浜滝

營業中

休息中

九龍城呢區既餐廳好多都卧虎藏龍🐉好彩男朋友住附近，都可以成日黎食野，試到好多隱世美食✌🏻-今次呢間係比佢門面吸引，好有日本風格🎏-🔹水餃子($38)水餃子應該係類似蒸餃子？用汁煮，汁酸酸鹹鹹咁😋皮好煙韌👍🏻裡面既餡係豚肉，都幾抵$38有4隻🥟-🔹忌廉薯餅($48)店家幫我地每件開半，見到入面啲忌廉餡😍好正啊！炸得香脆，忌廉同薯蓉永遠都係好夾，食完都唔會覺得好heavy😍😍😍-🔹火炙平目魚邊($128)呢個係最最最滿意👍🏻一碗滿滿既平目魚邊，好厚肉好大塊🤤🤤火炙過之後啲油份出哂黎，口感變得好滑，另外生既位置又有少少咬口，尤其佢咁厚身咁大塊，口感層次更突出👅-🔹石燒烤雞飯($88)叫左個飯share，啲烤雞嚇親我好鬼大舊😂烤得好香，雞肉又幾嫩，啲飯仲mix左粟米🌽食落又甜又有汁，好味👍🏻-▫️當然每人要點杯野飲慢慢嘆🤓

每次同男朋友嗌完交 第日都扮冇嘢 亦都只有呢個方法先可以維持我哋嘅關係，唔知可以維持幾耐呢😔今日各自有嘢做，食咗早餐就分道揚鑣（其實佢都算係咁，我話要一早，佢真係晨早7:30已經響我樓下等，記住佢係住東涌）根本係我唔知足各自做完嘢，夜晚一齊食飯，因為佢響九龍城附近叫我落去搵佢 食邊間梗係我諗啦。㨂左兩間俾佢，一間係泰國野，另一間係呢間，本身佢想食泰國嘢，不過因為母親節關係迫爆咗！唯有退而求其次。我揀呢間係因為我想食（喜歡）串燒，好彩what in都有位雖然迫迫地，侍應都好好service 好有禮貌👍🏻主力叫串燒，另外佢好肚餓叫咗個石頭窩飯同鐵板牛舌 串燒分別叫咗雞皮、雞軟骨、雞翼、芝士年糕同免治雞肉棒我覺得大部分串燒都出色，特別係雞皮，好香脆，似食緊薯片！另外雞翼都燒得好好 皮脆肉嫩！重有芝士年糕係我至愛，燒得啱啱好 👍🏻今次加埋紫菜一齊食，別有一番風味！雖然等既時間都幾耐😅😅其實佢個石頭煱飯都好味 ，飯粒分明牛舌就⋯⋯⋯可能因為我本身唔係好鍾意呢個質感

今次係我第一次黎呢間餐廳，係我女朋友介紹所以黎，可惜今次連佢都話唔好食。唔明點解有200幾個笑臉，所以我決定寫我第一篇食評。第一道菜係一板海膽，味道ok，但有一半已融哂。全晚無什麼驚喜，直到最後的蟹腳拉麵 ($198) 真係印象難忘，湯咸到傻而且唔好味，拉麵係citysuper買到那種，除了巨型蟹腳仲有大蟹柳，初初未睇清楚以為蟹柳是蟹肉，有點失望。串燒會係menu裡面最安全嘅選擇。今時今日香港咁多日本餐廳，想食刺身會去壽司店，想食拉麵會去拉麵店，我覺得居酒屋做得好食係最難。最後兩個人無飲酒埋單都要千五，相信有其他更好選擇。

今日經過九龍城見到間拉麵店分享下先..........激辛地獄拉麵$108呢個佢有零至一百度嘅辣可以揀！！！五嘅倍數起跳今次我揀咗30度🤣🤣🤣個人覺得如果鍾意食辣嘅應該都幾鍾意呢個不過味道有啲單一🙈但餸都幾豐富 不錯👍🏻..........北海道帝王蟹場拉麵$198呢個一上來會見到好大隻蟹腳！湯底好濃郁 好有海鮮味入面啲餸都幾豐富！加埋拉麵好食👍🏻👍🏻入面仲有一大條嘅蟹柳入面好似有芝士 加埋啲湯食 好入味👍🏻👍🏻..........大蔥雞肉串$22燒柚子雞$22呢兩個都係燒雞串燒得幾唔錯 雞肉嫩滑👍🏻調味剛剛好！..........浜淹 hamataki九龍城福佬村道59號地下A舖

女友說想食日本菜，所以就帶佢黎呢間有好多好評既日式居酒屋😄這裡環境不算大，但裝修令人好似去左日本一樣呢道「鐵鍋明太子三文魚飯$88」係我今晚最期待既🤪燒到半數既三文魚配上明太子沙律醬，真係超級好食！如果可以多d醬我成碗飯都食得曬「北海道半熟帆立貝$68」被當選為今晚最好食😍size巨型，半生熟可以一次過滿足我想食刺身同燒帆立貝既慾望，入口好鮮嫩多汁，超正「火炙平目魚邊$128」平時我都好鍾意食左口魚邊壽司，呢個平目魚邊比起平常的左口魚邊口感爽脆，但油脂都係咁多，好特別！「芝士雞腿肉串$22」「大蔥雞肉串$22」兩款都好好食，雞肉燒到外皮脆脆地，但內裡仍保持多汁。無論大蔥還是芝士同雞肉都係絕配「手羽先$38」 呢個雞翼火侯控制得真係非常好！外皮烤到超脆，好似薯片咁，但內裡都唔會乾，女友大讚好食🤓「明太子燒日本蠔$48」鹹香既明太子令到蠔既鮮味更突出，入口十分新鮮南高梅$68 帶甜味既梅酒，好襯今晚晚食物。埋單都唔貴，歌曲又好聽，飛唔到日本可以再黎感受下日本氣氛。

其實黎九龍城唔係得泰國菜既，今日就比我發現到九龍城有一間高質日式居酒屋🏮Hamataki裝修非常有日本風格，四周色彩繽紛的banner與poster令人感到非常熱鬧南高梅$68黎居酒屋一定唔少得酒，我最鍾意甜而酒精度數較高既，呢杯南高梅就非常符合我要求啦北海道半熟帆立貝$68北海道入口既巨型帆立貝燒至半生熟，外焦內柔軟，入口啖啖肉又多汁，連在殼上既湯都非常鮮味會令人念念不忘火炙平目魚邊$128平目魚邊油份比魚腩位更多，入口濃郁甘香，但又保持到爽脆既口感，好食芝士雞腿肉串$22/大蔥雞肉串$22上台既時候真係嚇親，因為份量是平常串燒的兩倍大大蔥雞肉串非常好食，蔥的甜配上多汁的雞肉真係無敵蒲燒鰻魚$38又係好大串好厚肉，而且冇骨，必點之一牡丹蝦刺身$48沒有想像中大隻，不過都好鮮甜兵庫蠔$48日本生蠔出名creamy，呢隻都係，鮮甜得黎唔會有過鹹既海水味牛油果拉麵$108拉麵就食得多，但係配牛油果真係冇試過呢個湯底熬製到奶白色，濃郁一點也不輸拉麵店的湯底！最特別係每碗拉麵都用熱石奉上，可以更好地保持湯底溫度雖然好吃，但可惜係牛油果好像同拉麵唔算太夾，喜歡牛油果既人都可以一試以後就算掛住日本

整體來說，食物不算好有驚喜，不過不失，但價錢有點太貴。花魚燒一夜干好鹹，有少少好似食緊鹹魚咁嘅感覺，唔係好值得咁貴。黑蒜拉麵又係一般般，豚肉好鞋口，湯底唔係好濃郁。生蠔又係偏貴又唔係話特別大隻，係配柚子醬汁嚟食，個味道帶點特別，但都係偏貴。總之，唔係想像中那麼好食，餐有啲調高嚟賣嘅感覺。我相信係其他香港的日本餐廳用同樣價錢可以吃到更好味的，有點失望。不過，服務態度真係值得一讚，店員都很多笑容很有禮貌。

今日去左間幾好氣氛的居酒屋，同朋友食少少野，飲返兩杯都唔錯，值得推介。大阪燒餅 $88暖笠笠的大阪燒餅，面層仲有好多木魚絲，扭吓扭吓，見到都想食。一啖食落去內容豐富，啖啖雜菜仲有不同配料，有層次的口感。味道絕對跟足日本傳統，可惜份量唔算多，double size 我都應該食得曬，因為真係超好味。生啤 $60此情此景，當然即刻啤啤佢，係來自 japan 的生啤。花魚燒一夜干 $88除左燒餅，去居酒屋我最喜歡食一夜干，貪佢夠曬風味。用鹽醃過的魚干，燒起上來又咸又香。表面香脆，但魚肉又一D都唔會乾。加點檸檬汁吊吓味，豉油都唔使點就食得。配上冰凍啤酒，真心冇得彈。花田鍋 $168見個名幾得意，叫來試試，原來係豚腩什菜㷛。一大盤娃娃菜排得好靚，仲有好多粟米同菇。中間夾雜著豚肉，真係成個盛開中的花田咁。湯底係濃濃的豬骨湯，冇味精好清甜，蔬菜索曬個湯底真係好美味。豚肉係腩位，半肥瘦，又香又滑，滾起真係好香。仲配上秘製的辣汁，點少少越食越滋味。店仔細細，但佈置同裝飾都好有心機。全晚播住日文歌，加上夠人氣夠旺場，好味又有氣氛，會再來。

今日同老公行過九龍城諗住食泰國野，點知經過呢間舖頭就被佢既裝修吸引左，因為真係整到好似日本既居酒屋咁。一入到去個環境真係好舒服，感覺上夜晚同朋友喺度飲下野傾下計會好chill！因為我地大約12點就到咗所以都唔係有好多人，menu方面有午市套餐同埋 a la carte。老公見到佢有幾款拉麵就即刻決定左要自家制黑蒜拉麵；而我就點咗a la carte既鐵窩醬汁烤雞飯。另外我地仲叫左個好開胃既芥末海老餅同埋串燒併盤，可以咩都試啲。過左冇幾耐就上咗個餅，原來個精粹係喺個用蝦、芝士同埋牛油溝埋既醬到，咸咸酸酸咁好開胃，加埋已經有少少味既餅真係好啱飯前食！過多一陣串燒就嚟咗，我地其實都留意到係個日本人師傅即席燒所以好香同惹味。首先豬腩肉燒得好香，一啲都唔肥膩；牛肉都係燒得岩岩好，因為牛味好濃所以冇太多調味都已經好好食；燒冬菇都係好香同埋面頭乾身入面juicy；最後大蔥豬肉串真係有日本既風味，師傅燒得岩岩好而又唔會太咸！等多一陣個拉麵就到咗啦，我同老公都好好奇點解會係咁出泡咁勁，到我地一夾起啲麵就明哂，原來師傅將一塊熱石都放埋入去，所以令到碗麵熱到出泡。首先個黑蒜油湯底濃而不咸，應該係真材實料用豬

今日朋友帶咗我嚟九龍城食呢間日本嘢😎😎 一入到去就覺得好似置身日本一樣，一律係高枱高凳加滿滿日文的橫額，就連廚師都係日本人!!! 見到好多日本嘅擺設， 和風感覺出晒黎🤗 好好feel!!呢度嘅set lunch真係好抵食，價錢平民但質素高!!! 午餐仲包埋飲品，可以揀汽水或者冷熱柚子蜜。 我哋嗌咗一人一個lunch set 再加兩個小食😋😋自家製黑蒜拉麵🍲 $68一上台就聞到超濃嘅黑蒜味， 個湯係真係黑色㗎!!勁香😎 麵質彈牙， 掛湯力十足， 加埋片叉燒 ，好有日本風味😆 正!滑蛋鰻魚窩定食🐟 $78半熟嘅滑蛋，冚住咗下面一大大片肥美嘅鰻魚 🐟鰻魚嘅份量都算多，令人一啖接一啖!! 啲餸唔使慳住食😂火炙平目魚邊🐠平目魚本身油份高，只要用火槍輕一燒就可以將啲油香迫曬出嚟 😍😍😍超級超級好味!!! 再配上咗特製嘅芥末醬，襯托咗魚油嘅香味，加上半熟食落依然彈牙，我地都細細啖咁品嘗，唔捨得將佢食曬!!!要慢慢歎 😂😂睇落去好似好細分，不過食落都真係有成條魚咁長!!! 絕對對得住$128蚊呢個價錢 👍👍大推!!!花魚燒一夜干 $88花魚燒大大條好抵食，無論那你早酒或者送飯都係唔錯嘅選擇! 而且魚骨

生活太過繁忙，抽唔到幾日時間去日本旅行，但係又好掛住日本嘅居酒屋，所以就去咗九龍城浜滝。雖然店子少少但係裝修非常型格，十足十日本有型有款嘅居酒屋。好有feel。去居酒屋當然要啤啤佢，再叫幾款佐酒小食把酒談心。原來廚師係正宗嘅日本師傅，而且有多款佐酒小食選擇。我哋order左串燒、壽司、浜燒等等。果然係日本師傅嘅手勢，味道非常正宗，烤串燒嘅時間掌握得相當之好，一百分。安康魚肝亦都做得好有日本風味，香港難得。 燒芝士年糕係一絕，強烈推介。

小姐今日好乖，我應承帶佢出街食飯，我問佢想食咩佢話想食日本野。近近地帶咗去九龍城，發現一間非常日本居酒屋feel嘅日式小餐廳。叫咗幾樣小姐啱食，我又啱食嘅。 首先，強烈推介烤芝士年糕，呢度烤得相當好，外面有少少脆，裏面嘅芝士係拉斯嘅，真係超級好食，小姐食完一個仲即刻再要order多一個呢。另外大阪燒亦都好正。除咗個樣做得好靚之外，醬汁惹味，內裏棉密，喺香港食過咁多間大阪燒呢一間絕對係最好食嘅。壽司、同埋其他串燒都做得不錯。最緊要小姐食得開心，媽媽又唔使操心。 漢堡雞肉串，點日本雞蛋汁，幾新奇又好味。芝士雞肉串燒，皮脆肉嫩芝士多！

cp值低，雖然廚師係日本人，但係味道真係一般......半熟吞拿魚有根，咬到一半就要吐出來🤢🤢拉麵個湯底唔熱，個面仲要係硬嘅其它菜式都認真麻麻地☠️☠️☠️環境好重油煙咁，根本唔想坐耐d傾計，一食飽就想埋單走人...上菜速度都仲算ok，可能本身間餐廳都冇乜人，唯一嘅好處就係service唔錯，都有耐性解析個menu價格一d都唔平，而味道同環境真係唔值呢個價錢，需要大大提升～絕對唔會再返轉頭，列入black list

每次去hamataki都只吃拉麵，十分好，麵同湯都是上等的，唯獨配料不足。今次膽粗粗就試左個蛋加海膽，是$198。海膽不新鮮，仲要加啲唔知咩醬汁想蓋過海膽的不新鮮！唔及格。夠膽收我$198。唉！人人都話是日本師傅主理乜乜乜就讚到天花龍鳳，好多高質既雲吞麵夠係香港師傅啦，你唔讚？日本人理應對餐廳一事一物講究十足，但我完全睇唔出，今次張檯，一入到去就發現有烏蠅在餐牌上，很過份。還有，廁所是不潔，我應該不會再幫襯了。

#九龍城sis 比較早既時間去吃晚飯 店員好用心介紹每一樣店舖既主打食物 種類都幾多 以海鮮 刺身 燒物為主-半熟炙燒龍蝦 $368 肉質幾厚 輕輕用鹽調味過 彈牙得黎又帶點刺身既鮮甜 配埋上面個海膽食好creamy 龍蝦頭燒得好香 一邊仲好多蟹膏同埋肉😋-味噌蠔土手鍋 $168 鍋邊有味噌 係係佢滾既時候會滾落去個湯度 味噌味同蠔好夾 蠔新鮮無腥味 追加左個烏冬 份量都好大加埋啲野菜同菇 飲埋啲湯都幾飽架-北海道半熟帆立貝$68/1肥美既扇貝 鮮甜 一啖扇貝一啖海水 好滿足啊整體而言呢間餐廳既海鮮都幾高質 可以叫埋清酒慢慢享受下日本居酒屋既感覺🍶 -浜滝 (九龍城)九龍城福佬村道59號地下A舖