浜滝

營業中

休息中

早兩日睇到史萊姆推介食咗一間日本餐廳，見有近江牛食，今晚立即衝到咁去試下睇片見佢推介左幾款食物，都好吸引喎就喺九龍城廣場行幾步，都好易搵餐廳裏邊會有推介時令嘅食物，同埋呢支曾經推介過嘅14代，不過得兩個人下次多人啲先飲啦店內裏面會有一個日本嘅人員招呼，唔知係咪老闆呢？刺身嘅選擇都算多嘅芥末海老餅，好清新嘅配搭，芥末味唔會好攻鼻呢個就係推介嘅近江牛串燒，好好味呀入口即溶肥豚肉串燒，好邪惡啊不過好香口呢個半熟吞拿魚不過不失，都有基本水準呢個刺身拼盤好味到冇得頂，海膽大大塊，仲有啲生蠔簡直就係人間極品，佢配埋少少蔥係提升咗個味道嘅半熟燒帆立貝，香口得來又食到佢嘅新鮮，飲埋個汁真係好好味

之前喺網上邊偶然間睇到有人介紹呢間日本餐廳，食物好似好吸引咁！今次竟然慕名而來，試吓佢既食物係咪真係咁好食！我哋先點左個芥末牛油果蝦配餅乾。個芥末牛油果十分香滑味濃，配上超級香脆嘅餅乾，係一個好開胃嘅餐前小食！呢個近江牛串燒係餐廳嘅大推介食物，果然牛味香濃日本肥豚串燒得頗為脆口，有啲似燒鹹豬手嘅感覺！半熟吞拿魚屬水準之作。串燒雞胸軟骨，燒到成塊薯片咁脆口！好食北海道半熟帆立貝，原隻上成隻手掌咁大！超級巨型！半熟嘅狀態入口鮮甜無比最後好奢侈咁叫咗個五色刺身！佢嘅生蠔非常巨型，另外仲有海膽、牡丹蝦、鮮帶子及三文魚等等，款款都新鮮甜美

做左成日野⋯放工要去食好野！九龍城一向多野食😋😋今晚揀左哩間叫浜滝日本菜餐廳來食⋯入到去好有居酒屋感覺⋯地方不算大，但每張台坐得好舒服⋯有空間感！打開食譜，已經流晒口水，好多樣野都想叫來食😆😆餐牌好吸引⋯有多種不同既酒，鍾意飲酒朋友岩晒！我就不飲酒，叫左可樂飲！主餐一定要叫哩度搵麵食，聽聞好出名！有七款拉麵選擇，有辣有不辣，叫左好特別的北海道蟹場拉麵，拉麵一來就好滾，原來拉麵中放泡石，賣相十分吸引，有唐心蛋有紫菜有竹筍⋯仲有兩條超長多肉蟹棒，食落好有鮮味，又多肉，湯底清新，材料十分豐富！之後不少得叫小食，先叫我最愛三文魚刺身，每塊厚厚的，食落好有口感，好好味😋😋另外叫左炸忌廉薯餅同章魚型黑豚肉腸！😍😍哩個炸忌廉薯餅超好味，外脆內軟，入口一咬，淡淡忌廉醬溝住脆脆薯餅，最佳配搭！

前前後後黎過呢間鋪頭三次，每次都不愉快經歷。第一次，係門口等左半粒鍾都無職員理過，呢個都算，最多唔食。第二次，終於有位食，職員漏單，埋單計錯數都算，前面台坐左一堆職員同職員朋友掛，玩得嘈到拆天，恍惚去左酒吧！食物其實覺得ok，但呢個價錢食都想人俾返少少環境質素。第三次，黎到無人排隊，有人走左都唔俾我地兩個人入去。後到有四個人，就叫佢地入先。其實等下無所謂，之後再後來多三個人直入，沒有跟職員溝通過就直接往內坐底左，原來入面仲有張吉台可以坐？我地尊重店員在外面守規矩等，但換來係對食客不尊重，容許打尖行為發生！仲要冇人理過我地，勁嬲

之前喺天后已經試過呢間日本料理，今次同朋友就去九龍城試埋呢間分店同上次嗰間一樣，佢地方唔算太大，但啲座位都好闊落，感覺唔會太迫我哋叫咗個冰鎮鮑魚，非常之鮮味，而且鮑魚爽口彈牙，值得推介跟住叫咗個近江牛柳串，雖然唔算好大份量，但係肉質就非常之鮮味，日本直送果然唔同啲再嚟就係北海道燒帆立貝，呢個我會推介俾大家，帆立貝大大粒，而且燒嘅火候啱啱好，唔會太熟，少啲功夫得唔得之後就叫咗兩個拉麵同一個鰻魚飯，果兩碗拉麵我上次試過，所以我今次就食鰻魚飯，所有野食依然保持到好好嘅水準最後梗係唔少得我嘅至愛秘製炸雞啦，都係果句，好食個快餐店好多

今天黎到九龍城，週圍望下有乜餐廳，見到浜滝由門面，餐牌到裝修都十足地道日本餐廳，決定一試😉成間餐廳裝潢落足工夫，入到去感覺好似去左日本旅行咁～ 正！😎坐低侍應推介今天蠔新鮮～而且長崎直送岩蠔是這餐廳Special入貨的品種，加上本少爺今天又好有心情想食蠔，先兩個人一人叫一隻岩蠔😎超大隻超新鮮！入口勁Juicy～喜歡吃蠔的人值得來試試！然後來個半熟吞拿！ 平時在日本餐廳都是吃生的，今次試半熟，口感非常特別，能食到吞拿的肥美又有半熟的香口！十分欣賞餐廳呢道菜😎今天唔想食飯，但又想叫飽肚食物來了個大阪燒～足料又香口😝來個牛舌～ 軟硬適中，燒得好入味而且唔太油～燒物仲叫左雞軟骨、雞皮同柚子雞肉串，香口又唔會太乾身，鍾意燒物的朋友必定要試試餐廳的燒物😎跟住左個黑板上的推介菜式明太子大啡菇燒～ 明太子襯大啡菇是非常別緻的菜式，菇得入味，襯明太子是很合襯的配合！😋😋重點推介大分直送火炙平目魚邊～成道菜入口即溶～感覺同係日本吃的無分別，師傅選料，刀工及煮都有一手！正！叫埋Orion生啤，為呢餐增添情趣！想搵間環境富有日本格調而又奉上極具日本味的美食的居酒屋，絕對推介浜滝～😋

九龍城好多好野食，大家都知！所以，周不時都會黎搵野食！經過見到門面裝飾好特別，吸引左我停下來揭下份menu! 主要係刺身，燒物，鍋物為主嘅日本居酒屋！內裡裝修得很日式，而且侍應好友善，細細間鋪，好有人情味！侍應推介左燒牛舌$88，好香口！新鮮岩蠔（@$98）大大隻，飽滿，好鮮甜！半熟吞拿$88，色澤鮮，味道清甜！大阪燒餅$88 好足料！平目魚邊$108 入口即溶，魚油香濃！燒雞皮、燒雞軟骨！香脆可口！烤明太子菇，呢個真係好食到不行！燒柚子雞肉，面頭醬汁好野味，食得出咖哩同柚子醬混合！再來一杯沖繩嘅Orion啤酒！Cheers!下次再來幫襯，適合朋友聚會傾計！讚！

去到九龍城搵lunch食 見到呢間啲lunch set都幾平 入去試試佢先 叫左個極辛地獄拉麵真心辣 好少日本拉麵會咁辣 讚👍🏻碗拉麵黎到嘅時候 啲湯仲係滾緊 湯底唔錯架 好濃 啲麵都入左啲湯嘅味 麵係我中意嘅粗度 好彈牙 配料有2件叉燒 2件餃子 有隻糖心蛋 同埋筍糖心蛋好好味 中間蛋汁係流心的 餃子就一般般 仲叫左2串串燒 肥豚肉串同埋八爪魚串 串燒反而嘛嘛地 豬肉嘅味太咸 有啲似煙鴨胸味 不過肉質唔錯 燒得都唔錯 唔乾八爪魚就un左小小 不過味道都ok

九龍城呢區,眾所周知都係泰式食店或者酒吧主導, 但今日係呢區試左間日式野,係呢區突圍而出。先黎兩串和牛串, 未到話入口即溶咁誇張, 但係油脂好香!北海道蟹腳拉麵, 湯味鮮甜濃香!!豬骨湯底既拉麵, 好濃厚,好香,麵又彈牙!醬油味湯拉麵, 又係濃郁既拉麵!!燒帶子, 記得係68蚊隻,好 juicy。炸雞!正,但比較小,呢到係兩份想有蠔食,一打開真係有,但朋友肚痛就無試啦呢個menu就有介紹我地既拉麵!!冰震鮑魚, 好正除左麵,我地仲試左一個饅魚飯,汁好香

試下呢間拉麵店😁問下店員有咩推薦 佢介紹左富山灣螢光魷同埋花魚燒一夜干螢光魷一碟有5隻 口感好滑 一啜就滑左入口 然後咬落去 中間有好多汁爆出黎 好！好！味！ 真係講左一句‘嘩 好好味喎’ 真心正 必食👍🏻呢個花魚燒一夜干又係店員推薦條魚好大條好厚肉 啲魚肉好juicy 同埋勁滑！好少燒魚啲肉一啲都唔乾 同埋啲魚骨都燒到脆卜卜 可以食埋 正👍🏻呢個黑蒜拉麵 個湯好濃郁 勁香蒜香味 同埋個湯嘅厚度係可以沾到啲拉麵 非常之好味 呢碗拉麵又抵食又好味👍🏻👍🏻👍🏻 拉麵入面有2塊叉燒同一隻流心蛋 隻蛋好好味 入面蛋汁甜甜地 流汁👍🏻 而叉燒就係彈牙豬肉 冇乜肥肉 但唔鞋口 正😁

今日專登早啲走去接埋老婆放工 之後去咗九龍城搵嘢食 本身諗住食泰國嘢 但係老婆話成日都食 時間又早咁就周圍睇下仲有啲咩好食行咗陣見到有間食日本嘢嘅 原來係居酒屋 我去日本旅行 都會幾鍾意幫襯居酒屋 貪佢食物選擇多 喺香港 就唔係經常食個花魚一夜干好大條 幾抵食 而且都整得幾好食佢個大板燒同出面食嘅有少少唔同 出面食嗰啲係比較淋身 而這個是比較硬身的 即時係砌完都唔會散開曬 冇諗到個口感又幾好喎 我都係第一次食個拉麵上枱嗰時我見佢啲湯仲係滾緊 後來先至發覺原來佢有嚿熱石喺個湯入面 keep住個溫度 幾特別今餐我覺得最好嘅係個烤雞石鍋飯 雞肉十分嫩滑 個汁調得相當有水準最後再加咗個三色刺身 呢個我覺得最抵食 百零蚊 有兩隻牡丹蝦 一隻都要幾十蚊啦 個三文魚同個帶子仲要係超厚肉我同老婆食到超滿足 個環境都幾日本居酒屋feel 而且好似有一位店員係日本人 佢每次上菜都會講句日文 當然我唔知佢講乜啦 但係個感覺都幾好平時放工同啲同事三五知己 落嚟食啲嘢飲番兩杯 都係一個減壓嘅好地方

浜滝位於九龍城褔佬村道，雖然舖面細細，但食物質素超高，絕對係內有乾坤！店內裝修、擺設都充滿日式經典居酒屋嘅味道，完全令人暫時忘卻出面嘅煩囂餐廳嘅主餐牌頁數唔多，但都有好多選擇，每一款都好吸引前菜叫左清酒煮蜆，必食每隻蜆都好厚肉，好鮮甜，淡淡酒香嘅湯好易入口，飲埋個湯底都唔怕！主菜就有醬油拉麵，湯底非常濃厚，配料亦好足，淨係半流心蛋都已經有一隻，絕不馬虎最特別係碗內放左熱石，令拉麵上枱時仲係滾湯，令每一啖都熱辣辣！串燒方面，極度推介燒鰻魚串肉質肥美，燒得恰到好處，配上鰻魚汁同紫菜，超級惹味

九龍城除咗打邊爐仲有好多選擇嘅！日本野亦係我哋嘅最愛，因為有小朋友嘅關係居酒屋就比較好啦！今次就試吓呢間浜滝😆由於時間尚早，係街度有好多位泊車，我哋拍正餐廳門口，一定唔使加餸食牛肉乾😎😎店內格局同日本居酒屋一樣呢據說都係播日本節目呢！有師傅招呼我們點餐，講日文嘅😨應該係日本過來嘅師傅，我哋用英文order係OK嘅就聽到隔離兩張枱都係用日文order囉！真係食飯學日文居酒屋必點一夜干，嘩，大條到跌左半條出來😱😱好香口，肉質又香又滑，電聯好細心過嚟教我起魚骨，你左條大骨正條魚都冇骨老公就最愛呢款石鍋雞肉飯，石鍋上熱辣辣醬油好香，雞肉剛好熟仔仔就最愛鹽味雞肉湯拉麵🍜通體真係冇得頂清甜不膩，碗中加咗熱石，擺上台嘅時候滾住上，保持溫度😍😍湯全部飲曬最意想不到就係刺身都同樣新鮮份量足，牡丹蝦非常黏口，帶子夾住夾住嘅檸檬令到鮮味更加突出三文魚非常厚，有平時三片厚度大阪燒亦好有日本地道風味，串燒普普通通，好正就係豚腩，好滿足的一晚

今日我哋去到九龍城經過一間招牌勁大的居酒屋已經比佢日本式嘅設計同裝修吸引，門外貼了很多相片，於是關注一下，竟然發現呢間店舖係有日本人所開的，服務同質素應該有保證，於是便入去試一試。一入去就發現了暗暗的環境，但係極具日式風格，感覺很有情調，我發現一個好似日本人嘅老闆， 10分有禮貌地招待我們，雖然我們兩個大人+1個小朋友，但係他們的服務10分親切。我哋首先叫咗一個鐵鍋流心玉子叉燒飯，$78，呢個飯的確唔錯，叉燒軟淋，再將全部加蛋一起撈埋食，我個女食咗好多，因為味道好香！再加上日本米，好似去咗日本嘅感覺一樣！第二我哋叫嘅係雪場蟹拉麵，$138 ，豬骨湯味香濃，裏面有兩條雪場蟹腳，再加一條極之粗嘅仿雪場蟹，食落去好滿足，另外我哋發現咗原來佢哋放咗一個熱石頭保暖，10分窩心呀，就算食慢咗，溫度仍然可以保存，唔會令到個湯變涷，👍👍陸續登場嘅係大阪燒餅，好似個蛋糕咁得意呀，如果大家有人生日你依家唔食嘢可以點呢一個餸啊，順便幫朋友慶祝生日放支蠟燭就得啦！呢個大阪燒餅醬汁10分濃厚，上面有有一些木魚碎，蛋香味10分香濃，裏面仲有一些海鮮粒，口感豐富不得不介紹這裏的串燒，日本直送肥䐁肉串以及海膽汁帆立貝

去左九龍城食日本菜hamataki，店雖小，但質素好高，而又唔會太貴，今次朋友帶我嚟食，真係冇介紹錯。舖頭如一向嘅日本裝潢，以木為主，地方整潔乾淨，二話不說點左幾樣美味食物。其中點左冷鮑魚，肥豚肉串，北海道蟹場拉麵！先講冷鮑魚，味道好鮮甜，而且彈牙又清涼，點埋配上的微酸醬汁，超開胃！而且價錢合理，好似一百多有三隻，好好食。之後叫左啲串燒，其中肥豚肉串令我好難忘，雖然佢話係肥豚肉，不過食落唔會成口肥膏，反而係好香好嫰、冇乜肥膩感，加埋佢嘅醬汁，超級好食。另外，仲食左個拉麵，北海道蟹場拉麵，上碟嚟已經好香，湯是奶白色嘅，而且熱辣辣，蟹肉份量多，而且內質新鮮結實，好鮮甜，不過最好食係拉麵，好彈牙，加上湯底味道濃郁，就咁白色個拉麵已經好正，當然配菜例如蛋等都令拉麵生色不少。整體感覺都好，服務又好，食物好食，價錢又合理，可以帶朋友嚟食。