浜滝

營業中

休息中

黎到九龍城，一處離市區偏遠既地方，竟然發現一間食日本野既小店，別有一番驚喜。環境方面小店環境裝修都好日本化，有多張日本為主題既相貼係牆上，真係好似返左去東京咁。係九龍城都有日本feel食物方面燒鰂魚，食落非常肥美，好有魚既脂香味，口感彈牙，鮮味十足。拉麵方面，麵質偏硬，但可以叫廚師煮軟啲，食落就不過不失，而個帝王蟹拉麵就值得推介，有一大舊蟹柳，好厚肉美味，仲有個Bouns蟹腳好足料。串燒方面，串燒最重要就係火喉同調味料既比例，反而食物本身質素無咁重要，因為一般都係會比重度既調味蓋過。呢間既肉類睇落都算新鮮，調味火喉都唔差，大家可以一試。壽司方面，今次就無試到了，但見到隔離枱都有食，望落性價比幾高。