浜滝

營業中

休息中

自己一向都好鍾意食海鮮，尤其係龍蝦、海膽、或者鵝肝呢啲，近排上網睇開伊勢龍蝦就發現咗呢間位於九龍城嘅日本餐廳。餐廳無論係門外或者店內都有好多日本特色擺設打造出日本居酒屋嘅感覺，除咗叫咗龍蝦之外，另外再叫咗幾款小食試試。日本水果番茄 ($88) : 水果番茄有別於普通番茄，果皮會比較硬同結實，不過就特別鮮甜多汁，配上和風沙律汁，非常開胃嘅前菜。厚切和牛舌芯串燒 ($78) : 厚切之餘一啲都唔韌，而且仲幾爽口，和牛牛舌真係唔同啲，呢個串燒值得一試。大分直送火灸平目魚邊 ($158) : 平目魚平時都有食開，但係呢個真係一試難忘，魚邊火灸後加入咗柚子醋同即磨山葵，味道酸中帶甜而且重要係入口即溶。半熟龍蝦燒 ($798) : 見到實物真係流哂口水，龍蝦肉上面有勁大堆海膽，半生熟呢個做法幾創新，兩者都灸燒過，所以味道同口感都變得更加豐富。食完龍蝦之後，餐廳會根據客人嘅要求將龍蝦頭煮成湯或粥，可以再慢慢品嚐。

不知不覺原來都好耐冇嚟過食飯，舊地重遊依然都好記得小店嘅招牌菜「半熟龍蝦」。餐廳啲間隔無咩大變動，反而添置咗更多日本色彩嘅擺設，餐牌亦都更新咗，菜式變多咗。酒盗芝士 ($88) : 兩款食材味道非常突出，口感嫩滑而且味道濃郁，配搭埋蔥花令味道再提升，作為小食係唔錯嘅選擇。油甘魚鮫 ($188) : 落單時同侍應傾開計，閑談間佢推介我試「油甘魚鮫」，不過我一向都唔食魚鮫，因為怕會有腥味，不過見佢咁有誠意就試吓。魚鮫唔單止燒到外脆內軟而且仲油香滿溢超級好味，今次令我完全改觀對魚鮫嘅感覺。半熟龍蝦 ($798) : 念念不忘嘅主角終於出場，伊勢龍蝦較其他龍蝦味道更濃厚同肉質更嫩，龍蝦肉上鋪滿厚厚嘅海膽，係食之前再點點龍蝦頭上嘅金箔，極盡奢華的味覺享受。最後重會將龍蝦煮成粥同濃湯，龍蝦湯同粥蝦味超級濃郁，鍾意食蝦菜式嘅朋友仔千祈咪錯過。

今晚朋友帶我黎九龍城食好西，佢話好耐之前已經想食，搞到我都好期待！先食左個神戶牛肉沙律，有好多炸櫻花蝦調味，好足料，加埋隻蘭王蛋食，有蛋漿撈埋新鮮沙律菜，入口又滑又香！伊左目魚原來有兩種食法，師傅會先上魚生刺身，肉質咬落去爽甜，點埋酸汁更加鮮甜，食完店員會幫手收起魚頭同啲骨拎入去煲湯，魚湯飲落亦非常清甜，師傅話啲食材日本直飛香港，唔怪之得咁新鮮啦，店員仲好細心提我哋記得要趁熱飲就最甜最濃味！跟住就叫左小食雞肉漢堡串，我哋最中意食佢配月見同大阪燒醬汁，咬落去碎骨係入面，有啲似雞軟骨串咁，好有爽口咁有啲野咬下，月見打混個蛋黃點串燒好惹味，大阪燒就係甜甜地配燒汁同沙律醬，兩種都十分好吃！之後嗌埋炸富士山白海老，好搞笑師傅話同我哋啱傾就特別比多啲份量，第一次食咁樣原隻炸蝦，原來都幾大隻可以清楚睇到蝦身真係有肉，店員分享話之前餐廳入貨揀左較細隻既蝦，佢哋試完發現都係大隻啲較有口感於是就轉用現有呢款既富士山下做食材👍主菜必食餐廳主打自家制黑蒜拉麵，好香黑蒜味，湯底飲落都唔會太鹹，比例得宜，仲特登用左火山石bulubulu咁滾住上枱，keep住湯底溫度，叉燒吸左個黑蒜湯好好食！另外值得一提既係，店員

之前有親戚介紹過就已經好想黎食，餐廳有兩層，中意熱鬧啲就坐樓下，中意安靜啲就可以坐樓上，整個裝潢設計都好有feel，店員仲特登幫我哋影左張靚靚合照，好窩心！🥰神戶牛肉沙律：師傅選用新鮮既日本蛋王-蘭王蛋拌沙律，證明對食材既認真態度，櫻花蝦炸過，目的令到蝦味更加突出，神戶牛肉質嫩滑，牛味濃郁🐄蔥吞拿魚腩簿脆：吞拿魚腩蓉用鹽汁醃過，下層配左少少沙律醬同簿脆，口感鬆化，味道鹹鹹地，面頭鋪啲香葱調味🐟活赤貝1隻：居酒屋當然必試刺身，原隻空運香港活赤貝，非常大隻，如圖睇到光澤亮麗，夠曬新鮮，咬落爽身清甜，芥末都唔洗沾已經好好味🐚原條伊左目魚刺身：呢個大力推介！原來伊左目魚既魚骨仲可以用黎煲湯，師傅係我哋食完呢碟刺身之後，會拎個魚骨去煲個魚湯，先講吓個刺身份量非常多，每片都反映師傅刀功深厚，厚度平均，配酸汁更特別，加自家製芥末吊味，好高質🧡伊左目魚魚湯：味道非常清甜，有香濃鮮魚味，甜而不腥，而家秋天飲暖胃啱啱好，材料仲有菇、蘿蔔絲同娃娃菜等，因為材料上乘，簡單幾樣加埋一齊，湯底味道已經好足夠😍我哋仲有叫到炸富山灣白海老、雞肉漢堡串 配月見同大阪燒，同埋自家制黑蒜拉麵🍜全部菜式都好惹味，下次帶屋企人

今次同朋友黎九龍城食日本料理，店員熱情招待～ 介紹來自北海道的廚師～ 更會根據唔同時間更新菜單～ 食到最當造材料🥢真鱈白子白子配上柚子醋，食落滑嫩濃郁，夠creamy又軟滑，酸溜溜嘅味道，作為前菜就最合適🥢冷制紅酒鵝肝甜紅酒味醬汁配上厚實鵝肝粒，味道剛好～ 唔錯🥢海螺南瓜薯仔沙律成個蛋糕咁樣～ 擺盤靚。面層係黑魚子醬，中層係彈牙螺肉，下面係軟滑嘅忌廉南瓜蓉。三個層次口感～ 意外好味🥢伊勢海老姿燒 (兩食)必點！ 半熟龍蝦拼海膽+ 龍蝦粥/湯廚師專登用煮到龍蝦半熟，令龍蝦保持爽彈鮮甜又唔會太柴口。上面再加配埋大大片海膽，完美感覺令人食到腦內高潮！而龍蝦頭就煮滾成極濃龍蝦湯粥，棉滑粥底同湯，都令人回味無窮🥢九條蔥和牛薄燒蔥味原來會比較香濃，輕輕降低和牛油膩感🥢阿波美雞翼外皮烤至香脆～

九龍城出名美食多，除左食泰菜和打邊爐，今次和朋友試新野，揀左喱間日式居酒屋聚會，估唔到呢間隱世居酒屋已經喺九龍城開業八年，由來自北海道的廚師主理，每個月都會定期更新菜單，北海道最出名就係海鮮，喺香港都可以食到北海道鮮甜嘅海鮮真係好正！真鱈白子白子滑嫩濃郁，配上酸甜的柚子醋醬，冬天是白子最當造的時期，既補身又有美膚功效，食落口好creamy好軟滑，酸醋的味道讓人胃口大開！冷制紅酒鵝肝醬汁帶點葡萄香氣，甜絲絲的味道配上冷製的厚實鵝肝，入口細膩潤滑，好正海螺南瓜薯仔沙律賣相非常靚，好似一個藝術品一樣，最頂層是魚子醬，中層係爽滑的螺肉，底層係棉滑的南瓜蓉，每啖都係鮮甜的味道！伊勢海老姿燒半熟龍蝦、海膽、龍蝦粥係佢本店嘅招牌名物，用特製嘅鹽燒醬汁煮製龍蝦至半熟，令龍蝦保留到爽身嘅口感同濃厚嘅鮮甜味，配埋海膽一齊食，係一種極盡奢華嘅體驗！食完之後店家會將龍蝦頭煮滾成極濃龍蝦湯粥，入口滿滿都是龍蝦湯鮮味，棉滑的湯粥，真係好正！九條蔥和牛薄燒九條蔥蔥味香濃，能夠減低和牛嘅油膩感，食落口更爽滑更美味。阿波美雞翼串來自日本德島既雞肉，屬於走地雞，肉質具嚼勁口感，低脂、肉味香濃，外皮烤至香脆，好食！

食日本野，唔一定去日本，去九龍城居酒屋都得嘅，今晚幫襯這間居酒屋，食材新鮮飛機運到，保證新鮮。我哋今晚試咗好多時令嘅食物：沖繩海葡萄，個樣似魚子咁細細粒，加少少柚子醋，真係開胃。赤崎蠔配上馬山椒，真係絕配！蠔肉鮮甜，配埋馬山椒，味道更加豐富，食落過癮。櫻花蝦魚餅真係唔可以錯過！蝦餅炸得金黃酥脆，再鋪上啲櫻花蝦，味道層次豐富，香氣四溢，真係好好食。目仁奈刺身，肉質鮮美，味道濃郁。唐辛子燒蠔有啲辣味，但唔會太辣，恰到好處，真係帶出蠔嘅鮮甜。日本燒辣椒就係一個特別嘅體驗，完全唔辣，但仲可以嚐到辣椒嘅香味，好有趣！九州堅魚湯拉麵真係出乎意料嘅好味！湯底濃郁，麵條彈牙，加埋火山石可令到湯麵保持溫度，一碗下肚令人非常滿足。目仁奈魚骨加蔬菜湯，魚骨熬湯，營養豐富。這間居酒屋選用時令食材，每次都給我一點驚喜😄

好耐冇食日本嘢，今日來九龍城福佬村道，這間日式居酒屋，之前食過，覺得唔錯，今日帶朋友再嚟試吓。首先係沖繩海葡萄～個樣似魚子咁細細粒，味道似海帶，加上少少檸檬同柚子醋，食完口腔好清新，準備好迎接下一道菜。接著嚐咗時令赤崎蠔～口感好清爽！特別之處就係佢配上馬山椒，味道更加獨特。唔少得試下櫻花蝦魚餅～蝦餅炸完之後再鋪上櫻花蝦再炸一次，真係有雙重口感，香味四溢，超級香口！目仁奈刺身～真係好新鮮，味道濃郁，令人回味無窮。唐辛子燒蠔～微微辣味，感覺特別。日本燒辣椒～完全無辣味，少少焦香，好食。最後九州堅魚湯拉麵～廚師加左火山石喺碗底，令到拉麵保持著高溫，湯會更加濃郁，麵更加彈牙。最後一道菜係，目仁奈魚骨加蔬菜湯～結束晚餐之餘，亦帶嚟一份滿足感。整體黎講，呢間餐廳裝修好有日本風味，服務態度好好，每一樣食材同食法都有細心嘅講解。餐廳會根據季節選用新鮮時令食材，真係令人感受到對食材嘅用心。下次再食日本菜一定會再黎呢間居酒屋！

喜歡詩和遠方的我，同樣喜歡尋覓城市街角的美味！就如九龍城的日本居酒屋【浜滝】，店鋪雖不大，卻充滿日式氛圍！由渡邊壽先生選用日本時令新鮮食材，運用精湛的烹飪技術研制的菜品，讓我恍如置身日本，真是一個朋友相聚的好地方！必點菜品：1.雪蟹鍋：很大只的雪蟹很鮮甜可口，底下是菇跟白菜，索曬D汁，味道很是鮮美！2.北極貝刺身:北極貝口感超正，鮮甜爽口！3.平目魚鞭：左口魚魚鞭，油份高，滑身，灑了柚子蜜汁酸酸甜甜的，超美味不油膩！4.神戶和牛：厚實多汁，八九成熟，不會鞋口！5.鹽燒唐辛子：日本萬願寺出產的辣椒，味道獨特，口感脆口，不辣！

之前选择了这家店作为我第十一期请粉丝吃饭的地方，是因为他们家有全港首创的半熟海胆龙虾，很受本地人欢迎，有不少艺人是他们家的常客，包括我很喜欢的阿娇结果因为约的是午餐，没有龙虾🦞供应，有点遗憾，只能下次再来吃晚餐，反正他们家的龙虾我一定要炫到嘴里❗️❗️❗️我也会再请一次第十一期的粉丝，毕竟答应了一定要给他吃到龙虾！Suprisingly九龙城的日料聚集度不亚于泰国餐厅，而且有很多很高品质的店，我多吃几家真的要给你们出个合集这家的水准非常在线，最吸引我的是他们家的葱吞拿鱼腩薄脆，超级好吃！下面的薄脆很像米锅巴但是完全不油，脆香口感搭配葱味鱼肉，我只恨他份量太少，大家来吃的时候一定要点！

精緻又好味既餐廳，當晚有吾少熟客，值得試下呀🫶🏻環境：餐廳有樓上、樓下兩層，當晚同朋友仔安排坐係樓下😉 啲櫈雖然係高櫈，但坐得都舒服，吾會坐得吾自在🤭 餐廳掛左好多日本擺設，真係好有日本居酒屋feel🏮氛圍：食下飯少不免會飲酒🍶 有熟客請店員一齊飲杯，氣氛好融洽❤️服務：餐廳員工服務都好好👍🏻 每一道菜式都清晰解釋，非常細心🫶🏻食物：食物水準高，啲食物又靚又好味🤤 下次再黎好想試下餐廳個招牌龍蝦燒😍

為了farewell好同事在九龍城特登搵一間充滿好評嘅居酒屋即係我哋今日嘅主角浜滝了一入到居酒屋又畀佢嘅佈置環境吸引咗真係好似似身於日本一樣真係好返心思去佈置侍應哥哥都相當殷勤介紹Menu仲介紹埋原來呢度嘅大廚係日本人唔怪得成間餐廳畀人感覺咁正宗啦經過侍應哥哥嘅介紹，我哋揀咗幾味招牌菜神戶牛肉沙律一個相當開胃嘅前菜除咗沙律菜和牛肉之外呢個沙律仲加咗流心蛋同埋櫻花蝦食落去嘅層次相當豐富和牛粒亦都相當鮮嫩富有肉汁相當推薦的一個前菜味辛黑梅螺呢個攞螺相當鮮甜美味凍食真係一流原條鯛魚刺身呢一個真係要打卡喇賣相真係不得了平鯛味道有淡淡嘅鮮味配上自家製Wasabi 和醬汁真係好滿足鯛魚魚湯食完個刺身之後侍應會收返個魚骨交返俾師傅煲魚湯畀我哋飲魚湯好有魚嘅鮮甜味配上蔬菜和草菇等相當夾味松葉甲羅燒有一個用嚟打卡嘅食物賣相相當靚入面有蟹肉蟹子櫻花蝦同鵪鶉蛋等等混合一齊食嘅時候嘅口感亦都相當豐富有鮮甜嘅蟹肉味值得推薦阿波美雞翼串上菜嘅時候熱辣辣雞翼嘅肉質鮮嫩多汁相當好食黑糖酱蕨餅配栗子甘露煮點解埋呢個係佢哋嘅新甜品蕨餅有濃厚嘅綠茶味栗子就相當甜蜜兩者相當夾呢間居酒屋真係相當出色十分推薦大家過嚟食呀

九龍城除了泰國料理為人熟悉外，當然也有不少其他國家的料理餐廳值得關注🩵▫️這次到訪的是一間日式居酒屋，由日本師傅渡邊壽先生創立，提供地道的日本味道🎏🎈▫️❥$𝟭𝟯𝟴 鮭魚牛油果沙律🥗◂ ◂ 熟透的牛油果切成片狀，口感細膩軟滑🥑◂ ◂ 新鮮的鮭魚淋上酸酸的醬汁，是一道非常開胃的前菜🤓◂ ◂ 建議食法：可將鮭魚包著牛油果、加入紫蘇花一併吃下，很美味🫶🏻🫶🏻▫️❥$𝟭𝟲𝟴 海膽拖羅花多士🍞◂ ◂ 薄薄一片的多士烤得香脆◂ ◂ 巨大的拖羅蓉多得有點過分😝◂ ◂ 分別鋪上海膽和魚子醬，鮮味滿滿🫶🏻🫶🏻▫️❥$𝟭𝟰𝟴 黃油牡蠣🦪◂ ◂ 肥嘟嘟的生蠔放在鐵板中滋滋作響🔥◂ ◂ 鐵板中的金菇吸收了濃郁的醬汁，非常惹味🍄▫️❥$𝟵𝟴 北海道直送半熟帆立貝🦪◂ ◂ 軟軟嫩嫩味道鮮甜◂ ◂ 充滿著奶油香又不過膩🫶🏻🫶🏻▫️❥$𝟮𝟵𝟴 黑松露芝士醬燒巨型虎蝦🦐◂ ◂ 第一次見到手臂長的虎蝦，跟同行友人都不約而同發出讚嘆的聲音😂◂ ◂ 蝦頭中藏著不少的蝦膏🫶🏻◂ ◂ 蝦肉非常爽彈，份量十足吃得很過癮🥰◂ ◂ 黑松露芝士醬沒想像中濃，可以品嚐到虎蝦的鮮甜味🫶🏻🫶🏻▫️❥$𝟯𝟴𝟴 牛肉壽喜燒鍋🍲◂ ◂ 鍋中放滿了不同的新鮮蔬菜及

浜滝九龍城福佬村道59號地下A舖味道指數：⭐⭐⭐⭐⭐抵食指數：⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：原條深海魚他他刺身 $298，大分直送火灸平目魚邊 $158，炸深海魚骨，究極海老味噌拉麵 $158，燒日本地蛤 $78原條深海魚他他刺身：他他刺身由用新鮮的深海魚片烹製，呈現了魚的原汁原味。這些魚片具有鮮嫩的質地和濃郁的海鮮香氣，每一口都能感受到魚肉的鮮美。獨特的切割方式使魚片更加有嚼勁，舌尖能感受到魚肉的細膩！😄😄😄大分直送火灸平目魚邊：平目魚非常美味，魚肉本身質地鮮嫩，加上火灸的烤燒風味，更增添了豐富的口感，魚肉入口即化，非常滑嫩，絕對是值得推薦的一道菜！❤️❤️❤️炸深海魚骨：這道菜是深海他他刺身附送的，不用另外加錢！深海魚骨通常有很多骨刺，但經過炸製後，骨刺大部分被炸得酥脆，變得容易咀嚼，可整條魚骨連頭帶身吃下肚！👏🏻👏🏻👏🏻究極海老味噌拉麵：這道拉麵結合了海老和味噌的獨特風味，海老鮮甜的香氣和味噌的醇厚滋味完美融合在一起，令人垂涎欲滴，拉麵的麵條很有彈性，附送的流心蛋亦非常美味！😋😋😋燒日本地蛤：新鮮的日本地蛤，經過燒烤處理後，呈現出香氣四溢的美味！蛤蜊的肉質鮮嫩

跟朋友相約九龍城晚飯，當我以為是吃泰國菜時，朋友表示攪攪新意思，去日式居酒屋！餐廳掛滿和式的彩旗，和風滿滿，入口處更有多張唎酒師的證書；店員講解，餐廳有駐場唎酒師，下次可以約幾位酒友來暢飲一番！前菜我們點了一客沙律神戶牛肉沙律 $168輕輕煎過的神戶牛，有咬口又不會韌，用酸醋汁跟牛肉也是好配搭，高質沙律！要吃優質刺身，吞拿魚當然是首選：青森大間盛(大拖,中拖,赤身) $398，赤身味道濃郁，吃得出鐵質豐富👍👍；大拖羅肥美之餘，中拖羅亦不遜大拖羅，完全無筋，廚師好刀功！👍👍大拖羅肉質軟綿，油香嫩滑 👍👍👍蔥吞拿魚腩薄脆 $98薄脆是用了日本米做的，米味香濃。蔥花吞拿魚新鮮軟綿，加上蔥花調色吊味，味道很好。蓮子鯛刺身 $598蓮子鯛刺身採用霜燒的手法處理，火炙魚皮後，秒過冰水冷河，肉質及味道都得以全面提升，將鯛魚的鮮味發揮得淋漓盡致！黃油牡蠣 $148廣島蠔肥美飽滿，入口蠔汁滿滿，蠔味濃郁。菇菌吸滿了蠔汁及牛油香味，瞬間配角變主角 😂😂月見雞肉漢堡串 $38雞肉串配日本蛋黃汁，熟悉的口味配搭 😂😂明太子雞肉漢堡串 $38 換上明太子配雞肉串，有新意！蓮子鯛魚湯品嚐過蓮子鯛刺身後，魚頭魚骨