浜滝

營業中

休息中

等一次黎食，我7:25坐低同我講8點前要交台，我無理佢照落單，心諗半個鐘傻的嗎？！坐左上2樓角仔，樓上個call 㩒又無人理，下下要行落樓下搵人，想叫乜無乜，落單果個又唔清唔楚，叫左個豬豚鍋，頂佢果啲係有舊舊嘅豬肉囉唔係一片片嘅豬囉，成鍋得5粒仔同只係菜要$168，成個鍋都食完都仲未上鰻魚飯，嬲嬲地埋單走！食左個炸紫栗餅、一個鍋、追加個牛肉，3樣野3百幾，都唔知自己食過乜，never again 🤬🤬🤬

難得和女友都在香港，剛好七夕，就食好少少慶祝一番其實這是第二次食這餐廳！我原訂八點鐘，但提早到，七點半都已經可以入座非常有彈性～服務員親切，會主動告訴你那一個是人推介而且不會為做生意就係咁叫你落單，會提你可以慢慢落單，怕你食唔曬，浪費錢或食材～貼心！

位於九龍城既浜淹，雖然細細間，但入到店內感覺好舒適，好細心的裝潢，好有日本風的感覺🇯🇵ᴍᴇɴᴜ所有野食都好吸引🤩但不能夠一一盡試，只能點一個主食加小食..呢個拉麵好特別..店主好有心思..放左舊熱石係裹面..令到顧客食既時候冇咁易變左凍..保持佢熱呼呼既溫度🥰十分窩心👍🏻另外， 經工作人員推介下點左個龍蝦刺身食，呢個真係真係....真係無得輸..超超超超好味👍🏻超超超超新鮮👍🏻超超超超肥味👍🏻如果黎食一定要點呢個 包冇悔😋😋呢間浜淹的確很窩心，又好味，推介大家來試一下🤩

 居酒屋是個好地方, 坐在吧枱前, 與三五知己吐吐苦水、聊聊心事，這天就去了九龍城的浜滝, 居酒屋的裝潢令人感到很放鬆, 雖然餐廳座位不算太多, 但昏暗的環境份外舒適。小豆島冷素麵盛暑之日，日式冷素麵向來最得人心, 經過冰塊冰鎮的麵條更Q更滑, 細緻滑口的細麵, 放入產自小豆島的醬油中，以適當的wasabi、綠蔥點綴口感, 冰涼涼口感中, 暑氣消除。---鰻蒲燒鰻魚即叫即燒, 鰻魚飽滿肉嫩, 魚肉鮮美, 外皮燒得香脆, 內裡肉滑不在話下，飯裡混入飽滿粟米，加上石頭熱度讓日本米飯有飯焦, 香口好味, 吃完真的會讓人感動---鮮蠔土手鍋---土手鍋是廣島著名的鋪鍋物，在鍋邊塗上一層味噌，再鋪上廣島蠔及各種蔬菜如紹菜、豆腐、大蔥、本菇, 材料豐富到滿瀉廣島蠔脹卜卜蠔味濃肉質嫩而鮮甜，蔬菜夠新鮮, 熱辣辣的窩不斷令湯底加熱, 味噌層慢慢融化在湯底，愈吃愈濃味，由清湯到味噌蠔湯, 湯底甜美而不肥膩, 香氣不斷湧出來，美味又健康。----芝士燒蠑具鮮甜帶殼蠑具，肉質甜脆厚實, 口感有彈芝士唔會下手帶重以至cover 左蠑具本身的鮮味, 味道清甜，海水味濃。--

一向都知道九龍城係好多好嘢食既地方，不過由於我覺得交通唔太方便都好少約人去，不過今次朋友要求，就就佢一次啦！呢間日本料理店面積唔大，有bar枱位和圓枱仔，裡面掛著彩色的旗海感覺充滿日本風。由朋友發板，點左個「芥末牛油果蝦」($58)，原來係將牛油果壓成泥再混埋芝士一齊，散發非常濃郁的香味，還有樱花蝦和葱花在面，配以脆卜卜小餅乾，口感豐富，好好味！另外有「漬.螢光魷魚」($68)，佢用一個好得意既器皿上碟，魷魚醃得入味，多汁爽脆得黎帶點咸味，又不失鮮味。燒明太子($68)，我本身真係唔太喜歡明太子，今次再試下都可接受，有點煙薰的香味，用蘿蔔蓉、葱和紫菜包住一起吃，咸咸地但又夾雜著蘿蔔蓉和葱的味道來調劑，幾有層次感。最期待既係冷鮑魚($168/3隻)，好過份地叫左兩份！非常新鮮，肉質彈牙，完全唔韌，但可以慢慢細嚼去品嚐嗰種鮮甜！另外都想試刺身，今次揀左原條深海池魚刺身($238)，好少原條上，感覺好勁！新鮮就唔洗講，肉質相當爽滑，好有魚味又帶點鮮甜，有檸檬和柚子酸汁可以幫助調味，更增升口感！最後仲食左個鐵窩日本鰻魚飯($98)，鰻魚份量好多！配以超香的鰻魚汁、紫菜碎、芝麻灑面，又有粟米襯底

九龍城嘅位置雖然比較偏遠，交通亦吾算好方便但呢到嘅餐廳，真係好多都好高質🙆‍♀️好似琴日食嘅呢間「浜滝」咁高質。新鮮。親民，集於一身💕.小店裝修得好有日本居酒屋FEEL店內掛滿左一個個日本風情旗幟同燈籠再配上高身枱凳，真係似到足🥳.再閱覽一下MENU樣樣款式都好特別睇得出係款式設計上，落左吾少心思～如海龍燒，佐酒炸長手蝦，北海道馬糞海膽.🔸厚切三文魚刺身 ($68)呢碟三文魚真係超級。超級抵食！只係$68 居然有成5塊厚切三文魚😱目測有2cm 厚，仲要係好新鮮果隻👍三文魚紅白交替紋路好吸引～入口軟綿清甜， 魚油香味充滿口腔又帶點微甜.🔸大阪燒餅 ($88)吾好睇少呢個燒餅！我覺得仲好味過係日本食果D🙈因為堅係落足重料👍即叫即煎，SIZE約有一個手掌般大✋混入左雜菜嘅燒餅面層鋪滿左木魚絲最令人驚訝嘅係仲有櫻花蝦！再淋上沙律醬同燒汁啖啖味道口感都好豐富愈食愈想食，滋味無窮😋最叻豬嘅係仲要吾覺得膩，食多個都仲得呀🙈.🔸天婦羅盛合 ($168)乍看好似吾抵食，但實際物超所值😈天婦羅盛合有兩條大蝦，兩件大冬菇兩條天葵同原隻軟殼蟹💕大蝦炸得恰到好處超薄嘅炸衣，食落外脆內嫩而天婦羅大冬菇，炸得好有水準

自從搬咗去港看區之後，好耐無嚟過九龍城，今日難得嚟開附近，決定要去番一趟九龍城搵食，不過友人唔想食泰國嘢，揀下揀下就嚟咗浜淹。想食嘅嘢有好多，得兩個人但大家都好放肆咁叫，先嚟灸燒半熟龍蝦，龍蝦睇落唔係好大隻，不過都厚肉，餐廳方面亦都燒得剛剛好，咬落爽口，無浪費咗隻龍蝦😂😂另外都叫咗火灸平目魚邊同推介嘅池魚，池魚睇落顏色光澤夠新鮮，食落有新甜味👍🏻👍🏻至於平目魚上碟時見到好似一個洋蔥咁，有啲驚喜，平目魚亦都夠晒肥美，有醬汁下入口都唔覺太多油脂另外亦叫咗碗黑蒜拉麵，看似平淡嘅一碗麵，但原來入面放了一粒石去保持湯底嘅熱度，令麵嘅湯度keep住夠熱，真心欣賞，當然麵嘅味道亦好好，但的確呢碗麵帶嚟驚喜.....至於串燒亦好食，整餐飯大家都好滿意，食得好開心

某日約咗舊同事食飯，由於大家都係九龍城附近返工，所以就決定喺附近搵間餐廳，朋友話想食日本野，所以就上OpenRice seach下，見到呢間排第一，就決定試試佢因為收工有啲野做，所以我都晏左先去到，不過職員好好，仲未到嘅時候佢打電話黎問我都未，不單止冇催我快啲，仲關心我識唔識路，真係好窩心呀！係時候入正題喇：1)地點唔難搵，九龍城廣場對落條街就係喇👍🏻2)招呼好好，唔會hard sell食物3)食物真係好正，好食到我要寫人生第一份食評🤣🤣雖然買單千幾蚊係有啲貴，但樣樣都咁正，本人覺得抵過食自助餐

今日黎到九龍城舊區,但唔係黎食泰國野既。專程黎搵呢間日本居酒屋。有一間日本居酒屋,由日本廚師主理,餐廳設計已經好日本feel,有置身於日本居酒屋內既感覺。近江牛沙律,沙律菜夠新鮮,都有唔少牛肉粒,醬汁酸酸甜甜,幾開胃。石燒鰻魚飯 鰻魚燒得脆脆地,鰻魚份量都好多。燒汁平均掃係鰻魚同飯粒上，仲配有栗米及紫菜碎,非常好味。水餃子,餃子內仲保存到肉汁,配上淡淡既燒汁,很清新的配搭。北海道半熟帆立貝,帆立貝肉質好嫩滑同鮮甜,可以連湯汁都飲埋。凍柚子梳打。杯底有好多柚子蜜,好飲又解渴。

忙碌一整天收工當然要去吃點好東西啦，今天來到了九龍城的餐廳嘗試一下。位置還算方便易找，環境也不錯。價格比较适中实惠，是下班靜靜食飯的好地方。北海道帝皇蟹拉麵大大隻蟹腳加上蟹腳肉，蟹肉鮮甜，啖啖肉，配上流心蛋，湯底鮮甜，拉麵亦爽口彈牙，唔會太硬，碗底仲有一塊熱嘅石，食耐啲都唔怕凍好貼心。石燒鰻魚飯有大大份既鰻魚，即燒嘅，但不會太乾身。大阪燒餅 暖笠笠的大阪燒餅，面層仲有好多木魚絲，扭吓扭吓，見到都想食。一啖食落去內容豐富，啖啖雜菜仲有不同配料，有層次的口感。味道絕對跟足日本傳統，口感很好。

曾經在九龍城住過五年，也是在我人生中最落寞的五年，話雖如此，我對九龍城還是帶着情意結的，對於貪吃的我，九龍城確實是一個寶藏，這裏同類型的餐廳雲集，貴的平的都有，亦是在這段時間令我對 烹飪產生興趣，因為高質的食材隨處可以買到。今晚約了幾位閨蜜重遊舊地，開開心心的一起品嘗美食，人生一樂也店子雖然小小的，但充滿日式風情，令人仿如置身在日本居酒屋，好有氣氛芥末牛油果蝦$116(2份)~牛油果泥mixed埋非常濃郁的芝士一起，再加上樱花蝦和葱放在鬆脆的餅干上，一啖放入口中，濃郁的芝士味充滿着整個口腔，口感豐富螢光魷魚漬$68~每條醃過的魷魚都肥美漲卜卜，口感爽脆，味道帶點咸香，食完後嘴裏散發出一陣陣帶海水的鮮魚味，配埋sake簡直是perfect match生燒明太子$176(2份)~燒香過的明太子加上蘿蔔蓉和葱用紫菜夾住一起吃，咸咸香香，有少許辣味，佐酒一流手燒白鰻$128~BB白鰻魚，燒得火喉剛剛好，外面焦香，肉質爽甜彈牙，鰻魚味濃，非常美味，很出色原條深海池魚刺身$238~深海池魚肉質爽滑細嫩，魚味濃而鮮甜，配柚子酸汁一流冷鮑魚$336(6隻)~日本鮑魚新鮮即日運到，我們又怎能錯過？鮑魚

今日要係慶祝一件事，就走咗嚟九龍城食日本菜，呢間個氣氛好日本咁！ 就揀咗佢嚟食，個門口已經整到妳似居酒屋咁，仲要唔係自動門啊，更加似，之後入面啲擺位都一樣咁似，而且仲有日本人喺度食梗嘢，職員又會同你講日文咁。睇咗好耐，心大心細咁揀每樣嘢食，最後就叫咗個牛油果拉麵、燒三文魚飯、大阪燒、甘栗餅。先嚟咗碟大阪燒先，個樣好吸引我哋呀！！ 仲要好好食，好似喺當地食一樣，皮薄餡靚形容哂🤤🤤之後就到碗拉麵同個燒三文魚飯嚟到，睇落去好似太普通咁樣，點知又係好好食！！😁🤤個拉麵特別在加咗牛油果落去，又配得幾好味喎👍🏻👍🏻👍🏻之後到個燒三文魚飯，無落咩汁都可以咁好食，我肯定同啲魚有關！！所以先做到咁正抖！🤤🤤🤤甘栗餅又真係好少見到有得賣就叫嚟試試！真係好值得推介去食吓！個人感覺好食過薯餅，無咁易飽哂，可能無咁多油啦👍🏻👍🏻🤤🤤🤤

今晚又去九龍城搵食, 成日行過依間浜滝想食好耐! 入到去成個feel就係日本居酒屋, 細細間但係裝修有花心思, 周圍既佈置同牆上既裝飾都好日本!哩個位直情就令人置身日本居酒屋一樣! 之後睇番牆上關於鋪頭既訪問, 原來老闆兼大廚係係日本同香港既拉麵店工作愈20年既日本人黎既, 唔怪得成間鋪咁有feel!坐低左店員介紹除左有主餐牌之外仲有個新餐牌九州拉麵拉麵必食!!上枱時滋滋聲滾到起哂泡, 唔係用石鍋都有咁既效果! 係因為拉麵入面放左係九州訂製既圓形山石, 令到拉麵keep住最好既温度另外湯底亦十分出色, 濃香得黎唔覺得咸同口渴石燒鰻魚飯鰻魚肥美, 鰻魚汁加焦香既外皮, 正雞頸骨漢堡串推介!!除左賣相精緻之外, 味道亦verygood, 好中意佢既口感, 店員話要大大啖咁點落個蛋黃度就最好食佐酒炸蝦雖然我地今晚無叫酒飲, 但係依個除左送酒一流之外, 當餐前小食亦好正! 加埋檸檬汁勁夾隻隻蝦仔都好靚好完整, 脆卜卜好香口花魚燒一夜干哩款魚係出面比較少見有所以叫黎試下, 大條又多肉, 魚香肉滑! 中意食燒物既朋友一定要試。魚既表面燒到少少焦香, 睇唔出入面係勁嫰滑~ 有相為証, 魚肉一梳梳又滑

成日都好想食日本野，貪食野個兩個鐘好似置身日本咁！呢晚黎到九龍城搵食～事前做定功課搵到呢間浜滝！遠處都已經見到個招牌～附近都有其他日本野食～～餐牌上面有好多野食令人花多眼亂～足足揀左幾個字先揀到食乜～我地叫左平目魚邊、帝皇蟹拉面、地獄拉面、炸雞同牛豬串燒盛盒～先講呢個平目魚邊～實在係太好味啦！食落去魚油充斥住成口！入口即溶，魚既鮮味非常之咁突出！ 呢味真係必點！地獄拉面：我地聽從店員建議揀左普通既5分辣～果然係岩岩好，再辣就頂唔順～個湯底夠哂辛，同店員講可以揀面既硬度，呢度既煮法係偏硬，如果唔中意食硬面就記住同店員講～而我地都偏好食硬d既面，加上湯底好夠味！食到停唔到口！呢個帝皇蟹拉面夠哂奢華個蟹腳可以拉店員幫手叫師傅開，唔駛自己挑戰咁辛苦！蟹腳足滿蟹味～感覺好似去左日本！仲要有柴菜同半熟蛋！成碗拉面都好豐富！炸雞：水準之上！皮薄雞又唔會冇味，d 雞應該有醃到先拎去炸，平時好怕食d炸雞又厚粉又冇味，呢度d炸雞就唔會有呢兩個問題！牛豬串燒盛盒：牛非常之有牛味，平時好怕食牛串燒會燒到d肉好un,但呢個串燒盛盒就冇呢個問題～～～個豬腩肉都好有豬味，食落好有罪惡感埋單約800蚊～呢個價錢兩個人

黎到九龍城，一處離市區偏遠既地方，竟然發現一間食日本野既小店，別有一番驚喜。環境方面小店環境裝修都好日本化，有多張日本為主題既相貼係牆上，真係好似返左去東京咁。係九龍城都有日本feel食物方面燒鰂魚，食落非常肥美，好有魚既脂香味，口感彈牙，鮮味十足。拉麵方面，麵質偏硬，但可以叫廚師煮軟啲，食落就不過不失，而個帝王蟹拉麵就值得推介，有一大舊蟹柳，好厚肉美味，仲有個Bouns蟹腳好足料。串燒方面，串燒最重要就係火喉同調味料既比例，反而食物本身質素無咁重要，因為一般都係會比重度既調味蓋過。呢間既肉類睇落都算新鮮，調味火喉都唔差，大家可以一試。壽司方面，今次就無試到了，但見到隔離枱都有食，望落性價比幾高。