯，色水都好夠之後d野食都好快上晒，仲俾埋點鴨血同墨魚滑嘅調味料我地，好鬼細心！今次試左鴨血，墨魚滑，芝士牛丸，黃喉，牛小排，豚肉，雙色墨魚腸，魚片，拉麵，菠菜。。好似係咁多 鴨血點左佢俾嘅調味系列係真心好出息，黃喉好爽，墨魚滑夠彈牙，魚片好滑，雙色腸都入味，最有印像就緊係睇佢表演拉麵啦，每次最期待！靚仔哥哥仲要喺咁窄嘅通道拉，真心勁~食野途中聽到對面慶生，超熱鬧，幾個侍應一齊唱生日歌，好warm呀再隔左一陣音樂又唔同左，有個人走出泥表現變臉，好精彩！！完全冇破綻臨走時個女侍應仲好好咁提我仲未做美甲，不過等唔到了，有機會再encor

冬天又到啦，又係時候去打邊爐！今次同朋友一齊去試香港海底撈，大陸海底撈就食過好幾次服務一流直頭到位，不過香港都唔差！當日收工shopping完先去食 所以手到一袋二袋 佢地既員工仲好貼心咁幫我拎去位到！因為同朋友既口味唔同，店員就推薦我地試4格鍋（一人一邊唔使爭），作為豬肚湯Big fan 我當然選擇，朋友就選擇左超麻辣湯底（麻到我條脷）其餘個2格則用清水代替 以免太辣要洗一洗。同時作為食肉瘦既朋友 一口氣點左3盤肉類飽足佢個口味，而我就點左菜類同菇類比較多（嗌半份半份咁就岩哂小鳥胃口) 。自動送餐機直頭嚇左我一跳 準確咁送到我面前（科技既偉大)講起服務真係唔錯，一入去見到wifi 仲好貼心咁準備濕紙巾同紮頭髮橡筋比我，仲時不時有人派熱毛巾比我地抺手。話說食到尾聲突然有中國戲曲插入之後仲有變面表演，真係食到最後仲有水果杯食同海底撈零食比我地冬天又到啦，又係時候去打邊爐！今次同朋友一齊去試香港海底撈，大陸海底撈就食過好幾次服務一流直頭到位，香港都唔差！當日收工shopping完先去食 所以手到一袋二袋 佢地既員工仲好貼心咁幫我拎去位到！因為同朋友既口味唔同，店員就推薦我地試4格鍋（一人一

以前在深圳試過，一試難忘，原來海底撈喺香港都有分店！近近地尖沙咀，地鐵站出，The One對面，地點非常方便！由於是閒日去，不用等位，一出lift門，就有個職員鞠躬歡迎，周到帶位，又提醒有免費美甲服務，可惜太多人排隊，今次都是沒有試。我記得在深圳的時候，上湯底是服務員會先提醒我們試一試湯頭，不知為什麼香港這邊沒有這個習慣。但是一入座的時候，服務員會呈上圍裙、橡筋、熱毛巾等等熱心服務，這是一樣的。點菜的時候，由於我們是四個人，服務員會建議先選擇七至八樣菜式，今次點了牛小排、墨魚滑、鴨血、巴沙魚片、芝士牛肉丸、黃喉、菠菜、拉麵等，菜色選擇多，應該與深圳的一樣吧！驚喜的是，期間跑出一個變臉大師，即場表演！我以往到深圳的海底撈遺憾是沒有遇過變臉表演，竟然這次在香港遇到了！我聽聞深圳已經沒有變臉表演，不知道是不是真的⋯⋯還有一個驚喜的是，現場除了服務員，還有一個送菜機械人，自動把餸送到客人枱前，真有趣！另外，在吃飯期間，見到在場有LED燈生日牌及氣球，職員更會唱生日歌！常常聽聞海底撈服務100分，之前在深圳消費時體現不到，估不到在香港全部也能看到！

嚟咗尖沙咀海底撈食火鍋， 海底撈 一如以往聽到嘅都係賣service, 今次第一次嚟咗食海底撈終於體驗到什麼是好嘅service!!等候期間見到女士們可以免費修甲，小朋友嘅就有好多玩具可以畀佢哋玩， 等候期間店員非常體貼地提供檸檬水，生果and自家製嘅餅乾畀我哋享用。仲有變臉表演睇，勁！用咗ipad你點餐， 簡單方便易明白！ 當然揀咗四個火鍋湯底，我覺得最好食就係蕃茄湯底， 唔會好似有朋友講話大陸嘅海底撈 蕃茄湯底濃過香港，覺得香港已經非常濃郁入味！自助調味區我覺得非常之好！好多唔同種類嘅配料，全部都做得好細緻。 當晚仲有雞湯飲好濃郁好味！我哋都係叫咗啲一般光鍋配料，但非常有驚喜！ 因為湯底真係冇得頂，加上所有員工嘅服務態度都好，會有賓至如歸你感覺。無限量添加既雪耳糖水and雞湯好正！一定要拎

尖沙咀都開左海底撈!! 見到佢地嘅午餐$68起，幾抵食，就試下先！精品肥牛套餐 $98牛肉份量比想像中多，肥瘦比例適中，好新鮮，煮得耐又唔會太韌，好食！.西班牙梅臀肉套餐 $88豚肉新鮮，肥瘦恰好，份量都幾多🥰.主食揀左撈麵員工係你面前即場表演拉麵，好特別，海底撈必點！撈麵好滑好煙韌，放落濃濃嘅蕃茄湯仲好食🥳.Lunch set 包左五款肉，五款丸類同菜類拼盤，同撈面，出前一丁，飯三揀一！不過價錢唔包湯底，同有加一。另外加醬料每人$18 或者任飲飲品每人$15，出面自助吧嘅水果，湯，糖都係免費任食🤤.差唔多食完嘅時候，經理過來送左個生果盤比我地，真係受寵若驚😂😂.海底撈火鍋📍尖沙咀金巴利道26號2樓

呢度尖沙咀開咗間海底撈，所以決定嚟試下。我哋七點幾嚟到，星期五所以要排隊，好彩排隊嘅時候有生果，零食同埋水飲添，服務同埋招呼都好好。佢呢度啲食物選擇好啱我哋嘅口味，牛肉都有好多款式，而且最貼心嘅係如果你係細食嘅話可以揀半份，價錢亦都平啲添。 我哋就叫咗兩款牛肉，其中一款係精選肥牛 ，半份都有八塊咁多，真係幾抵食。湯底方面當然一定要叫麻辣火鍋，呢度嘅麻辣火鍋可以揀小辣或者小嫲，等唔食得辣嘅人都可以食到佢嘅香味。佢配埋牛肉或者其他丸類一齊食都好好味㗎。另外我哋都叫咗芝士牛肉丸，無論配咩湯底，裏面嘅芝士味都好濃沃， 而且喺冬天裏面食落去熱辣辣暖笠笠好開胃。我哋仲叫咗半份海膽丸， 裏面有超多鹹料， 食落去好有口感。我哋仲叫咗個多粒多蝦腸， 佢食落去有啲蟹籽嘅口感喺度，同埋呢款菜式真係好少有，要喺呢度先叫到。最正嘅係出面啲小食可以任添，我哋仲食咗兩碟 哈密瓜。呢度嘅服務員都好殷勤 ，所以好滿意，另外如果女性去嘅話仲可以免費美甲添。

海底撈果然名不虛傳，從一進門開始已經有服務員係門口招待我地，然後問我地book左幾多位，跟住係我地等左幾分鐘既時候，服務員攞左d小食同埋水並我地，照顧非常周到，入到去之後，服務員主動幫我地放好隨身物品，然後攞圍裙比我地，比左部ipad我地點菜，就好似全程有人照顧甘，我地叫左大骨同清湯底，食物黎到之後就幫我地放落去個湯底度，可以話係第一次見到咁好既服務，魚肉三明治係我打咁耐邊爐以黎第一次食到既，味道唔錯，我最鐘意係佢個酸奶白兔，口感似雪糕但係又好食過雪糕，呢個真係比曬like。

用餐層面，地方一流在香港能夠有舒適的地方享用晚膳，十分難得！在食物方面，麻辣湯底必定會配襯的黃喉、牛柏葉，非常新鮮但和牛就有待改善，口感不錯但始終牛味不足。在服務層面，職員招呼周到殷勤親切，但有時過於招呼會成為煩的感覺。另外在用膳期間有一些表演增加氣氛不錯，但有時過於嘈吵。整體來說適合一群朋友一同享用，因為可選擇四款不同的湯底適合各人的口味，亦會推介不同的人享用這餐廳。在地點方面亦位於尖沙咀方便的地方，在地鐵走過去只需數分鐘，容易到達。

期待左好耐 終於終於有得試香港嘅海底撈啦 今次難得佢哋邀請我嚟試食 真係覺得好好彩 海底撈最出名嘅相信一定係佢貼心嘅服務平時食飯嘅價錢 貴賓式嘅服務 點都要體驗一次平日嘅晚市時段 等左10分鐘就有得入啦 等嘅期間佢會提供小食 水同生果俾你 亦會搬凳俾你坐係到等 服務一流岩岩入座嘅時候店員就帶咗熱毛巾俾我哋仲有圍裙添啊 入到去先醒起可以免費美甲梗係即刻排個靚隊啦（美甲隊比較多人排最終食完飯之後仲要等一陣先到我）掙扎左一輪食咩湯底好最後我哋試咗三個湯底 包括蕃茄大骨湯同埋麻辣湯底 其中麻辣湯底最出色不過我唔食得辣嘅嗰種麻嘅感覺真係冇得頂兩個人平時出街食嘢最怕就係啲嘢太大份搞到冇得試多幾樣嘢食 喺呢度有得叫半份真係好正 唔使為咗試多幾嘢食食到自己肥晒哈哈 仲可以慳返啲錢（PS其實佢半分都好大分十足十其他餐廳嘅全份一樣 食得好辛苦先食得晒）至於海底撈嘅服務 實在係決心到一個程度係你會覺得唔好意思 我諗大家都聽過好多所以我都唔多講啦 但係有一樣野我真係好想讚嘅就係 店員係加水嗰陣會用一個寫住「小心燙傷」嘅牌幫你擋住濺起嘅水 果下真係又surprise又warm到傻 真心覺得男朋友要來偷下師囉值

海底撈既服務就唔使講，大家都知道出左名，招呼周到👍🏻👍🏻係等桌既期間，店員會比你食生果同零食，仲有得整埋qq甲💅🏻有圍裙，熱毛巾，濕紙巾俾你抹眼鏡等等。係湯底方面我好推薦佢地既麻辣口味同蕃茄口味，辣度麻度濃度樣樣都有得揀，勁仔細！我最中意就係羊肉配麻辣湯底，豬肉就配番茄湯底，好正！樣樣火鍋配料都好快到，絕對唔使你等👍🏻佢地人手拉面一定要試，真係好好食🤤🤤食完仲有得食生果同雪糕mochi🤤🤤一定會再黎再黎同再黎！❤️