海南少爺 (已結業)

早晨去九龍公園步行，跟著落去中港城再轉入海港城，10點左右，商場自由行絕跡，變得好寧靜，行下行下竟發覺商場居然有吉舖，難道經濟真係滑落得咁差勁😱😱轉行入海運地庫，一路人流非常稀少，揀了海南少爺食中午，貪佢午市套餐選擇多有午市套餐供應，都幾多款架🤩待應哥哥帶左我地坐左一個窗口位，隨即奉上一瓶茘枝茶，不過就唔多夠熱😅西九風景盡入眼簾，看似繁華盛世😷好快海南雞飯就送到，有飯有湯仲有幾條菜，湯要讚下，夠熱、有胡椒香，唔油，好飲👍雞唔會切得大大件，而且幾滑，價錢比沙爹軒（中港城）平成幾十蚊，抵食，仲有送埋飲品架🤗呢個印尼炒飯連沙爹串，沙爹串又香又入味肉仲好juicy😚有幾片印尼蝦片，仲好脆架🤩印尼飯食食下發現有中蝦，飯內有大大塊雞肉和青豆，仲有青瓜、洋蔥及車厘茄伴碟，飯唔會太咸，廚房頗有心思，值得試嘅👍每人100元左右，咁質素及環境係幾抵食嘅仲有外賣自取85折，傍晚經開，可以買回屋企加餸👍👍

同兩位朋友仔行完海港城突然落起大雨於是將就係商場入面食埋晚飯門口經過呢間海南少爺見唔係太多人就隨意入去食喇幸運地入座時咁岩有窗邊的卡位雖然落住大雨唔係太睇到海景不過個view 的確唔錯好快野食就到 上菜速度夠快 岩晒我地d 香港人咸蛋魚皮係附送既小食魚皮炸得夠香脆不過咸蛋黃味欠缺鹵水雞腳 鹵得好淋 夠晒入味仲有酸菜可以清清個口唔會太膩海南雞半隻雞皮夠滑但雞肉唔夠嫰有d 鞋口 雞味唔太突出咖哩酥餅咖哩味香濃酥餅夠酥脆加埋一齊食唔停馬來西亞肉骨茶藥材味濃 蓋過所有食材的味道個人更喜愛有蒜頭及肉味的$68 烏頭雖說平 但肉質散吸唔到上湯既味而且較細條

海港城一向都好多好野食今晚就揀左食星馬菜嗌左半隻海南雞同埋肉骨茶.海南雞肉質超級嫩滑 雞皮滑到會跌落喉嚨雞油飯香得黎唔會太油膩非常好味.肉骨茶好濃藥材味 飲完暖笠笠肉骨唔會乾柴 豆卜吸收湯嘅精華忍唔住飲左2碗🥰.不得不提嘅係 哩間餐廳嘅荔枝茶好好飲香得黎帶啲果肉嘅甘甜味 非常特別👍

海南雞飯拼海鮮喇沙•本來嗌咗個海南雞飯睇真啲個餐牌原來有個雙拼海南雞飯拼海鮮喇沙，太好了一次過可以滿足我兩個願望，先講喇沙湯底夠濃郁辣到適中好香，有一隻蝦，魚片三份一隻糖心蛋，芽菜同豆腐卜，當然先食咗個海鮮喇沙，跟住就慢慢嘆個海南雞飯，有晒甜豉油薑蓉辣汁，食海南雞飯要有呢三個醬汁先係好食，先講啲雞都幾夠嫩滑，唔會太肥，啖啖肉，個飯就差咗啲好似乾身得滯同埋啲飯硬咗啲，唔夠油香味，如果改善埋個飯，成set野就唔錯啦！

以前在世貿經常去，當然係好食才去，搬咗去海運大廈就係第一次去今日諗住帶馬來西亞籍的朋友去試吓，太失望 海南雞飯全部係雞胸又鞋又乾！炒蘿蔔糕 糕身全部都係粉 一啲蘿蔔味都無仲有個蝦麵個湯一啲蝦味都冇 仲要D麵淋過豆腐！酥餅配咖喱 酥餅可以但咖喱咸到苦！埋單$397 同侍應反映 他說大廚二廚都不在 可能就這樣影響出品，但這個不是理由，如果廚房用心煮都唔應該變成這樣的！最基本海南雞飯係你嘅招牌菜有乜可能全部比雞胸！通常出邊食海南雞飯比雞胸都可能會搭雞翼，但係佢全部都係雞胸這個就有點而那個差不多一佰蚊嘅海南雞飯竟然出品這麼差！

海港城地庫的角落有間海車少爺，馳名海南雞飯、椰香喇沙、正宗肉骨茶午市優惠更可選配海南雞飯加喇沙或肉骨茶小碗，誠惠$120送飲品海南雞鮮嫩，雞油飯韌度適中；喇沙配料十足，有齊豆卜、鮮蝦、雞蛋及面線加上座位可享維港美景，配上海天一色，心曠神怡

一入餐廳安排咗坐近窗口位可以望到靚海景，兩個人每人叫咗一個海南雞拼馬來西亞肉骨茶，另一個就係海南雞拼星加坡喇沙，一打開肉骨茶濃濃的藥材香氣撲鼻，湯頭鮮甜加上一大塊排骨同成條黨參，配料十足，排骨入口即化，吸收晒藥材的味道，10分滋補，海南雞雖然俾咗雞胸肉，依然嫩滑，唔會鞋口，炎炎夏日仲有幾條爽脆青瓜拌碟，雞肉加青瓜感覺清新唔少，再配上一碗粒粒分明嘅油飯，果然係招牌菜

今日去左換電話, 咁岩有商場送COUPON, 於是就係到搵左呢一間新加坡菜食!我地2個人總共叫左4個菜.1. 海南雞半隻 $188 (連湯飯)我覺得幾好食, D肉都幾滑, 份量不錯,  仲跟埋白/油飯同埋雞湯TIM, 真心唔差, 但係真係貴左DD, 出面100蚊應該食到.2. 麻醬雞絲撈起沙律 $108呢個係要將D野食撈埋一齊食, 再加D麻醬, 好食, 仲要大大份3. 蔥油手拍餅+咖哩汁正正常常, 都幾油架4. 明爐浸烏頭 $68你無睇錯, 係68蚊, 原價要$238, 呢個係抗肺炎優惠, 魚夠滑, 又有魚味, 仲有D酸菜係到, 我鍾意食架!!!正!!!埋單$492 連加一, 都幾貴 haha, 好彩有商場coupon 減左200蚊, 哈哈, 咁都好D.

去咗尖沙咀落大雨所以喺海港城行咗陣就搵咗間鋪食吓飯今日比較早6:30前入座我哋得兩個人估唔到服務生會安排一個窗口望海景嘅位俾我哋用餐時間個半鐘不過一定夠一坐低就有一碗好好味嘅茶同埋一碟小食個小食都好睇係黃金炸魚皮認真望吓餐牌雖然款式唔多但係價錢都好合理咁所以我哋就點左個椰香海鮮喇沙材料都算粥嘅味道都OK不過略嫌個湯唔夠熱之後重點左佢嘅蠔餅佢唔係潮式炸都脆卜卜款但係佢蛋味好濃所以食少左¼已經令到你好飽佢二至四位仲可以叫一款特價小食我哋就揀咗咖喱牛肋條佢個汁唔錯但個牛肋條就一般般似牛腩多啲因為佢覺得太好味所以我哋另外帶咗碗白飯但係我見其他人點啲滷水拼盤同埋個骨睇落都唔錯下次可以試吓佢飲品都唔算貴都係3x我哋今次帶咗芒果奶昔我都好飲喎所以咁嘅價錢加埋個無敵海景靚景真係抵到爛下次要試埋佢個海南雞飯 同埋肉骨茶先

朋友仔話有間海南雞好正叫我去試下對於好中意食雞既我又可以點樣抗拒呢話係海港城入面既咁岩去行街咁就一於去試下啦可能Lunch time都見到有人排隊 咁等左一陣可以入去啦環境都唔錯架幾有氣氛都舒服 仲有一個大玻璃可以望到海景 加分加分咁當然就點招牌海南雞試一試佢原來星期一至五下午餐小食會抵d 叫左餐就可以加廿幾蚊有多個小食不過咁岩我星期六去就冇了 但就送左一個咸蛋炸魚皮 脆卜卜叫左個鮮蝦春卷試下見個餐牌個賣相好吸引海南雞真心十級滑超級有雞味🤤🤤加個雞油飯一啖雞一啖飯 超級滿意 跟餐既湯好清甜飲左有潤喉既感覺鮮蝦春卷更加不得了一定要趁熱食 卜脆脆蝦既份量都好足 下次黎都一定要再點

平價海景新加坡菜因為有好多海港城coupon 的關係就過嚟呢間對海景嘅平價新加坡菜試吓老實講，餐廳服務質素就真係麻麻地但食物質素係可以嘅海景位要一早booking 先會有而且食飯會限時，最好齊人先入冇諗過前菜會送炸魚皮，香脆又有咬口而且個茶都好好飲星洲蠔餅蠔嘅比例都算多，也不算太油膩蛋香十足，大件夾抵食海南雞半隻湯飯點可以唔試吓佢個海南雞半隻兩個人食就啱啱好啦雞肉鮮嫩也不算太油膩，配埋個雞湯，簡直一流

咁啱係海港城，就入左間算中等價位的餐廳，海南少爺。一開始係坐門口位，見窗口位有人走，就問可唔可以調入去，但有個服務員態度唔好，比我聽到佢細細聲’吱’一聲，話真係麻煩咁🤯其實我地只係坐左10分鐘，都未落單，但服務態度🥵-講返嘢食，大部份都比較重口味，但個人覺得海南雞飯唔錯🥰個雞好嫩，仲要都幾多舊。皮的顏色好黃，好夠色水，證明充滿雞油😋個油飯都好香，配埋小小醬油膏食好夾😬 另一個主食蝦麵都過得去，湯底好重蝦味，落足蝦頭去熬咁！🥳 入面係油麵加米粉，正宗的摻摻麵😆 餸就有3隻蝦，一啲肉片同半隻蛋。啲菜就多餘既🤯 油麵同米粉索晒湯好正！-到小食點知就好失望。我地串燒叫左牛拼豬。雖然佢有6串，但每串都好細🥵仲要睇到知比較乾，唔juicy😩雖然配埋個汁幾惹味！另一個係炒蘿蔔糕，呢個太油，個底油浸咁😰 佢好大份，有好多粒，但每粒都太多醬，勁鹹。食到唔想食😵 所以呢間我會覺得來食主食就好了，加埋個境係幾靚既！

最近特別喜歡食新加坡菜，可能是因為夏天將至，但受疫症影響，大家暫時都未可以出國食當美食，唯有選擇一間口碑不錯的，一解口福之慾。點了碗椰香海鮮喇沙，份量足，材料非常豐富，有鮮蝦、流心蛋、炸豆腐卜、魚片頭。蝦沒有雪藏味，都頗為新鮮。豆腐卜吸了喇沙湯的味道，絕對是精華所在。流心蛋（從圖片可見）正常發揮，但真的能做到流心的效果。招牌海南雞飯也做得不錯。每啖飯也充滿著油香，但略嫌有一點點乾和硬，而雞卻香滑可口，肥而不膩，難怪有不少客人都點了這款新加坡名菜。未進入餐廳就已經被每枱客都有叫的新加坡/馬來西亞肉骨茶所吸引。經服務員講解後才知道新加坡同馬來西亞肉骨茶的分別（新加坡風味就是胡椒味、馬來西亞風味就是藥材味）。糾結了一會兒，最後選擇了新加坡風味。肉質嫩滑，絕對沒有overcook的問題。我最欣賞的就是它裏頭有一大粒蒜頭，令整煲肉骨茶愈煲愈惹味！

海南雞飯皮滑肉嫩⋯最緊要係大脾配上醬汁 yummy！雞飯好香！仲有湯 隔～滿足～蝦球咬開有汁 可以睇到蝦 肉同蝦 個佔一半 但又不同與泰國蝦餅 蝦春卷非常一般 皮比較多中間蝦？好小好小 ⋯個人覺得唔好食 又油⋯唔推薦串燒 加左好多嫩肉粉 個人就唔鍾意 嫩肉粉 冇左d肉感 畢竟牛肉如果唔加嫩肉粉⋯品質就要好⋯品質好先咬到⋯之後又試左豬 都覺得唔好食 豬唔係五花腩⋯好瘦 口感都唔好 醬料味道可以！餅幾好食！配上咖喱汁 小朋友都好鍾意總體都算唔錯啦

我在網站訂咗下午4㸃4位，有半價， 當我抵達之後，告知那個男侍應我們多咗一個小孩，他就用極之不禮貌嘅態度教訓咗我們一頓，然後就走咗去，再沒有理會我們，我們不是去接受施捨，也不是去受少爺脾氣，今時今日，仲用咁嘅待客態度， 好自為之！