浜滝

營業中

休息中

位於九龍城區，成日去哩區多數都係食泰國菜，發現哩間居酒屋都幾好食。石鍋鰻魚飯($98)，賣相唔錯，份量雖然冇坊間果d成條鰻魚遮住個飯咁大，但蒲燒汁調較得好惹味，鰻魚燒得好香，最主又無骨，啖啖肉。極辛地獄拉麵($108)，落單時職員已好細心問我地需唔需要微辣，因為正常會好辣，最後揀左微辣，但湯底仍然好辣，好正，溫泉蛋好糖心好滑，仲有叉燒和餃子，上菜時碗麵出晒煙超熱，入面放左舊發熱石頭，有煲水起泡效果。大坂燒餅($88)，食到有煙煙韌韌，應該係八爪魚，裏面好足料，面層淋上醬汁，帶甜甜地幾好食。炸一口芝士($48)，咬開滿口都有好濃郁芝士味。忌廉薯餅($48)，餡料偏向”杰”身，加上外皮炸得好脆，食落幾夾。

今日同朋友去食晚飯，原本打算去九龍城食泰國菜，怎知行行下，見到有一間居酒屋，看上去好像幾有氣氛，便入左去試試。整間食店由內到外都好有日本的氣氛，好像去了日本似的。點了一個螢光魷魚，配以日本醬油，帶出牠的鮮味。跟著來左串燒，那些串燒燒得剛剛好，保留了食物的鮮味，一Ｄ都唔亁。然後黎左個炸紫薯粟子餅，裏面粒粒的粟子，配合紫薯，味道一流，值得推介。跟住就係來左個燒牛舌，不太油，軟軟的，配合自製的汁，實在很合拍。最後來左個燒鰻魚飯，啖啖肉，肉質肥厚，實在值得一試再試。由於我同我個ＦＤ都唔飲酒，咁就叫左個青檸梳打試試。嘩，大杯到，要兩個人飲，又抵又好飲。仲有好多野想試，等下次又再來試其他菜，因為真係一試難忘。

相約同學出來食好野，我和同學想了一會兒想好了去食日本野，我們時常行九龍城，港鐵站一出差不多巳到達，最方便不過。環境裝潢雅緻，地方不錯，餐單很厚好有氣派，有很多美食可選擇。(花魚燒一夜干)個名很好，花魚燒大件，食下去好有口感，不經不覺巳食了。(日本直送雞翼串)新鮮惹味，燒得幾入味，口感都幾好，略為少一點，一陣巳食完了。好友喜愛食(日本牛舌燒)，少油膩，肉質很爽，開胃很滑，牛舌燒好入味，喜愛食牛一定要來食，正。(鐵窝日本鰻魚飯)，鰻魚夠食，加上醬汁，令鰻魚入味，食完巳幾飽，感覺良好。(沖蠅燒菠蘿)入口很香，菠蘿迷一定要食，不會太滯，1人份量剛好，很美味呀。

3週年啦！同女朋友3週年呢d日子，揀左位於九龍城既浜瀧，當然，無令我失望😆因為早左到既關係，所以就影低左餐牌同餐廳環境，好有日本的感覺好啦，黎到重點，首先黎既係櫻花蝦凍豆腐，有睇過我其他食評都知我鐘意食豆腐呢個凍豆腐超香，加上個豆腐係自家製既，好好食，同其他剩係落木魚既好唔同，絕對值得一試之後就叫左3色剌身，新鮮好味就基本既不過佢個帆立貝既切法就係貝身中間放左塊檸檬片，相對特別亦令鮮味提升，正再黎就係自家製黑蒜豚骨拉麵，同樣好有心思，佢係麵入面放左塊熱石，令到碗麵既温度keep得好好，睇得出好有心機接住黎既就係葡萄豬豆腐鍋，無錯，又係豆腐，個鍋湯底超甜，菜一食就知新鮮靚菜，葡萄豬口感好爽，同平時淋支支既豬肉片好唔同，推介各位一試最後就係海膽半熟炙燒龍蝦，強烈建議大家黎到，一定要食，龍蝦燒得恰度好處，加埋海膽一齊食，外脆內軟，口感非常豐富，加上本身食左上面個清清地既豬肉鍋之後，再食呢個形成強烈對比，食完之後佢地仲會燒埋個蝦頭比你，一流食物非常好，環境好有特色，最緊要係，女朋友滿意，一間餐廳做到咁，夠曬啦

10月15號係我同男朋友既大日子，我地三年啦終於，係呢啲咁重要既日子緊係要搵餐好好好好既餐廳食飯啦，今次就由男朋友親自拍板揀餐廳，果然係有眼光，呢間位於九龍城既Hamataki簡直可以稱得上香港中既“日本”啊！自家制黑蒜豚骨拉面相信係唔同既日本餐廳都有食過呢個黑蒜豚骨拉面啦，但呢個自家制既湯底黑蒜味相當濃郁，又唔會太咸，食料連湯飲埋一啲都唔過份，正啊！三色刺身呢個三色刺身包括有我最鐘意既三文魚同帶子之外，仲有蝦蝦蝦新鮮程度爆登，食落鮮甜，仲入口即溶，到而家都仲記得個口感有幾正冷豆腐凍豆腐簡直係男友既favourite，所以都好難滿足佢個胃，但係佢食完呢個之後大讚，之後野都唔講就食唔停，大家可想而知有幾咁好食，就連我呢啲無乜特別鐘意豆腐既我都覺得真係必食半熟炙燒龍蝦呢次真係我第一次食龍蝦，個龍蝦雖然唔係好大，但半熟咁既食法真係好正，舖面既海膽配上鮮味香甜既龍蝦竟然出乎預料地好食，認真我不嬲都唔食海膽，因為我覺得太腥，但呢個配搭一啲都唔腥，十級好味 ！九州葡萄豬豆腐鍋唔知大家會唔會覺得熟食先係最難煮得好食，呢個豆腐鍋真係好食到講唔到野，連配菜都好好味，個鍋底完全無味精，純粹用食材調既湯鮮甜

午餐獨個兒在九龍城走走，到了一條街有幾間日本料理，看到這間menu食物和價格合理, 於是便甫進去。點了碗黑蒜豬骨湯拉麵。拉麵到了，唉湯有一部分是滾著發泡的，原來有塊熱石放在裹面，頓覺店舖很細心，讓顧客一直吃時湯也熱拉麵口感適中，不過硬也不過軟。湯底亦濃厚。餸方面有一片肉，少許荀，半熟蛋和紫菜。肉質一般不太韌，半熟蛋有點失望因此乎過熟，蛋黃不算流心，而且淡味(本人比較喜歡吃醃漬玉子)。欣賞黑蒜油香而不過濃否則便整天滿口蒜味。不過覺得司傅放油可再輕手點，油似乎太多，每口麵也沾滿油，有點膩，而且令乖我渴湯時有點卻步，因為感覺太肥了

星期日泥到九龍城覓食！上網見到呢間有吾少好平，周末都仍然有平價lunch set就走泥試一試！簡簡單單一餐！叫左份咖哩豬扒飯$58同豚骨拉麵$58，包一杯飲品（汽水🥤柚子蜜或烏龍茶），揀左熱柚子蜜，正常夠味豬扒飯同拉麵都食得過，呢個價錢你都吾能夠要求什麼🙈另加$12食甘栗餅，好食不過得半塊間嘢細細間，但食物都ok，本身想叫main menu既燒帶子$68，但lunch好似未有住！叫到佢可以叫渡邊屋既外賣，吾知係咪可以order泥呢到食呢？當然價錢會貴少少啦下次想食下佢啲晚市食物，都幾吸引！

冷鮑魚 $168鮑魚都夠爽口夠鮮味，夠凍，一碟有三隻. 切左先上碟, 幾貼心 海膽 $188一碟有三塊, 每塊都有青瓜放底. 入口即溶, 好味道! 螢光魷魚 $68呢個係醬油漬既食物, 所以味道會比較濃郁. 如果用黎送酒就一流! 火灸平目魚邊 $108推介！一向都鍾意平目魚邊，佢地處理得好好，上枱時夠熱。配合埋個帶少少酸既汁同wasabi，令魚油唔會太漏！食到唔停口呀! 半熟吞拿 $88好滑呀呢個半熟吞拿, 佢燒到四邊熟左, 中間依然保留到吞拿柔滑, 值得一試 花魚燒一夜干 $88呢個花左d時間去等, 不過都好值得, 原條魚上, 燒到好香口, 魚肉亦都好軟滑. 燒明太子 $77燒明太子同紫菜上, 雖然有d d 重味, 但就咁食明太子都覺得ok 近江和牛舌 $88呢個係推介!! 和牛舌燒得岩岩好, 唔會好硬, 仲KEEP到好juicy, 都係必try item. 明太子燒蠔 $48本身我就唔係太食蠔既, 不過友人叫左就一試下, 明太子放左係蠔上面燒, 好惹味 肥豚肉串 $28呢個比到我既感覺係好似煙肉, 不過係一塊好有口感好厚身既煙肉, 但唔會好dry呀 近江牛柳串 $68呢個都推介,

幾位好友從美國回歸探我，當然要同好友吃飲一番，她們最愛食日本菜，心血來潮上網尋找那裡有好味的日本菜去品嚐，發現九龍城有一間特色日本菜「浜滝Hamataki」，享受廚師精心炮製的美食，是一個談天說地的好地方。門外窺視環境不俗，繁忙的晚餐時段這裡十分墟冚，令人印象十分難忘。餐廳門前擺放食物的介紹，十分吸引，令人期待。地理位置方便，很有家的感覺，一個人來或幾個朋友一齊來都很適合。店內的設計以木為主，餐廳唔算大，品舖裝修簡約，環境整齊優美，舒適很寫意，乾淨整潔，氣氛輕鬆。鐵窝日本鰻魚飯  $98鰻魚十分大塊，燒汁味好香，飯來到時香氣撲鼻，不會感到太油膩，飯入面有粟米同紫菜，材料新鮮，進食時溫度微熱不會燙咀，啖啖都鮮甜，非常滋味，令人食指大動，真材實料份量足的鐵窝日本鰻魚飯。日本牛舌燒  $88牛舌燒唔會韌，質感鮮嫩彈牙，軟硬度適中，口感極煙韌，食起來熱度非常令鮮味提升，非常嫩滑，帶有牛肉味，肉汁豐盈，煙靱有咬口，必食之選。日本直送雞翼串  $38雞翼串很大隻，肥美鮮嫩，十分香脆，非常有嚼勁，每一啖可細味出鮮味，雞翼令人食唔停口，不需要任何調味，吃得滿足，令我喜出望外。花魚燒一夜干  $88單單

最近日本頻頻有天災，所以安排唔到去日本，咁就喺香港搵下日本居酒屋嘅感覺，止下渴。其實九龍城好多日本小店都唔錯，閒日又少人又靜，吹下水都幾寫意。今次食左好多燒物，和牛粒既油脂味齒頰留香，細細粒岩岩好，唔會太油膩。我地仲叫左個拉麵，都對佢無咩太期望，因為間野串燒比較出名。但係，廚師落左小心思係碗拉麵到，就係碗底有粒熱石係到，keep到碗拉麵，食好耐都係熱。好多時，食物既質素固然重要，但廚師既細心往往最打動我。我相信係冬天食呢碗拉麵一定好暖。PS 鋪頭有個日本伯伯坐鎮，又熱情又細心，真係好日本😂

一直都好掛住日本, 但係因為工作關係唔可以放假住，唯有喺香港搵間居酒屋，呃吓自己先🤣🤣 聽朋友講喺九龍城有間居酒屋， 無論食物或者環境都好似置身於日本咁， 所以今日就決定去試下啦🤗🤗 入到去侍應服務好好, 好熱情推介新鮮食材！ Order 之後，環顧四周，舖内擺設、風格真係好日本feel, 最特別之處係, 店內嘅電視機竟然都係播日本當地嘅新聞, 一瞬間真係覺得自己彷如置身於日本😍😍"北海道帝皇蟹場拉麵 ”🦀🍲， 皇帝蟹燒得好香, 蟹肉鮮甜結實, 肥美, 啖啖肉, 物超所值👍👍！拉麵爽口彈牙🍲 值得一提嘅係,每一碗拉麵都會有塊黑色熱石, 放喺拉麵裏面保持拉麵嘅熱到.. 好窩心呀👍👍再叫咗個 "北海道帆立貝" ，非常肉厚... 鮮甜惹味!再黎杯 "超級大檸樂" 🥃 一個人根本飲唔曬, 今晚真係大滿足😍😍😍

鍾意食新嘢嘅我，今日又同大家分享一間極力推介 嘅居酒屋！🍱🍘🍙🍲今日遊走到九龍城， 呢間店絕對有驚喜！ 值得一讚佢哋服務態度非常之好，細心又貼心， 仲會詢問客人意見…… 睇下有冇嘢要改進， 極之重視客人意見 👍格局，氣氛極之日本, 好掛住日本呀…… 止吓日本癮先😜 串燒、刺身、揚物、海鮮、拉麵、 石鍋飯，樣樣都有…… 花多眼亂，應有盡有😋一向鍾意食海鮮嘅我，先嚟 * *冷鮑魚* * 爽口彈牙又肉嫩😋 **北海道帆立貝** 因係半熟原故，味道更有層次，保持軟嫩😋唔好以為只係海鮮出色, 估唔到石鍋飯都同樣有驚喜, ** 石鍋雞肉飯 ** 飯粒乾身，粟米香甜，雞肉絕對唔會乾爭爭， 仲好嫩滑 ，醬油好香！最後店主寫咗張類似感謝卡畀我, 店員解釋 內容係講 ， 好榮幸可以為你提供美食， 祝你有美好嘅一日，真係好有日本情懷，好窩心！😗😗😗

今日約左朋友仔食飯，好耐冇去過九龍城啦，上Openrice Search下，見到哩間日本餐廳好似唔錯，所以去試下～餐廳本身坐位唔多，木制圓檯、高椅為主，印象中好似有5、6張檯，所以去之前最好book定位，因為我地6點鐘去到已經開始陸續有人入黎～半熟吞拿魚哩個半熟吞拿魚其實大部分都屬生既，係表面微微煎一煎，帶出吞拿魚既香味，入面依然可以品嘗到魚質本身既鮮味👍🏻燒鰻魚鰻魚係我既至愛，幾乎有鰻魚既地方我都會叫🙈哩度既鰻魚夠肥厚且柔軟，配埋海苔可以減低鰻魚既油膩感蟹腳拉麵哩個好味🤤🤤濃濃既蟹味湯底配上軟硬適中既拉麵，即使只有湯加麵都已經令人垂涎三尺，配埋厚厚既蟹棒，長腳蟹腳，同埋糖心蛋，簡直係大滿足😍😍燒牛舌哩度菜係由日本師傅幫我地燒既，師傅燒既果然唔同，平時我地會燒到好干，但師傅燒出黎既嫩滑又調味得岩岩好👍🏻👍🏻整體黎講，哩間係有水準既日本餐廳，價錢對得住食物👍🏻讚讚

九龍城出名嘅泰國菜都食過，除咗泰國菜其實仲有好多選擇，花多眼亂就揀咗間好日本feel既餐廳，門口掛住好多畫布，仲有個講日文既亞叔開門招呼，室內貼滿日本廣告海報，甚有日本屋酒屋風味!七點鐘已坐滿人，與朋友被安排坐到門口旁，反而減少喧嘩，叫杯特大青檸樂大大杯有排飲，同朋友吹吹水，人生一大樂事!先嚟五色刺身有生蠔既比較少見，蠔身飽滿、清甜帶少少海水味，海膽同日本食到既一樣，反而塊青瓜有啲腥。燒明太子第一次食，飲酒既朋友最鍾意，少少咸多多趣!大阪燒配搭要平均，太多椰菜會易散，太多粉又實的的，醬汁太多又好膩，相反浜滝既大阪燒係我係香港食過可以encore又感到滿意既大阪燒!

環境細細，油煙大，冷氣好細，坐得比較唔舒服，未食野已出晒汗了。比較扣分。貼相才發現各款食物超過12張相，貼唔晒，亦講唔晒，只講推薦的食味啦。拉麵叫左兩款，黑蒜比味豬骨好味。湯夠熱，麵亦彈牙。個慢煮豚肉十分好食，外邊燒得小小焦，但咬落好淋身，亦唔算太肥，比好多拉麵店優勝！炸雞大大件，好脆。龍蝦海膽龍蝦係必點，本身唔食海膽的我都叫好食呀，龍蝦十分新鮮，肉彈牙多汁，食過後會奉上燒龍蝦頭，香味四溢！中間一點綠，白色個一碟係魚來嘅，好好味，魚好淋，每一口充滿左油脂。叫了餐牌無嘅十四代青酒。牛舌新鮮即燒即上，熱辣辣，每面片都好油好香，食材好好。串燒樣樣都整得不錯。除左個小蝦仔我地唔多識欣賞，大部分食物都滿意，只有如果環境可以改善，必定更常來。