浜滝

營業中

休息中

天氣寒冷，去到日本餐廳，第一時間當然先叫一碗暖粒粒嘅拉麵啦。叉燒醬油拉麵係最多人叫嘅口味，亦都可以試到師傅嘅手勢。醬油湯底濃厚得嚟而味道唔會太咸，而拉麵麵條軟硬呈度適中，而叉燒帶有豬肉應有爽勁口感，非常好食。接著有幾道小食，蒲燒鰻魚嘅醬汁特別秘製，跟鰻魚夠晒合拍，香燒後更能帶出香味。串燒和牛選用日本高質和肉，質素已勝人一籌，而爐火串燒更令和牛肉味香濃，釋放滿滿肉汁; 而燒原隻日本大元貝更加係全晚最出色，用上牛油、清酒去燒煮，香味當然夠晒香濃，而且更令本身鮮味十足嘅元貝更添幾分美味。

好耐之前睇電視話依到店主係日本人，就想來試。但係有時越住得近就越無時間吃。襯依今日老公話唔想走甘遠，梗係抓緊機會來試試啦。到店後至知週末唔lunch set，依個都唔係問題。我同老公叫左一個黑蒜拉麵，一個什麼蝦拉麵。黑蒜拉麵味道甘甘地，一開始可能會覺得稍微苦，除左甘甘地之外個湯底完全係無味同埋勁多油（可能圖片睇唔到d油）。個什麼蝦拉麵$108，湯底一d特色都無，純粹係豬骨湯底加左勁多蝦乾同埋俾左兩隻蝦咁大把，唔值依個價。哎左杯啤酒，等左好耐之後發覺原來係佢地仲未駁喉，可能林住lunch time唔會有人飲酒 🤔，但其實個時已經2點幾。走嘅時候發覺水吧台上面其實有幾jug似係比客人飲嘅水，但係我地吃完嘅lunch都無人比過一杯水我地，杯啤酒就等到差唔多吃完先有。ps. 我地吃lunch嘅時候得兩台客人。以後唔會再翻兜➕啦，晚飯都未必會比機會。

自從搬左黎九龍城, 食慾的確大增了。今日同媽咪四出搵好食, 經過這間, 見它曾拿獎, 便進去一試。我同媽媽都愛吃魚, 所以被個半熟吞拿魚同花魚燒吸引左。 真心個句, 去完日本食過, 在香港再食日杠菜都不敢大有期望。 但試完這兩份魚, 開心又滿足。 吞拿魚一點腥味都冇已很難得, 它的肉質軟, 有清香味, d 汁都鎖得很理想, 抵讚! 還有是花魚, 燒得外脆但內裡軟, 最開心係冇燶味卻有魚鮮味, 皮乾脆, 魚邊乾身, 魚身的肉腍而不"孩", 正!最後一定要提個地獄拉麵, 它是辣味勁足, 麵身煙韌, 唐心蛋弄得剛好, 最令我感到滿意是食完唔會感到口乾, 可見味精不多。若豬肉片可多幾片更能提升CP 值👍

浜滝又信廣告，去咗試下傳説中的不涷拉麵。仲威威咁約上大人一起試！去到九龍城，約七點幾，搵咗陣，終於見到鋪頭了。望一望⋯⋯裝修到，都好似日本，有日本風味的。同時，睇真啲，eeeeee......冇乜人嘅！係咪仲早呢？膽粗粗照去馬.....一坐低，侍應姐姐，就過來介紹，有乜有乜，冇乜冇乜。聽咗一輪，重點，叫啲貴嘢啦，果様好好味㗎⋯⋯⋯當然，我呢條窮旦，乜都冇叫！只叫咗兩碗熱石麵，同一夜干！熱石麵，有幾款的。碗麵內有粒熱石，剛剛來好滾好熱，可惜，約七至八分鐘，就不熱了！我食得慢，最後都係暖住食。碗麵，味道一般。一夜干，呢個正，味道好重。不過，價錢貴。

聽講呢到㑖係香港首創嘅熱食拉麵🙈好吸引甘 所以又拉左男友去試制霸拉麵 $118係熱石拉麵呀 食到尾仲係熱辣辣👍🏻舊叉燒cover唒成碗麵 勁誇張😱湯底係濃豚骨湯 加左啲羅勒葉 幾特別🙈反而麵底就麻麻地 分量又比較少不過淨係食舊叉燒都夠飽😂‼️仲有個究極海老味噌拉麵($108)‼️湯底超鮮甜 好蝦🦐🦐🦐🦐費事阻住男友食麵 無影到🙂只要like左佢facebook同check in就會送隻鮑魚你食🙈 好爽口 good👍🏻

的確，店乾淨、服務員姐姐好熱情（sell 你野食）佢推介唔知咩拉麵；麵：苦、湯：油、無味、得兩啖、賣點有舊熱既石喺碗麵度；但我唔係食石頭！我想食麵！專心喺舊石度有咩用？你湯底我都思疑你開粉！可以無味到好似我屋企滾水拉麵一樣清酒煮蜆： 唔難食、無特別、貴漢堡雞肉串：好好食！各大日式超市有售燒魚: 好在漏左單！焗菇：菇心凍既酒： 百幾蚊 有4 淡！成晚最開心係：590 蚊唔知食乜、之後去左對面用40 蚊食左個筋腩麵相、我都唔影！嘥memory

Book 左位準時到達，侍應話樓下冇位要上樓上，同朋友都冇所謂，行到最入都唔見條樓梯，原來餐廳中間有度門打開先見到樓梯，侍應又唔講，上菜仲奇特，日本人侍應拎住碗野但係唔知拎去邊張枱，又唔識廣東話逐張枱問，香港人侍應更離奇，企喺幾張枱中間問邊個叫左嗰樣菜，認左頭仲反問客人枱號，好似答中先準食，明明張枱由上到下都冇寫枱號的，食物質素一般，叫左6樣野黎得一半，價錢唔平而且份量偏細，總之本人就覺得唔值。奇就奇在間野係滿場，不過好奇心令唔到我黎試多次嫁啦。

上次幫襯完天后店後，真的念念不忘，於是再戰九龍城本店。wasabi蝦沙律醬，上次喺天后都有點，我的最愛之一。與天后的淡綠色相比，這裏的色水偏白，芥辣味不夠，但蝦比較大粒。燒完嘅秋葵內裏滑汕汕嘅質感消失了，留下清新爽脆的蔬菜甜味。燒波蘿清甜無根燒豆腐超級滑，差啲夾唔到大蜆很大隻，很鮮甜，湯也充滿清酒的甜味。北海道皇后薯，上面有明太子，可以連皮食，輕盈不會滯。近江牛沙律，上次就咁即燒好似好味啲炸雞, 呢個就好食過天后，比較有色水，超多肉汁，比出面的韓式炸雞更好味。明太子釀秋刀魚，依舊鹹鮮美味，再三安哥之選店主推介的夏季限定燒日本龍蝦配海膽。日本龍蝦對日本人來說一向是非常珍貴的食材，甚至做成節慶裝飾。龍蝦輕輕火炙過，帶有碳燒味，內裡還是半透明的刺身式，新鮮彈牙。不要輕易放過那個龍蝦頭，內裡有超多膏。日式燒餅香口，不會爛pat pat。熱石黑蒜拉麵，最正是那粒完隻溏心蛋。

上open rice睇下九龍城有無日本野好食， 見到呢間野都唔少好評，決定一試，結果係不值得專登去試，只可說不難吃。湯底正常，唔會好咸果d,但豬骨湯味一般，唔突出。個拉麵都有咬口，我鐘意既軟硬度。豚肉無咩味道，有隻半熟蛋，張相影唔到。總結就係不過不失其實試過其他餐廳好多鰻魚都中伏，有時好腥有時好un,好老。呢個鰻魚串無中伏既感覺，但都無特別好味。仲有叫左其他串燒，雞翼都幾好味，嫩口。燒雞皮都好脆好香。仲叫左黑白mix啤酒，幾特別

今日公司收早, 同一大班同事走左去九龍城食野,  我地開頭都唸住去求其搵間泰國野食, 點知行過見到哩日本餐廳, 見好似幾特別, 店員話主打熱石拉麵, 又見門面都整得唔錯, 結果就走入去試下. 入到去氣氛都唔錯, 又有好多日本擺設, 幾有日本居酒屋既風味. 最後我地就叫左6個唔同lunch set 黎share, 叫左3個飯set同3個麵set , 唔洗好耐就整好上黎.  見到個D拉麵又真係好特別, 上黎個陣個舊熱石仲係碗入邊滾緊, 麵條食落去都唔錯, 幾彈牙, 湯底又唔油, 而且好濃豬骨味, 店員仲好好人, 比左d自家制既蔥, 加埋落去都幾惹味既. 不過因為我唔係好食得辣, 就無試過個極辛地獄拉麵. 不過我同事就話好好食, 湯底辣度剛剛好,match 埋個麵一齊食超正. 同埋我都有試過下海老味增拉麵, 都可以既, 就係味道濃左少少. 我地都有叫野飲, 佢地個特大青檸梳打真係好好飲, 夏日熱辣辣飲好正. 至於其他定食, 其實都唔錯, 特別係個個蒲燒鰻魚定食, 超好味, 好多汁, 燒得都好香,食完都仲想再叫. 而個花魚都唔錯, 加埋d檸檬汁落去,鹹鹹地又酸酸地, 幾開胃, 不過就麻煩d,

上網見到呢間餐廳多like環境又岩傾計，9點打後仲有8折，所以前一日已上網book位。準時9點到左餐廳，人唔算太多，即刻可以入座，兩人分別叫左制霸拉麵, 黑蒜拉麵及秘製炸雞。自家製黑蒜拉麵湯入面有一塊用黎保持溫度既熱石，同朋友2個吹水吹得耐d湯都仲係暖既，好正。好濃既蒜湯味，仲有叉燒肉、糖心蛋、日本竹筍。麵既軟硬度適中，份量都多，係叉燒肉少左d, 得2-3塊，但整體係好味既。制霸拉麵朋友係食肉獸所以叫左塊制霸拉麵，叉燒大到蓋住成碗拉麵，肉質軟腍肉香，湯底非常濃郁，正！秘製炸雞炸得香脆又唔會太油淋淋，而且肉質唔乾好juicy餐廳雖然細細間，但每張檯附近空間都寬敞，坐得舒服，埋單打個八折都係200內，好抵食，可以下次再encore

老公話帶我食餐嘅好獎勵我九龍城嘅浜滝當然係不二之選雖然佢地主打係拉麵🍜但小食亦都非常美味全部自家制唔係大集團用粉開嘅湯底小食喺出面包你食唔到無論配黑啤日本啤定sake 🍶同我兩公婆一樣都係天生一對無人反對九點打後唔駛排隊一齊傾 一齊飲🍻好彩的話 仲有甜品門口可以泊車 方便到極最重要係：真係好好好好好食如果想試新鮮新穎嘅日本菜去開九龍城大家真係要去試試呀喂！（記得睇埋每張相嘅食評，謝謝）PS: 大坑都有分店

難得同老公撐台腳，梗係要搵個好地方啦！最好可以嗒返兩杯就very good啦！ 佢話想食居酒屋，有朋友提議過食呢間，話啲野食幾有質素，所以就一於去試下。我哋叫咗幾樣嘢食、包括：半熟吞拿魚，螢光魷魚、唔同嘅串燒、特濃醬油拉面、炸雞、炸蠔、生蠔、大啡菇等。佢地啲海鮮同刺身都好正，好新鮮，真係唔錯。一定要提一提佢地嘅炸雞，咬開之後仲好juicy，肉汁鮮美，真係做到外脆內軟，無得彈呀，依家諗起都想再食，我地連隨叫返兩杯日本生啤，咁真係無得輸呀！其他串燒，大啡菇都相當唔錯，至於碗拉面都好有特色喎，上台嘅時候仲好熱辣辣，原來裏面加左一舊熱石，都真係幾有創意，湯底夠濃，好味

特登登入寫食評，就係中左好大個伏上網見到啲人讚呢間拉麵唔錯，放工就黎試下啦點知，個拉麵湯底勁咸，麵又唔彈牙再試下個生蠔....真係粗口都講埋，未食過咁難食既生蠔，又腥又臭，仲衰過任食個啲

本身我住九龍塘今日約朋友去九龍城晚飯，好耐冇去過九龍城搵食所以上OpenRice 搵食啦！比我搵到一間拉麵小店😍不只拉麵好食每款小食都做得非常出色，我們點了一個大啡菇🍄，燒魷魚拼豆腐（全條🐙），大板燒飯🍕，炸雞兩件🐔，近江🐮串燒和一碗濃湯醬油拉麵🍜真心講句這餐我和朋友吃得很滿足！我下次一定要約多幾個朋友再去食多幾款小食😋😋😋實在太多款吸引我的小食👍🏻！多謝OpenRice介紹🙏