浜滝

營業中

休息中

愛吃日式口味嘅朋友，係呢到又多個選擇，今晚同朋友行過見到佢同係日本見到嘅居酒屋差不多，當然望吓個餐牌，價錢都ok，入去座下，地方都算闊落，而裝修就真係好日式，好多海布，重點係播主日本電視，望主個電視嘅感覺真係令人覺得就好似身在日本！而餐牌上有好多唔同嘅食物選擇，見到有最愛嘅鐵鍋日本鰻魚飯$98當然一定要點，而比較特別嘅花魚燒一夜干$88亦係推介之選，另外有非常香脆嘅秘製炸雞$20/件，還有日本直送肥豚肉串$28，各美食製作需時，落單後真的等了一陣，最先上係日本直送肥豚肉串，肉質嫩滑肥美，燒得啱啱好，邊邊帶少少濃，但入口個種香脆嫩滑軟熟嘅肉質，佐酒佳品！跟住就係秘製炸雞，價錢好似有點貴，但如果望到實物後，感覺就覺得值得，先望望件炸雞其實係好大件，而炸得十分香脆，而內裡超級軟熟嫩滑重好彈牙！再上個鐵鍋日本鰻魚飯，用心製作確保夠熱用鐵鍋上，上面嘅鰻魚大大塊鋪係飯上，旁邊重有甜栗米配埋啲煙韌彈牙嘅米飯，呢個真係絕對沒有點錯嘅選擇，鰻魚燒得好香，加埋個蒲燒汁，鰻魚肉軟熟肥美，加埋暖粒粒嘅米飯一起吃確實唔錯！而比較驚喜係條花魚燒一夜干，燒得花魚肉外香脆內軟鮮甜，原以為係薄薄一片魚干，卻是一條魚兩面

我好羨慕日本人放工四點鐘，跟住就同同事或者朋友飲酒消遣，每天有幾個小時的放鬆時間，回家後仍有足夠空間。居酒屋因此大行其道，估唔到離公司不遠的九龍城，都可以找到這樣的風情。有時候真係想休息下去其他地方鬆弛一下，尤其係日本簡直係大家必去勝地，除左可以買到潮流服飾，當中地道小食一定係必吃實在太回味呢種日子，不過現實歸現實都要儲起銀彈先可以再出發，唯有係度食住先止止慾望。早排去食日本菜，一聽到食日本菜以為會好貴，其實好多地方都有親民價錢就可食到，只係大家冇留意到，本身諗住去九龍城食泰國菜，點知見到呢間日式料理，再睇一睇有乜好嘢食，就真係冇意之間咁就入咗去，而餐牌款式都有好多選擇，我地先叫了前菜。近江牛肉沙律，再配上滑溜流心蛋，而近江牛肉質香嫩多汁，沙律入囗夠清新之餘連同近江牛食會有另一番風味！到水餃子用日本汁煮，咬一口已見豚肉滲出，再埋醬汁食更香甜。有嘢食又點會少了嘢飲，叫咗杯柚子梳打入口夠清涼。來得呢度點都要食番串串燒食下有日本鰻魚串，燒得外脆內軟，魚肉肥美又香嫩真係話咁快食完，要再食多一串才可以滿足自己。店員很喜歡跟食客交流，還推薦我這一個甲羅燒，蟹膏齒頰留香。最後食埋碗鐵窩醬汁烤雞飯，又

朋友介紹九龍城都有間幾好食的日本居酒屋，雖然地位唔方便，不過放假過黎都可以慢慢食。餐廳門口招牌係一塊好搶眼的閃閃發光燈牌，入面環境裝修日式，都係高檯同有張吧台，客人都比較多，最好都訂咗位先。一坐低我地就叫咗一杯Suntory 黑生啤，$55,泡泡真的超豐富細滑，酒味香醇。水餃子，暖暖的，食落唔會太熱，皮好嫩滑，薄薄地，入面餡料的豬肉多汁香甜。花魚一夜干，$78,要少少時間等下燒好，份量大條，燒得剛熟，肉質鮮甜嫩滑，魚味濃郁，但唔腥，外皮香脆，食的時候要小心多⻣。石燒烤雞飯，$88,用上熱熱的石鍋呈上，保持飯同餸的熱度，淋上少少燒汁，雞肉燒得入味嫩滑，加上有新鮮粟米粒，送飯一流。佐酒炸蝦，果然係送酒一流的小食，$48,一隻隻細隻的炸蝦仔好香脆，咸咸地，食唔停口。炸雞，$20,一件，外皮炸得有少少厚粉，但咬落卜卜脆，入面就肉質嫩滑多汁。

近排工作特別忙較到冇晒自己時間，唯有趁空閒一定要出來唞唞氣舒援一下壓力，其中一個辨法就係出來食吓嘢，至於食乜冇乜要求至緊要係食得開心已經滿足晒，今次又去咗九龍城搵食呢度除咗食到正宗泰國菜同火鍋外，都有其他小為人知食肆係度經營，只係自己冇留意到，就今次去咗呢間居酒屋開飯位於福佬村道話明居酒屋當然有日本酒提供，但自問自己唔係好飲得所以冇飲都係食嘢好過，當然先點咗D小食有秘製炸雞，炸雞炸得相當金黃香脆，入口脆卜卜雞肉肉質夠香嫩帶點微辣食到好惹味其後有串燒日本直送肥豚肉串，厚切肥豚肉份量足，豚肉燒得外脆金香，而肉質脂肪相當肥美食到啖啖香甜口感十足另一款係花魚燒一夜干，花魚燒得外脆內軟，肉質細嫩滑溜食落好鮮甜啖啖肉，加埋檸檬汁食更加滋味食完一輪特色小吃，當然要食番碗拉麵咁先有feel ，要了自家製黑蒜拉麵因為自己喜歡食蒜，等咗一陣已見熱辣辣拉麵出來聞到濃濃黑蒜味真係要飲番啖湯先，入口香甜濃郁真係啱晒我口味，先食埋片慢煮叉燒肉片肥廋適中夠香嫩，再食半熟日本產玉子連同拉麵食就最完美而且湯內仲放入咗熱石可以保持溫度食得津津樂道，食嘢時間真係特別快過又品嚐一餐日式風味。

星期日去九龍城，同朋友晚飯前搵左間居酒屋飲返杯先，位置向福佬村道叫浜淹，細細間以為坐位唔多，原來天外有天，樓上有閣樓；少少地叫左幾樣送酒小食，明太子大啡菇 $48，待應推介，我本身怕鹹，對明太子有點卻步，不過待應話唔會好鹹，返而好香，故此大膽一試，大隻啡菇加上明太子，中間放隻鵪春蛋，切開隻蛋焗到半生熟，蛋黃流出，沾上大啡菇一齊食，多汁美味，真係唔覺鹹，反而第一次覺得明太子好香，真係無介紹錯；酒盗鰹魚肝芝士 $53，好攪笑，以為鹹嘅竟然香，以為香嘅竟然鹹，鰹魚肝醬好似食緊大澳蝦醬咁，醬中混有似八爪魚課之類嘅碎刺生，用紙菜夾埋芝士一齊食，令芝士嘅層次更豐富，真係送酒一流，唔通「酒盗」係咁解？！花魚燒一夜干 $88燒得香，肉身夠厚，食完條魚都飽左一半；黑生啤 $55，日本嘅黑生啤，入口滑且淸，麥味能停留口腔，值得再來一杯。

去九龍城呢間日本料理餐廳食日本嘢，見到餐廳門口貼上雜誌的文章介紹呢度的日本拉麵，但係我今晚冇叫到拉麵，因為剩係想食送酒的小食，所以叫左杯日本威士忌，另外又叫左火炙平目魚邊丶佐酒炸蝦同埋兵庫蠔。先上枱嘅係生蠔，大小適中，外表看起來好飽滿，一口氣啜左佢入口，鮮甜美味，跟著又飲番啖威士忌，慢慢享受一下。接著上枱的是佐酒炸蝦，佢唔係大丶中丶細size嘅蝦，而係mini size嘅炸蝦，全部炸到香脆可口，慢慢地小量一口一口咁放入口食，又一口一口咁飲面前嘅威士忌，又可以享受一下。仲有個平目魚邊，上枱時份量細細份，圓捲狀放在一個小碗中，上面又加上小量新鮮wasabi，原本可以一啖吞落吐，不過決定遂小遂小咁食，感受一下滑流肥美嘅魚邊。

因為今日私人原因，拿咗半日off, 早早完成自己嘢之後，嚟到九龍城搵嘢食。事實上平時好少咁多時間慢慢行，一直都以為只有泰國嘢，但行行下見到呢個細小嘅居酒屋🏮環觀四周，四周嘅牆身都有介紹好多推介小食，再細心啲睇埋餐牌，其實佢地有好多種類嘅嘢，小吃送酒居酒屋一定唔少得，但想飽肚嘅拉麵飯都有，正如呢碗海老味噌拉麵，先講味覺，味噌味好出，湯底唔太鹹，而重點就係佢地上台時個湯底滾起，聽到沙沙聲，原來係麵入面有嘢令湯底保持熱度，呢方面真係好欣賞，真心稱讚👍🏻👍🏻👍🏻另外仲叫咗清酒煮蜆，蜆味非常鮮甜，酒精晌煮嘅過程中蒸發咗好多，但個湯飲落有少許酒味，亦好清甜，very gd 仲有個不得不推介嘅就係火灸平目魚邊，廚師整得非常好，但亦有佢嘅鮮味，入口好似溶化咁，值得一試

今日收工後好肚餓於是就喺放工的附近搵下野食，見到呢間舖面門口成間日本餐廳咁，以為自己返左東京，我地坐咗上閣樓，叫左杯High ball飲下先，然後一邊飲，一邊睇menu.店員有好溫柔細心咁介紹餐牌入邊有啲咩好食有啲咩好推薦，於是我地叫左份前菜，半熟吞拿，入口即溶，唔錯。然後叫左份日本職人推介gei北海道直送半熟帆立貝，飯粒杯幾大隻，但食落去感覺一般。仲有份明太子燒日本蠔，都幾唔錯嘅，柚子雞肉串，有滋味就有驚喜食落去感覺都幾清新。胃口大開嘅我哋仲叫咗一份近江牛 日本直送近江牛柳串，雖然冇日本當地咁好食但係都算幾好㗎啦。但係講到最驚喜都係兩款有熱石係碗入面嘅拉麵，包括北海道蟹場拉麵，蟹棒配熱石煮，簡直係非常之一流。而且令一款極辛地獄拉麵食落口都非常好食，大家經過九龍城真係可以去幫襯下試吓！最值得推薦一下係店員工作十分有熱誠，對菜色甚了解！抵讚

愛吃高質日本菜式的人，追求的大概是一種可以在食物呈現出最完美的時候，把它據“胃”己有。而有一種完美，大概就是徘徊在半熟與全熟的之間，點到即止。眼前的半熟吞拿，微微煎熟、點到即止，造成外邊一層溫熱而中間冰涼鮮甜的兩種口感同時撞擊味蕾，就是一種能悸動心頭，讓人瞬間怦然心動的感覺。半熟的狀態，大概就像那些年我們還是青蔥少男少女，那麼的青澀嬌豔。另一邊廂的半熟帆立貝，清甜柔軟，如斯美好，不愧是日本職人推介，口感非常細膩。接下來是明太子燒日本蠔。蠔仍然保持水嫩，咬下去的時候，鮮甜蠔汁破囊而出；鹹香的明太子勾勒出蠔的海鮮味，使味道更顯豐腴。再來的日本直送近江牛柳串和柚子雞肉串也不錯。但柚子雞肉串較特別，撒了鹽巴和柚子汁來燒，柚子汁清新可以減膩，略嫌鹽巴撒多了一點，影響了味道。期待許久的北海道蟹場拉麵和極辛地獄拉麵終於上桌。拉麵湯底藏了一塊熱石，熱石能使湯底持續保溫大概45分鐘，令湯底不至於快速冷卻而影響味道。兩款拉麵的湯底不一樣。要是能吃辣的話，建議一定要嘗一嘗極辛地獄拉麵。湯底濃郁不在話下，辣得有層次才是最精彩。

好日都不會入九龍城，始終交通不算太方便我但是友人極力推介這裡的一家日式居酒屋，我就專程跟男友來一試龍與鳳。店面很小，全都是高腳枱櫈。牆上佈滿和風裝飾，清酒也有多款display，就如置身日本的居酒屋一樣！在屋台煮食的師傅是日本人呢，他的英文好流利木製水杯和陶瓷小碟都精緻過人。在居酒屋點燒物是常識吧。先來個柚子雞串，入口帶酸甜，味道醒胃；雞肉質感嫩滑，每一塊都如柔軟，加上柚香是個清新的前菜是也海膽帶子串雖小卻很豪華。炙過的海膽入口即溶，味道好鮮帶子粒粒鮮甜，整個組合是鮮上加鮮近江牛舌每片都大片，是薄切的，附上鐵板讓我們自己燒。店員說不需要預熱鐵板，防止太熱讓其燒焦~ 加點油就可以開始燒了。薄薄一片一放上去就秒熟的樣子，再反轉炙多炙基本上就能吃，火候要拿控制得好呢！質感爽口，味道有淡淡牛香，點上店員附上海鹽和黑椒，味道更為提升這道菜好受歡迎呢！我覺得明太子是在居酒屋裡必點的食物，這裡的明太子是做法是釀到日本沙甸魚中。製作期間已聞到香氣，就知道是我們點的! 這沙甸魚算大條，頂部塞滿橙紅色的明太子，剛燒起的模樣讓人食指大動明太子就這樣吃，味道特濃也好持久！沙甸魚的外皮燒得香脆，啖啖肉，味道鮮也

午巿經過九龍城，在無預備無預謀的情況下到了這小店午飯。九龍城最出名當然是泰菜，區內有幾間日本料理餐廳，幫襯過覺得非常一般，今天到了浜滝，可說是沒有任何期望。店子裝潢比較像酒吧(還見到有日威供應！)，但餐牌又似居酒屋，店內有很多學生光顧。須知但凡學生光顧的餐廳，不外乎以抵食夾大件作招徠而質素欠奉，心裏有些後悔: 會不會中伏？來個蝦拉麵吧？等了20分鐘，熱得燙口的蝦拉麵送上。原來碗內放了一塊熱的火山石，令到拉麵保持高溫，真是細心的安排。先喝一口湯，外表不算”杰”的湯頭入口香濃，真材實料。蝦味為這個湯頭增鮮不少，好喝。比起灣仔一虎，這裡口味略淡，重口味之友可能會覺得不夠過癮，於我來說卻是頗為平衡。麵條是較粗身的一種，入口彈牙。比起一流的湯頭，這個麵是較平凡。埋單$88包飲品，不收加一，學生再減$10。如果選擇較便宜的豚骨叉燒拉麵，近$50便吃得到，單用”超值”兩字亦不足以形容。埋單時才發現老闆兼大廚原來是日本人，怪不得出品這麼認真。大隱隱於市，想不到九龍城竟有這種質素的日本料理餐廳。值得推介！

好想食日本野,經過見到門面好有特色。名我都唔識讀😅😅冇訂位竟然可以即刻入,正好多人啵,好多清酒,同埋裝潢好有日本風格職員推介龍蝦,不過我地冇叫到,好貴呀又驚食唔哂😰所以叫左d串燒(八爪魚,帶子海膽,牛柳粒,雞肉芝士)。三文魚刺身。熱石拉麵。八爪魚串燒都幾好味喎。三文魚刺身好味,又厚身。本身叫蟹熱石拉麵架。點知話賣哂。職員就介紹另ㄧ款。甘咪𨍭蝦囉.。不過有少少失望,麵唔夠熱,湯底凍左,湯汁好咸,2隻蝦勁乾身好彩share食姐。埋單$4××

餐廳位於Tony Wong嗰一條街，喺九龍城嚟講算係比較靜嘅地段，我覺得咁樣反而仲好，餐廳更加隱世，唔使點排隊都有好西食，泊車又唔洗同人爭，好似當日我泊正正喺餐廳門口，方便到呢；入到去被安排坐喺左手邊嘅高枱，望住牆上日本風嘅掛畫，同埋喺盡頭吧檯嘅日本師傅，盡見日本風情。芥末海老餅，呢一個係侍應小姐推介嘅熱門菜式，中間白色嘅餡料係由新鮮嘅海老打碎而成，散發著啖啖新鮮嘅海洋味道，加埋牛油果同埋cream cheese， 令到個口感更加順滑，係一個好特別既前菜。雞肉漢堡串配日本蛋，首先試一啖未點蛋汁嘅雞肉漢堡串先，雞肉充滿日式燒汁嘅味道，喺雞棒嘅內心仲食到一粒粒切碎咗嘅雞軟骨，倍添口感，然後將個蛋黃中爛，再同啲芝麻同埋香蔥一齊撈勻，點一點就令個雞肉充滿蛋香，日本玉子蛋味果然特別強。大阪燒餅，一向都好鍾意食大阪燒餅，鍾意佢個燒餅汁同埋上面嗰啲木魚絲， 我覺得呢兩種味道好夾，呢間餐廳嘅大阪燒餅都無令到我失望，仲比起出面其他餐廳嘅更加足料添。日本直送肥豚肉串，豚肉串豬味香濃，燒得香身得嚟仲保持著豐富嘅肉汁，肥瘦均勻，令到口感更好。炸忌廉薯餅，呢度個薯餅炸得特別酥脆，炸漿又夠哂薄，薯餅帶著淡淡嘅忌廉

每次去九龍城都吃泰國菜，今次例外，嘗試日本店浜滝。拉麵和石碢飯看來是鎮店之寶。濃厚豚骨魚介醬油拉麵這碗拉麵真是很大個碗，最利害的就是湯還在熱騰騰，水泡還在湯面上卜卜跳，持續了10多秒。湯本身很濃味，要將拉麵浸在湯上一起放入口，讓魚介味道隨着拉麵慢慢滲入味蕾。記得先吹一吹，真是很熱。豚肉也要浸耐一點，讓醬油在香軟的肉中滲透出來。玉子如奶皇流沙包一般，糖心蛋非常美味。吃到尾，連湯都飲完，終於知道內裏乾坤，就是這一塊熱石了。鰻蒲燒燒飯要等耐點，鰻浦燒已是較快的一款，都等了一段時間。飯一放下來，已經知道是非常熱烘烘，飯和石鍋真是一起燒，不能觸摸。鰻魚真是非常肥美，很。飯也喜出望外，很鬆軟，滿有住家飯的感覺，真是很溫暖。碢底也沒有吃不下的飯焦，非常好。最好由底食起，讓上面的飯繼續吸收熱量。吃完之後，還有少許煙冒出來。老闆看來是日本人，親力親為，整體很不錯。價錢當然利害，感覺都是值得的。

通常到九龍城覓食，都係專攻泰國菜或者打邊爐， 估唔到都 畀我哋搵到一間質素相當高， 而且價錢亦非常合理嘅日式居酒屋【浜滝Hamataki】。呢間日本居酒屋除咗提供各種酒類以及各款佐酒小食之外， 仲特別強調有由日本職人用心製作嘅嘅熱石拉麵提供。 日本職人講求手藝傳承， 對製作一絲不苟，可謂係對拉麵質素嘅一份保證。入到居酒屋， 又點少得各款嘅清酒以及啤酒呢？ 可惜今日係家庭樂，未能細緻品嚐各款美酒， 下回一定要約埋幾個好友嚟聚一聚， 暢飲一番。姨甥女最愛 《炸忌廉薯餅》$48，炸忌廉薯餅外層非常金香鬆脆， 炸漿同麵包糠夠酥脆， 裏面嘅忌廉餡料夠曬creamy， 整體感覺香口而不油膩。佐酒之選 ，《芥末海老餅》$48，大廚將少量嘅芥末加入咗感覺較為西式嘅cream cheese，再加入櫻花蝦，用嚟搽上餅乾上面嚟食， 創意又新穎， 感覺有點fusion。我嘅至愛，《大阪燒餅》$88， 大阪燒餅上面灑上極多嘅木魚碎， 再淋上咗蛋黃醬以及燒汁， 味道酸酸甜甜，極為開胃。 而且入面加入咗椰菜絲，以及其他嘅餡料， 口感豐富。黎居酒屋又點少得串燒呢 ？《雞肉漢堡串配日本蛋》$28， 雞肉漢堡傳入面加入咗