海南少爺 (已結業)

好耐無食過星馬菜了，今日難得黎到海港城，除了行街睇戲，當然仲有食飯啦，呢到附近比較有名氣的相信是海南少爺了。入座後一打開menu, 望見肉骨茶就不其然有種好想飲既慾望，就order了馬來西亞肉骨茶，說是有16種藥材及食材。的而且確，藥材味很濃，茶都好飲，3條大肉骨，吸收了藥材精華，有另一種風味。另外亦order了星洲醬油參巴炒蘿蔔糕，外表一層薄薄的脆口，內裏軟熟的蘿蔔糕，入口有黑油的香及參巴醬的微辣。仲有黑白胡椒炒鱸魚球，也是香口微辣，一件件方便夾。非常開胃惹味，十分滿意。

#TastewithTA 這家餐廳是第二次光顧。感覺第一次比較好食，大概是因爲點的菜式不一樣吧。《海南少爺 》的湯水只有兩款，兩款都是肉骨茶。一款是白胡椒蒜頭的新加坡肉骨茶，另外一款是藥材味馬來西亞肉骨茶。⠀⠀⠀⠀⠀⠀⠀⠀⠀⠀⠀⠀白胡椒蒜頭的新加坡肉骨茶味道很重，很辣～藥材味馬來西亞肉骨茶味道更重～她...還是不喝了啦～我猜平常很喜歡濃郁的肉骨茶的朋友一定會超級喜歡！⠀⠀⠀⠀⠀⠀⠀⠀⠀⠀⠀⠀再來一個我很喜歡的：串燒拼盤⛱這二人套餐的串燒拼盤有2個豬肉、2個牛肉 & 2個雞肉～沒有吃豬的關係，感覺雞肉最好吃👍🏻👍🏻⠀⠀⠀⠀⠀⠀⠀⠀⠀⠀⠀⠀上湯菜心是最好食的～味道不錯，我跟媽媽很快就把所有的食完了～～⠀⠀⠀⠀⠀⠀⠀⠀⠀⠀⠀⠀最後還有兩條春卷、兩個蝦球！蝦球的味道超凍，大粒又彈牙～～春卷的味道怪怪，感覺傳來一陣芋頭味道，大概是我個人不太喜歡芋頭吧💙⠀⠀⠀⠀⠀⠀⠀⠀⠀⠀⠀⠀《海南少爺 (尖沙咀)》📍尖沙咀廣東道3-27號海港城海運大廈地下G16號舖

海南少爺都算比較多人吃的，除了價錢比較大眾化，食物賣相，味道及質素都好好。今日食左碗椰香海鮮喇沙，真係食過番尋味。賣相十分好，非常吸引，跟照片一樣，排列得好整齊，材料亦好豐富，有蝦，蝦身已去殼，豆卜，魷魚圈，温泉蛋，魚片。仲有馬拉盞，芫茜，薑花等香料。麵底是米線加米粉，湯底濃郁，椰香撲鼻，啖啖粉麵都有濃湯味，又香又辣。蝦算大隻，有少少彈牙。温泉鴨蛋好好味，蛋黃少少流心，果種'張'住個口既感覺好正。 呢碗喇沙真係無得頂。

難得周末放假，當然約埋老友是出街逛下，update下d新野。去到尖沙咀海港城，完全滿足到我地既購物慾望，店舖種類多，真是花多眼亂。幾經努力，有一堆屬於自己的戰利品。心情一放鬆，馬上就感覺到肚子的空虛. 立即過附近的海南少爺，醫醫肚先。排了一陣隊，就坐底了，打開餐牌，亦有點花多眼亂既感覺，太多選擇。就叫呢幾樣啦。馬來西亞肉骨茶，炸蝦棗，滷水花生雞腳，仁當牛肋骨。下單後等既時間唔算耐，食物味道很好，尤其肉骨茶，中藥味重，個人覺得好好飲。抵食.

見到海南少爺裝修後靚左喎， 之前都食過ok架， 裝完修，環境就靚左，唔知食物有無好味左呢？花生滷水鴨蛋，好似溫泉蛋，熟度剛剛好，有流心的感覺。滷水亦入味，仲有埋花生，好咬口。香脆腐皮卷，賣相可愛吸引，入口香脆，配埋醬汁一流。炒貴刁用黑醬油炒，味道香濃，而且是河粉加米線，雙重感覺，加埋臘味等配料，非常之香，食唔停口。馬來蝦麵，又一隻温泉蛋，正。湯底勁濃，重蝦味，配料唔少，唔駛驚唔夠飽，每食一注麵，都充滿蝦湯味。無得頂。裝修後不只靚左，仲保持到食物水準，比個like你。

約左朋友聚下舊，兩個女仔搵地方坐下，諗住輕食一下。無意中看見這間海南少爺，門面都光猛，感覺乾淨，於是就入去坐下。本身我們二人也不算太肚餓，叫了椰香海鮮喇沙，加2款小食，分別是炸蝦棗，同滷水花生雞腳。雞腳出乎意料之外好味,滷得好入味。炸蝦棗熱滕滕，好有咬口。除了蝦，還有墨魚，魷魚等。不錯啊椰香海鮮喇沙，都好大碗，材料又豐富。有米粉又有米線。蝦身已經除了殼，很細心，但對我來說還是比較辣. 但真的惹味。有機會可以約多幾個朋友，來試試其他的菜式。

午飯時間去海南少爺，佢個午餐價錢係海港城內算比較算，其次食物質素性價比高。加上環境舒適，沒有太大壓迫感。印尼炒飯是一個很足料的選擇，有彈牙的蝦，香濃沙嗲串燒，脆口蝦片，仲有多料的醬油炒飯底。基本上一定夠食之餘，仲有高品質的食物享受。炒貴刁，對於喜愛食河粉的人，是一個不錯的選擇，這不是一般的咖哩炒貴刁，而是油麵拼河粉，再用黑醬油炒，加上多種配料，又香又夠鑊氣。跟餐仲有一杯飲品，令本身只有很少時間的lunch hour, 得到很好的享受。

行過海南少爺，又有少少肚餓。唔好諗了，直接走入去。由於一個人關係，完全不用等位。考濾了很久，海南雞飯，還是椰香海鮮喇沙，最後決定來一點小刺激，就選擇了椰香海鮮喇沙。湯底香濃，陣陣的香辣味飄出來，材料亦很充足，最愛就是隻温泉蛋，蛋味濃郁。米線拼米粉的感覺很好，口感一流，每一口都吸收了香辣惹味的湯底。好食叫了這個星洲醬油參巴炒蘿蔔糕，一口一件，非常方便。入口感覺外脆內軟，醬油味濃。加上有少許蛋，葱花，芽菜等，令口感更豐富，好食

每次黎到海南少爺，都好似選擇困難症發作，又想食番肯定好食既菜式，又想試下d未食過既菜式，睇下有無驚喜。對住本menu翻來翻去，又翻番來，最後試下新野啦。滷水拼盤，有豬手，雞腳，鴨蛋，豆腐為主，花生酸菜為副。每款食物都滷得好入味，尤其豬手亦很嫩滑，好好味。這個黑醬油肉碎雞蛋夾酥餅，外表比較平實，味道卻又很滋味。酥餅夾滿肉碎，肉碎吸滿黑醬油，很香，很有咬口。好多人都推介既麥片脆蝦伴蒸饅頭，大蝦又大又彈唔駛講，估唔到麥片撈鹹蛋黃，果種又甜又鹹又脆，好複習。再食埋饅頭+煉奶，真係一再回味。

上網睇到下晝四點有優惠，於是訂咗今日去試吓海南少爺。下晝四點來講都有七八枱客算唔錯，本人最鍾意食喇沙，所以一定會試椰香海鮮喇沙，由於有半價優惠，所以明知食唔晒都想試吓香茅蜜糖單骨雞翼。坐低冇耐侍應就俾咗一壺茶，飲咗第一口，嘩！好香荔枝味！真係好好飲，後尾問個侍應係乜嘢茶，原來係荔枝紅茶。先講下雞翼：雞翼炸得好脆，而且好Juicy，沾泰式辣醬簡直絕配，如果以正價六件$52 ，其實唔算貴，何況我依家有半價😂。主菜海鮮喇沙：湯底正正常常，算係合格，海鮮只有三隻蝦同埋少少魷魚，味道唔錯，最搞笑就係佢個麵底係米粉加米線，呢個係我從來未試過嘅，其實口感麻麻，因為米線同米粉都係一啲吸唔到味嘅粉麵，所以每一啖都要靠個湯一齊食先得。另外有半隻滷水蛋，味道都唔錯；成碗喇沙最差嘅係豆卜，完全冇味，仲要外面係好乾，𥚃面索唔到湯，我每一件都咬嚟試吓，但係都冇一件係好食。最後埋單$99 ，茶錢$8，下次叫多啲人嚟嗌幾個小菜，主要嚟淨係飲茶都抵🤣🤣。

海港城有很多西餐廳，都比較經常食，今日見有間"海南少爺" , 名字幾特別，望真一點是吃星馬菜的，試一試也無妨。星馬菜比較有名的，必定試一試海南雞飯，可以說是地道名菜，所以就點了這個菜。海南雞飯，外表跟一般的差不多，但食入口就很不同，雞味很濃，而且很滑，亦有麻油香。侍應推薦這個馬來蝦麵，果然無介紹錯。眼望材料十分充足，湯底顏色亦很深色，意味十分香濃，食落口有種味道不斷在口腔徘徊的感覺。試一試生死戀，鹹魚薑米蒸鱸魚，魚肉很滑，蒸得剛好，陣陣鹹香撲鼻，豉油可以少番少少就更好。整體不錯，可以再來。

裝修後的海南少爺，感覺很不一樣，坐位闊落左，光線充足左，食具茶具更有心思。整體感覺係舒服，進步左。這個香脆腐皮卷很有特色，外型似粒糖。新鮮炸，熱辣辣，外脆內軟仲有d肉汁。值得一試。椰香海鮮喇沙，可以話係星馬菜的最有特色之一。這個煮得好好味，辣得黎有陣陣既椰香，材料亦好豐富，蝦仲係去埋殼，夠細心。同樣地，這個海南雞飯，亦是星馬菜入食指數爆燈。雞肉嫩滑，無多餘脂肪，味道一流，仲可以配埋將汁。加埋雞油飯，又香，又好味。

忘了從甚麼時候開始，我喜歡上吃「海南雞飯」，在網絡上找尋海南雞飯的時候，找到了這家叫做海南少爺的餐廳，聞說這邊的海南雞飯超級好食，弄得我心癢癢的。感恩身邊有一班愛吃之人，願意陪我去吃個痛快。 先來一份滷水拼盤 ($128) 開開胃，滷水的很香濃。拼盤中的滷蛋用上鴨蛋，味道更香，質地相對厚身，入口時鴨蛋的香氣留在口腔之中的時間更長；豬手、鳳爪也不錯，配合滷水的香濃味道更佳。 我們點了馬來西亞肉骨茶 ($128)，以藥材為主調，用上十六種上等藥材，如肉桂條，加入以後令湯品甘醇可口。再者，肉骨茶中，加入肥瘦均稱一字排以文火慢熬至綿軟，為湯品添上鮮甜肉香。品嚐肉骨茶的時候，店員教我們用上字號「廣祥泰」黑醬油及香脆油條一同食用，更為美味。 這個麥片脆蝦配蒸饅頭 (2件)及煉奶 ($228)真的很美味，我的重點並不是放在爽甜的蝦上，反而是放在蒸饅頭上，平日吃蒸饅頭，我也吃得津津有味，今次可以沾一下煉奶，再沾一下麥片，把整件饅頭入口的感覺豐富了，甜而不膩的煉奶跟脆脆的麥片加起來感覺蠻有趣的，讓我忍不住想多點一份饅頭來把所有麥片都吃掉。 招牌海南雞 ($188/半隻

前排黎左海運大廈新裝修完既海南少爺 唔單止環境舒服 有大大個海景睇 食物質素仲非常之唔錯添😻！_{星洲醬油參巴炒蘿蔔糕 $72 🥕}{新加坡肉骨茶 $128 🍲}{椰香海鮮喇沙 $98 🍜}試左幾款菜式 蘿蔔糕炒得乾身惹味 肉骨茶帶淡淡胡椒香 喇沙用上米粉同米線口感好豐富😚_{麥片脆蝦 $228 🍤}不過最有驚喜既 一定係個麥片脆蝦😻 大大隻蝦蘸上鹹蛋黃 再灑上脆卜卜既麥片同羅勒葉 食落鹹鹹甜甜好香口！估唔到麥片同蝦會咁夾咁正🤤🤤🤤 再用跟埋既蒸饅頭蘸埋啲煉奶同麥片食 又係另一番風味！_{仁當牛肋骨 $148 🍖}仁當牛肋骨水準都唔錯！醬汁用上多種香料調製 所以非常有層次！加上慢煮左幾個鐘 啲醬汁既味完全滲入啲牛肉入面 非常入味😻 唯獨覺得肉質可以再軟稔啲 不過整體都係好食的😚_{招牌海南雞 半隻 $168 🐔}然後叫得海南少爺 點可以少得海南雞呢😆 呢度既海南雞選用三黃雞 落雞湯慢煮再過冷河 所以食落肉質軟嫩又不失雞味😚 果然係招牌！_黎開尖咀又想食星馬菜既話 呢

裝修後第一次去， 有種煥然一新既感覺。 感覺温和舒服，陽光充足。來個滷水花生雞腳當個前菜，雞腳大隻入味，花生亦多，醒胃小菜。這個仁當牛肋骨，menu寫是全球50大美食之首，感覺很誇張吧。感覺香料十分之多，味道很濃，而牛肋骨亦燉得很林，香濃得黎又帶有牛的味道，相當不錯。當然不少得這個海南雞飯，肉滑而雞味濃，煮得剛剛好。青瓜墊底，亦都非常入味。個人獨愛這個黑油醬，因為不是很多餐廳可以食到，很香很惹味。仲有個雞油飯，不得不說，好滋味呢。