浜燒太郎 (已結業)

朋友推介呢間喺將軍澳嘅隱世車酒屋，話一定要試佢哋嘅即燒海產！因為所有海產由築地直接入口，所以非常新鮮! 一入到去所有店員都非常親切, 即刻加分！ 打開本Menu第一頁見到有個「猜拳升級生啤promotion」，即刻問店員係咪堅猜拳？原來係猜包剪揼！ 結果, 我輸咗! 令人念念不忘嘅三色蟹蓋「海膽魚子蟹肉蟹膏燒」（$128） 話就話叫三色蟹蓋, 其實有四隻材料！ 啲厚厚嘅蟹膏匿埋喺底層！ 店員幫我地開爐同開始燒，仲細心講解燒嘅方法。要攪勻先食！呢個三色蟹蓋真係唔講得笑，由於材料非常新鮮，特別係蟹膏非常足料，乜調味料都唔洗加都超級鮮甜味美！真係一試難忘！海產類還試了即燒鮑魚(@$68) 及帆立貝串 (@$36). 鮑魚十分新鮮，上爐時還會動的。剪開一條條食，十分鮮味彈牙。帆立貝串一份三粒，全部都厚厚的，調味剛剛好！「明太子雞蛋卷」絕對有驚喜 （$78）。外面層雞蛋卷很香很滑，中間的微辣明太子醬相當令人驚喜，味道亦配合得很好！「海膽忌廉蟹肉薯餅」($68), 一個字形容，正～我相信我好快會再返去試埋佢哋個「限時夾海鮮」遊戲，不過要練吓先！順帶一提，唔好以為weekday 就唔洗book位

約左朋友係附近跑步，先吃點東西再去跑，發現有一家新開的浜燒店，就去試試看。店裝横十分日式，有屋頂設計及多間獨立房，瞬間以為自己去左日本。房間有privacy又有空間感，要除鞋入去，感覺不錯。海鮮好吸引！鮑魚($68/1隻)蟹肉蟹膏燒 （蟹味噌甲羅燒）($78)附煮酒、牛油蒜蓉汁、鹽味，可自由加，店員會一開始幫忙燒，之後就放手俾客人自己搞。不一會就燒熟了，甲羅燒蟹味濃郁，非常鮮味。鮑魚味好香，口感又有咬口。大蔥雞肉串($24)，串燒必點。和風凱撒沙律 ($62)有蕃茄、青瓜、豆腐、粟米、椰菜、沙律菜和ham，營養豐富，健康之選。煙肉蠔卷($32)幾特別，蠔肉質肥美，吸收了煙肉的肉汁，好吃。煙肉芝士奶油意大利麵 ($128) + 明太子topping ($28)，有大蝦、蟹柳絲、煙肉，好多芝士，芝味濃郁，明太子份量也不少，加埋入去，口感更豐富。冬菇串($18)和豚肉鵪鶉蛋串($32)燒得香，豚肉鵪鶉蛋組合幾新鮮，賣相可以再加強一下。

今日同男朋友遠道而來將軍澳，原因都係呢個，就係「食」呀！為左「食」真係好得幾盡下！其實我咁大個女都未黎過將軍澳架🤣🤣因為比較遠呢間居酒屋定價係中上，入座都座得舒服而且愈夜愈多人我地點左少少炸物，炸雞🍗本來以為都係普通野，點知炸得好好食，醬汁亦整得好好！另外炸芝士年糕好軟滑，入口即融！諗起都肚餓🥺🥺🥺🥺壽司🍣好新鮮！又係估唔到入口即融！最後仲有燒硯同蠔！大大隻！實在丸滿足喇！一定再黎食！

朋友住喺將軍澳附近，行過將軍澳海濱時見到呢間日式居酒屋，又有啲肚餓嘅關係，所以就走咗入去食野了。呢間居酒屋嘅環境好好，各種裝飾品夾埋好有日式feeling，覺得自己好似去咗日本咁樣。首先我地叫咗海膽兩碟。望落去色澤金黃，外形飽滿，味道甘甜，好新鮮。呢個係海鮮丼，裡面包括咗三文魚、甜蝦、吞拿魚、魚子等等。十分豐富，望落去顏色都好新鮮，每片刺身都好厚，口感好好，十分推廌！另外我地仲有叫多咗個三文魚+魚子飯，三文魚一樣都好厚，加埋啲有醬汁嘅日本飯好軟好好味。酒蒸蛽。酒味啱啱好，蛽都好乾淨，清甜鮮美。因為太好味嘅關係，大家都飲曬啲湯。海鮮北海道麵沙律。面頭有已經切粒嘅蝦子、三文魚、章魚﹐中間嘅係北海道麵，而底下係沙律菜。三樣野一齊食又有另一種新奇嘅感覺。加埋枱頭嘅沙律醬就更美味！稻草鰹魚刺身，鰹魚嘅鮮味好出，成班朋友好快就食曬成碟。稻草安格斯牛﹐肉味好濃，肉汁都好多，煮得啱啱好，食落口好紮實。到咗最後，就係一系列嘅串燒，有雞皮串、豚肉串、帆立貝串、牛舌串等等....每樣都燒得唔錯，我自己就最鐘意帆立貝串，好大粒同埋好彈牙！

將軍澳新開的日式浜燒餐廳，位於單車徑旁的河畔，距離地鐵站有點遠。超多好評，特來一試。店子有包箱，環境不錯。以浜燒來說屬中等價錢。空運北海道帆立貝78一隻空運來說差不多。海鮮算是挺新鮮的。帆立貝有點偏細，店員用作調味的蒜味牛油味道亦偏重，蓋過帆立貝鮮味，有點可惜。廣島蠔亦新鮮，但這種大小的蠔浜燒過後有點偏鹹，生食應更佳。象拔蚌如下圖大小，算手是價值88元應有的大小。要有口感應選大一點的，但價錢應要翻倍。大蜆很實惠，味道亦佳。鮑魚有彈性但鮮味不足。這邊建議用之前的帆立貝殼作容器以減少象拔蚌跟鮑魚汁液流失，亦要適時加清酒防止過乾。DIY其實不難，當然店員能夠代燒更佳。話說Menu沒指明產地，不確定是否日本空運貨。除了海鮮也試了串燒跟稻草牛。稻草安格斯很不錯，草味中和了油脂，又不會蓋過牛味，比鹽燒更具風味。牛舌跟冬菇都燒得不錯，不會太乾，調味得宜。帶子烏賊燒跟跟大阪燒差不多。帶子不算多，味道跟份量還好。整體而言算是這區不錯的日式浜燒餐廳。閑時晚飯想吃海鮮的話不錯，刻意來一嘗浜燒的話要平常心，畢竟它定位不算太高。

高汁日本🇯🇵餐廳🍴🤓雖然位置可能比較偏遠😖 但如果鍾意食日本野 呢間位於將軍澳海旁既餐廳都幾值得試下😳-首先講下炸物我地分別嗌咗三樣👇🏻1. 炸雞軟骨2. 芝士年糕3. 蟹肉海膽忌廉餅 (圖7)全部都炸得啱啱好 頭兩樣野食就比較常見唔多講la👀 但個忌廉餅又真係幾好食 連唔係太鍾意食蟹既我都覺得唔錯 佢個樣有d似薯餅 個餡其實幾creamy🤤 係d蟹肉嘅蓉 不過上面舊海膽就一般啦！唔夠新鮮😣-另外要咗個魚生飯個人覺得啲料好足 不過個飯就淡味左少少 但啲三文魚籽真係好正 😍😍 大大粒而且好鮮味😍 -另外佢呢間其實係有爐燒海鮮🦞既但係因為太熱氣嘅關係又未病好所以就冇食到啦🥺🥺 -但overall呢間嘅環境服務同埋食物嘅質素都值得一試！下次就try下爐燒啦！-

雖然不是晴天，但天氣不熱而且有點雲，最適合去釣魚，由將軍澳出艇釣到夜晚，餓到手都軟，求其入了間餐廳食飯。鹽燒味噌漬鮭魚腩：鮭魚骨少肉多，魚油豐富，入口甘香嫩滑，連魚皮都帶脆。煙肉芝士奶油意大利麵：份量比較少，但每條意粉都以芝士包裹，口感豐富，啖啖都有芝士香。明太子雞蛋卷：雞蛋卷即叫即做，所以差不多食到最後才上，中間是咸咸香香的明太子，蛋卷香滑。特上壽司盛合：有十件不同的壽司，壽司飯已經調味，刺身有三文魚、火炙三文魚、吞拿魚等，但最好味竟然係帶子，鮮甜嫩滑，而火炙三文魚更燒出魚脂香味。炸明太子雞翼：雞翼裏面釀滿了明太子，入口除了有雞油香同時又帶鮮味。

朋友新居入伙，入去參觀一下，之後一齊去了附近這間日本餐廳食飯。明太子沙律明太子的咸鮮味道同沙律醬中和，是一個開胃簡單的前菜。帶子魷魚燒有粒粒帶子及魷魚在內，燒得很香口，帶點燒汁甜香。三文魚及三文魚杍飯全部都是三文魚腩部位，油脂豐富，有魚油甘香及鮮甜，三文魚杍更入口爆開，令每啖飯都更鮮味。精選刺身拼盤三款三文魚就比較一般，脂妨比較少，不及上面的三文魚好味；吞拿魚鮮甜，油甘魚則較有脂妨香，金目鯛味道不及前者濃郁。牛舌燒至表面焦香，牛舌彈牙有咬口，檸檬汁可減輕油膩感。天婦羅盛合有蝦、南瓜、番薯等，表面粉漿很薄，即叫即炸，十分新鮮又不油膩。

將軍澳海濱長廊環境優美、周圍附設單車徑，是我經常去的地方。最近「翩滙坊」地下開了一些食肆，其中一間是濱燒太郎，非常吸引我，於是我立刻和朋友到來試一試。濱燒太郎環境雅緻舒適， 由於我們早到， 更可以安排入座日式房間，真好啊！我們叫了魷魚筒$88和大蜆$58，放在專用的爐具上燒，望著食物慢慢變熟，再隨個人喜好加上調味，即燒即吃，又是別有一番滋味。魷魚筒Size很大和厚肉，肉質鮮嫩，點醬和不點醬都一樣好吃。大蜆大大隻，肉質肥美，正!招牌脆雞塊$68，雞塊炸得恰到好處，金黃色的外皮很脆，雞肉仍然保持嫩滑，加上啖啖肉，超惹味好吃，果然是招牌脆雞塊，值得推介。三文魚及三文魚子飯$128，切薄的三文魚新鮮美味，片份量也不少，而三文魚子，每一粒都包含着大海的精華，令人回味。珍珠飯味道混合得恰到好處，配搭三文魚和魚子一起吃，真是美味極了。野菜天婦羅$68，炸得脆口不油膩，種類多:有冬菇、秋葵、四季豆、茄子、蓮藕、甜蕃薯等，比我預期中更好吃，加上價錢抵吃，是不能錯過的小食。明太子魷魚鬚$62，入口惹味香口，送飯送酒一流惹味，吃完還想再吃。海膽忌廉蟹炸肉薯餅$68，淡淡的忌廉滲入炸肉薯餅中，感覺入口即溶，好

三人有包廂, 訂枱已被cut 線, 新開近屋企.,加上老婆生日, 帶埋小朋友照去支持下, 落單混亂, 漏了3個單當日聲稱冇酒精飲品, 連汽水都話冇 即是只有水及茶, 但坐了近半粒鍾一杯水都冇, 追了2次才有杯水! 客人不多, 工作人員不足刺身可以, 炒麵凍的, 串燒order 4串漏3串玩夾一分鐘海鮮, 個缸極污糟, 明顯没有清理排洩物一段時間, 夾了3隻聖子,3隻扇貝, 2隻象拔蚌 。燒完放入口極臭 ,即吐 要返屋企漱口呢個價錢 呢個服務 呢個質素情願比呢個錢食譚仔 最後仲食吾飽要返屋企煮面

本身一行九人開開心心去食飯我地一直都唔係叫少少野跟住坐系度吹水嘅人埋單食左都成8千銀臨尾有兩杯野飲未黎...叫個女職員幫手追...佢竟然問我地’果兩杯野飲咩number ‘作為一個第一次黎食嘅食客（就算食左十次）... 緊係唔會知你杯野飲咩number la?咁的地話‘唔知number wor’佢竟然叫我地攞本Menu自己check下....嘩...大佬...咩態度？面就人地比，架就自己丟...我地好聲好氣好好態度咁問佢...佢竟然咁樣對食客？可能因為叫得太多野食令佢工作量增加...佢好唔開心啦唔會有下次囉....不知所謂嘅服務態度

新年過左來將軍澳探親戚，2年無過來，完全變左個樣，多左好多新樓。見有時間就過左來附近行行，單車徑旁邊見到哩間日本餐廳，地方都算靜，應該唔會多人排隊食飯，話曬星期日。結果我地決定入去食，可能因為時間早無太多人，過左一陣全部坐滿曬，仲有人出面排隊。除左日本料理仲有機燒（自己動手燒）我地三文魚迷，一定少不了三文魚刺身同壽司，值得一讚個三文魚壽司真係非常好食，火焰三文魚配上三文魚籽，再配上距特制芝麻汁，食完想再食，刺身就非常新鮮同鮮甜。壽司方面我地還叫左：帶子和鰻魚壽司（大大件，飯細細肉大大件，推介鰻魚壽司，真係好好食，鰻魚係少少脆質感。最後還叫左個飯糰配個鰻魚食，塊鰻魚好大塊😏小食方面我地叫左：明太子炒魷魚絲，燒牛舌，燒雞軟骨，燒三文魚腩，拉麵我地叫左一個抱住試一試：結果出乎意料好食，湯地好濃郁，而且入面豬軟骨好入味好軟。面彈牙，配上半個溫泉溫泉蛋好食到暈⋯機燒方面：大蜆，甲羅燒，帆立貝，蠔，每一個都好新鮮，而且無沙，簡單配上蒜蓉牛油汁就非常好味⋯⋯最後加上一個甜品，（留心抹茶蛋糕）完美結束，下次經過哩邊都要過來再食先得⋯⋯

今晚肥妹仔去咗將軍澳嘅一個商場食日本菜，個位置都幾難搵，不過入到去原來都坐滿曬，應該都有d料到。肥妹仔叫咗幾串串燒，包括燒雞皮，露筍豬肉。佢嘅燒雞皮燒到非常乾身，一啲油膩嘅感覺都冇。露筍豬肉就好香油脂味，咬落去啖啖肉，露筍好嫩滑，爽口。另外肥妹仔仲叫咗炸白飯魚，佢嘅炸白飯魚唔係平時食開嗰隻，而係本身係好薄好薄嘅一片，好似薯片咁，攞嚟送酒真係一流。肥妹仔仲叫咗鰻魚壽司，鵝肝壽司，三文魚壽司嚟試，下佢嘅壽司水準都算唔錯，鵝肝同埋鰻魚都好大塊。另外仲叫咗一個甲羅燒同埋燒魷，魚甲羅燒入面嘅蟹膏超級濃郁，攞嚟撈飯就一流。而佢嘅魷魚好新鮮爽口彈牙，值得一試。

餐廳裝修得好有日本 feel大門隱藏咗，好有玩味 🤣成功入到嚟就見到幾個大嘅海鮮魚缸有唔少咗貝類食如果自問揸筷子好叻可以玩夾海鮮$138 就有半分鐘去夾～有得玩有得食幾過癮【鮑魚】【象拔蚌】我手短就無挑戰到夾海鮮，哈哈就咁 order 咗鮑魚同象拔蚌兩樣都好新鮮 👍🏻 食落鮮甜彈牙！【海膽】海膽刺身一板都係 $108，抵食喎海膽一瓣瓣好完整，色水較淺色，但味道好濃郁朋友話其實海膽顏色深淺係關海膽性別事真係長知識 💡【特上壽司盛合】用個蝦頭做點綴，擺盤都有啲小花思成個盛合有 10 件壽司，種類同份量都豐富除咗八爪魚壽司乾身啲之外每件壽司質素都唔錯 😋 CP 值高【三文魚及三文魚籽飯】三文魚砌成扇形，幾大塊下而且有勁多非常大粒飽滿嘅三文魚籽！【天婦羅盛合】炸衣唔算炸得好靚仔，不過食落都脆薄$88 有三大隻蝦天婦羅 🍤野菜天婦羅又有菇、茄子、南瓜同蕃薯都好值回票價～【牛油醬油烤鱈白子】通常都係食到生嘅白子加少少酸汁食，口感係滑溜嘅烤過嘅白子就有啲似食緊鹹香嘅魚春口感同風味都截然不同，幾啱下酒【炸日本生蠔】生蠔炸得色澤金黃，外脆內軟～

將軍澳開了很多新餐廳，其中一間是日本過江龍浜燒太郎，產地直送日本風味到嘴邊，是香港第一間分店，很厲害！餐廳近將軍澳海濱長廊，日式居酒屋的裝潢充滿氣氛，是夜也十分熱鬧哩先來了特上壽司盛合和海膽刺身。一盤有十客壽司也是$198，不錯呢。壽司飯加入赤酢調拌，顏色呈深褐色，將壽司送入唇中緩緩咀嚼，味道帶點醇香，可以突出到食材的鮮味最喜歡這件牡丹蝦壽司，肉身黏口且晶瑩剔透，非常鮮甜一大板海膽送上，海膽呈金黃色，質感幼滑，甘香濃郁的味道在口中化開來浜燒太郎當然必點浜燒海鮮吶，先吃蟹味噌甲羅燒，蟹膏蟹肉釀在蟹蓋之內，將鵪鶉蛋倒在蟹膏上邊燒邊搞拌，頓時彌漫著陣陣香氣，非常吸引。入口順滑而且蟹膏味十分濃郁，大滿足！另外也點了象拔蚌和鮑魚等的海產～原隻鮑魚浜燒，非常爽甜彈牙，鮮味滿瀉小食點了炸日本生蠔，肥美飽滿，一個字正天婦羅盛合有蝦、南瓜、茄子和冬菇，新鮮炸起很酥脆天婦羅將茄子的甜味和多汁鎖在麵衣內～最後點了一碗豬軟骨醬油拉麵，還附了溏心蛋，湯底惹味，沒想到除海產外，拉麵也做得不錯