浜滝

營業中

休息中

浜滝，是我來過無數次的食堂，菜單及酒單上每一款都試過了。有朋友問我兩口子來有什麼好推介…嗯…原來我好像沒有真正介紹過這居酒屋…這裡的海膽燒龍蝦早已是招牌中的招牌，好吃抵吃賣相好，所以不打算再提，就來介紹幾款我的最愛。冷盤推介，冷製紅酒鵝肝、海螺南瓜薯仔沙律。前者是切成丁方細粒的鵝肝，蘸上以紅酒及果醬特製醬汁，一口鵝肝，一口辛酒，作為前菜很開懷。後者的沙律賣相很吸睛，沙律內混入嚼感滿滿的海螺肉粒，實在沒有抗拒的理由。來到浜滝，不時不吃的刺身海產不可錯過。碩大鮮甜的當造牡蠣，原條刺身魚都是必修科。仙鳳趾蠔、厚岸蠔、金目鯛、伊佐目都是我最喜愛的，你來吃到什麼，就看緣份。熱食方面，琳琅滿目的串燒餐牌及拉麵不想多介紹，反而想推介私心最喜愛的「黃油牡蠣」。鐵板黃油，煎得金黃的牡蠣伴上雜菇，色香味俱全，份量亦夠，要我一人包攬一份都沒問題，這個實在太惹味了！想要點澱粉質打底去暢飲的話，櫻花蝦牛肉泡菜石窩飯是不錯選擇，單看配搭組合，便知道暖你的胃便要吃一口。不想吃米飯的話，還有非常特別的牛肝菌湯餃配蜆湯，賣相味道都是超水準，不是坊間同類的等閒質素。最重要提及的是這裡的清酒，自家品牌，由日本直接入口的各類

箇中日式香氣，湧現喺福佬村道一間餐廳裡面，溫馨嘅燈光招呼住每一位客人入坐。仲諗住要驚喜，就等埋我細講啦！首先，日本水果蕃茄嘅鮮甜，當真係清新過人😋。嗌咗個活蠔配馬山椒，嗰個活蠔，真係夠曬大隻，一啖入口，甘至仲感覺到啲海水嘅韻味。嚟到秘制，啱啱好，外皮脆卜卜，入面嘅烤味啱啱好。龍蝦面嘅濃郁湯底，撲鼻嘅香氣，熱辣辣嘅湯，嗌你唔停手😍。轉個口味，幫襯埋會爆汁嘅大啡菇，加埋鹹香嘅明太子，哇塞，唔食都對唔住自己。到最後，個究極海老味噌拉麵，呢個係真·重磅。湯頭濃濃蝦味，帶住唔覺厭嘅鹹香，海老翩翩起舞喺湯面，訓練過嘅舌頭都會跳出黎讚好！噢，記住嗰個流心蛋，嗰種滑溜嘅口感，咁啱又唔會太生太熟，絕對係句號盡显。呢個餐廳，無論你係唔係懂行懂吃，嚟到呢度，每款菜都有說服力，畀你識真正美味嘅日本庶民料理。覺得滿足之餘，又開始期待下次再嚟！🍣🍜🐚

朋友前排推介鍾意食日本菜嘅我去九龍城呢間日本居酒屋食嘢，估唔到係勁驚喜地高CP！❣️入面座位有限，記得book位❣️每款日本料理價錢合理，但真係好有水準，超級驚喜！🍅日本水果番茄$88- 特別在味道係水果香，而無菜青感覺，食落去好fresh同超甜🐟真鱈白子$138 - 冬季時令食物，好軟淋香口而且滿滿鮮味😋🐟青森大間盛$398- 青森係日本盛出toro 地方，包赤身、中拖、大拖，大🈵足- 其實每款都好鮮甜，個人特別鍾意中拖同大拖，兩款都入口即溶，滿口鮮甜🌟燒本地蛤$78- 超肥美鮮甜，食落去肉質飽滿，好juicy。🐚釧路海螺燚燒$298- 賣相超吸引，仲會先玩火🔥先至食。入面超多螺粒粒，好鮮甜- 食落去口感好好，滿滿海鮮香，焗得好滋味。🐔鐵板炭燒地獄雞腿肉$88- 鐵板上，雞肉真係幾辣，但好惹味！🐷日本肥豚肉串燒$48- 肉質軟嫩配上少少肥似燒肉🌟帆立貝串$48- 幾鮮甜，滿滿醬料香🐟手燒白鰻魚石鍋飯$188- 係大熱之選，鰻魚厚好厚身，魚肉白雪雪juicy，石鍋上暖暖的夠特別。下次再約朋友來食高質日本菜！

《浜滝 (九龍城)》九龍城福佬村道59號地下A舖用心誠意之小店，強推。唔起眼之小店，外門裝潢充滿日本feel，入面天花連住一條日本字旗仔的裝飾，左右兩邊有日本poster，非常有日本既感覺。店內下層是高枱，上層則有房仔。聽聞周不時有明星黎呢度食。另外一入門口右手邊有好幾張cert，係店家幾位品酒師考取的執照，所以呢度既唎酒師絕對專業！對酒認識唔深的客人，可以邀請店員介紹，非常專業。而且呢間居酒屋有好多自家釀製既白酒！所以真係第2度搵唔到既絕佳享受！九洲白象拔蚌刺身配店家自制的酸汁，酸汁原材料為高知縣特選之柚子，同刺身非常配合，帶出魚的鮮味。肉爽鮮甜，非常之好食。半生熟龍蝦燒好大隻龍蝦！滿滿的龍蝦肉😍😋半生熟燒，令龍蝦迫左d油份，肉質更為爽口，外面焦香。一啖啖龍蝦肉肥美爽彈，絕佳享受。海膽亦新鮮，要逢熱食。食完仲可以整埋龍蝦湯或者龍蝦粥，龍蝦湯底濃郁，好味大推！而且真材實料，飲完唔會口渴。燒活鮑魚係醬燒既鮑魚，中間稔身，新鮮肥美，預先切好易食櫻花蝦魚餅炸過既櫻花蝦，外層佈滿脆脆，再包裹住蝦魚餅，再炸脆上加脆勁濃既蝦香味既魚餅，要試下！美酒，美食，專業既唎酒師，實在係不得不試既高質居酒屋！

朋友邀請，去了九龍城一間日式居酒居晚飯。聽講㕑師來自北海道，每道菜是自家研製帶到香港，食客真有福了。首先要清清喉嚨，來自北海道蕃茄，入口清甜。大分縣火灸平目魚邊，魚油湧到口腔內，入口即溶，驚喜！酒盜芝士，鰹魚內臟鹽醃漬、發酵熟成後，配以Cream cheese，佐酒一流。呢個季節，深海池魚最肥美，做成他他刺身，不用蘸任何調味料己鮮甜無比。將魚頭，魚骨炸起來，十分酥脆，又係喝酒嘅時候。大阪燒餅用大量嘅椰菜，麵糊，配上豬肉烹調，再淋上一層醬汁，實在太好食了。酸酸甜甜嘅醬汁增加了食欲感覺，又不會膩。

呢間隱世居酒屋無論食物、酒水、服務都超班質素！最近先知原來好多明星都係黎呢度食，有得book房，私癮度高，難怪係隱世明星私竇黎🤫🤭分享下餐廳體驗，真係不錯的！💖👍每道菜上枱時，staff都會細心講解，好有heart！上菜既安排都好有條理！上晒刺身，先整炸物，真係會講究架！完全提升美食體驗，真係逐樣逐樣有次序地俾人慢慢品嚐享受，值得一讚！🍶呢度既sake選擇好多，其中好多都係佢地自家獨有既sake!例如"千德浜滝",係餐廳同宮崎既"千德酒造"合作製成既純米大吟釀，入口清爽順滑，帶哈密瓜香，米香味濃，高質又獨特👍🌊🫒沖繩海葡萄$68爽口卜卜脆，帶海水味 要提下佢地唔係俾豉油，係用個特製酸汁配搭，可以提鮮，減咸味，配搭昇華！好味！超鐘意佢個酸汁😋🥢九洲白象拔蚌刺身白象拔蚌品種細，更爽，好鮮甜又係點特製酸汁，係特別鮮！唔係豉油咸蓋過鮮味，鮮味餘韻猶長。🦞半熟龍蝦燒$798半熟龍蝦兩味，1️⃣用半熟造法燒龍蝦，一上枱已經好香‼️🤩半熟燒法，保留到刺身嗰種嘅爽口同鮮甜，外面又有焦香味；上面仲有3大件海膽，超級鮮美😍大大大愛💖💯2️⃣一食兩味，食完龍蝦肉，店員會用龍蝦頭、尾再熬龍蝦湯/煲粥，有2碗，可以1湯1

今晚囡囡想出去食日本菜，於是乎接佢放工後一齊去了九龍城。九龍城食肆多選擇，偏偏亞囡喜歡嚟間居酒屋，因食物選擇多，有正宗師傅坐鎮，質量有保證。開胃前菜蕃茄，來自北海道，皮薄清甜。半熟青森中拖羅，邊位輕輕炙過，中心位置保持半熟，入口即化。神戶和牛扒（150g）不容錯過，牛肉油脂蕩漾在口內，肉質軟腍，可蘸少許鹽或酸汁，更能提升味道嘅層次。九洲鰹魚拉麵，湯底最有驚喜，非常濃郁，有魚香，麵條爽滑，掛湯不錯。

今個聖誕假雖然無飛，但都襯聖誕假期前同朋友去慶祝一下，儀式感點都要有餐廳員工服務好好，每一道菜式都清晰解釋非常細心先叫左個日本水果蕃茄作為前菜日本番茄夠鮮甜之餘配埋個廚師特調醬汁，更加突顯鱈魚白子口感細膩像奶油，比豆腐更爽滑身濃厚鱈魚子鮮味，以柚子醋配搭最為合適特味海老剌身赤蝦好大隻，爽脆彈牙，極滑身再加上佢地個特製醬汁，蘭王蛋黃配蟹膏蝦身舖上蟹膏，有鮮蝦鮮味同蟹鮮味必點！日本鵝肝 xxxL 炸海虎蝦賣相已非常吸睛，手板咁大隻虎蝦炸得香口，上面再加上，蟹籽口感豐富，鵝肝濃帶鹹香好有特色唐揚鹽味原條海鰻日本直送，只加少許鹽原條炸起鮮美十足蘭王石窩白魚肉餅飯估唔到幾有驚喜，用上秘製甜醬汁再加埋白魚肉餅，不錯釗路海螺燚燒海螺已切粒，上枱後店員會點火視覺享受，海螺爽甜，再配上火灸味沙律汁更滋味

好耐之前食過一次，一直都好想搵個機會回味一下，因為佢地嘅海鮮令我留下幾嘅印象，襯聖誕假期前與好友去九龍城食浜滝慶祝一下。我地點左幾款野食，另外店員都推介左蘭王石窩白魚肉餅飯和釗路海螺燚燒，難得黎到一試無妨。日本水果蕃茄食主菜前先來開開胃，蕃茄色澤紅潤，入口勁新鮮清甜多汁。鱈魚白子千祈唔可以錯過現時最當造的白子，入口嫰滑肥美，配上柚子醋汁，鮮味更較出。特味海老刺身看似平平無奇的大蝦刺身，但佢地身旁伴隨一個重點「蟹膏醬配上蘭王蛋黃」，攪拌後將大蝦浸到蟹膏中，記住蝦肉一定要沾滿醬汁，放入口已感覺到幸福的味道，每啖蝦肉都有香濃細滑鮮味，蝦肉肥美鮮甜。日夲鵝肝xxxL炸海虎蝦一上枱已經相當吸睛，虎蝦份量十足，酥脆爽彈，配上鵝肝一齊食鮮味十足，蝦頭裡面有滿滿的蝦膏，千萬不要錯過。唐揚鹽味原條穴子原條穴子不需要太多的調味，用薄薄嘅粉炸至金黃，外脆內嫰嘅口感已經無得輸，再上加少少鹽提鮮，更具風味。釗路海螺燚燒先來一個點火儀式，也令外層多一份焦香味，餐廳會將海螺肉處理成粒狀，令口感更爽彈，唔會過韌，而且醬汁沾滿每件螺肉，入口更滋味。蘭王石窩白魚肉餅飯沾上蘭王蛋的飯粒入口更滑，最適合依啲天氣黎食，而且每啖

「浜滝」係一間位於九龍城福佬村道的日式居酒屋，日本師傅渡邊壽先生常常註場，入嚟已經知道相當專業日本直送的時令食材選擇不少，一眼看中紅酒鵝肝經理介紹鵝肝用牛奶醃製過 再加上自家製草莓醬日本水果蕃茄（$88）水果蕃茄非常鮮甜，蘸酸汁會更加開胃芥末牛油果海老餅芝士散發非常濃郁的香味，配上樱花蝦和葱花加在脆卜卜小餅面，口感豐富，經理好貼心表示餅乾可再加！雞肉漢堡串(6口味) 大蔥豚肉串(月見.明太子.大板燒.咖哩.芝士.海鹽.)試咗月見即係蛋，雞肉串係我必食嘅串燒款式，因為雞肉嗰個比例或者啲雞肉多唔多汁真係睇師父技巧 而我覺得佢真係燒得唔錯玉子燒不錯～一開始會比一味半熟海膽龍蝦個價錢有少少嚇親但係生日飯就點都膽粗粗試吓 食完之後，我覺得對得住嗰價半熟海膽龍蝦，半熟龍蝦肉有保留刺身爽口同埋鮮味，獨家醬汁加上靚海膽極香濃！之後更會唔嘥料，將龍蝦頭更煮成儼如龍蝦湯濃郁的龍蝦粥真係一流服務一流，坐得舒服，嘢食都好好食慶祝大時大節係一個好好嘅選擇

在九龍城食完飯又想再傾多陣，最後選了間日本居酒屋試試，整體都可以而且價錢十分合理鮭魚牛油果沙律，用紫蘇汁，三文魚厚身鮮甜，又帶點酸幾開胃，牛油果切花幾靚又新鮮大阪燒餅，見到幾厚身，面有不少櫻花蝦和紫菜，口感不錯，份量沒想到幾飽肚見到咁多串燒當然都試返一串啦，食我哋最愛燒牛舌，夠厚身軟熟味濃，燒得剛好真心錯生燒明太子，和出面的燒明太子，這裡再乾身少少同味道再濃點，十分肥美，配上脆紫菜和蘿蔔蓉食幾特出飲品方面其實都見有不少酒類都吸引，但朋友不太舒服唯有下次再試，今次只叫了熱烏龍茶和柚子梳打細，整體裝潢幾日本風，坐下慢慢食同傾都幾好

龍蝦加海膽都係我同朋友最愛，佢就在九龍城見到有間齊晒而且仲配粥/湯幾正就約咗嚟試吓，再加多2個小食剛好半熟海龍燒不用$800就可以食到，首先來半熟龍蝦，海膽，2款都係輕灼，所以食到先鮮甜味仲有點燒香感，龍蝦勁彈牙，切了細件剛好，海膽鮮甜十足入口即溶十級新鮮最後各要了一個試一試，龍蝦味十足，似飲法式龍蝦湯但又冇杰龍蝦粥的米好綿身入晒味，份量2人食都夠。另一款龍蝦湯入面加了不少菜同豆腐，勁入味，豆腐不會太淋身有點口感不錯鮟鱇魚肝，用秘制醬汁整成，海鮮味勁濃，如果覺得味道太濃加點蘿蔔蓉清新點剛好黃油牡蠣，來到牛油味十足，勁香，蠔都幾大隻而且鮮甜，菇就可以等多陣比鐵板燒多再食就岩岩好

📍浜淹(九龍城)九龍城福佬村道59號地下A號舖經過呢間居酒屋，比佢個門口同餐牌吸引咗，入到去滿佈旗海，日式裝潢，以為自己去咗日本，嘢食多樣化，逐道菜上枱，店員好詳細咁介紹每一道菜，慢慢享受💕💕👉日本水果蕃茄💰$88😋😋😋😋.8/5係我食過最好味嘅蕃茄，個味有別於一般嘅蕃茄，好似食緊個水果咁，又唔會太甜，點埋個酸汁仲更開胃👉大分直送火炙平目魚邊 💰$158😋😋😋😋😋/5呢個真係必食，見到已經流哂口水，火炙過啲平目魚邊，將魚油迫咗出嚟，再用酸汁浸住，有埋一小球芥末，中和返油份，食落係入口即溶，係好食到升天👉櫻花蝦魚餅 💰$68😋😋😋😋.8/5新鮮魚肉搓成餅狀，外層沾滿櫻花蝦乾，咬落香脆可口，小心熱同魚汁流出嚟，唧幾滴檸檬汁食用更清新👉原條深海池魚他他刺身配炸魚骨 💰$298😋😋😋😋.8/5一魚兩食，一啲都唔浪費，絕對唔會比平時食開刺身配酸汁食法遜色，呢個深海池魚非常新鮮，師傅將魚肉切成小塊，混上自家調配醬汁，非常惹味開胃，食完刺身，師傅會將魚骨拎去炸，全部都食得，香脆可口，送酒一流💕💕💕👉黑松露芝士醬燒巨型虎蝦💰 $298😋😋😋😋.8/5呢隻虎蝦相當有睇頭，又長又粗壯，比筷子還要長得多，而

九龍城🚇呢間浜滝係由🇯🇵日本人主理嘅居酒屋🏮，主打各款時令嘅🤩新鮮食材，尤其係空運✈️刺身，同埋各式串燒🔥同埋佐酒小食。入面裝修都幾好氣氛，而且仲有專業🍶侍酒師添！🐚海螺🎃南瓜🥔薯仔🥗沙律幾有特色，頂部係滿滿嘅黑魚籽，中間係🐚海螺🥔薯仔🥗沙律，底部係北海道南瓜🎃，層次豐富超級🤤鮮味！味辛黑梅螺🐚係用咗昆布汁去煮，肥美鮮甜😋又甘香，配埋唐辛子🥰酸汁十分惹味開胃。今日有由🇯🇵日本新鮮空運過來嘅鷹羽鯛🐟，亦即係三刀魚，做原條刺身🔪魚味清雅超級鮮甜，魚肉😍有咬口脂味豐迎十分🤤美味，食完刺身之後個魚骨🦴同埋頭鮫會拎返去廚房🥣煮魚湯。🔥炸富山灣🌊白海老🦐好鬆脆，細細隻咸香好味😋，佐酒一流！九條蔥和牛薄燒🔥好甘香，和牛味濃🥰再卷住清爽鮮嫩嘅日本🗾九條蔥，配埋生蘭王蛋🥚黃一齊食好正！呢度嘅阿波美🐓雞腿串，有四種口味可選🤤，分別係柚子、明太子、🧀芝士同埋地獄，我哋今次就揀咗🐟明太子口味，入口好香明太子😍鮮味之餘又有少少辣好惹味，雞腿🍗又嫩又滑又彈牙十分之唔錯。油揚🔥燒蠔串一啖入口，蠔🦪肉嘅鮮味即刻係口裏爆發🤩，鐘意食蠔🦪嘅一定要點！最後呢個魚湯🥣係用頭先嘅三刀魚🐟刺身嘅魚骨🦴同埋頭鮫製作而成，𥚃面仲有唔少

最近發現九龍城除左出名泰國菜，仲有多間高質日本餐廳，今次試左一間日式居酒屋，價錢對得上高質食物質素，食材大多都係日本空運，與友人小酌談天的好地方。海螺南瓜薯仔沙律 $98餐牌推介前菜，實物靚過上鏡！滿滿鹹鮮黑魚子疊上薯仔沙律中和味覺，底層北海道南瓜非常甜身，一口食出多種層次，超開胃！味辛黑梅螺（冷）$168黑梅螺每粒都非常大粒，口感非常爽口，而且配搭秘製辣汁惹味非常！原條三刀魚刺身 $598餐廳從日本空運三刀魚，即埸由廚師原條切割，作為白身魚雖則魚味淡薄，但突顯出新鮮彈牙口感，非常出色。食完三刀魚剩餘的魚頭還會作 魚湯，加入蔬菜菇菌喝出三刀清甜感。九條蔥和牛簿燒 $2384件薄薄和牛非常嫩身而且油香出眾，夾著日本神戶九條蔥中和牛油肥膩感，出眾美味。炸富山灣白海老 $158香脆送酒小品，幼身蝦炸得香脆可口，有種食新鮮蝦條感覺。簡單再點了串燒，特別推薦 油揚燒蠔串 $48 、 阿波美雞腿串 $38 ，用福袋包著鎖住蠔汁鮮味；明太子醬沾滿肉厚彈牙雞腿，吸引吸引！