海天花園酒家

營業中

休息中

響屯門三聖食佐甘多次都未食過海天，聽朋友講都吾錯，就試下，當然係去開相熟嘅發記買佐海鮮，就羅去加工！可能係平日嘅關係，無乜人環境清靜，坐得都幾舒服。首先Order佐出名嘅拖地叉燒，真係好正，口感好鬆化，超好食白灼海蝦無難度椒鹽瀨尿蝦係全三聖做得最好，夠干身，夠入味反而最鍾意食嘅聖子皇就味道一般，咸佐少少整體上嚟講，質素都係吾錯嘅，但係價錢就真係貴佐D,為佐個叉燒會有下次的

大會堂那间大集團酒家裝修，上網着看到這間，詳語好坏参半，兩点半没些人，等了十分鐘，义燒超好食，可惜叫了肥义，也不怎样肥，但仍很好食，蝦铰、咸水角，很有水準，連风爪也好味，义l燒包也很認真，一絲义燒，包皮很鬆。兩人試不一到什麽，下次要試沙律明蝦角，看見样超正，不明为什麽有人說它点心普通，尖咀，銅湾也或利記也沒它好吃。2人吃了7碟330元，ok。

我和家人不行4人在3 Nov星期日到三聖海天午餐，我地在地下那層的拿了「飛」，等了四十分鐘，終於停到地下的知客叫我手上「飛」的號碼，她叫我們上二樓，誰知上到二樓那位姓吳的知客只是黑口黑面叫我等等，然後完全沒有理我們，我們等了10分鐘後，追問二樓的那位姓吳的知客，點解還沒未有位，那位知客就很無禮貌地同我們地講的「你們煩我都無用，張枱未執好」，在我們在二樓等了20多分中，終於有枱，只是被安排了一張二人方枱，剛巧這二人枱旁的5人圓枱正在結帳，我們長上要求轉枱，那位姓吳的知客便以十分惡劣的態度告訴我們這要多等5分鐘，因要執枱。之後我上了洗手間，回來時見到那姓吳的知客正在跟另一些等位的客人對話，事情是他們投訴為什麼還未有枱，而那位知客既向那班在等位的客人說指我的父親大人話「就是頭先果個好勞嘈的男人，令你地無得坐那張枱」。之後，我向經理投訴這事，經理既包庇這位知客，只是覺得佢態度需要改善，並不認同佢當著其他食客指著我的父親大人話佢勞嘈的事有發生。海天在這事上並沒有好好處理我們貴為食客的感受，只是包庇員工。

在本地吃海鮮算是累積了一定的經驗，無論是被遊客擠得水洩不通的西貢或南丫島以至較少機會前往的如布袋澳等都曾涉獵。在一眾"海鮮重鎮"當中，唯一未曾去過的反而是身處在屯門的三聖邨。特別是有好幾位老饕好友都是屯門之友，曾到過這裡無數次的他們已不下很多趟說過這兒的海鮮是有番兩度散手，聽過後自己也就恨得牙痕痕....卒之拖至今天，趁着一家三口到了黃金海岸沙灘玩沙晒太陽之際，完事後便跳上巴士，直奔到三聖....聽說牌檔內的"興記"的燒鵝很有吃頭，不過看過了食友們的負面評論，再加上地膽好友亦說道已退步了不少，故此最後唯有捨之而選擇了最就腳方便，就連在元朗也有分店的"海天"....自己當然不會在店內叫甚麼勞什子海鮮套餐，要吃好的就要親自去海鮮檔落足精神揀料才是王道....走到頗有名氣的"關財記"挑了隻斤許的本地龍蝦，再加花甲及幾只蟶子皇，光是買料已花去四百多大洋，價錢相比起遊客味更重的西貢，查實也相距不太遠....將自來的海鮮交低後便先吃點鹵水雞腳及銀魚花生來開開胃。前者鹵得不算太鹹尚夠入味，肉相當有咬頭且帶點微辣，乃送酒佳品也；後者的人工"師傅"沒名店"鴻星"的下得那樣重。銀魚條及花生皆脆卜卜沒太重油

朋友住屯門，話有一間好岀名係08年攞到亞洲華爾街日報頒嘅“亞洲十大食府”，佢住果邉都冇去過，就搵日放假去果邊同佢食飯，但名過其實，失望，而且服務態度之差令人驚訝。實在後悔冇上黎睇左食評先…食物方面幾失望，當日叫左义燒乳豬，另外加工椒鹽賴尿蝦同豉椒炒蜆等，唔係話難食不過普普通通，同大排檔差不多，但係大排檔幾倍價錢，同埋既然係得獎餐廳本身幾期待的。豉椒炒蜆--普通椒鹽賴尿蝦--好咸，而且貌似比原本少左豉汁蒸蟶子--幾好白灼虾--過熟服務方面其中幾位侍應態度好差，有一位短髮戴眼鏡嘅女侍應非常冇禮貌，全程對住我地黑口黑面，叫十次九次唔應。去食餐飯都要受氣，持住自己係“得獎名店”就咁既服務態度，真係令人以後都唔想再幫襯，怪不得係08年攞到獎之後就再冇獎。

友人K在星期日早上到來一起驅車到屯門海天花園,大槪十一點到達現場, 店有三層, 就咁睇同市區的食肆比較幾大間下, 還有一面向海, 陽光透過落地玻璃窗映照入內, 相當美麗的一天, 這裡茗茶每位十元, 芥醬每位四元, 唔算太貴但企係中價線上,當天試了:海天燒賣 $25 四粒, $6.25/粒, 以一粒價錢計算其實幾抵食喎! 上面擺上一片飽螺片, 都好過放那些橙色的人造蟹籽呀, 因為其實那些蟹籽本來並不是我們的傳統食物,而且本應生食的橙色蟹籽將它蒸至半生不熟的慘白色, 每次見到那賣相都覺得挺怪的,是否換片甘荀片好d呢!大家都係橙色喎!蔥花炸兩腸 $23 呢個好失望,因為中心條炸兩好唔似樣, 質地係唔脆且硬,似係唔識做炸兩的人做出來似的,蝦多士 $48四件,$12/件咪話唔貴, 這個是特意點給友人K食的, 因為之前星期五友人K在另一間食肆想叫但食唔到, 沒有什麼太花巧的賣相, 炸得很乾身蝦膠亦很有鮮味, 蝦膠底還放了點炒過的雜菜肉碎之類算係有點特色了,MAYO當然只係即用貨色, 麵包雖然有吸油啦!菠蘿义燒盞(中)$20 /3件, 呢個都OK喎! 因為新鮮焗出來的,菠蘿皮好脆口配合牛油水撻底,熱

今日男朋友生日,同佢屋企人夜晚一行5人一齊去左三聖村海天食海鮮餐好中意即買即拎上去話佢地聽點整呢種方式唔太辣,夠入味上一次黎試過同樣煮法既蒸扇貝,我覺得蒸蟶子更為好味。蟶子好肥美芝士焗龍蝦伊面男朋友每次必點菜式有埋伊面底都幾滯，但係好味另外仲叫左炒飯，海蝦同蒸鮑魚，同樣不過不失服務員都好ｎｉｃｅ會過黎傾下計同ｓｅｒｖｅ上菜本身已經好中意食海鮮，今餐一次過食咁多有水準既海鮮，真係人生一大享受。但價錢唔平，只能間唔中食一次

海天成為了我一家每逢放假午膳的飯堂！幾乎每次都會叫叉燒米線，叉燒軟軟的，又夠多汁，簡直是必吃之選！除此以外，海天一色的環境也很舒服，衛生算不錯，不會太迫，太吵，朋友聚會傾計也是不二之選。如果朋友來屯門的話，海天必定是我們吃飯的首選！

對於這家酒家，要是大時大節冇訂枱，Walkin 9成冇位@@今餐total 有4個人去, 計埋個菜 total 有8個餸@@對於一家來料加工的酒家，最能夠試出廚房功夫的菜式必定係斑頭腩，如何令到魚肉表面脆而汁茨不令整道菜式口感太濕太淋，絕對係一門功夫。加上薑蔥煲仔焗鮮鮑魚，鮑魚燘得軟硬適中，絕對重點推介！除斑頭腩及鮑魚外，是次用餐還有花甲、長腳蟹、豬腳仔、燒鵝及腐乳生菜。個燒鵝做得幾好，不仿一試！此餐買海鮮用$1500, 加工連非海鮮食物$1300, 實際其實係6人份量, 以本人過往食海鮮經驗,有興趣食海鮮的朋友可以試下。

親友來香港前，已講到明我們要帶他們去三聖食海鮮﹗是日晚餐地點我一直以為是興記，原來親友的朋友已經在海天訂好位了，我不禁驚喜，因為前日才在海天飲早茶，仍在回味的同時，隔一天能夠再來此店食晚飯，實在幸福，哈哈﹗我們比親友較早到，看到枱上已放有一支紅酒(期間店員問我們要不要飲?我們說不飲她就拿走去)﹑兩碟餐前小食-鹽水雞腳$30X2，以及炸魚仔和XO醬(芥醬每人$4)。由於我不食雞腳，問過妹妹意見她話味道一般。齊人之後，我才知道原來親友的朋友和這裡幾位店員都是朋友，所以他便訂這裡食飯。店員見到他後，便主動送來蒜拍青瓜X2(店員送)，這個我可以食了﹗哇，真的...第一次吃到如正斗的拍青瓜呢~青瓜看模樣不難相信是拍打出來，選用的青瓜厚肉，內裡清爽多汁，醋汁調的味酸而不嗆喉，令人十分開胃，再加入蒜蓉﹑芹菜和紅椒絲，也相當惹味。連平時少吃生青瓜的妹妹也大讚之，其他親友不禁都話它好好吃呢﹗等食期間，無事好做我便試下幾條前日飲茶無吃過的炸魚仔，魚仔本身無味道，主力靠外層的鹹鹹香香，幾香口呢，而且放了多久也保持脆口，也不油膩。男親友勁愛吃，最後掃清兩兜魚仔。我們先點一些燒味，我勢必要吃海天的叉燒﹗我本來多

友人在這星期內忙不過來的同時也幫忙整理我的電腦，為感謝對方的辛勞，便趁他人拿電腦過來屯門給我的當天早上，我便提議到三聖的海天花園酒家飲餐早茶，作為回禮之用(上次請友人在鴻星飲的一餐早茶我覺得並未足夠)。選擇這裡，一來我倆都未試過海天花園酒家的出品，二來我想大家吃得好一點，三來個人覺得這裡的環境相信都不失派頭，絕對是個請客的好地方。入到店內我已經給一片海景吸引著，正巧遇今天的陽光是超燦爛的，一幅藍天白雲的自然畫作，看到我心歡喜。沒有知客在門口，便自己去找位子，不過窗邊的四人枱早已給茶客佔去了，唯有坐唯一一張較近窗邊的枱，雖然有條柱阻礙了少少視線，但總好過沒有呢﹗第一次來真的不懂架步，只是上了第一層見有位就去坐了。原來海天花園酒家分了三層，每一層還有一個很美麗的名字：一樓聽濤閣，二樓觀海樓，三樓摘星台。每枱枱面上一早已放有炸白飯魚和XO醬(芥醬每人$4)，友人說白飯魚仔幾好吃。點心紙分別有三張，主要點心印於A4過底紙上，原來店員會收起第一頁來入單，第二頁則留給食客，好讓給我們知道點選過什麼食物，埋單計數都方便好多。另外兩張是糭子推廣和精選美食。茶市由上午九點開始，星期一至六(假期除外)，所

因為上次去了鳳城既唔係太好既經歷，我地找了一家老爺介紹既酒樓試下。一早開車人去屯門試下這間海天， 因為老爺同老公來過這樣食晚飯，其中有個拖地叉燒好好味，要我一定要去試下。 星期日，一大早，我對眼都未開說出發。9點到酒樓，還有很多位子，心想會不會比老爺點O左？ 結果... … 真係好好味， 雖然服務真係差小小，但係點心真係做得幾好。拖地叉燒 配 米粉肥廋適中，肉質鬆軟，好入味之餘加上叉燒本身既肉香，非常惹味。非常美味。果然沒有介紹錯。為了佢老遠走入去屯門都係值既。上湯米粉因為叉燒做得太出色，而上湯米粉較為淡味，所以兩者相配後做成了幾列對比，變得有點格格不入。上湯鮮腐皮卷入口腐皮仍有小許脆， 所以不是沈了好耐上湯的那種，口感非常讚。 上湯夠熱， 腐皮卷夠鮮。牛肉腸粉外皮不太厚，也不會因為水份過多而太軟身，免治牛肉夠味上醬油味道很配。蒸蝦米腸這是當天最差勁的一道， 腸粉不夠蝦米味道，加上白蒸令蝦米味道出唔到來， 不及香煎蝦米腸般香口。 加上腸粉皮用牛肉腸粉同樣的那一種，而牛肉內容豐富，而蝦米腸只有數粒蝦米掌場，令整體口感不佳。總括來說，食物是美味可口的，不過如果在服務方面再加多些人手會更加好

三聖村是我老爸的聖地, 海天花園酒家就是老爸的御用飯堂, 每逢過時過節或平時家庭小聚, 老爸也指明到此處吃海鮮餐. 其實每次也是吃類似的菜色, 起初我們也非常喜歡那麼新鮮美味的佳餚(在下面街市活生生的買回來, 即刻煮即刻食), 但日子久了, 實在有點吃不消,我們早已厭倦, 但長情的老爸喜歡, 我們也唯有跟隨. 以下便是我們例牌點的菜式:1. 油鹽煮花甲這花甲又大又鮮甜, 真係要黎三聖或西貢等近海地區先有得賣, 這裡加少少鹽同陳皮下去煮, 唔會搶去花甲的鮮味反而更帶出它的鮮甜, 還沒有沙. 下面是粉絲底, 粉絲吸收左花甲的鮮味, 更是鮮甜好味. 2. 蒜蓉粉絲蒸扇貝蒜蓉粉絲蒸扇貝同油鹽煮花甲都是只需少少的調味就能帶出扇貝的鮮味, 蒜蓉跟粉絲又是絕配, 更難得這裡是特大元貝, 有成隻手掌咁大都係$15一隻, 出面一定買不到那麼大隻. 3. 椒鹽瀨尿蝦這裡可以買到特大多膏的瀨尿蝦, 配上椒鹽斬件快炒, 非常野味, 因為新鮮關係, 肉質彈牙, 又是一個必食的菜式. 4. 豉椒炒聖子聖子因為新鮮關係, 加上豉椒快炒, 肉質爽口, 又是一個必食推介, 個人比

在圍內的朋友之中，以KK最為咀叼，無他的，由細到大吃慣好東西，自然對食會有所要求。估不到，他竟然稱讚偏遠的屯門街坊酒樓 - 海天花園酒家，而且不止一次。那麼，為食的我們，就相約在一個假期，山長水遠的去到飲餐茶，都咪話唔神心。到埗，照我們的慣例，周圍影相。拍在牆上掛起來的那些榮譽狀中，竟然間發現到一張，是它曾被華爾街日報評為「亞洲最佳十大食府」，當中叉燒更是一流級數，真係失覺晒！地點是偏遠了一點，但環境都可以，落地大玻璃感覺舒服，走出露台看看，至少也有個海景，算係咁。各位都餓爆，而且大家又咁熟，唔理齊唔齊人，先劃些點心，邊吃邊等遲來的朋友。蝦餃燒賣當然是指定動作，蝦餃皮雖不致晶瑩剔透，起碼不會太厚太黏，蝦肉餡也爽口；燒賣上面鋪了片薄薄的鮑片，與其說它矜貴，倒不如說是有些點綴。但，質素其實不俗的，粒粒企身又豐滿，蝦肉豬肉比例對辦，又混入了菇粒，吃得過的。還有另外一款蒸點，是牛肉球。雖然肉味不很重，當然亦欠缺陳皮香，至少沒有以梳打粉招呼得太厲害，普普通通。腸粉類的有兩款，其一是炸兩，外層的腸粉稍為厚了些少，卻沒有太粗嚡，裡頭的油條屬於硬脆，可能是翻炸過；較罕有的排骨蒸腸粉，差不多是兒時吃的排

apr 04, 13.............9人來lunch.........叫咗 :1) 合桃叉燒批 x 2 (小點hk$14.8)-個合桃酥面很鬆,不過個餡甜咗少少2) 炸兩腸粉 (hk$21)-本面嘅腸粉1/2通透,代表薄度夠,入口都滑-裡面嘅炸兩入口唔腍,是脆,可惜不是鬆脆,表面頗硬,似炸完再炸3) 水晶鮮蝦餃 x 2 (@hk$29)-個皮晶瑩剔透,個餡都實在,無欺場-合格有餘4) 上素蒸粉果 (中點hk$19)-粉果唔喺我杯茶,所以無試到5) 海天燒賣 x 2 (@hk$24)-喺鮑片面嘅燒賣-d肉有質感,唔會喺腍晒/粉粉哋-又有蝦-gd6) 山竹牛肉球 (中點hk$19)-我食咗1/2粒-肉喺腍身少少,+埋喼汁食,鮮味7) 蛋煎糯米雞 (大點hk$24)-很少見咁厚身嘅蛋煎糯米雞-所以糯米嘅份量不少,軟硬度適中-中間嘅餡料夠味8) 安蝦咸水角 (中點hk$19)-呢個都唔喺我杯茶,所以無試到9) 豉汁排骨腸 (hk$29)-只喺將排骨舖喺齊腸上-幾有排骨陳村粉嘅外形-腸粉夠滑,排骨亦夠味-不過食友覺得咁嘅配搭很怪,不過我又無嘜問題喎,都幾好味鴉10) 鮮肉小籠包 x 2