浜滝

營業中

休息中

九龍城一向都係云集美食嘅地區，除左泰國野，其實日本餐廳都唔少。今日就去每次經過福佬村道都會比佢招牌吸引嘅居酒屋！風味小店，我地坐喺樓梯隔離張枱，自成一角都幾好。間舖內外裝修都好有日本風味，老闆都似半個日本人。今日我地食【半熟依勢海老燒套餐】🦞燒龍蝦整得好嫩，上面仲鋪左海膽，正！略嫌龍蝦肉少d，太好味好快食完😅一蝦兩食，我覺得跟個粥才是精華所在！用龍蝦頭加龍蝦湯煲，超鮮味！都加左椰菜同本菇我一啖湯都冇食淨😂另外叫左幾款串燒同大阪燒，都唔錯。尤其串燒蠔用腐皮包住，做法有驚喜。今餐食到非常飽，滿意

入到去環境好舒服，餐廳職員服務態度好好🤘🏻同職員傾傾吓發現，原來老闆係日本人🇯🇵~~~令我非常期待今餐啊‼️‼️🔺鐵鍋明太子三文魚飯 $88呢個鐵鍋飯，冬天食真係一流，飯上面有好多明太子醬，撈埋半熟嘅三文魚一齊食，感覺幾正😍🔺花魚燒一夜干 $88條魚好大條🤟🏻超岀預期幻想。魚中間有兩條長骨，師傅教我哋可以挑起兩條長骨先食，咁就可以啖啖肉啦！呢款魚係出面好少見，估唔到魚質又幾好滑，真係啖啖肉，冇乜骨，燒得幾香🥰😍

之前係OpenRice 感謝祭成功搶到浜淹既$20 伊勢龍蝦海膽同埋龍蝦粥套餐，期待咗好耐終於俾個機會我哋黎第二次🤘🏼<龍蝦餐🦞>龍蝦新鮮彈牙，配合埋甜到漏嘅海膽，好掛住日本🥺 雖然份量唔多，但係就有好幸福嘅感覺！個龍蝦粥味好濃亦都有好多膏 啱晒鍾意食龍蝦嘅你💕<火炙平目魚🐟>上網見到好多人推薦呢個，猶豫咗一陣都叫咗，魚肉油脂味好重配埋酸汁同埋山葵，係一種特別嘅味道，好食😋<串燒🍢>叫咗普通款嘅鰻魚同埋柚子雞串，味道都幾好但相對來講就冇頭先我講嗰兩種嘢食咁出色<一夜干🐡>埋門叫多個一夜干，完全估唔到份量會有咁多，有少少失預算，睇相都見到勁厚肉同埋Juicy🤤 推薦！題外話‼️老闆係特登sponsor OpenRice出呢個感謝祭去陪伴大家渡過疫情，成個餐真係淨係收$20 連+1都唔收絕對有誠意，所以我哋都叫咗好多嘢食支持老細💞 一路睇住日本電視報導緊泰國示威既新聞。。老闆仲寫咗張咭仔黎歡迎大家so sweeeeet a mi ga dor ~~~ 大家要黎支持下啊 絕對係一間出色嘅居酒屋🍶✨

已經bookmark左哩間食店很久,遲遲未能探訪,今次因為要到九龍城便預早一日book位,到達店舖其實未到預訂時間不過店員都比我哋入座👍👍點了五個食品...一心想來試拉麵...點了牛油果拉麵及黑蒜拉麵....友人覺得牛油果拉麵好好味...我試了一口湯....覺得味道偏淡...無咩特別我碗黑蒜拉麵我食唔到有黑蒜味😣😣難道我的味道有問題？店員介紹季節性秋刀魚刺身...鮮甜...最特別係自家制用來配搭刺身既汁...令刺身鮮味再上一層😋😋魚骨店員會幫忙炸脆再成一道小食..可惜一咬落去😣😣淋既？豆腐冰菜沙律...可能是預先整好放雪櫃....豆腐硬了...成個沙律各種材料只有各自本身既味道....好像不能混合成一個沙律似的火炙平目魚邊...友人特別喜歡...魚邊既肥美...入口即溶總概來說我會再來試試其他菜式...希望以上既食品會有改善

說起九龍城通常都會想起泰國菜✨但除了泰菜，也有不少隱世日本料理🎌今天要介紹一間日式居酒屋🏮無論裝修至佈置，都跟日本當地的居酒屋沒有太大分別，餐廳有上下兩層，下層較逼狹但更有日式居酒屋的感覺🇯🇵#半熟依勢海老燒套餐 $588飲90707這個套餐包含了一蝦兩吃的餐點，首先第一道菜是海龍燒！😍將新鮮龍蝦起肉，放上一大片海膽，再用火槍燒香表面，所以龍蝦肉🦞還是半熟的狀態，由於龍蝦十分新鮮的關係，所以十分鮮味和有咬口🥰海膽十分鮮甜😋表面微微燒焦更添風味～味道小評分：😋😋😋😋😋/5#龍蝦粥完成第一道菜後，店員會把龍蝦頭拿回廚房煮成龍蝦粥～相比龍蝦粥，龍蝦湯飯更為貼切🤣因為還能吃到完整的米粒，而且湯底十分濃郁，滿滿都是龍蝦膏的鮮味！喜歡蟹膏類的朋友絕對會喜歡💕而且每份餐會配兩大碗龍蝦粥，以石鍋上桌，兩個人吃份量也十分足夠味道小評分：😋😋😋😋/5如果十分喜歡和想念日本居酒屋的朋友，這間絕對可以讓你止癮的一間～

芥末海老餅 $58芥末海老牛油果醬，加埋好脆嘅芝士餅🤩牛油果醬嘅質地係有少許顆粒感😋有好香而唔辣嘅芥末味🤤仲有櫻花蝦帶黎嘅海味🦐🦐口味極為平衡👍🏻推薦！大分火灸平目魚邊 $128原條平目魚邊，魚肉唔會鬆實，食得出來貨好好👍🏻👍🏻火灸後嘅魚油精華都係曬個碗度，好香好香🤤🤤加上一個酸酸哋嘅調味汁去中和番魚油嘅油膩感！唯一係食嗰陣較難分開魚邊，店家如主動提供刀具俾客人就更加好。不過無礙食物嘅美味😋北海道半熟​帆​立貝 $136唔洗多講，重點就係食​帆​立貝嘅鮮度同燒嘅火喉，兩大訴求都交曬功課👍🏻👍🏻記住飲埋個湯汁！唔飲等於食雞唔食雞皮🤨手燒白鰻 $128本身我哋想叫鰻魚串，但係店員推薦呢個。份量唔算多但係厚身，比一般鰻魚有咬口好多！係超爽口嘅魚肉🤤由於調味唔係燒汁，會食到更多魚味，出面唔係咁多見㗎😋😋冰蜆 $128蜆本身好大隻，講緊成64蚊一隻蜆，其實真係唔平🙊🙊但係食完唔會後悔！好有海鮮味，鍾意食蜆一定要試一次👍🏻👍🏻上面嘅醬汁係清爽嘅口味，突出蜆本身嘅味道，蜆肉好厚身🤭來貨新鮮先做到呢個效果！日本雞皮串 $16唔算太脆身，呢個可以唔洗叫。牛油果拉麵 $108特別嘅係入面有舊熱石，保持拉麵

禁堂食關係 好耐無係出去食晚飯難得放寬堂食 而不食魚生刺身嘅我變得會食男朋友大力推介要食呢間 叫我一定一定要試佢嘅_ _刺生🤫😋 (拉落去睇就知)👀預早book定枱 日本師傅寫左張卡☺️意思係 多謝前來光顧 讚啲野好食😋✨日本酒煮蠔 $88 3隻先食d熱野就試下熟蠔口感creamy 有左下面岩手蠔嘅對比 較為遜色✨岩手蠔 $78 1隻岩手蠔大隻新鮮 爽口 海水味濃 但金屬味偏淡 鍾意食美國蠔既 依個係升級既美國珍寶豪忍唔住叫多2隻🥳特別menu夏之旬✨鹽燒海老$88 3隻師傅推介 就試一試蝦殼可連肉食 加左鹽燒 突出蝦的鮮味 簡直鮮甜新鮮☺️✨葡萄豬豚肉$78以葡萄作飼料的豚肉，肉嫩味鮮，只需簡單烹調，已能盡現肉的高質，讓大家嘗到「豬肉有豬肉味」的真‧豚肉鮮香味道。師傅話要趁熱食 一食落口 入口即溶肥而不膩😭一定要試👍🏻👍🏻👍🏻✨雞肉漢堡串$28串雞肉漢堡食落有雞軟骨配蛋黃 沾上蛋黃既有口感使肉更加滑嫩男友大力推介 💫池魚刺身$299池魚刺身 喜出望外切到薄薄一片 食落去有口感 好鮮甜 薄身既味道會更夠同三文魚 吞拿魚 油脂肥美係完全唔同😭大家可以diy 加蔥加薑蓉 會有唔同口感😍唔同

首先員工勁唔attentive，我地入到去無人招呼，然後坐低係門口位後，一有人開門就有熱風，但同時又被冷氣吹住個感覺好差。坐係門口位又無店員主動望下我地需唔需要點餐。最後埋單嘅時候，仲要個員工話去食支煙先係咩意思我地超級無奈……個日中午時分去，想點串燒，但想點嘅4種有2種已經話賣晒….哩個鐘數似係無貨多D喎…之後點鰻魚飯，好普通但已經係成餐飯最好食而且價錢唔算特別划算。。。真係唔明點解咁多好評平時會話可一不可再，但而家會話一次都唔好試。香港太多美食啦，無謂浪費時間試一間咁嘅餐廳。

近期食過最高質嘅日本居酒屋🏮🎏基本上成餐都好滿意 同三兩知己飲杯酒談下心就perfect池啦 推薦大家一試😋.🔸火炙平目魚邊 $148🔸呢道菜係今餐嘅亮點 必點！今餐至愛🥰平時食刺身已經十分鍾愛平目魚 今次嘅呢款亦完全無令我失望 好！好！食！將魚邊切成一條 然後捲起 賣相十分吸引👅入口溶化 十分軟綿 燒過之後啲魚油逼哂出黎 油脂香無得彈😎👍🏻中間有特製wasabi 可以蘸少少配黎食 別有風味❗️推介 x 10000.🔸岩手蠔 $78/1隻🔸雖然等左成餐飯先黎 但等待係值得的 因為真係好好食🤤❗️隻蠔同我手掌一樣大 睇到已經心心眼😍大隻到我分左三啖先食得哂肉質勁creamy同厚 有海水味 食落嫩滑鮮甜 正！蠔上面仲配有醋汁啫喱同蔥花 完全將個味道昇華左👍🏻愛蠔者一定為之瘋狂🥰.🔸大阪燒餅 $88🔸係少有地我覺得好食嘅大阪燒！本身對大阪燒不是特別有好感 因為出面大多數都有頗重麵粉味但呢間很okay! 無我討厭嘅麵粉味之餘 仲十分鬆軟！食得出用料新鮮 醬汁亦恰到好處 仲有大量木魚 我個人幾喜歡💕.🔸近江牛柳串 $68🔸難得地一試貴價近江牛🤭 一串成七十蚊 當然要好食先對得住個價錢啦😎燒的火候剛好

晚上和老公到九龍城一帶覓食，之前看過網紅介紹，今晚來到浜滝，打電話先確認有沒有位，服務員有禮預留座位給我們。因為之前見很多食評介紹過，所以對食物和歺廳有些期待。看過歺牌，我們點了幾款必食推介，包括鹽燒雞皮：燒得香脆，伴酒一流！火炙平目魚背：喜歡魚油的人必吃，略嫌味淡燒鰻魚：肉質彈牙，可惜味道已經被醬汁蓋過。可能鹽燒更好近江牛沙津：牛粒很細，賣這個價錢🈶️點太過了半熟吞拿魚：沒有留很多印象五色刺身：不錯，但略嫌定價過高了白飯：點了白飯撈海膽，全晚至好食！特大青檸可楽：大大杯，抵飲總括：食物和服務都不錯，但又沒有網上所講得那麼驚世，食物質素和價錢不太成正比，偶爾試下無妨，九龍城區還有更多更好的選擇就是了

男友帶我來這家小店吃日本菜，裡面設計特別，很有日本居酒屋的風格，坐高凳，感覺熱鬧。我們點了三文魚刺神，三文魚腩無得輸！非常新鮮！一夜干大大條，店員建議我們先起魚骨，再吃。魚身非常大條，魚肉夠滑黑蒜辣麵是男友最愛，蒜頭很香，以為吃完會口臭，但實際上不 會串燒白鱔魚，雖然價格很貴，但店員極力建議，結果沒讓我失望。魚肉夠彈牙，跟以往吃的不同。加上醬汁，味道一流。男友還叫了一杯香梨蜜糖啤酒，我試了一口，容易入口。

今晚去咗九龍城陪朋友食日本野，搵左間門口吾顯眼嘅居洒居，入到去座位又吾多，搞到要人坐bar 檯，但吾緊要啦，見D侍應甘有禮貌地招呼，就將就下試吓囉D個係佢地嘅推介半熟燒龍蝦配海膽$368講真係覺得好似有D貴，因為只龍蝦吾係好大隻，又得四五舊，但食落又幾好味😋同新鮮，貴都有佢嘅道理！D個龍蝦湯就加多$100就有碗石碢熱沸湯，問心真係幾足料，又味濃，絕對要試吓石碢鰻魚飯$98不過不失，飯係珍珠米，仲有飯焦添，好香口，略帶不足少了點鰻魚汁😊仲叫了個前菜芥末牛油果蝦（$58）味道好特別，微微芥末香，配搭餅乾一齊食，好滋味！D個雞肉串配蛋，雞肉味香濃，雞蛋又滑，真係要試吓，不過有啲溜這間小店真心可以再去，不過價錢不是平民價埋單都$700多，但食材新鮮，服務態度非常好，都值得嘅。下次去一定要book 定位就可以坐得舒服啲

次次黎九龍城食嘢都好有驚喜，所以都好鍾意探索呢個平時少黎嘅地區。今次黎到呢間門口細細但樓高兩層嘅居酒屋🏮「浜淹」。大分直送火炙平目魚邊 （$128）平時食刺身，今次食熟嘅真係好唔同🤓，口感係有肉食嘅魚腩🐟，好滑又帶豐富油脂。調味落左酸汁同芥末。花魚一夜干（$118）餐牌上係$88嘅細魚，宜家得番大魚，不過黎到冇理由唔食啦🥢。條魚係勁大條😱，係成2cm厚嘅魚分開兩邊，真係淨係食呢道菜已經飽左7成！煎起兩邊，入面嘅肉仲係塊塊分明好滑嫩。水餃子（$38）水餃係豬肉做餡，皮唔算厚，🥟亦係用左酸汁調味，好開胃。柚子雞肉（$22）帶少少芥末，柚子味未算突出，🍗雞肉係超大粒而且係雞髀肉。燒鰻魚（$38）黎到呢度發現呢度嘅串燒份量頗大，好抵食。🍢鰻魚有四件咁多，品種係較為軟身，調味唔會過鹹。日本芝士年糕（$28）中間係軟糯嘅口感，🧀芝士感覺有啲似薯蓉咁棉。雞髀菇（$18）食咁多肉都唔食啲蔬菜點得，一串都好過冇🤪係好爽口嘅雞髀菇！呢度裝修好有居酒屋風味，老闆仲係日本人，而且平日夜晚都超熱鬧，九龍城人真係幸福

提起九龍城，好多人都只係諗起泰菜和火煱，但其實九龍城還有很多隱世美食，浜淹就是其中一間。店子地方不算大，但有着很濃厚的居酒屋的氣氛，令人心情放鬆和開朗。Menu上食物的圖片非常吸引，牆上黑板上的季節限定和厨師推介亦要留意，因為是店子每日由日本新鮮運到的海產，還有另一個夏之精選菜牌，總之就係樣樣都想試，最後揀左幾款刺身和熟食和好友一起品嘗。兵庫蠔$96~ 雖然唔算好大隻，但好滑嫩好鮮甜，配埋酸汁啫喱和葱碎，非常滋味。牡丹蝦刺身$96~牡丹蝦 口感細綿帶爽，蝦肉鮮甜彈牙，蝦頭的蝦膏豐腴甘香，好正呀!冷鮑魚$228~南非鮑魚即日新鮮運到，切成條狀，方便送入口中，肉質爽脆彈牙，無比鮮甜，正到不得了，好美味呀！手燒白鳗魚$128~火喉啱啱好，外面燒到金黃焦香，肉質爽滑彈牙，無論口感和味道遠比一般鰻魚為佳，加上白 芝麻和蔥花更加美味。火炙平目魚邊$128~平目魚即是左口魚，以柚子酸汁淋在平目魚邊再輕輕炙過，左口魚的油脂即時渗出，油份非常豐富，口感十分滑嫩，肥美爽口，魚油的香味加上柚子酸汁簡直是絕配，十分美味可口。魚餅$88~外面炸得金黃，非常香口，中間夾住一層軟糯的芝士，彈牙的魚肉加上流心的芝士，

無諗過九龍城會有咁好食嘅居酒屋！由前菜到串燒到炸物等等都好有驚喜....而且當晚招呼我哋嘅男侍應態度殷勤誠懇，笑客親切。大家記得訂位，去過幾次都座無虛席......