浜滝

營業中

休息中

生活太過繁忙，抽唔到幾日時間去日本旅行，但係又好掛住日本嘅居酒屋，所以就去咗九龍城浜滝。雖然店子少少但係裝修非常型格，十足十日本有型有款嘅居酒屋。好有feel。去居酒屋當然要啤啤佢，再叫幾款佐酒小食把酒談心。原來廚師係正宗嘅日本師傅，而且有多款佐酒小食選擇。我哋order左串燒、壽司、浜燒等等。果然係日本師傅嘅手勢，味道非常正宗，烤串燒嘅時間掌握得相當之好，一百分。安康魚肝亦都做得好有日本風味，香港難得。 燒芝士年糕係一絕，強烈推介。

小姐今日好乖，我應承帶佢出街食飯，我問佢想食咩佢話想食日本野。近近地帶咗去九龍城，發現一間非常日本居酒屋feel嘅日式小餐廳。叫咗幾樣小姐啱食，我又啱食嘅。 首先，強烈推介烤芝士年糕，呢度烤得相當好，外面有少少脆，裏面嘅芝士係拉斯嘅，真係超級好食，小姐食完一個仲即刻再要order多一個呢。另外大阪燒亦都好正。除咗個樣做得好靚之外，醬汁惹味，內裏棉密，喺香港食過咁多間大阪燒呢一間絕對係最好食嘅。壽司、同埋其他串燒都做得不錯。最緊要小姐食得開心，媽媽又唔使操心。 漢堡雞肉串，點日本雞蛋汁，幾新奇又好味。芝士雞肉串燒，皮脆肉嫩芝士多！

cp值低，雖然廚師係日本人，但係味道真係一般......半熟吞拿魚有根，咬到一半就要吐出來🤢🤢拉麵個湯底唔熱，個面仲要係硬嘅其它菜式都認真麻麻地☠️☠️☠️環境好重油煙咁，根本唔想坐耐d傾計，一食飽就想埋單走人...上菜速度都仲算ok，可能本身間餐廳都冇乜人，唯一嘅好處就係service唔錯，都有耐性解析個menu價格一d都唔平，而味道同環境真係唔值呢個價錢，需要大大提升～絕對唔會再返轉頭，列入black list

每次去hamataki都只吃拉麵，十分好，麵同湯都是上等的，唯獨配料不足。今次膽粗粗就試左個蛋加海膽，是$198。海膽不新鮮，仲要加啲唔知咩醬汁想蓋過海膽的不新鮮！唔及格。夠膽收我$198。唉！人人都話是日本師傅主理乜乜乜就讚到天花龍鳳，好多高質既雲吞麵夠係香港師傅啦，你唔讚？日本人理應對餐廳一事一物講究十足，但我完全睇唔出，今次張檯，一入到去就發現有烏蠅在餐牌上，很過份。還有，廁所是不潔，我應該不會再幫襯了。

#九龍城sis 比較早既時間去吃晚飯 店員好用心介紹每一樣店舖既主打食物 種類都幾多 以海鮮 刺身 燒物為主-半熟炙燒龍蝦 $368 肉質幾厚 輕輕用鹽調味過 彈牙得黎又帶點刺身既鮮甜 配埋上面個海膽食好creamy 龍蝦頭燒得好香 一邊仲好多蟹膏同埋肉😋-味噌蠔土手鍋 $168 鍋邊有味噌 係係佢滾既時候會滾落去個湯度 味噌味同蠔好夾 蠔新鮮無腥味 追加左個烏冬 份量都好大加埋啲野菜同菇 飲埋啲湯都幾飽架-北海道半熟帆立貝$68/1肥美既扇貝 鮮甜 一啖扇貝一啖海水 好滿足啊整體而言呢間餐廳既海鮮都幾高質 可以叫埋清酒慢慢享受下日本居酒屋既感覺🍶 -浜滝 (九龍城)九龍城福佬村道59號地下A舖

想試呢間浜滝好耐，每次經過見到佢閃亮招牌🌟同繽紛既門口🌈 不過睇到佢餐牌唔似係孤獨的美食家friendly幸好今日拉埋同事一齊黎👬6點零黎到, 啱啱開舖, 無難聽既郁世媽瀉🇯🇵 只有簡單問你幾位隨便坐🙆‍♂️ 舖頭門外同個名似足拉麵店🍜 但入面高枱高櫈同埋bar枱似足居酒屋；結果係兩樣都有得食，打開典雅簡潔menu，點咗幾樣小食同個鰻魚飯🍚鐵窩鰻魚飯竟然係最快上🤨 成碗熱辣辣🔥食鰻魚飯最忌無溫度，啲魚入面會有種鯹同泥味出黎，但今次出晒煙啲鰻魚油同軟熟既魚肉溝埋一齊放入口就ichiban👍海膽芝士玉子燒🧀🍳係我好期待既😻賣相無得輸，四楷玉子斜排好，一塊海膽同芝士舒服咁躺在係蛋面，搖搖欲墜咁🥴 但入口有啲失望，海膽比蛋既熱力影響，略帶腥味，芝士又同海膽搶，失咗平衡😵再黎炸忌廉薯餅🥔 反而係搶分驚喜，兩塊餅開半，入面有熱盪盪既忌廉溝蟹肉🦀 表層又炸得妥當，炸嘢既脆同饀料既溫熱都兼而有之😍搞笑地，五色刺身最後到😒 但異常出色😛 鮮蝦彈牙，生蠔混咗蔥醬清爽，帶子厚，而海膽係低溫下食到佢既鮮，三文魚🍣就👌🏻渣車又要踢波就無飲啤酒，唔係配埋啲小食都真真👅👅 埋單嚇左一嚇，兩個人無飲酒都差唔多八百，食得

我們相約在兒童節品嚐一頓日式晚餐。我們年紀不輕，但童心永在。小吃方面，我們點了一份秘制炸雞。份量不多，為解解饞算不錯！炸雞外皮香脆，裏頭雞肉多汁、細嫩！主食是拉麵，我們品嚐的是極辛辣地獄拉麵。它共有1-100倍辣度供客人選擇。我們抱著無懼的精神，勇敢一試15倍辣。本以為15倍辣度應該不會太地獄，但其實已經非常辣，雖未致臉紅耳赤，但已經辣得嘴唇發紅。為解辣，我們點了一瓶日本綠茶汽水。喝進去會發現味道跟可樂糖十分相似，基本上沒有綠茶的味道！

九龍城食肆林立 雖然出名食泰國野 但都有不少日本餐廳 呢晚就揀左呢間日本居酒屋門口既閃燈很奪目侍應招乎我地到二樓 經過既長樓梯 放滿左日式公仔肚餓 揾d飽肚既野食住先 北海道帝王蟹長拉麵呢個麵制作需時 因為個蟹腳真係即時燒既賣相超吸引長長既蟹腳 連個碗都唔夠放 蟹捧啖啖肉仲有我最愛既流心蛋🤤拉麵夠煙韌碗麵食到最後 都係熱既 靠既就係呢粒熱石了三色刺身 $138新鮮 肥美 厚肉 呢個價錢食到 都幾抵冷豆腐夠冰凍花魚燒 一夜干$88呢個又係抵食之選 魚大條又多肉之後點左d燒物菠蘿好juicy 鐵板燒近江牛舌香口又野味鰻魚串雞翼 皮很脆

今日經開九龍城，之前係網上有人推介呢到個燒龍蝦好正，所以突登黎試下。門口店舖雖然好似好細，但係入面都可以坐唔少人，而且仲好熱鬧。餐前小食叫左個炸雞及三文魚刺身，唔算話好特別，不過炸雞🍗起碼無炸到好乾身，都算唔錯。然後再叫左呢個花魚燒一夜干，呢條燒魚燒得好正，魚肉好嫩滑，燒完魚肉都仲可以保持到唔乾身，好難得，大家黎到都可以一試。兩個主食都唔錯，豚肉拉麵豬骨湯好濃味，拉麵亦爽口彈牙。而個醬汁烤雞飯就無乜特別，不過雞肉都醃得幾入味。最後當然唔少得呢個海龍燒，專登為佢而黎，真係無介紹錯，龍蝦好鮮，肉質好爽，而且海膽亦好鮮甜美味，好正！

早排有同事介紹九龍城有間日本野唔錯，今日終於得閒黎試下。雖然間舖唔係好大間，不過入面都有六七張枱架。環境都唔錯，好有居酒屋感覺。一黎到就叫碟刺身試下先，都幾新鮮唔錯。我就叫左呢個豚肉拉麵，端上枱d湯仲好滾熱辣辣，食食下先發現原來裡面放左粒熱石，不停滾住d豬骨湯好入味，而且拉麵煮得岩岩好，唔硬唔林。朋友就叫左呢個雞扒石頭鍋飯，粟米多到好似唔洗錢咁😂雞扒d醬汁好入味，而且雞肉好嫩。呢碟花魚燒雖然佢係燒，但係入面魚肉一d都唔乾身，非常之好味！最後重頭戲叫左呢個海龍燒，龍蝦非常之新鮮，而且龍蝦肉上面舖左一大舊海膽，夾埋黎食真係完全估唔到原來可以咁夾，下次可以再返黎幫襯呢個海龍燒，用心之作，好正！

今日去左九龍城搵食💁🏻‍♀️今次終於唔係食泰國嘢, 係食日本野😆見到呢間居酒屋門面幾靚, 就入咗去食~~鋪頭入邊都係高枱吧櫈仔嘅形式, 感覺比較休閒, 幾岩坐低同朋友輕鬆傾下計👭食物方面都好多選擇, 壽司刺身火鍋串燒叫勻晒, 好豐富🤤💁🏻‍♀️火炙平目魚邊依樣係我最推介, 入口即溶, 好好食! 👍🏻💁🏻‍♀️鐵板燒牛舌雖然係薄切嘅, 不過食落都彈牙😬💁🏻‍♀️近江牛鍋幾特別佢係辣嘅, 仲可以追加葡萄豚, 廣島蠔, 近江牛, 同埋烏冬~~

九龍城一向多好嘢食，今日我就試咗呢間居酒屋浜潼⛩，佢都幾沖繩style🇯🇵，有海葡萄🍇，沖繩水雲，不過都仲有好多其他嘢食㗎，有鍋物，拉麵，壽司，刺身，串燒等等貪心嘅我每樣都叫咗啲😛，最好食最要推介嘅係火炙平目魚邊🐟，即係我哋平時叫開嘅左口魚裙邊，真係好好食呀，入口即溶🤤🤤，份量都唔少，一人都有兩條㗎，每條都仲要唔短㗎🤭叫咗幾舊壽司🍣，雖然蟹膏壽司🦀個賣相就唔係幾靚，不過蟹膏食囉食落都係冇得輸嘅👍🏻串燒方面都幾好，試咗串燒鰻魚，同雞頸骨漢堡串🐓，雞頸骨嗰個幾特別，識落幾有口感😋另外仲叫咗個近江牛鍋🐂，佢唔係平時壽喜燒嘅湯底，而係辣味嘅湯底🍲，幾特別，另外追加左烏冬，烏冬份量好多啊，我哋都食唔晒呀🙊

這天去九龍城的法國醫院探望剛生小寶寶的友人，也剛好可以和朋友們吃個飯相聚一堂。因為其中一位不能吃辣，所以我們便找泰國菜以外的餐廳。走著走著，看到這家日式居酒屋。如日本居酒屋一樣，喝一杯再吃點佐酒的美食，閒聊一下。 餐點如下。我們點了個三色刺身，其中包括了三文魚、帆立貝和牡丹蝦。刺身的份量也不少，而且十分厚切。三文魚表面的油脂確十分吸引，吃下去有棉密口感。牡丹蝦入口十分彈牙，而且有海鮮的鮮甜味。帆立貝清甜，配上檸檬汁更顯鮮味。花魚燒一夜干 樣子十分吸引了，魚燒至金黃色，魚肉帶有咸香，但又不會像咸魚般老，可以吃到柔軟的肉質。他們家也有不少的壽司選擇，不用怕只是單品而不夠飽肚。最喜歡是牛油果芝士三文魚卷，香滑口感加上肥美的三文魚，天衣無縫呀。還有花之戀也是十分的美味。

今天剛好和男友到九龍城，每次來到九龍城必定會吃泰國菜，不過今天竟然看到居酒屋感覺濃厚的浜淹。他們家食品的選擇很多，單單是壽司也有60-70款。食品方面，有串燒、小吃、鍋物等。三色刺身(三文魚，帆立貝，牡丹蝦)刺身新鮮而且厚切，三文魚色澤鮮豔且肥美，吃下去油脂十足。而帆立貝配上檸檬，更顯鮮味。牡丹蝦彈牙香甜。辛味近江牛鍋用上日本國產三大黑毛和牛之一的"近江牛"，牛肉脂肪比例配合，吃下去入口即溶。很少有辛辣湯頭，十分特別呢。壽司方面也十分精美。花之戀壽司肥美的三文魚加上甜美的蟹籽，是充滿層次的口感。火炙左口魚邊壽司，經過火炙魚油緩緩滲出，層次豐富，濃郁甘甜。鰻魚壽司，鰻魚也是十分的肥美。牛油果芝士三文魚卷，三文魚加上牛油果豐腴，忌廉芝士香滑，味道豐富。

今次嚟咗九龍城，食咗一間裝修風格走木系元素好日式嘅日本餐廳！北海道馬糞海膽海膽配埋飯同紫菜，份量雖然唔算多，但海膽質素都算尚可！紫菜脆啲會仲正！生蠔日本號來講呢隻都算大隻，鮮甜！近江和牛肉味同油花都係一流，所以價值不菲！雞翼皮脆肉嫩，中規中矩！雞軟骨同市面串燒店質量差唔多都係脆卜卜，好趙口！炸雞呢個幾特別，似係用天婦羅式嘅做法！飲品沖繩Orion 生啤，呢個生啤係店員介紹，味道比較淡身，易入口！柚子蜜梳打