海南少爺 (已結業)

已經第三次光臨，食物都不錯，仍然保持水準！不過仍然未能坐喺窗邊度😖！入座後也陸續好多人，首先，餐廳枱上有食物做緊優惠，我一行3人，一定選擇拼盤半價非常抵$128，之後一定要會飲肉骨茶，海南雞亦是必選嘅食物，馬拉盞炒通菜，沙嗲串燒！1）滷水拼盤夠入味👍🏻👍🏻2)肉骨茶湯未夠濃，豬骨啖啖肉👍🏻👍🏻3）海南雞半隻肉質鮮嫩👍🏻👍🏻👍🏻4）馬拉盞炒菜救鑊氣👍🏻👍🏻5）沙嗲串燒（3豬，3鷄）肉質口感好👍🏻👍🏻6）柑香蜜雨 ，好似冇酒精mijito 🍹7）咖啡 ，夠滑☕️

先講價錢，$4/4/2人，用Coupon變$264/2人。再講食物質素，藥材肉骨茶好好味、夠正宗😋雞串唔得，好材，唔新鮮炒貴习有點油，但好香，不過蝦都材，唔新鮮花茶好飲海燕椰皇不過不失有海景，得3個位，曬氣，但望到，貼海，堅靚！

前日用coupon和朋友去食，本來仲有點期望。點餸時啲員工已經黑曬面，問少少野唔肯答仲要串番轉頭。叫左海南雞飯同海鮮喇沙，雞肉唔新鮮，又乾又硬，湯極咸；喇沙無椰香，無鮮味得個咸字。我當自己唔好彩，無理到繼續食。點知食到蝦頭時有陣腥臭味，背脊仲連住條黑色既腸/屎，嚇到我叫個員工過黎，點知佢肯換，仲響度問侯人。最後糾纏左勁耐先肯換個俾我，但情況無好好多，我地淨係食左一半就唔食走左。點知呢個只係惡夢既開始。當晚番到屋企就開始肚痛，痾足成晚差啲暈低到尋日中午先好轉。問完朋友發現原來佢都有唔舒服，一致認為係個喇沙有問題。以後唔會幫襯，大家都唔好中伏！

海南少爺是主打馬拉菜既～上個月因為有卷所以食試左幾次、如果正價叫我食個咁既餐$120 (海南雞飯例+超細肉骨茶+熱飲) 我係唔願意的....雞的份量非常少、不過味道可以既。至於我反而中意食佢個串燒、因為份量都幾大、厚切的、不過其實最中意係個蠔餅、煎到好脆、蠔仔好大隻、雞蛋味好香、唔係潮式勁多粉個隻～服務不錯👌希望價錢可以稍稍調整😉同樣望到個海景、而且人流不多得閒可以來high tea傾計唔錯～有下次

週末放假海港城真係好多人間間餐廳門口都好多人等位所以我地拎左好幾間餐廳既飛等位但因為朋友好想食呢間既新加坡肉骨茶，最後唯有等呢間,等左9個字到真係太多人加上疫情期間要隔住住。試左肉骨茶白胡椒蒜🧄頭味$128，胡椒味好重，擔心胡椒味既可以揀其他味，排骨未算好淋，肉質有小小乾身，如果再煲耐啲就好，始終唔係屋企自己整或者係新加坡當地食，不過係香港呢個價錢可以接受既，不能要求太高另外推介雞絲青瓜夾酥餅$62呢個要襯熱食，好好味仲有就係星洲醬油炒蘿蔔糕$72都要襯熱食，因為攤凍左就有啲油啦如果4個人應該會食得曬既招牌海南雞飯$107就不過不失， 可以加錢轉雞脾

突然想吃新馬菜而且又有coupon，所以選了這家，週六下午都很多人等位，等的時候就去隔壁Venchi看看🍫兩個人就點了半隻海南雞和肉骨茶，海南雞的話，建議熱一點再吃，因為堂食的雞有小小凍的話，並沒有太多的雞味雖然雞很軟滑，但是因為我take away了半隻雞，第二天吃的是熱的海南雞，那個雞的味道就出來了肉骨茶有很多肉骨，算是足料，吃一個已經很飽了，中藥味也很濃如果可以坐窗邊享用這餐會更完美，但有coupon用已經很好了

海南少爺 📍尖沙咀海港城@海南少爺因為有海港城既Dining Coupon，於是跟住佢個list揀食咩😅畢竟平時番工原價食都貴。之前已經食過佢既海南雞飯，覺得質素唔錯。今次就試下喇沙，係屋企整唔到既野😹💫椰香海鮮喇沙 $98職員好細心，幫我分左湯同麵 （外賣加收$2🙃）一打開聞到香濃既椰汁味，就知道一定 好食💋唔知要幾多材料先淆到個咁濃郁既湯底。食材亦十分豐富🦐都有3大隻，而且爽口，唔係啲平價「梅」左雪蝦，係魷魚圈少左啲😣豆卜大大舊又多，索曬啲湯汁之後，味道一流，最平既野反而係最好食👍🏻 整體黎講都無咩可以挑剔💯💯💫熱豆漿 +$12喇沙好好食，但個豆漿就令人失望。飲得出係用粉開，一啲豆味都無，而且加左糖我唔太鍾意，所以飲左半杯就算。

見咁多人話好食就試下，$99蚊海南雞飯，加$8轉雞脾，再加$2外賣。一打開只有失望，得5件好細嘅雞，下面墊兩塊青瓜。份量少之餘仲要又硬又冇味。性價比係零。希望唔好再有人中伏。

前排海港城消費滿指定金額有現金卷送所以今日特登嚟搵間餐廳用咗啲coupon佢兩個人叫咗四樣嘢非常之夠飽😂首先嚟到嘅係滷水拼盤份量都幾多最出色嘅係啲豆腐同雞腳豆腐超入味雞腳炆得好軟淋之後嚟嘅係馬來西亞肉骨茶非常重藥材味啲沙參好甜個湯飲落唔會有味精熱辣辣飲好好食我哋叫咗半隻雞嘅海南雞飯餐啲雞都好滑唔會太肥不過就冇乜雞味個油飯都好出色非常之香至於個湯就稍為淡咗少少不過都好飲嘅最後叫咗個菜好似係叫蔥油白菜仔？😂你見到個樣都係比較頹嘅所以就真係冇乜特別不過用咗現金卷之後先30幾蚊一碟都可以食下嘅咁樣半價完埋單三百幾都算抵食不過冇現金券就唔係咁講啦🤫

疫情其間，好多department store 為左增加人流同埋吸引大家消費，各商戶都洗出千其百趣既方法。前排只要係海港城消費滿800 就有coupon 回贈，吸引大家再番黎消費。而我今次就用左 coupon 去左呢間海南少爺食海南雞！香港專做海南雞既餐廳唔多。呢個派coupon 既方法搞得好成功，大部分參與既餐廳都大排長龍。第一次黎食，排到個時店員話海南雞賣晒，原來係限量供應，姐係代表佢地既海南雞日日新鮮。🤤第二次揀左晏就黎，排左一陣就入到。佢地有個望window 既位置，好舒服，中價位望到window 好值得。招牌海南雞飯$99雞好嫩滑，點哂三款醬仲好味，油飯好香。跟餐仲有埋個湯，可以濕潤下個口。海港城既一間中價之選👍🏻 可以一試

有無人好鐘意食新加坡菜啊？ 海港城既海南少爺環境幾好，食飯質素都唔錯，推介！🤣印尼炒飯配串燒 ($88)印尼炒飯配有2串串燒👍🏻 面頭加左隻太陽蛋，炒飯口味偏甜少辣，串燒燒得好香肉都夠味，但幾塊印度蝦片就稔左，食食下先發現印尼炒飯黎到香港都逃唔過要加青豆既命運😂🍜豬排喇沙 ($78)豬排份量好多，唔會柴皮，煎得岩岩好！喇沙湯底都好食！😂咖哩印度酥餅 (加配 +$22)酥餅點咖哩食真係好好食！哩到既咖哩迎合左香港人既口味，係唔辣偏甜既黃咖哩新加坡蕃薯喳喳 (加配+$28)我想像中既喳喳係超級無敵多豆😂 但哩個喳喳變左係蕃薯芋圓椰汁西米露😂 有無人係新加坡食過真係咁ga?🤔 芋圓口感偏稔，蕃薯唔算好甜，椰汁就偏甜既，哩個甜品麻麻地整體黎講哩間質素唔錯！想下次試下海南雞飯🤣

突然想吃星馬菜，適逢週日所以與家人一同到來試試。我們一行五人點了五道菜：炒蘿白糕、馬來肉骨茶、海南雞、蝦麵和蠔餅。特別推介海南雞，很滑好好味，此外蠔餅也不錯。整體來說，價錢中等，但食物質素不錯，坐得舒服，可惜地方不大，很多時候都要等位，若果撞正海港城coupon優惠期間，更加難搵位。然而，若在九龍區想吃星馬菜，這間也可值得考慮。上次吃過南乳炸豬頸肉，太乾，唔好味，記住唔好叫。另蝦麵也普普通通，亦唔建議叫。

呢間店有好多其他炸嘢食，包括蝦、蟹呀等等， 食物種類唔算太多， 可能因為疫情關係好多嘢都話冇得賣。 睇咗餐牌好耐，冇咩好揀，只好叫了半隻海南雞，印度薄餅，沙茶牛肉炒芥蘭同埋單骨雞翼。海南雞都幾嫩滑， 但份量有點少。 印度薄餅新鮮整但好多油， 單骨雞翼幾好味好嫩滑。 沙茶 牛肉炒芥蘭嘅芥蘭只係烚熟牛肉鋪面。食物太多味精了，食完狂飲水 都未食完，服務員好快清碟，感覺要趕客，但我只係由坐低到食野，只係40分鐘。。。 我同屋企人， 都唔係好滿意今次嘅餐廳。

好耐無食過肉骨茶啦，無得飛嘅日子下唯有係香港食🥺今次黎左海南少爺食佢地嘅lunch set，有靚海景有海南雞又有肉骨茶，一次過滿足晒三個願望。肉骨茶有得簡馬來西亞/新加坡版本，簡單黎講就係黑湯同白湯分別，我自己就鐘意馬來西亞口味多d。海南雞肉質都嫩滑，唔錯。戲肉嘅肉骨茶相當足料，藥膳味重，而排骨係無骨嘅，但都煮得入味，同時有埋有豆卜、冬菇、淮山同貌似黨參等等係入面。另外都叫左馬拉盞通菜，炒得爽口惹味。價錢方面，個人覺得都可以接受，如果訂位試下同店員講要窗邊位，夜晚應該都好有feel☺️

海南少爺係主打星馬菜，加上部分座位更可以望到海景，環境舒適，價錢同食物質素係相符，不妨一試😆◭椰香海鮮喇沙 $98超級香濃椰香喇沙，有好多材料，有大蝦、半熟蛋、豆卜、芽菜等等，仲有好滑身嘅米線，$98一碗，值得一試◭蔥油手拍酥餅配咖喱汁 $52好大塊手拍酥餅，一塊可以兩個人食，朋友讚不絕口，煎得好香脆，再配埋咖喱汁，好惹味😋◭馬拉盞炒通菜 $75炒通菜好爽口，正常水準，但我就覺得有少少過辣，食完要即刻飲啖茶先得🤣◭星州醬油參巴炒蘿蔔糕 $72呢個第一下食落好似XO醬炒蘿蔔糕咁，但蘿蔔糕質感好淋，無乜「糕」感，可以不試◭炒貴刁 $98食落味道有啲似豉油王炒麵🤣少少甜甜地，仲有彈牙嘅大蝦🍤◭香茅蜜糖單骨雞翼 (6件) $52炸得好脆又好乾身單身雞翼，一啲都唔油膩，香茅味中又帶微微蜜糖味，加上單骨雞翼，容易食🤣