浜滝

營業中

休息中

本身都偏好日本菜，所以放工去左試一下新野，見食評讚浜淹有置身日本感覺，所以就過黎一試。門口有閃令令招牌，裡面都好有日本feel，播緊日本電視，不同日本酒既擺設。食物方面都有好多種，刺生、串燒、拉麵、石鍋飯、鍋物等等...刺生叫左海膽同冷鮑魚。海膽係加拿大，幾大件，頗鮮甜，另外喜歡日本海膽，可以升級做北海道海膽。冷鮑魚都幾大隻，配微酸既醬油，幾開胃。燒物叫左近江牛舌、燒海老同雞肉漢堡串。餐廳既牛主要來自近江，牛舌幾爽又香。燒海蝦好大隻，啖啖肉、好香口。雞肉漢堡串裡面有雞肉同雞軟骨，口感豐富，外面燒到脆一脆，之後再點蛋黃去食。北海道蟹場拉麵，裡面加左熱石，湯底係味噌同蟹味，糖心蛋夠入味，輕輕鬆鬆食完。鐵鍋日本鰻魚飯，飯夠熱，有少少飯焦，饅魚夠入味。雖然無飲酒，都叫左杯特大青檸可樂，夠晒兩個人分享。今晚好有日本風情

難得今日放假就約左朋友一齊去到九龍城呢個美食天堂揾野食,雖然九龍城出名既係泰國菜,但今日我就同朋友食日本野.hamataki之前食過港島果間已經覺得不錯原來九龍區都有分店.近江牛舌鐵板燒雖然唔係厚切牛舌但都好爽脆唔會好鞋而且好靭,牛舌牛香味重而且牛舌上加上黑椒令到牛舌更香,唔洗沾醬汁都已經好好味夠味.雞軟骨燒得唔會過火岩岩好即點即燒,軟骨燒完仲有雞油係面唔會乾爭爭.北海道解場拉麵拉麵入面放入一顆熱石去保持湯底既温度令拉麵唔會咁快變凍,呢個設計好有心思.拉麵用上鹼水麵,麵質好彈牙唔會軟淋淋而具粗身拉麵可以掛到拉麵湯,味噌湯底淡淡味噌香而且內裏帶有一粒粒味噌,食落令味噌味更香濃.流心蛋好香如果蛋黃更流心就完美.蟹腳肉幾鮮甜,不錯.冷奴櫻花豆腐冷豆腐加上木魚絲同櫻花蝦令平身淡味既豆腐加上小小鹹味,天氣熱作為開胃菜不錯.大阪燒餅燒餅好多椰菜絲感覺好健康而且食落唔太多麵粉唔似平日出街食咬落全部都係麵粉團.青檸可樂大大杯夠2個人share.

九龍城係美食雲集之地眾所周知weekend成條福佬村道兩邊泊哂私家車呢日三十幾度 想搵訂坐吓食吓呢間hamataki係居酒屋格局細但唔侷促仲有樓上可坐不過甚多捧場客7點幾已差唔多滿座由於太熱冇咩胃口想試小食多過正餐餐牌十分有驚喜 鋪仔細細但食得刁鑽有白子有鮟鱇魚肝酒盜芝士螢光魷魚首先唻個火炙平目魚邊平目魚又啫係左口魚大家都知道左口魚邊係甘香入口即溶點呢個就可以一大啖一大啖咁食成口都係熱辣辣嘅油香之後再唻一個兵庫蠔兵庫蠔蠔身較細 味道鮮甜爽口 帶海水味再唻一個岩蠔 蠔肉比較肥大 厚實飽滿 味道就偏向creamy兩者都十分新鮮鮟鱇魚肝 煎後味道介乎魚春同鵝肝之間但口感較細膩 冇鵝肝咁膩同濃再唻就係酒盜芝士聞說酒盜芝士得名係因為送酒一流不經不覺就會飲哂啲酒雖然我今晚冇飲酒但可以想像用佢唻襯清酒好適合芝士同生嘅鰹魚肝唔肯定係咩芝士 但似似地羊奶芝士semi-soft, creamy, 少少tangy而鰹魚肝就係生，腥，滑膩食落口係兩樣好兩極嘅口感同兩種各自各濃烈嘅味道但就出奇地夾如果有酒再撞一撞個味應該效果更好

晚上九時，想吃日式拉麵，於是在開飯網頁找到這店。已有最新一篇食評說為何要為一塊有熱石而來吃拉麵（大概意思啦，詳情自己搵，2018年6月），但仍心裡生疑，於是一試。晚上9時到達，剛好滿座，在旁邊等了一會。然後有另外三個人walk-in進來想用餐，店員指示他們坐在吧檯 - 唔係呀嘛，大家都無訂檯，我又排緊隊，咁都得？我無開聲，而日籍老闆指示：哪裡有客人排隊（即係我），俾佢（即係我）先。算。仍記得那篇食評，於是選擇不吃拉麵，改點了石鍋雞肉飯，燒牛舌，啤酒。店員10分鐘後跟我說有雞肉沒有飯，建議我轉拉麵（命運就是如此....點會有雞無飯呀！），無奈下轉個拉麵。卒之，拉麵普，湯底尚算濃郁，牛舌貴得來又難食。食物質素已經麻麻，加上這樣的收費，再加上有如此服務的店員，九龍有大量選擇，真的不用再來。

九龍城餐廳多不勝數，尤其是泰國菜和火鍋店，但要品嘗日本菜，hamataki有齊刺身，串燒，拉麵同多款酒選擇，幾適合香港人的口味。這裏賣日本生啤，有黑啤和原味，口感幼滑，麥味重，梅酒味道不太甜，易入口，試了幾款酒都相當出色。前菜方面，這類日本蠔有三款，試了$48哪款，蠔味重又裙邊爽脆。炸雞最有驚喜，大件又多肉汁，價錢也很經濟。主食方面試了多款燒物，牛舌燒得剛好，份量也不少; 菠蘿厚身又多汁，店家用上沖繩菠蘿，是最有驚喜菜式;芝士年糕入口即溶，芝士味重，忍不住點了兩客。最後點了最有名的火石拉麵，基本上每個客人點上拉麵，湯底香濃但完全不口渴，建議大家可先試海鮮味。

今日約咗個住喺九龍城嘅朋友，佢就提議去間特別嘅日本餐廳。果然，一行到門口就已經feel到好有日本風味。餐廳雖然面積細細，但入面好是正，裝修和格調好別緻，都好有日本居酒屋嘅風味。無意中發現到有位職員是日本人(不清楚是否老闆)。海膽＄188 ,好鮮甜好味。冷鮑魚＄168 ,有三只鮑魚，成隻鮑魚切片，再放喺原位加上少少醬油。好正。燒海老＄38，近江牛舌＄88，燒雞肉串配日本蛋＄28。三樣嘢都好食，其中最特別嘅就是雞肉串，個雞肉串沾埋啲蛋黃度，有另一番風味北海道蟹場拉麵＄138。由於拉麵湯底放了熱石，確保拉麵湯底得以保溫。聽就聽得多，試就第一次。唔洗去日本就可以試到。鰻魚飯＄98。大小適中，味道十足

店子門面小小，但裝潢富心思，裝修主要以日系為主, 富有居酒屋的風格 生蠔有少少sauce 同蔥花，好有光澤，新鮮，食落去肥美juicy感十足，滿口海水味同creamy感。 北海道蟹場拉麵 拉麵麵質特別要求硬點, 因為碗中加了火山石, 可以一直保持溫度，拉麵入口口感彈牙。 松葉蟹腳鮮甜，仲有一條巨型蟹柳，一隻開半的溏心蛋、一塊紫菜 和不少筍乾。 湯底係豬骨湯，顏色偏白，趁熱馬上呷一口, 香甜蟹肉味滲出。 最喜歡還是隻溏心蛋, 蛋黃呈橙色流心, 富蛋香, 烹調入味好吃。 雞肉漢堡串 雞肉及雞軟骨製作成免治雞肉漢堡串, 燒制後配上蛋黃和秘製醬汁。 鐵板燒近江牛牛舌 薄薄牛舌但食落口唔膻,又有咬口，不過可以燒少一點時間。沖繩金菠蘿串 菠蘿超甜超多汁 燒日本芝士年糕 芝士香而不膩再加上紫菜 Suntory 既premium malts 麥味好濃，泡泡亦好滑

一直認為九龍城只有泰國菜出名，沒想到這一區轉變了不少，也許是因為地鐵快將落成，所以這裏的餐廳亦變得唔發達門。這天又再與媽媽到這區開餐，不過我們決定吃日本菜。浜滝算是一間隱世的日本餐廳，門面並不起眼，不過，裝修佈置有點像日式的居酒屋。而餐牌上的選擇非常多，價錢親民又合理， 我和媽媽各自變了午餐，追加了冷盤小食，再將飲品upgrade，吃後整個人都非常滿足。 佐酒炸長手蝦長手蝦細細隻，由於是原隻炸香，所以，由蝦口至蝦尾口感都是超級香脆，感覺就像吃隻鮮味十足的脆蝦條，即使這天我與媽媽沒有點任何酒精飲品，仍然覺得這個小食非常好吃。 濃口醬油拉麵這個拉麵令我非常有驚喜，送上來時煙霧瀰漫，充滿仙氣，而且是由日藉廚師送上，感覺非常正宗地道。 而湯外放入大大塊黑色熱石，用來令湯底長期保持溫熱狀態，湯底味道既濃郁又鮮甜，而拉麵口感煙韌彈牙，掛湯後份外鮮味，叉燒肥瘦適中，口感軟淋，流心蛋蛋味濃郁，一口放進咀裏，再呷一口湯汁，令人非常滿足。 花魚燒定食花魚送上來時是剛燒起，所以入口時除了熱辣辣，還帶有香噴噴的燒烤味，而魚肉肉質鮮嫩，魚油豐腴，口感油潤，骨絲不多，佐飯一流。最佳小食方面我們點了螢光魷魚及日本

天氣咁熱個心就成日諗住食日本野，刺身丫，惹味串燒丫，岩晒咁熱又胃口麻麻地嘅夏天。今次有好介紹，呢間我覺得吾錯，係無意中發現。先點左三色刺身，一上碟已經俾佢嘅外貌吸引，未食就咁睇都知新鮮，佢有三文魚，帶子，同大蝦，三樣都我好中意嘅，三文魚色澤光鮮，肥瘦適中，入口鮮甜，厚切，正丫。帶子好大粒，粒粒都肥肥滑滑嘅，一睇就知超正，果然入口超好味丫，好新鮮，諗返都想再食，蝦都好大隻，肉質不是淋散嘅，都好新鮮同鮮甜，一嚟就已經咁吸引，即刻對呢間餐廳加晒分。再嚟食左鐵板牛舌，佢係比個爐食自己燒，幾多塊，又大塊，至重要係好食，好爽口，而且牛味濃，吾錯丫。再嚟食下串燒先，點左串燒，有雞皮 ，海膽帆立貝同雞軟骨，雞軟骨同雞皮一向我都好喜歡嘅，佢都做得吾錯，好香脆，又吾會太咸，另外嘅海膽帆立貝係第一次咁樣食，喜歡佢帆立貝冇燒到老，仲好有咬口同鮮味，海膽醬令帆立貝更加惹味，吾會太乾，好食。全部都好滿意，服務都吾錯，記得價錢吾算貴，好食。

九龍城在我的心目中，首選的食店一定是泰國菜，其次就是中西港式不同的甜品店。至於日本拉麵嗎……？不是沒有售賣原裝日本拉麵的日本菜餐廳，只是九龍城的日本拉麵跟相關服務，相對下就可能比主要遊客區遜色了一點。例如我知道九龍城有一間可以食到日本拉麵的餐廳，餐廳的名稱有點日本氣息，就叫做「浜滝」。「浜滝」這兩個字都好像日本漢字，「浜」即是「濱」，至於「滝」又是否即是「瀧」的別字嗎？於是我刻意在星期日，選擇了這間九龍城日本菜餐廳，作為我「星期日拉麵時間」享用日本拉麵的「今期主角」。雖然九龍城「浜滝」屬於日本菜餐廳，但是與此同時，「浜滝」同時有壽司、刺身等食品提供，所以「浜滝」始終不是真正的日本拉麵店。又或者可以說，如果我們當九龍城「浜滝」，歸類為好像香港島裡面，西環日本居酒屋餐廳「無X家」的話，那麼幫襯後的感覺或許會好過一點。就算我因為跟「浜滝」店員言語溝通不足而出現誤會，我自己原本還點了一串「烤雞肉」，最後卻因為等候「烤雞肉串」時間太耐而取消，後來我等得不耐煩才發現自己忘記了，我亦無話可說了。可能因為上門光顧「浜滝」裡面的食客，食客人數為數不少吧？所以亦都令到「浜滝」的侍應店員都工作幾乎疲於奔命，

老公話因為明天美國假期所以聽日應該唔使OT😆所以要出去搵食慶祝，咁老公就帶我去九龍城呢間居酒屋開餐，其實我見到個門面已經好吸引，入到去見到嘅環境擺設setting都好似去咗日本旅行咁😱😱😱好正吖而且侍應姐姐服務誠懇又好好招呼，我哋睇餐牌太多野都想食又唔知揀咩好，佢就過嚟介紹我地食串燒，同埋蠔咁我呢個豆腐怪就緊係一定要叫豆腐啦，然後跟待應推介嘅燒豚肉，同埋老公想食嘅雞皮同雞肉大蔥串燒全部都係好食，豚肉入面有啲肥肉又有瘦肉比例分佈剛好，平時唔鍾意食雞皮嘅我，今次都覺得呢個雞皮好正，好似食薯片咁，咬落好脆，仲有個陣雞皮香味另外推介半熟吞拿魚，雖然係分量係細D，但係覺得個味道好正，半熟度控制得好好，配埋佢哋嘅醬汁加埋啲芝麻，好味道吖最後老公叫咗個一夜干，初頭我仲以為係雞泡魚干嗰啲之類，原來係燒魚🤔我平時係麻麻哋食魚，魚生除外！點知呢個燒魚真係好好食，又滑又嫩，就咁食，同埋點檸檬汁，又或者點蘿蔔蓉三種味道都各有特色，最值得欣賞係凍左都覺得好食👍🏻

專登去九龍城訂蛋糕順便同家姐係附近覓食，姐姐話想食呢間，因為之前雜誌有介紹過係日本人開的小店，質素應該有保証。雖然我呢個星期已經食了日本菜，但都冇say,照入。內籠都幾細，應該只能容納十幾二十人。叫了三文魚刺身， 火炙平目魚邊， 海膽帶子串，大蔥雞肉串等小食。 三文魚刺身，切的厚度剛好，而且很鮮甜。講起平目魚叫大家可能唔熟悉，其實佢係左口魚， 肥美，多魚油，平時食壽司都會叫，但就未試過食咁大捲， 感覺奢華，個碟仲好靚。海膽帶子串燒， 都幾惹味， 48蚊。 雞肉大蔥 串燒，22蚊，分量略細。明太子大啡菇，中間係半熟鵪鶉蛋十加明太子， 出面比較少有呢種煮法， 味道配搭很好。最後叫咗碗拉麵share， 拉麵內有熱石， 唔知係咪因為咁，所以咪面比較碎， 但係配料很充足。 有一整隻半熟蛋，紫菜 ，一條特長蟹棒，兩條蟹腳。總括嚟講呢間份量精細 ，味道挺好， 適合小班人食。

從前我都唔覺得我啲同事咁懶，今年就越嚟越覺，個個都坐喺度等運到，做多少少野就話好灰，難為了我哋呢啲所謂嘅 supervisor, 成日要幫佢哋執手尾，今日同隔離Team d super 放工飲嘢，互爆一下。居酒屋就啱晒我哋，環境氣氛夠晒輕鬆，一於要發洩心裏面嘅鬱悶，飲飲食食就最開心㗎啦！多得店員熱情嘅招待同埋推介，我哋都不用動腦筋，就跟他的推介點菜吧！佐酒炸長手蝦，一邊飲啤酒一邊食就最啱，炸到成隻蝦都脆身，一啖食咗佢！雞肉漢堡串配日本蛋，即叫即製，雞肉燒得外脆肉嫩，伴蛋汁夠香濃。我個人很喜歡燒日本芝士年糕，用日本紫菜包住嚟食，年糕嘅外層酥脆，裏面嘅芝士好似熔岩一樣流出嚟，正到爆！北海道蟹埸拉麵，差唔多可以話係全店最貴嘅拉麵 $138。食完覺得值得嘅，流心蛋、巨型蟹棒、蟹腳⋯⋯全部材料都好高質素好味道，湯底濃郁，拉麵彈牙，share 食都覺得好大碗好飽。到最後食咗一個等左好耐嘅日本海魷魚燒配魷魚膏豆腐。魷魚果然燒得甘香清甜，考落去仍然多汁，唔會乾喎！豆腐本來清淡，加埋魷魚膏食就剛剛好味！

住係九龍城，平時多數都係去食泰國野，今日行去福佬道個邊見到呢間餐廳個牌勁閃下閃下，原來係食日本野架，所以試下！餐廳入面唔算大，但好有日式的感覺有好多清酒吖，可惜今晚老公話唔太想飲酒，所以我地叫野食就算北海道蟹場拉麵，因為有熱石的關係，上到台時好滾吖，熱辣辣我中意試飲一談湯，勁正！蟹味好濃，配料都有好多，有成隻蛋，平時去食多數都係得半隻。有2隻蟹腳，好味道有好大條蟹柳吖，好滿足！好食到食晒成碗食晒，連湯都飲晒鰻魚飯一向都係老公最愛，必食之一！鰻魚份量好多，而且好大塊，好香燒汁味。配粟米同紫菜，送飯一流日式餃子，呢個就正常野，不過有個汁係碗底，食落去酸酸地，好開胃店員推薦我地食明太子燒大啡茹，上到台未食已經聞到好香切開見到有蛋黃流岀來，要即刻食先得，估唔到簡簡單單咁整已經好好食，大啡茹有好多汁

九龍城從來都是搵食的好地方，今次喺眾多小街入面搵到福佬村道呢間日式居酒屋！入到去見到有日本師傅坐鎮，再加上日式感覺嘅裝潢，期待感立即大增！日式嘢點少得新鮮海產做開幕！叫咗直送廣島蠔，鮮甜肉厚，而且爽口！唔記得落檸檬汁嘅我都完全唔覺有猩味，新鮮程度可想而知！不過接下來主菜一樣出色！今次試嘅海老味噌拉麵一上枱已經勁香，而且湯熱到沸騰，有少少嚇親！不過落著之際就發現秘密，原來佢落咗燒石，將石頭加熱到一個點再放入湯，可以保持熱度！味噌味濃得嚟又無掩蓋蝦味，值得一試！食到中段姐姐侍應介紹多一個火灸平目魚邊，入口即溶而且甜味十足，仲睇得出廚師刀功同心機，非常推薦！