浜滝

營業中

休息中

平日星期五中午食飯，很多中學生，但都即刻有位。叫了牛肉飯定食和炸豬排定食，賣相可以，牛肉不過不失，但那碗飯真的不敢恭維，似落不夠水、太硬了。但豬排的飯又OK，不過豬排就太實了。

九龍城的確係一個深藏不露嘅地方，隨便係街度行下，就會搵到一間別樹一格嘅餐廳。從外表望落去一睇就知係一間日式料理啦，小小嘅店舖掛滿餐牌同廣告牌，食物豐富好吸引。雖然才6點啫，已經坐滿食客，餐廳安排我哋坐樓上雅座。除咗正式嘅餐牌之外，仲有一張寫滿時令及廚師推介菜式。例如呢個手燒白鰻魚$128。燒到金黃色，脆香嘅外皮鎖住肉汁，佢同普通嘅萬裕有少少分別，佢嘅肉汁比較脆嫩爽口，同埋香味較重又甘香。呢三粒博多風和牛丸燒$98。外型好似普通牛丸咁，但係絕對不要小看他，食落有嚼勁，牛味濃厚。師傅用竹籤串起佢，食起上嚟簡單同方便好多。伴碟賣相都好趣致。雞肉漢堡串（配日本蛋）$28粒粒雞肉好爽口，好似食緊漢堡扒咁，好得意，配上一個日本生蛋，沾上蛋漿又是另一種風味。　柚子雞肉串$22雞肉串本身已經帶有鹹味，但係又無搶去雞肉的鮮味，加上柚子味，更加帶出雞肉嘅鮮味十足。海葡萄$48記得第一次去沖繩旅行嘅時候，食過一次海葡萄，當中嘅爽同埋清嘅感覺仍然有留在腦海之中，今次試返，重新搵返那時嘅感覺。　

一直都想黎呢到試下，終於有機會喇😍坐低左店員會介紹下時令野 同招牌野～先叫左幾人道前菜...店員介紹既 冰蜆 ～ 凍既熟蜆 配上柚子啫喱 好清新 又甜👍🏻再試下加埋個辣汁，更加惹味！層次更多👍🏻本來想叫$48的生蠔試下但店員推介呢個$68的更甜更creamy所以就試下呢個 宮崎蠔蠔都幾大隻！配上酸酸甜甜的汁，好開胃😋吞左落肚 口腔內都仲有好正既味道要回味多陣先食下一道🤣琴日訂位時已經留左隻龍蝦🦞就係呢個半熟蝦+灸燒海膽半熟既龍蝦肉好軟滑，再加埋燒過既海膽香味好出👍🏻呢個餅我見好多人推介，好期待😍入面有牛油果 蝦乾 芝士又係好好味，牛油果同芝士好夾！食完咁多凍野想食返啲熱野頭先個龍蝦頭，加左錢整左個龍蝦粥～點知原來係一人一鍋🤪個湯又係超濃蝦味，正！暖笠笠好舒服😌食完半碗粥已經9成飽.......但仲未食完🙈想試既野實在多又想試埋呢個明太子燒蠔平時「麻麻地」燒蠔既我呢個我都食到，明太子好香但我喜歡生蠔多啲☺️跟住仲有燒秋葵、雞軟骨、同蔥白雞肉都唔錯～其實已經好飽，但仲有個大板燒餅😂好軟滑，入口溶化既感覺👍🏻仲有好多野想試，唯有等下次啦

鐵窩醬汁烤雞飯🥘$88鐵窩熱辣辣🔥飯有飯蕉😚醬汁亦夠香濃😛雞肉份量十足😉真係好正好好食🥰極辛地獄拉麵🍜$108上菜時，湯滾得好厲害😮原來放咗塊熱石入去😎無可否認，我睇少咗佢嘅辣度🙈食完出咗一身汗🥴普通辣都已經去到米線舖嘅中辣🌶配料有叉燒，糖心蛋同餃子🥳真係好豐富😜雞肉漢堡串(配日本蛋)🐔$28雞肉烤到外脆內軟😏沾上濃郁嘅日本蛋蛋黃🥚結合埋雞肉上嘅醬汁😇味道有層次☺️日本雞皮串😎$16雞胸軟骨串😛$18雞皮夠香脆，雞胸軟骨夠爽口😋日本直送雞翼串😎$38大蔥雞肉串🐓$22柚子雞肉串😍$22雞翼烤得啱啱好，好脆口😋大蔥雞夠惹味，柚子雞夠嫩滑☺️表面塗上咗柚子鹽，食落帶點鹹香味😙浜滝 (九龍城)九龍城福佬村道59號地下A舖

位於九龍城，門面一啲都唔起眼，甚至好易就咁經過，但一入到去，好似去左另一世界，好有日本feel ，大家聚埋一齊飲酒食野，幾有氣氛。#手燒白鰻魚 $128另外會有張手寫menu，期間限定咁，食材由老闆精心挑選，白鰻魚係其中一款，肉質非常彈牙鮮甜。試左兩款蠔，都好新鮮簡單以蒽花同鼓油調味，入口creamy，而且價錢合理。#明太子燒日本蠔 $48燒得剛好，但比較喜歡生蠔。#牛油果拉麵 $108本身以為會多啲牛油果元素，但只見牛油果片和牛油果蓉。湯中有塊燒到超熱既石頭，保持湯既熱度，拉麵偏硬身，係我中喜既口感。#半熟吞拿 $88

去九龍城通常都係食泰國嘢，諗返起好耐都冇嚟過，今日發現原來都有好多日本餐廳，行咗幾間之後最終都係選擇呢間hamataki 地方不是太大 但是冷氣充足，坐得舒服仲有好多唔同種類嘅清酒選擇午餐平均都係58至$68，性價比非常高九州拉麵午餐$68 鮟鏮魚肝$88，有三片，都厚身，上面放滿蔥花，魚肝嘅口感有啲似雞肝，但是味道非常香，入口即溶午餐加$23，炸一口芝士，係我最鍾意嘅炸物，炸到外脆內軟，一咬開芝士啲香味出晒嚟，鍾意食芝士嘅朋友必叫火焰平木魚邊$128，碗是熱辣辣的，食嘅時候加啲Wasabi，非常惹味，魚嘅肉質非常滑，經過燒后，啲魚油出晒來，份量雖然較少，但是真係好好味配合埋鹹鹹的秘製醬汁，一流燒牛肉定食午餐$58,性價比非常高，牛肉份量亦相當多,用洋蔥去炒肥牛，味道非常夾，洋蔥有新鮮，爽口👍🏻肥牛又不會太肥😗口感一流燒帶子$68，帶子非常厚身非常濃郁嘅牛油味,咬一啖就知帶子非常新鮮味道鮮甜爽口,上面加上蔥花，令到味道更加香日本燒鵝肝$198,鵝肝嘅size好大片，下面有一片青瓜，一起咬啖，令到鵝肝完全不油膩鵝肝燒到熱辣辣入口即溶味道濃郁三文魚刺身$68,好新鮮，夠晒凍食落冇魚腥味非常

特別日子當然要搵個特別既地方，食餐好野去celebrate獎勵下自己la🤣🤣今日實在太刺激好想食辣野再激d，麻辣又實在撐唔落，就近近地黎左呢間「浜淹」日本料理。佢地既menu吸睛之餘，仲好有heart❤️，其中兩份special items menu係手稿version黎架📝一眼就睇中menu入面呢款「極辛地獄拉麵」，一心只為激上加激，刺激下大腦神經，點知師傅既heart無停左係手稿menu，連碗拉麵都design到勁cute，見到呢碗拉麵，即頭由地獄上返人間，食左先講🍜。Order時唔太肯定自己可以食到幾辣，但好想食佢原本recipe既辣味口感，就硬住頭皮堅持原辣唔減辣......🥵辣呀、真係夠晒辣，辣得好爽，呢個湯底夠晒辣，多謝店員走上走落幫我添左兩次冰水，仲要係勁多冰🙏🏻🙏🏻。提提大家呢個嘴仔唔食得，係熱石黎架，用黎keep warm等大家keep住暖意去食晒成碗拉麵架！真係人見人愛🥰🥰除左拉麵，黎得日式料理，當然要食埋串燒，order左「燒日本芝士年糕」、「燒柚子雞」、「雞軟骨」、「阿波尾雞皮串」。芝士年糕真係勁好味，咬開脆脆外皮，入面既芝士係流心+拉絲架😍，雞皮串仲正，真係脆口

依間餐廳係朋友介紹，貪佢唔限時間，點知一食就驚為天人了。叫左一個刺身拼盤，燒白鰻，冰蜆，鰻魚飯，同一杯青檸梳打刺身拼盤佢有五種刺身，用黎打卡就最岩了。有好新鮮，好甜，食落仲有海水味的蠔，有好肥美，一d都唔腥的三文魚，有好好好大隻的蝦，又係好甜，仲有好大粒，好甜的帶子，仲有登登登登！海膽啊！仲有三大塊啊，撈埋醬油一齊食，好味道！燒白鰻依樣係店員介紹的。佢見我叫鰻魚飯，就叫我試下白鰻。我本身冇乜expectation,點知一試就覺得好爽口！個汁又好正！下次一定要再點！冰蜆冰蜆就係一上枱要立刻食，店員話係日本新鮮運到，仲要凍食先夠滋味，撈埋佢個柚子汁，帶哂佢d鮮味出黎啊！鰻魚飯鰻魚飯要做得好食，個汁都好重要！佢個燒汁真係好過好多日本料理餐廳，仲要燒得鰻魚好香，d汁撈飯，撈埋鰻魚，搞到而家都有d肚餓！青檸梳打五十幾蚊大大杯，個可以兩個人分，算係咁啦，本身想叫梅酒，但店員話賣哂。下次一定要試！

九龍城 值得一提嘅日本餐廳由外面看上去就好像置身於日本的小感覺感覺就好似喺日本居酒屋一樣重裝修完都睇到你間餐廳花了很多心思讓每個適合體驗日本美食文化。 喺今天食物配環境是必須吧😎值得一提嘅係當我哋坐低咗之後又一位同事非常用心去介紹是日最新鮮嘅 餸菜， 亦都 整個menu簡單 幾分鐘介紹 值得一試的推薦食物， 話時話而家香港地，飲食界服務質素去到呢個狀態，真係唔錯啦！順帶一提呢度 有老闆自己去日本廠商 特定為自己鋪頭做嘅清酒， 我就好少飲酒喇，不過鍾意飲酒嘅朋友試下無妨。叫咗兩個開胃前菜包括海葡萄同一口炸芝士， 實不相瞞我係芝士 烘❤️❤️朋友大讚呢個冰蜆鮮甜好味！嗌咗五個串燒包括雞軟骨， 燒雞皮，冬菇， 仲唔少得嘅蠔基於我係一個無澱粉不歡嘅人， 食碗拉麵也是常識吧😍湯底非常濃沃，特別嘅係配合牛油果第一次咁食， 係唔錯嘅，match嘅兩個人消費550蚊絕對可以接受 嘅價錢❤️❤️經開九龍城可以考慮試下

忙碌的工作過後來到九龍城覓食，在九龍城多數以食泰國菜為主，而靜中帶旺的鬧市中竟然有間日式的居酒屋，與同事決定在此吃點東西。入到居酒屋，裝潢都充滿日本居酒屋的格調，天花高掛日本風的旗幟，牆身有日本的燈籠、海報、日本啤酒的毛巾等.....播放著輕快的日本歌曲，讓我們感受到濃厚的日本居酒屋的情懷。安排了座位後就點了飲品傾下計先，友人就選擇杯梅酒南高梅(一杯) $68，梅香味醇，而我就飲杯凍柚子梳打$25，冰涼可口，內有柚子蜜的香甜，順喉暢快。這次我可以嚐到沖繩海葡萄 $48，我都是初次品嚐，它是長莖葡萄蕨藻，一種營養豐富的食用綠藻，而原產地來自沖繩，粒粒碧綠外貌像一串串的青葡萄，口感Q彈爽脆，最緊要是營養價值高，可以抗癌、抗氧化、淨血等功效，難怪那麼受大眾追捧的小涼菜。熱食會先吃些小食串燒，燒柚子雞 $22燒的火喉可以再香脆些，雞肉都嫩滑，塗上了柚子鹽，可以作鹹香的調味。再來隻明太子燒蠔 $48，蠔殼有手掌般大隻，蠔肉的size 適中，蠔中加入了明太子去燒，有微微明太子的鹹鮮，兩者一起共食，咬下蠔肉都爆汁，真是鮮美。我們向店員查詢一番，原來油揚げ意思是炸豆腐皮，我點了一串燒油揚廣東蠔$48，

除咗深水埗，九龍城亦喺另一個卧虎藏龍嘅小社區，早前就試過「Chapter Two」嘅麵包，趁今晚無飯開，約咗夏總傾吓波經，訴吓苦，而今晚到訪嘅小店「浜滝」，知道晌九龍城都頗有名氣，一樣喺家出色小店。夏總佢下個月中就會飛過日本鳥取玩，今餐就食日本串燒熱熱身啦。單睇門面，已好日本居酒屋風，踏入店內，裝修富心思，又充滿氣氛，天花掛住嘅旗幟隨冷氣飄揚，非常有旗海嘅感覺。咪睇室內好似唔喺好大，事後先留意到仲有二樓架，不過，就無上去望過。入門口時，已留意到門上貼有唔少日本產食材嘅認證，所以，對店家所用嘅食材更具信心。當然，做得出唔出色，都仲要睇埋師傅嘅手勢。翻一轉餐牌，食物嘅種類非常多，但一打開，竟然喺啲啤酒、燒酌、吟釀、梳打……等等行先。跟住就仲有刺身、大量佐酒小食、冷盤、特色推介、串燒、拉麵、鐵鍋飯、特選類理……等等。此外，仲有一張季節限定或時令食材嘅菜牌，以及數款鍋物。柚子蜜梳打 $25其實好簡單，只喺將柚子蜜加入梳打水，但開沖出嚟又幾好飲喎，味道清新，同平時熱飲柚子蜜嘅感覺好唔同。特大青檸梳打 $48果然特大，比我飲嘅柚子蜜梳打大一倍份量，夏總話酸香清爽，用嚟襯串燒、可樂餅，喺一流嘅選擇。

今日經開九龍城見到一間日本餐廳門口裝飾得幾有心機，成間日本居酒屋咁，所有就好奇入去試下喇。入到去餐廳時職員會主動用日文同你講歡迎光臨 👍🏻 加埋店內播住日本電視節目，而且有好多曰本味道既裝飾，令到有日本居酒屋既感覺。餐牌選擇都有幾多種類，有刺身、小食、串燒、拉麵、飯類、鍋物等等，叫咗漬 • 螢光魷魚、北海道直送半熟帆立貝、海膽芝士玉子燒、鐵鍋日本鰻魚飯。漬 • 螢光魷魚 ($68) : 魷魚超新鮮，經醃製後配上蘿蔔蓉食超級正，入口時會感覺到啲汁係口到爆出嚟，而且口感又好滑，滑到可以係喉嚨到 Sir 落肚，超級正 👍🏻 👍🏻北海道直送半熟帆立貝 ($68) : 帆立貝好大粒肥嘟嘟，師傅烹調時間掌握得恰到好處，真係做到半熟狀態，最怕煮到全熟令成粒帆立貝好韌，連埋啲汁食超級滿足呀。🤤 🤤海膽芝士玉子燒 ($198) : 第一次咁食法，海膽外面燒過後有點脆口，但內裏仍然好鮮甜，連埋流心芝士玉子燒整件食，真係邪惡到一個點，試過返唔到轉頭。😍 😍鐵鍋日本鰻魚飯 ($98) : 上枱時鐵鍋同飯都係熱辣辣，醬汁味道唔太濃，所以令鰻魚既鮮味更特出，而且鰻魚大件肉厚，CP 值高。

當晚小編與友人共2人在晚上八時左右專程來到這間挺出名的居酒屋，他們有兩層，小編坐在底層，洗手間亦在同層。餐廳內的地下特別的滑，所以小編都行得很小心。首先先要1支「醉心」 純米吟釀($398/枝，720ml)，是沖繩的清酒，很易入口，都很適合女生飲用。還有2杯日本直送新得利(Suntory)黑白生啤($60)，黑白的意思即是黑啤酒和白啤酒混合而成，比例大約是6成白啤酒，2成黑啤酒和2成啤油泡(如果沒有記錯)。海鮮類就試了5種：秋刀魚刺身($268)，就算是時令的魚，但魚味不突出，亦不夠濃，而且酸汁太濃味，建議只沾極少許就夠了。然後剩下的魚骨就拿去炸，變成另一道下酒小食。喜愛吃秋刀魚的小編在每年的9月10月都會必吃，相比在其他日本餐廳，覺得這個價錢算是偏貴。兵庫蠔($48/隻)，不夠凍，蠔本身都算是creamy，可惜上面的酸汁搶了不少蠔的鮮味。手燒白鰻魚($128)，一大件厚肉的鰻魚，很肥美也很多肉汁，但皮被燒焦了，所以會有點苦味。生燒明太子($88，配紫菜)，味道帶有微辣，份量相比在其他餐廳的少，即使是相同價錢。鮟鱇魚肝($88/份，有3件，平均約$29/件)，質感較軟和散，沒有想像中的

之前路過九龍城，已經見到有唔少新開嘅日本餐廳 ，目測都似乎唔錯，今次約朋友試下，睇下九龍城區泰國菜之外嘅選擇如何。見呢一間小店，門外都有幾多人排隊，一於去試下，一入到去係居酒屋嘅格局，雖然地方不大，但充滿溫暖嘅感覺。滿滿都是客人，但唔會坐得好逼。食物嘅選擇都幾豐富，不過見到有唔少客人都嗌串燒，當然要試下啦。先來一客石鍋鰻魚飯，鰻魚肉質嫩滑肥美，食落好香口，醬汁夠惹味，而且充滿油份， 魚肉夠厚身，非常高質。 而且燒得好香，熱辣辣，加埋底下嘅飯焦食，鍾意食鰻魚嘅人一定唔可以錯過。雞肉漢堡串燒配上原隻日本蛋，蛋黃同醬汁撈埋一齊食，令到肉質更加嫩滑，而且隻蛋好香蛋味，咁樣嘅食法好特別。大蔥雞肉串同埋雞軟骨串味道都唔錯，尤其係大蔥雞肉串非常juicy，加埋大蔥又甜甜地，同日本食到嘅雞肉串一樣好味！同場亦都有唔少客人嗌咗鍋物，睇嚟鍋物都係呢度嘅撚手小菜， 每隻日本號都非常肥美，差唔多有一隻手指咁大，配埋底下鮮甜嘅蔬菜，食落好清新好舒服。刺身方面我哋就選擇咗廚師推薦嘅原條池魚刺身， 魚肉鮮甜， 味道清爽 ，肉質富有彈性 ，配埋佢哋特製嘅酸汁，酸甜開胃。師傅刀功幾好，而且仲好有心思，將切好嘅魚肉切成一