浜滝

營業中

休息中

又係放工搵野食時候，今次食日本野之前中午食過火山石拉麵，今次夜晚試下其他野。餐牌有勁多野食，有伊勢龍蝦有鐵板燒近江好，好正，不過我唔捨得食咁貴，叫左鰻魚飯、燒目光魚、燒銀杏、燒冬菇、燒柚子雞肉、同明太子燒蠔，最後驚唔夠飽叫埋黑蒜拉麵。鰻魚飯份量好足，鰻魚好香好入味，溶左落飯入面好好食，燒目光魚第一次食，佢話似多春魚，但食落好香好脆比多春魚梗好味，燒到全條都食得 調味剛好，另外幾款串燒都好食，柚子雞肉好juicy 唔會乾柚子味好正，最後明太子燒蠔，隻蠔好大隻明太子汁好香，而且燒得剛剛好，唔會過熟。拉麵最特別係佢個火山石保持拉麵溫度，冬天食一流，但要小心粒石真係好滾。今晚食每樣水準都好好，下次可以同friends 再黎，不過夜晚都幾多人，訂枱就穩陣d。

以往去開九龍城都係食泰國野，不過有留意到呢間日本餐廳。是日去開見午餐時間已到就試下啦。打開 menu 見到呢個海龍燒已經唔駛諗一定要食😍我平時就唔算好鍾意龍蝦，但呢度真係好好食，燒到半生熟，我終於感受到咩叫肉質彈牙🤤🤤🤤加埋一瓣海膽入口，鮮上加鮮咪就係咁咋嘛🤩 餐廳等我地食完先再拎個頭去燒，連少少肉都唔放過要試一間居酒屋得唔得 d 人話試雞肉棒就知龍與鳳😏 上台有蛋附上✔️，沾上蛋汁一咬，好好味啊😱 個汁濃左少少，不過加埋蛋汁就岩岩好。雞肉中間混有軟骨增添左咬口，呢個可以話係我係香港食過最好食既雞肉棒👍🏻我忍唔住爭住食左半串🙈 佢仲有好吸引既甲羅燒同蟹腳拉麵！蟹腳食落有 d 牛油香味。同時有蟹棒，略略燒過增添左風味。個蛋我覺得有 d 醋味🤔 麵就普通啦~甲羅燒都出色既，有鵪𪂹蛋😍 下次仲想試其他串燒😋😋

入到去見到鋪面不算大，但也不擠迫右邊係水吧bar 枱近門口的是有幾張圓枱，高椅子高桌子，呢度有好多學生都係食客，因為午餐可以減$10非常吸引自家製黑蒜油拉麵午餐$68，有一大片嘅日式叉燒肉質好林身成碗面加咗黑蒜油係面，好香既蒜油味非常撲鼻，再加埋隻糖心蛋，冇得輸，麵條嘅質地好彈牙又長又直，呈波浪形好夠彈牙湯底師傅係用大量嘅湯料係厨房師父寸步不離煮成的絕對足料好想試呢個龍蝦海膽，不過當日冇貨，所以我冇機會嘗試我下次一定會再嚟試一下見到圖片都好吸引，流晒口水燒日本芝士年糕$28，鍾意食芝士嘅朋友就一定要叫咬一啖落去全部留心芝士流出嚟，好香濃嘅芝士味又燒到熱辣辣好正炸池魚燒定食午餐$58，炸到外皮卜卜脆，乾身而且炸粉又厚，魚肉仲非常滑，一共有兩條池魚，加埋碗白飯非常滿足好想試呢個海膽龍蝦好可惜今日我去到冇貨下次我會再嚟使下叫咗個午餐加咗$30有兩件炸雞，分量非常多而且炸粉又不厚，雞肉好嫩滑，雞皮脆脆的五色刺身$398，叫咗呢個刺身拼盤， 上面有三大隻生蠔非常肥美肉又鮮甜又冇沙，充滿着海水味鹹鹹的， 好新鮮，三粒帶子中間夾左塊檸檬，令到每一啖都充滿着檸檬嘅香氣帶子好鮮甜全部刺身都夠凍，感到好新

🦀皇帝蟹熱石拉麵🦀$198九龍城呢間日本野真係正，叫咗個皇帝蟹拉麵，平時食蟹🦀都要近一百蚊一個爪位，呢碗麵有一隻爪位，仲加多條珍寶蟹棒，呢個價錢都算正常價，賣相咁正仲唔係相機食先😋😋拉麵味道😋正常野😛其他野同串燒好食d

九龍城是眾所皆知的美食集中地，區來有很多特色的餐廳，今日路經這間充滿日本風味的居酒屋，當然要一試。午市套餐有飯和拉麵共10款，飯類定食均附送麵豉湯，價格親民，另有學生優惠。選了九州豬骨拉麵，拉麵一直冒煙起泡泡，原來湯入面有熱石，令湯底持續加熱，湯底味道濃郁，拉麵煙靭有咬口。定食追加了兩份小食，炸一口芝士和日本甘栗餅，外脆內軟，完全沒有油膩的感覺。大大隻北海道蟹腳，肉質飽滿，餐廳十分細心，蟹殼已預先𠝹開，方便剔出蟹肉。再點了兩份串燒，雞肉十分嫩滑，配搭柚子醬口味清新；厚切的沖繩菠蘿，香甜多汁，非常開胃。

之前上午係九龍城一帶做野，做完後就同女朋友係區內搵野食，經過呢間餐廳時見到內裡裝潢好特別，於是就決定lunch食呢間由於太肚餓既關係，我地一人叫左一個lunch set 再加左d小食。首先嚟既係一份凍豆腐，上面鋪滿左櫻花蝦，加強左口感之餘亦增添左一份鮮味。飯方面我地就試左鰻魚飯同漢堡扒飯，份量唔算大，大概係平時屋企一碗飯既份量，但係鰻魚同漢堡扒既汁都非常惹味，拎嚟撈飯好快就扒曬一碗飯！食完飯後就上左份光帶子，帶子少少燶邊再加上特配醬汁，絕對值得一試！成個lunch以食日本野嚟講算係價錢合理，行過呢區既都算值得一試！

上個月去完大阪, 一直對當地嘅居酒屋念念不忘, 於是就想OpenRice睇下有冇邊間居酒屋推薦,見到九龍城區呢一間咁多好評就同老婆兩個人過去食晚飯一試入到去環境都同日本居酒屋好相似，有吧枱有大枱，同時播住日本節目同日本音樂感覺真係同正宗居酒屋一樣嘢食款式都好多，叫咗呢個和牛沙律做前菜，和牛牛味非常濃郁，蔬菜亦都非常新鮮，佢仲加咗少少蝦乾提味，個配搭非常開胃刺身拼盤亦都用料新鮮，唔係一般放題店用嘅普通貨色十級推薦！！兵庫縣生蠔非常新鮮！入口非常creamy!!!必定要試！我見到佢哋嘅拉麵係有熱石保溫，於是就叫左一碗，同樣拉麵味道係同我上月喺日本居酒屋食嘅味道幾乎一模一樣！好食！講到整個晚飯最大驚喜都必須要講呢條一夜乾，製作過程非常繁複，去到日本都唔係間間居酒屋有得食，呢間係我喺香港食過最好食好彩係OpenRice搵到呢間餐廳，真係冇黎錯！

九龍城出名多嘢食 突然間好想食拉麵🍜沾面就搵到呢間日本料理 格離果間實在太貴 冇入去 揀左有集 刺身 日式串燒 拉麵 石鍋飯 仲有酒 於一身嘅鋪頭天氣岩轉涼想食暖笠笠野 拉麵 🍜仲可以飲埋熱湯😝叫左個黑蒜油熱石拉麵 有個熱石係碗麵入面 滾住啲湯 幾特別麵嘅軟硬度都岩我口味 黑蒜都夠味 但可以再重口味啲🤣我會硬喜歡😘really love eat 糖心蛋🤤🤤叫左個刺身有五款款款都係我至愛生蠔 帆立貝 牡丹蝦 海膽 三文魚呢個份量 呢個價錢 又好味道 好合理生蠔3隻 大大隻 又夠鮮 好有味 唔腥海膽supper yum ar🤤🤤牡丹蝦都好大隻 又鮮甜 個頭都好正 下次要試下叫串燒食先 格黎枱叫左 勁香 好吸引 之後幾日見到朋友up ig 原來我地都去左呢間 佢係同我一樣食左同一款拉麵 所以我認得 😎佢食串燒都話正 但冇試刺身 約左下次一齊再eat食左呢兩款已經飽 食完轉場留肚食糖水🤣雖然想見酒飲 但係果晚唔係happy friday , 都係冇叫到 埋單果陣 店員比左coupon 我下次用 都幾抵

上次經過九龍城發現有間居酒屋，今日放工後約了朋友試試。 Menu 有很多選擇，我們點了一些刺身，串燒和拉麵，其中幾款特別出色:北海道直送牡丹蝦口感爽脆，味道鮮甜，雖然size 不是特別巨大，但非常新鮮 厚岸蠔朋友是愛蠔之人。本來想order 兵庫蠔，店員推薦了期間限定的厚岸蠔見到蠔的真身不其然嘩了一聲，真的是XXL size，質地非常creamy飽滿，海水味偏淡但蠔味十足，有驚喜 雞肉漢堡串這個是我食串燒必點的。浜淹的雞串沒有令我失望，外層燒得香脆，加上日本蛋黃，十分惹味自家制黑蒜拉麵拉麵不停冒煙，原來湯裡面放了熱石給湯底持續加熱， 湯頭很濃，黑蒜很香口，味道可以媲美專門拉麵店。最開心當然是食完拉麵，湯還是熱辣辣下次要會再來，期待  

今日同朋友約係九龍城。唉，每次食飯，都要想食咩。咁我地又唔係好想食泰國野，咁就行下，睇下仲有咩野食。行到這間店門口，俾佢既門面吸引住，咁就入去試下啦。入到去，好多日本既東西，好似有Ｄ去到日本既感覺。叫左個三文魚飯，Ｄ三文魚，又大塊，又多，加上個汁，好鬼好味。然後，食左個大板燒。嘩，裏面Ｄ料多到爆，而且Ｄ麯粉又唔會太多，不錯。跟住黎左個串燒冬茹同埋秋葵。平時，Ｄ串燒會燒到好干，但係佢地竟然可以做到裏面Ｄ汁係鎖住晒既，加上佢係面淋上了少少燒汁，很好味。最後就黎左個炸忌廉餅。裏面Ｄ忌廉，一咬落去必晒出黎，喜歡忌廉的我，食到開心到飛起。$88 叫左一條花魚燒，最鐘意呢樣野食,外面燒到好香,筷子一夾落去，已經feel 到d魚肉好滑啦， 超級好味，沾埋個汁，條魚既鮮味更帶出來！ 最後叫左杯青檸可樂，大大杯，一路食野，一路飲，一個字，爽。

我在眼科醫院覆診完畢，眼睛手術後完全康復心情開朗，歩行到九龍城吃頓豐富午餐慶祝一番先！不想逐間食肆去睇，隨眼緣就好了！行至在「浜滝」門口，看見小店舖都幾乎座無虛位，有上班一族和中學生，再翻看門前餐牌，看見有炸池魚定食、串燒牛舌和白酒煑蜆........就係咁吸引我入了「浜滝」。池魚是由日本運送來，我巧合遇上池魚未運抵，炸池魚定食欠奉，我改選九州豬骨拉麵$68，真替學生窩心，原來學生價是$58。當侍應端來九州豬骨拉麵，我看見浸著拉麵的豬骨湯，湯面卜卜跳動，並發出滋滋聲，原來拉麵下放入圓形火山石，熱騰騰的滾住上枱，帶著好奇的心情欣賞著這個畫面，直到湯面回復平靜，我開始享用一大片叉燒（豬肉）和煮得十分入味筍片，拉麵爽滑彈牙，麵湯質感濃稠不鹹，也不會因豬骨湯而油膩，配合香港人對健康要求，餐飲我選擇凍柚子蜜。串燒牛舌售罄，我楝石窩白酒煑蜆$78，蜆肉鮮嫩，煑蜆的湯水鮮甜，十分美味。小店舖播送日本歌曲，陪伴我進食，其間有客人結帳離開，我聽到侍應們會禮貌地對客人說多謝和第日見，我很欣賞！

朋友介紹得知九龍城有一間好似日本居酒屋嘅小店 今日過嚟睇吓佢係咪真係咁似日本🇯🇵室內佈滿日本裝飾 近江牛肉沙津近江牛唔係度度都食到牛肉好有牛嘅味道 一啲都唔銀配上溫泉蛋 做前菜非常之開胃食日本野當然唔少得刺身雖然刺身好多地方都食到但係刺身永遠百吃不厭百幾蚊有兩隻牡丹蝦三文魚同埋帶子帶子超厚肉 咬落去超有滿足感牡丹蝦同三文魚都非常之肥美亦都好新鮮最後上場既係花魚燒一夜干 $88估唔到份量咁多 整條魚上~魚骨整條可以拎出嚟之後就可以慢慢享受比青魚更加嫩滑 燒到金黃嘅顏色 好香口最衰我地得兩個女仔根本唔食得多嘢呢度嘅份量每樣都算足料 下次一定會再嚟

路過九龍城，想起每次來九龍城都是食泰國菜，所以女朋友想食其他的，逛了一會，被一個浮誇的招牌吸引了，於是決定一試！店內並不大，只有6-7張枱，整個裝修擺設及電視播放的是日本節目，所以感覺好似真的去了日本的居酒屋！串燒雞皮、大蔥雞肉、燒柚子雞─串燒未到時，已經在店內聞到一陣陣的串燒味，所以非常期待食這串燒！三串串燒都燒得剛好，從色澤燒至金黃色！亦見得是一燒起就上碟，因為很熱很香！三款串燒中特別推介燒雞皮，雞皮的脂肪被燒掉，剩下的是雞皮的脆及香，加少少調味料，一樣普通的食材就變成頂級享受！其他兩樣也不差，只是我獨愛雞皮而已！ORION生啤─有串燒又怎能沒啤酒，啤酒夠凍，基本上夠凍就已經夠了！石燒鰻魚飯─鰻魚的份量很多，而且要即燒的，夠香夠熱，鰻魚不會一夾就散，巧妙地鰻魚不會太多，不會有種很甜的感覺，加上紫菜、栗米、飯，是不錯的！但我略嫌飯不夠乾身，如果飯能夠粒粒分明，那就完美了！花魚燒一夜干 ─從餐牌中看到這菜，就被吸引了，真品就餐牌的基本上一樣，燒至黃金色，不得不讚這店的燒品，真的頗為出色！燒魚肉質帶有咸香，但又不會像咸魚般很柴，而是可以食到柔軟的肉質，如果能配上一杯sake，那就不得了！

約好朋友仔去食日本菜，九龍城是她熟悉的地方，約她食飯，飲下野是最好不過了。 到達了九龍城後，行左幾分鐘，就到了居酒屋 ——《浜滝HAMATAKI》。 未看完美美的餐牌書， 好想入去食了食物豐富又多選擇，等不及啦……快點進去吧見到一個一個的紙製日本燈籠，覺得好似身在日本一樣。店主及廚師一定係好認真的了，對食物要求一定唔會馬馬虎虎店內已經坐滿人了，好彩有訂位。店主好細心留左安靜又舒服的位子給我們突然間，好似身在日本居酒屋一樣，嘆杯酒，食番一、兩件佐酒的美食，閒聊一下。 可以感受一下，放工後的私人時間。11月7日已經立冬，是時候食番迎冬的食物佳餚了。石燒鰻魚飯 $98 ：鰻魚飯真的好食……鰻魚燒烤的脆脆地，有小小金黃色。 日本燒汁平均掃在烤燒過的鰻魚，有豐富超爽甜的栗米及紫菜碎配上米粒一起放入口。 我們食到停不了口， 真的好好食。水餃子 $48 ： 葱花加入淡淡的燒汁，餃子的餡料仍保存肉汁，很清新的配搭。炸一口芝士 $48 ： 咬落去，入面的芝士仍然軟綿綿，芝士仍被鎖住。相信是需要掌握烹調的技巧才可以炸的剛剛好，少了點經驗都不能。忌廉薯餅$48 ：外脆內軟，一點都不覺油膩。大板燒缾 $88

今日終於有機會食到喇，晚飯時間怕要等位所以今日就早少少去到，入去嗰時已經見到餐廳坐左幾枱客 ; 餐廳雖然唔係話好大，但係裝修好有日本居酒屋既感覺。餐牌選擇都有幾多種類，有啲款式係出面未見過。叫了漬 • 螢光魷魚、明太子燒大啡菇、花魚燒一夜干、鐵鍋日本鰻魚飯。漬 • 螢光魷魚 ($68) : 一碟有五件，螢光魷魚上面放了一些蘿蔔泥同葱花，味道好鮮甜。👍🏻 👍🏻明太子燒大啡菇 ($48) : 大啡菇上的明太子多到嚇死我，而明太子燒完更惹味，加上大啡菇亦燒得相當香口同Juicy，一咬啲明太子同汁多到爆哂出黎。花魚燒一夜干 ($88) : 上枱時已聞陣陣香味，一夜干係日本料理嘅特色菜式之一。鮮魚經過鹽水醃漬同風乾處理，再經燒烤，魚皮燒得香脆，肉質微鹹嫩滑，配飯食一流。鐵鍋日本鰻魚飯 ($98) : 份量好多，上枱時熱辣辣 ; 鰻魚表面帶焦香，而且油脂豐富，口感嫩滑同啖啖肉。