海南少爺 (已結業)

在疫情期間來了兩次, 兩次食的食物有相同的, 亦有不一樣的, 第一次來是在17 Feb. 三個人食晚飯, 店方特定選出幾款菜式以特別經濟的價位作招徠, 我們要了鹵水拼盤$38(感謝節咁話), 食過兩次價錢一樣, 但第一次明顯見到有豬手的肉, 而第二次則相當稀有地被蓋住了,  鹵水味道一般唔會太咸, 海南雞食過兩次,第一次稍為遜色, 第二次則出色好多(雞肉嫩滑)了, 雞跟的湯同雞油飯就一般啦。馬來西亞肉骨茶一份$128 份量也算足夠四個人吃的, 比起兩年多前在深水埗某專門店吃過的, 這裡的相對夠份量, 因為這裡的一個煲內配料也不少, 至於味道本人並非十分鍾情這料理, 是否跟足傳統無法辨識, 只能用最普通人嘅眼光去評估, 份量同價格是對等吧!  椰香海鮮喇沙$98 有點貴, 盡管是有蝦,魷魚圈, 魚片, 荳卜, 半只溫泉蛋,  沙嗲串燒六串$82 以豬最好食,其次是雞, 最後是牛, 因為牛肉被醃料昇華至另一層次, 第二次11/May 來時試埋另一個感謝優惠:明爐黑椒浸烏頭$68 以價錢來說都沒什麼可以投訴了, 唯一可能係燃料火力太細, 少少氣泡都沒有升上來,蠔餅只是一般, 酥餅是預期之內的

晚飯惠顧點了一個馬來肉骨茶，味道只有咸味冇藥材味。炒蘿蔔糕味濃配料均匀出色，海南雞肉肉質滑嫩，只是油飯及湯並不不出色，印尼炒飯香氣四溢，串燒普通。服務有待改善。

平凡的一個星期天，天氣太熱，所以都係去商場行吓作為長假期的結尾。好好彩可以坐到窗邊，風景怡人。點了馬來西亞風味的肉骨茶，藥材味夠濃，不過只有兩條豬肉排，可能近排豬肉貴，下次可以試吓星加坡風味嘅肉骨茶，白胡椒豬肚味，我諗應該都會好味。印尼炒飯很好味，因為太肚餓，所以唔記得影相。飯乾濕度啱啱好，配一些生青瓜同埋甜洋蔥，味道層次豐富，有2條沙嗲串，3隻蝦，足料，但係味道淡少少會再好啲。喇沙面湯底好甜，辣度適中。同樣有3隻蝦，湯都差唔多飲晒😅。

係海港城行到好肚餓，咁啱停咗係呢間餐廳面前又見無咩人，景又靚，就諗住試試佢🍴一入到去坐低會有壺茶，竟然係荔枝茶😍好飲到我覺得係可以飲幾壺都唔會厭🥰至於食物我哋兩個人叫咗碗麵同一個飯，都合格不過就唔值呢個價😖麵嘅汁幾濃幾入味，而飯就不過不失，無咩特別😕雖然整體而言食物方面都還可以，但係員工嘅態度同反應就真係有待改善🥴最後埋單都要成幾百蚊食得咁少野，抵唔抵就見人見智😕不過個環境係ok嘅🧐

現時嘅海港城少人過山頭，好多名（飯）店都唔洗等位，對於冇得揀嘅打工仔也許係褔音，可以舒服啲食飯。海南雞飯，招牌野當然要試，雞都算嫩滑，照跟清清的冬瓜湯，我認為油飯不過不失。馬來西亞肉骨茶，因為佢仲有提供新加坡版，所以要特別註明。好足料，啖啖湯都有濃濃藥材味，有個小火爐熱住，意思就應該係要熱飲，好大舊排骨，二人份量剛剛好，正好唔跟白飯的，跟埋就太飽了。十分推薦！美碌哥斯拉，正野呀呢杯！簡直係夠濃嘅朱古力，面頭仲有層忌廉同脆脆，可以當半個甜品。飯腳覺得唔夠所以再加咗一個小食，估唔到都出色，真係要介紹下，煉奶肉鬆酥餅，可以一試，不過都略飽肚的。

有海港城coupon，所以簡左呢間海南少爺食lunch。叫左海南雞飯(半隻海南雞)，海鮮那沙同拼盤。海南雞好好味，雞好嫩滑，唔洗點汁都好味。拼盤入面全部野食都好味，特別係個油炸鬼，好出色。那沙就一般。呢間餐廳推介黎試！！不過職員態度有待改善，幾乎個個都無咩禮貌。

收工去左尖咀海港城搵野食😛無意中發現有間餐廳成8:30pm仲咁多人排隊😳我就知道要試吓佢喇！ 呢間餐廳叫做《海南少爺》 😲個名好似好把炮咁！ 我第一時間聯想到海南雞！ 而佢嘅真店之寶原來真係「海南雞」阿！兩個人食飯叫左吾係好多野姐🙈🤤半隻海南雞（包一個油飯+一碗湯） 🤤馬拉盞炒通菜🤤炸腐皮卷🤤半打串燒（牛雞各3串） 🐥重點highlight 佢隻海南雞！唔好睇小呢隻雞！ 係去晒骨嘅雞！ 隻雞好似俾人做完massage 同 spa 咁😳雞肉超級滑同軟熟！雞胸位置一啲都唔Hai 口！佢仲有三款醬汁可以沾雞（酸辣汁，黑醬油，蒜蓉）我就最鍾意食酸辣汁🤤好好食阿！好耐冇食過咁好食嘅雞肉喇！而馬拉盞炒通菜！ 夠哂鑊氣！啲菜一啲都唔老，條條都食到！ 重要係佢落左生曬蝦皮一齊炒😍所以真係好惹味！ 炸腐皮卷同全消就不過不失啦！ 另外呢間鋪係轉系食新加坡野嘅！ 有喇沙、肉骨茶、蝦麵！ 下次試完！ 再介紹俾大家啦！ 最後，想讚下佢既壺荔枝紅茶！淡淡的荔枝味，好香，飲落去甜甜地好舒服！荔枝紅茶葉仲有得買嫁！ 翻食指數：4.5/5 2人盛惠：$491

臨時約咗朋友食飯，係冇任何planning同預約嘅情況下入到去食。佢哋嘅茶有荔枝香，幾特別。嘢食選擇都幾多，價錢都尚算合理。叫咗海南雞，烏頭魚，上湯菜心，炸蝦棗，薄餅。樣樣味道都唔錯，最出色係條魚，夠新鮮。隻雞都好滑好大隻。仲包埋兩碗飯同兩碗湯，份量好夠。個蝦棗我就覺得一般般，可能因為落咗馬蹄，我本身唔太好。薄餅一定要趁熱食，凍咗會有少少硬。但係個咖哩汁味道都幾香，唔會好辣。我哋仲要咁啱有得坐窗邊，有埋海景睇真係唔錯。

星期六晚，約了幾個舊同事食飯，有個說不食牛肉，有個就說不食蝦蟹，最選了食這間星馬泰菜海南少爺。一入門口，發現烏頭魚有優惠，所以叫了道68元的明爐咸菜胡椒湯浸烏頭，另外還點了馬拉盞炒通菜、招牌海南雞飯、煙三文魚撈起沙律及海南椰子雞湯。這幾味菜之中，雞湯入味，份量十足，入面有很多雞肉，而海南雞亦嫩滑，似雞是最出色的。烏頭亦很滑，最緊要68元很抵食，性價比高。烏頭及雞湯入面有明火熱住，但可能是我們坐得太耐，連烏頭那個爐的燃料都用盡了。我們叫侍應換燃料，他們都馬上更換。

我晏就叫左個肉排飯。叫左個咩鴨蛋。咖啡無咩為意時間等左30分鐘。吹了一次服務員佢講通知左。我都心知不妙。因為見d 師父係后面食飯我再等多20 分都無黎到。就算佢黎到我都食唔到，我都要返工。其實都唔係第一次。之前都試過。不過起碼都好快出返比我。佢地真係無唔好意思。仲同我講唔緊要幫我取消。以後真係唔會再黎。之前，未裝修嘅時候啲服務態度勁差。見好返dd 先幫襯返。但今次之後真係。。無以后就算海港城有coupon 減。都唔會再去。首先啲嘢又唔好食。海南雞d 雞有細份價錢又貴。除咗坐得好少少。我真係唔知道佢號喺邊。唔係因為返工就腳。一定唔會食呢間。

近日經常在尖沙咀海港城吃東西買東西（由於有很多現金禮券），今天到了海南少爺吃午餐，點了星加坡肉骨茶、單骨雞翼和海南雞飯套餐。星加坡肉骨茶是胡椒口味的湯底，但是稍嫌談了一點,一字骨不過不失,有很多豆腐皮和蘿蔔等配料。單骨雞翼炸得很香脆，點上甜酸汁吃，很是惹味開胃，不錯。海南雞飯套餐很滿意，雞肉很嫩滑、不會太肥、雞飯很美味，雞湯也很香濃，整體很好。本來是$500 多元結帳，用上消費現金禮卷後，只要$250 多元，非常抵吃呢！

下午4點幾，非繁忙時間，本來諗住用海港城coupon吃個下午茶。見入面頗多吉枱，攞張非等等。見前面有幾伙人都揸住coupon, 等等下走在，覺得唔對路。呢個時候，有個黑面waiter以極差態度出來話人手唔夠，要等好耐。跟住返入去慢慢執枱，大力拍D menu 落枱。食物味道已記不起，淨係記得個黑面神令人有幾唔開胃，彷彿全世界得罪了佢。不知道是否join左商場優惠卷計劃搞到呢間野生意好得滯，D伙計做到黑面。做到咁，好心你就咪join啦。

經過見到海南雞好似唔錯啵，就入去試下...裝修唔錯又有海景望，睇住menu,樣樣都好想食，不過由於我太想食串燒同海南雞飯，朋友又想飲肉骨茶，就點左二人餐。套餐唔跟飯，我地冇加叫，食到岩岩好，非常滿足。先黎既係杞子上湯豆苗同兩款剛炸起既小食，炸物入面都好juicy再黎主菜海南雞，全去骨，肉質幼嫩，最中意佢個辣醬，好惹味再黎雞同豬串燒，各三串，串燒始終係雞好味啲肉骨茶有兩款，一款係藥材，一款係蒜頭胡椒，個人覺得胡椒有點辣，還是藥材味比較適合我...原來侍應比溜左魚皮我地，即係問番，好彩仲有，係鬆脆既咸蛋魚皮😍😍😍😍Overall this restaurant is recommended👍

約埋三五知己傾下近況，得知決定去海南少爺時，我都覺得幾好，本身食過而且幾好味。餸菜款式十分多，而我們也叫了很多野食，有炸蝦棗，香脆腐皮卷，海南雞飯，喇沙，滷水拼盤等等，都非常的滿意。其中一樣仁當牛肋骨，真是最.仁當的煮法，是十分費時同大量心機，用十多種香料，椰奶同辣椒，長時間煮熟牛肋骨，讓香料同辣味均勻的滲入肉裏。食落口感覺到辣的刺激，繼而香料及椰奶的香味，咬落有種入口即溶的軟嫩牛肉。真係值得再三回味

行過見到海南少爺，好似裝修左喎，感覺好精神左。入去狂一狂先。坐位闊落左少少， 同埋裝修後d顏色，用具都偏淺色或白色，感覺給人光線充足，十分精神。菜單依舊，選擇很多，叫了幾款簡單菜式都很美味。滷水花生雞腳a，有咸酸菜，花生開胃小食。香脆腐皮卷，同個名一樣，又香又脆，仲好熱tim. 馳名的海南雞飯，肉質肥美，食落有好重既雞味，而且皮好薄，不帶肥膏，安心大大啖咁食。雞肉上還有少少乾蒜及芫茜，預期以外的口感及香味。