浜燒太郎 (已結業)

有朋友在將軍澳置了新居，但係大家工作太繁忙不能在家設宴，唯有在附近找間店吃。如果不是她帶路去，是完全不會搵到這裏，因為附近的住宅也好像未入伙般的，黑漆漆一片。進來的時間餐廳環境頗有日本小店的感覺，之後安排坐了房間，坐位像榻榻米，看一下菜單，感覺這裡將日本的那一套搬了過來。點了蟹膏和大蜆，大蜆在烤爐上滾着，看著由蜆裏流出來的水滋滋作響，實在令人食指大動蜆肉先甜無比而且帶有海水味再試試蟹蓋，將蛋加蟹肉和蟹膏一齊攪勻再去烤，味道齒頰留香嫩滑的蛋卷加入明太子，有少少咸香，味道一流炒麵炒得乾身，完全是日本吃時的味道鹽燒花魚很大條，但味道就沒有什麼特別。最特別要數羊肉炒椰菜，羊是帶有濃烈的羶味配合野菜一起吃會是頗不錯的選擇撇開地點是較為不理想，不論食物服務及環境絕對值得再來。

係海濱依到第一間開的店鋪，平時跑步行開，都幾吸引，而且其他鋪陸續開張，依到漸漸變得熱鬧食燒野當然要飲酒，日本野有清酒，就更有feel,平平地要左花風彩360cc大樽，而總覺得飲熱清酒，係幾man既事三文魚茶漬飯，估唔到最快黎到，不過好肚餓，有得食墊住肚先，茶漬飯最好的地方，就是簡單好食日式酒蒸大蜆，海水味都幾濃，可能因為夠哂新鮮，而刺身揀左3款刺身+牡丹蝦，新鮮好食就一定家啦，品質都真係幾高神奇炒麵（第二代），比較好奇第一代係點，但真心有驚喜，係香港食多數都只係普通的炒麵，見到係用拉麵炒，而且覺得幾特別，食落口好熟悉的味道，再諗係零食粟米條的bbq味，我現在終於明白為何個隻味係燒烤味一場黎到，都需要食下d磯燒， 牛油帆立貝、廣島蠔、象拔蚌，都係岩岩水箱到拎出黎，聽聞d料都係日本直接運過黎，每樣都大大隻，隔離有埋鹽味醬料牛油醬料，燒緊的時候加落去，令味道提高

剛食左浜燒太郎幾好食又抵食招牌酥脆雞塊:鬆化。香脆到痴線!但肉面d肉汁噴晒出黎，好嫩滑。前菜點咗燉炸白蘿蔔，外層薄脆，好惹味。鹽燒味噌漬鮭魚腩哇...今日超好彩，高質燒魚腩。魚皮焦脆，魚肉嫩滑Juicy。三文魚及三文魚籽飯三文魚刺身優質新鮮，睇下d間紋幾規則，正宗半肥半瘦，油香四溢。豬軟骨醬油拉麵豬軟骨肉好腍，不過如果軟骨可以口就perfect。拉麵麵底好靚，爽口彈牙，柔韌度剛好。豬骨湯底好香濃，飲晒半碗都唔口乾。冬菇串:燒到菇香噴晒出黎蘆筍串:無燒到乾爭爭，爽脆清甜。鹽燒雞皮串:脆到爆Seed超好食嘅1餐，店員都好Nice💗💗💗抵讚如果綠茶再濃d就Perfect池喇

自己真係好少過嚟將軍澳呢邊，今次有朋友新居入伙，估唔到呢一區嘅環境真係翻天覆地，完全令我刮目相看，除咗周圍嘅環境優雅怡人之外，建築物嘅密度都非常之低，周圍都有海濱走廊和單車徑，真係一個好舒適的居住的環境，參觀完朋友的新居之後，就帶咗我來呢間餐廳「浜燒太郎」！佢正正坐落喺海濱走廊旁邊，望住個海景，可以踩單車拍喺前面，香港真係好難得有咁嘅地方👍🏻地方又寬躺，有大堂區和包廂，充滿日式風情，餐牌食物種類亦多，價錢方面亦算親民甚至乎屬於抵食（以浜燒來說）😬甲羅蟹膏燒$78元，將蟹膏蟹肉混和鵪春蛋，可以自己燒或找服務員代勞👌🏻另外叫了大蜆$58，和象拔蚌$88，放在專用的爐具上，即燒即食，鮮味無比，正👍🏻仲有燒牛舌$38，大蔥雞肉$24，又平又好味，用來送酒一流🤗海鮮丼$138，有多款時令刺身，大大粒北海度帶子，色、香、味俱全，鮮甜味美💯不得不提豬軟骨醬油拉麵🍜$98，湯底味濃而不涸，精華所在，豬軟骨更是甘香酥軟，充滿彈性，實在一試難忘👍🏻埋單人均消費不用三百元，環境正，服務好，價錢平，下次再來要試試其他海鮮至得😬

今次去左將軍澳搵食，之前有朋友同我地講呢邊無咩餐廳，但有間新既日本野好想試！就叫左我去同佢試下！就咁睇門口真係唔知係入口，好特別，整得好似日本的居酒屋一樣，非常日式！入到內，個感覺真係似去左日本咁呀！可能仲係算新，唔算好多人，不過佢地每間房都有客人，應該係一早預訂左既！跟住我地一睇個menu見到，原來有野玩！你可以比錢限時夾d海鮮上黎然後佢地燒比你！還有如你惠顧一杯生啤就可以找店員猜拳，勝出左就可以免費升級大杯裝！不過由於我地都唔太想飲啤酒所以無玩到。夾海鮮位置 但我地得兩個人，所以無玩到，只係見到其他客人玩！有些客人夾了很多，玩得好開心！日本小茄子燒 ＄28先來個前菜，叫了小茄子，因為一般吃的茄子都比較大這個只有兩粒，細細粒，咬口幾特別，上面配了少少木魚更加滋味。招牌酥脆雞塊＄68有五大件，比我們想像是大，而且沒有骨，每一啖都是肉。雞肉很滑，很新鮮，配了他們的醬汁非常配搭！感覺非常化算！肉味噌蛋飯 ＄78這個飯不要看它細細碗的！是非常豐富的，每一啖都有肉醉及味噌醬，把蛋汁攪拌一起食用，不過是有一點油！但整體感覺非常好！明太子蛋卷 ＄78跟餐牌賣相有點不同，但是味道沒有失望，不過它的明

將軍澳南近來開了好幾間特色食肆，身為將軍澳人更係要會一會。今次係浜燒太郎。將中都有間類似日式居酒屋，爐端燒，講真浜燒裝修方面較具特色，今次試左好多唔同嘅食物，有海鮮壽司拉麵等等，海鮮味道鮮甜,串燒沒有驚喜，拉麵較遜色，湯底偏鹹。某位女服務員不友善，問她鮑魚要燒幾耐，佢話話吾倒比你聽，當另一位服務員來時，他替我地反轉鮑魚，等吾使咁乾，還關上替我們關上房門，但又比該女服務員話我地好關門。埋單時更不肖遞上賬單。服務員嘅態度就嚇怕我地，未試過日本料理有咁嘅服務。

難得將軍澳有間咁有特色既食店，梗係要去試下啦～～早2日Book位都有得坐房：天字第一號（0001）～～不過要由地鐵站行去真係要一段時間呀，同埋唔熟路，轉錯彎又要再搵過好彩最後都去到，但就遲左半個鐘囉～～好有日本特色既門口～～入到去左手邊就係天字第一號房間，房唔算大，但都夠坐～～肚餓就唔理環境，食野最緊要～～我地一行三人，叫左唔多野，有燒物、壽司、串燒咁，超滿足呀～～不過坐房個抽氣麻麻，焗到成身都係燒野既味～～甲羅燒～～香噴噴既蟹膏、蟹肉，撈埋鵪鶉蛋勁正～～當然膽固醇都好正燒元貝～～冇乜特別，都係正常味道～～玉子燒～～本身叫左明太子玉子燒，黎到搵過咁多舊都唔見，再問侍應，佢話上錯左⋯⋯之後補番黎又唔記得影相明太子雞翼～炸得好香口～～好味呀串燒牛舌～串燒帶子～～梗係唔夠燒元貝好食，至在頂下肚先大葱雞肉串～～大葱有點燶，味道一般串燒雞軟骨～～壽司拼盤～～太懶唔想續件叫，叫個Set就最方便炸雞～～最後先到，食飽左就開始嫌棄佢，覺得佢太多粉漿

市區可以經常食到日式燒烤，將軍澳都又一間新開冇幾耐，喺海濱長廊附近。侍應問等唔等房座，有客埋緊單，等一陣梗係坐啦，貪佢食得舒服D!串燒牛脷熱辣辣，都算厚身，厚身口感好啲，爽口又唔韌。蟹肉甲羅燒自從在日本食過，就愛上甲羅燒；呢度有，點會唔order呀，自己燒自己控制，燒乾身啲會甘香啲，好味道。仲有北海道帆立貝，新鮮，軟滑彈牙。豬軟骨湯拉麵。湯底夠濃喎，豬軟骨一咬就開，加上軟骨嘅煙韌，拉麵彈牙，有口感，good！明太子玉子卷。明太子好似少咗啲，不過原來鹹鹹地都幾夠味，雞蛋卷軟滑濕潤，都幾夾味。鹽燒魚鮫外脆內軟，肉質肥美，魚鮫黐住唔少魚肉，最緊要無咩細魚骨。整體來說， 食得過，坐得舒服，可以翻兜。

係ig blog睇到，將軍澳站附近開了間幾正宗的日本居酒屋，仲有得即燒海鮮添。身為將軍澳居民嘅我，梗係想去試吓啦。於是今天放假，我就和我老公去揾搵。沿住地鐡出，一路向着海那邊行，行到近海處，附近有幾間餐廳，應該是新開的，我也未見過，其中一間的門口真好有日本feel，相信應該係呢間，我們就即刻入去。入到去，我們被安排坐個好似日本的包箱。要除鞋入去，門口擺放住拖鞋。真係好似去左日本咁！而且有高度的私隱，可以比我和老公好親密咁傾下計，好開心。見到有個game，好似好好玩,就係用筷子夾海鮮，30秒$138，1分鐘$258。我老公好有信心咁話玩1分鐘。原來用筷子去夾真係唔係咁易㗎，嗰啲水有深，水又凍，因為啲海鮮放喺好底，而水深都有成個手臂咁深。最後我老公只係夾到三隻扇貝，好似有啲蝕左添。不過唔緊要都幾好玩，他說。就係呢幾隻扇貝啦，用手夾返嚟的。之後我哋仲叫左一啲海鮮去燒：蟹肉蟹殼呢個真係好好食，新鮮嘅蟹肉放在蟹殼裏，啲蟹肉好鮮味，加埋啲蟹膏，簡直一流。仲有個生雞蛋係面，溝埋啲蟹肉蟹膏，嘩，正呀！蜆我哋仲叫咗啲蜆來燒，真係好鮮甜呀。夾嘅扇貝燒熟了：我哋仲叫咗一寸串燒-雞軟骨：好熱、好香、好脆！我哋

將軍澳一路都好多嘢食，今次喺海旁搵到呢間隱世日本菜，之前一路都冇留意過原來呢度有餐廳，但見到入邊幾多人食於是就試吓啦。我哋都叫咗幾多嘢食，叫咗一盤壽司，叫咗魚生拼盤，所有都好新鮮，同喺日本魚市場食嘅差唔多。另外我哋都叫咗啲熟食，包括明太子嘅玉子，明太子沙律，魷魚酥等等。全部嘅份量都啱啱好。唔會太大份，我哋可以要多幾樣嘢食試吓。最後個甜品都非常之令人印象深刻，呢個哈密瓜雪糕，佢嘅雪糕嘅質地非常煙銀，唔似平時入口即溶嗰種，幾有口感。

今日黎將軍澳放狗仔，放完狗後朋友帶我地去食一間新開日本野。餐廳做緊個特別活動，用長筷子夾海鮮，３０秒／１分鐘內夾到幾多就可以拎回位燒。價錢１３８＄／２５８＄，見到有客人都有參加仲好開心，相信收穫唔錯！再睇餐牌發現原來之前係尖沙咀食過，餐牌幾乎一樣，不過都開心因為之前食過覺得好味。特上壽司盛　＄１９８有十件壽司帶子一樣非常鮮甜美味，極推薦。壽司飯細細粒一口食晒又唔會太飽。炸雞　＄６８炸雞都ＫＥＥＰ到水準，皮脆肉嫩多汁，雞肉加左燒汁，好食得黎又唔冇令到個皮變淋。燒大帶子　４８＄好好味，帶子爽口鮮味，底部有Ｄ湯汁非常鮮甜，食一粒唔夠喉。　地獄拉面　９８＄有隻溏心蛋同埋兩塊好淋好入味既叉燒，湯底同豬骨湯差唔多，多左辣味味道都有升華左。炸海膽忌簾薯餅　７２＄原來海膽只係有少少放係薯餅面頭，忌簾薯餅炸得好香脆又唔會有油膩感，內裡好CREAMY 熱辣辣，都係好好食但７２就有點貴。

今日心血來潮想同朋友行去將軍澳海濱吹吹風，吹完風見肚餓，就搵咗呢間附近嘅日本餐廳試試餐廳嘅裝修都好日式，我哋一行四人仲有得坐廂房，正！！（不過留意返，係要除鞋嘅 😂）房入面有鐘仔俾你㩒去叫侍應嚟，好貼心 ❤️ 而且侍應嘅服務都好殷勤，值得一讚！👍🏻食日本嘢我哋當然要食壽司，壽司推介有呢啲，價錢都唔算貴，好親民 我哋叫咗特上壽司盛合（$198），啲壽司由師傅揀，款款唔同我哋仲額外散叫咗啲壽司，好新鮮好好味 😋另外仲有三文魚剌身（$78），明太子雞蛋卷（$78），茄子味噌田樂燒（$38），都可以一試 😋

我地又去屋企隔離再隔離既將軍澳搵食勒～今次發掘左一間好日本地道、味道，特色既居酒屋我地揀左d出面好罕有食到既菜色～海膽魚籽蟹肉蟹膏燒 蟹肉蟹膏燒之前食過好好食，今次依個重量級加埋海膽魚籽，更係要試啦！先放上爐加酒燒至酒揮發就晒再攪混就食得勒！好滑，好香海膽魚籽蟹肉蟹膏味道同一種微微燒焦香，無得輸呀！醬油燒青海苔鵪鶉蛋 我鍾意食既鵪鶉蛋原來係可以燒架，好香燒香既醬油海苔再加焦焦香同脆，好好食呀！燒白飯魚干 好特色呀，原來白飯魚可以燒成一片片，好脆、好香呀！鹽燒雞皮串好香脆呀，裡面仲有點點脂肪，軟綿綿，好香呀！煙肉蠔燒串燒外面好香煙肉味，裡面係香濃又creamy 既蠔，燒得好好呀！神奇炒麵一坐低聽到旁邊個家人點左話好好食，梗係跟住點啦！老公話好味呀，個種味道係係日本食過架！佢過似日本大阪燒既味道，梗係啦，拉麵黎架嘛，再加點甜甜地，再加少少紅薑，好好味啊！明太子雞蛋卷 熱辣辣，好香蛋同明太子混合著既香～好滑又帶點明太子既微辣同咸～特選柚子梅酒 好岩我呀，甜甜地，好重柚子同梅味，好香呀～老公點左杯三得利啤酒 🍻

今日去完朋友既新居之後，就係附近搵野食，行行下單車徑中，就比我地搵到呢一間係日本餐廳。據知，呢間餐廳既海產非常之新鮮，係由築地或是直接由日本既漁港進貨，所以真心想試下。餐廳既裝修都好有日本味道，以木系為主，無論係門面定係枱枱櫈櫈，都充滿日本既風味。打開menu 既第一頁，見到原來可以自己用筷子夾海鮮，而且海鮮既選擇非常多，例如有鮑魚、象拔蚌、帆立貝、大蜆、聖子、蠔等等。有2種價錢選擇，包括$138夾30秒同$258夾1分鐘。我地再出去望埋個水族箱，好似好吸引，但我地又好擔心我地會一樣都夾唔到。再問問職員，暫時都未有人破呢個紀錄，所以我地都決定試一試。我地試左$258 夾一分鐘，突然間覺得，原來1分鐘係過得好快，好好彩，我地最後夾到9樣野，真係好開心，有得食又有得玩。夾完之後，職員會為我地預備返d海鮮，之後放喺個木盤上。新鮮既海鮮，燒落真係唔同d，鮮味十足。而且有2款醬料加，我個人比較喜歡蒜蓉牛油醬，所有海鮮都好爽。另外，叫左個明太子蛋捲，蛋捲好滑好香。而且熱辣辣，蛋捲中間鋪滿明太子，而且多到滿鋪，食落啖啖明太子，非常滋味。再叫左個炙烤三文魚押壽司。呢個壽司都好有驚喜，佢唔係用普通既壽司

繼上次知道將軍澳呢邊開咗好多新餐廳之後，今個星期二又同男朋友收咗工順路都過黎呢邊搵好野食！今次嘅目的地係一間隱世居酒屋，因為住附近嘅朋友去完之後都讚不絕口，話將軍澳終於有返間居酒屋，以後唔使次次都出尖沙咀銅鑼灣等地方食了。餐廳位於將軍澳南新入伙樓盤海翩匯屋苑嘅商場內，沿着海濱公園單車徑，基本上沿着海濱公園單車徑一路行就會見到，因為餐廳外嘅裝修同招牌等等都好有特色，行過就知道係一間居酒屋，一啲都唔難搵。咁入到餐廳裏邊，估唔到星期二都到坐滿大部份嘅位置，相信係住喺附近嘅居民都知道開咗一間居酒屋，相當受歡迎。入到去見到除咗開放式嘅位置之外，仲有幾間獨立包廂，適合一班朋友聚會或者家庭聚會，適合鍾意私隱度高既朋友。除咗餐廳嘅擺設之外，仲見到好有特色嘅遊戲，可以選擇俾一個價錢係限時內任夾海鮮，夾得多就食得多；另一個就係猜拳，猜贏咗就有得啤酒升級，有得食又有得玩。但我地兩個用筷子又唔叻，猜拳就更加唔好提了，有信心既朋友可以一試！我地直接係餐牌落單啦，見到餐牌都非常豐富，基本上應有盡有！首先我地叫左浜燒蟹味噌甲羅燒同赤海老蟹味噌甲羅燒有三文魚籽、蟹膏、蟹肉同鵪鶉蛋等等，跟埋醬汁撈埋一齊燒，食得出材料嘅