浜滝

營業中

休息中

唔多入九龍城，但係聽朋友介紹呢間浜淹好好食，係咁推，尤其是半熟龍蝦，就試下地方非常容易搵，就喺九龍城廣場行過去2分鐘，條街好多嘢食，都有車位，方便店主推介今日嘅時令蠔，北海道仙鳳趾生蠔，我從來末試過，但係上網一search就有，原來好出名，就試下，唔同平時食開嘅生蠔，呢款係特別鮮甜同creamy,個回甘味好勁，好彩有叫，唔係成日有得食主角出現了，我可以話係從來末食過咁好食嘅龍蝦食法，半熟，極鮮甜，加上佢特別地要配上海膽一齊食，出奇地夾，海膽亦好甘甜簡直回味無窮，但係呢個招牌，已經要狂推，唔怪得店員話一定要一齊食，千祈唔好分開食真係有化學作用店員好細心介紹2食，剩低係去煲粥，粥唔似平時香港人食嗰種粥，似湯飯多啲，配上新鮮嘅龍蝦，直程食到有龍蝦膏味，正再叫左個串燒牛舌，同埋近江牛，嘩，燒得好香，油份好夠可惜有揸車，試唔到佢哋啲清酒，睇落好靚，唯有嗌青檸梳打，又幾好喎，好大杯，食串燒好啱，好滿足，下次再encore

我自從九龍城有咗地鐵之後，我哋就去多咗九龍城食好嘢，除咗一街都係嘅泰國餐廳之外，今日我哋去咗一間幾高質素嘅日本居酒屋。龍蝦好新鮮，蝦肉係微微燒過嘅，龍蝦燒過之後，都有一種好獨特嘅香味，我相信佢哋就係想要呢一浸香味，面頭仲加咗啲海膽，加埋一齊食，好鮮甜。食完之後侍應就會過嚟問你個龍蝦殼同埋個龍蝦頭想點煮，我哋一個嗌咗煮湯，另一個嗌咗煮粥。個湯加咗少少洋蔥，金菇，煮埋一齊好似法國餐廳嗰種龍蝦湯嘅味道。個粥嘅份量都幾多，配上濃郁嘅龍蝦湯，好味。燒雞翼，店員講佢哋係用日本雞，雞皮燒得好趣，有少少鹽調一調味。燒牛舌，牛舌嘅厚度適中，咬落去啖啖肉。燒雞腎，特別要講一講佢面頭嗰個汁，好野味，出邊好少食到呢種調味。燒秋葵，落左少少鹽，幾清爽！呢個芝士年糕好出色，包住紫菜食口感好特別，會再encore !!!食串燒飲啤酒，爽丫！最後仲叫左忌廉薯餅，外面脆脆，入面軟滑，好鐘意😋😋

平時在九龍城約朋友食飯，大多以泰菜火鍋為主，要數到日本菜式的話這間餐廳一定係不二之選，除咗坐咪舒服價錢非常便宜，味道質素十分之有驚喜。這裏嘅服務非常之好，由於我與女朋友很喜歡寧靜，店經理特別安排咗我哋樓上一個寧靜嘅偏廳坐，令我哋可以好好享受美食之餘，亦都一個非常寧靜傾計嘅環境。食物方面：馬面魚兩食餐廳裏提供特色時令嘅魚生，每日都不同，視乎返日本嘅來貨,今次很有驚喜,試咗馬面魚刺身以及魚骨清湯什菜煲. 魚份量相當之大，肉質爽甜彈牙，魚油嘅香味慢慢從口腔裏飄出，配上店家特別配製嘅柚子汁，同魚肉非常之夾，魚味著口腔持久不散，係我近來食過最配搭好嘅魚肉刺身。兩食另一道菜就係魚肉雜菜煲，這道菜出奇地好味，魚肉嘅清甜已經完全融入的湯裏面，配合時令日本蔬菜以及店家秘製嘅香濃魚湯,這道菜係平凡得來令人驚喜,是咁多味餸之中最令我印象深刻的.龍蝦兩食在店員極力推介之下，當然有叫這個嘅皇牌菜色，龍蝦海膽燒以及係龍蝦湯飯。龍蝦係日本伊勢海老龍蝦，配上日本海膽，師傅特別在表面火灼幾下，入口之下，海膽魚龍蝦嘅味道非常之夾，鮮甜得黎唔會互相搶味，肉爽彈，係我近期食過最好味嘅刺身。龍蝦湯飯方面，除咗用新鮮嘅龍蝦殼去淆

一推門入去，似曾相識嘅感覺，勁似日本居酒屋嗰種煙霧離漫，又有啲焗，但嘢食嘅香味不斷衝埋嚟，推介伊勢海老燒，半生熟嘅龍蝦上面加多兩塊海膽，我選擇左兩樣同步放入口，呢個配搭足以刺激味蕾，正，之後龍蝦殼有兩個選擇，可以煮龍蝦粥或者龍蝦湯，咁我就兩樣都試啦，我比較偏愛龍蝦粥，超濃味；另外點咗大分直送平目魚邊，嚟到嘅時候有啲O嘴，因為我幻想中係一片一片，但佢捲埋一個魚餅咁，再加埋啲汁，超驚喜呢個又係勁推介；而串燒我推薦雞軟骨雞肉串，非常有口感。

之前試過九龍城北斗嘅omakase後，覺得質素唔錯，決定試埋隔離鋪嘅居酒屋🏮伊勢海老姿燒即係半熟龍蝦海膽，大大舊嘅龍蝦肉配上海膽，兩者都燒到半熟。半熟龍蝦肉鮮甜彈牙，見到部分嘅肉質依然保留到半熟半透明，十分彈牙。另外海膽都好甘香，配合龍蝦肉一齊食好夾。食完龍蝦海膽後，龍蝦頭仲會切半煲成龍蝦湯/粥。龍蝦粥以熱鍋送上，見到粥嘅顏色就已經覺得好濃啦。粥入面仲加左啲菇同菜入去煮，果然都好鮮甜。大分直送火炙平目魚邊將平目魚邊捲成一圈，經過火炙散發陣陣魚油香，十分肥美。平目魚邊肉質細嫩，一入口就慢慢溶化咁，留下一陣嘅魚脂甘香。配上柚子味嘅汁同山葵，可以減輕油膩感，無論係就咁食或者配上山葵，都各有滋味。 花魚一夜干花魚燒到金黃，魚身好厚好多肉。外面食落鹹香，夾開肉質依然嫩滑。

兵庫生蠔🦪生蠔相當出色，新鮮不在話下，仲好creamy，食落去超鮮甜。好推薦啊，連我平時唔係特別好蠔既都要再encore時令魚刺身-馬面魚呢度既菜式興煮兩味，刺身味道偏淡，配埋柚子汁又幾易入口。除左刺身，職員仲話可以幫我地將魚骨熬湯，魚湯好鮮甜，個味比刺身仲出，而且會配埋雜菜。一個送兩個食法，超值又可以試多個食法。蟹膏甲羅燒呢個蟹膏甲羅燒相當出色，我平時去親日本餐廳都會叫，但一直覺得出面好多餐廳調味會好重手，好鹹。呢度既甲羅燒真係必試，調味適中唔死鹹，又帶得出蟹膏既鮮味，而且裏面仲有蟹肉同櫻花蝦。強推啊！重頭戲-龍蝦兩食-燒半熟龍蝦同時令刺身一樣，呢個龍蝦都係兩食，仲好打卡able。一開始會將龍蝦做成半熟刺身，半熟既口感剛剛好，好鮮嫩，表面亦有燒過，更能帶出龍蝦既鮮味。同時燒龍蝦配以海膽同金箔，海膽鮮甜，一啖食曬龍蝦同海膽簡直係一個享受，兩者相得益彰，更能帶出大家既鮮甜。龍蝦兩食-龍蝦粥第二食就係職員會將龍蝦頭拎去熬湯/粥，我地就揀左熬粥。粥既份量都好夠，龍蝦頭一開二，煮到兩碗粥。粥既湯底好濃，好鮮甜，個粥會保留返個龍蝦頭，一樣都好打卡able。龍蝦熬出黎既湯真係無得頂，超鮮甜，粥裏面

好耐冇來呢間餐廳食野了～今日終於有時間再來食，同以前一樣，呢間滨滝啲員工服務真係一流，個個員工都好熟悉所有間鋪賣梗嘅食物同飲品，因為入咗去坐低之後，無論換咗邊位問一問啲食物問題，都可以講得出係有揀呀、點樣食最好、本期推薦食飲啲咩，仲有會反問番你有無話想要啲咩口味，切合番今日你想要嘅味道同胃口，所以啲員工培訓真係頂瓜瓜！咁入到就推介呢期食啲新鮮嘅飛機運送嚟嘅魚類，咁問咗我哋想今日要啲咩類型嘅口味，咁就答咗佢話想要啲唔太濃多油仲要有啲爽口嘅魚，之後聽完走入去問咗位師傅再同我哋推介番可以試吓食目仁奈魚，可以兩食咁添。就要咗佢啦，首先上咗條魚嘅刺身先，首先感覺係新鮮有鮮味，之後好似係近骨位啲肉質會較爽啲，再試吓啲醬汁，佢仲介紹埋係由高知縣出產嘅柚子醬汁，感覺上好釣味，但係我哋想保持佢種鮮味，所以繼續食啲刺身。淨番排骨會拎去煲湯，咁大個都未飲過咁好味嘅魚湯，好多鮮味走哂出嚟，又唔會整到好濃味，要等你飲到清新甜美嘅清湯！真係好正🤤🤤🤤仲叫左個我最愛～火炙平目魚邊～啖啖魚邊鬆油脂充滿於口腔，再加上加了芥茉，有少少辛辣，中和了油膩感覺，真係好好味😍另外叫了一個燒飯團🍙，第一次食，又幾特別，外脆內軟，鬆

🧡Please follow my IG : orororenji☆ 浜滝九龍城福佬村道59號地下A舖✦ 半熟龍蝦•海膽•龍蝦粥超！級！正！燒一燒過嘅龍蝦好香，半熟嘅肉質又有刺身嘅爽口彈牙，本身佢地用特製醬汁整成已經好好味，同埋海膽食又再鮮甜d，正(๑˃̵ᴗ˂̵)• 龍蝦粥食完龍蝦就會拎返d殼去，可以選擇煲粥/湯，我地就揀左粥，粥底好綿，好濃郁好鮮甜，入面仲有好多蔬菜、菇，增加口感之餘味道又豐富d，好味！✦ 花魚一夜干一夜干係將新鮮魚一夜風乾而整成，肉質會比起平時嘅魚實淨d，但依然鮮味十足，保持肉汁，起一起條主骨基本上就已經係啖啖肉，而且仲要好大條，都係必食嘅一個item٩( ᐛ )و✦ 佐酒七味魚翅又係我去居酒屋會叫嘅野，送酒一流！✦ 日式炸大腸食過好多唔同嘅炸大腸，日式就未試過，包左粉漿一齊炸，脆卜卜，好食。✦ 特大青檸可樂大大杯，好解渴。呢到分別有2層，地下就高枱位多，2樓就岩一班朋友食飯，地方唔算大但好有居酒屋氣氛，服務都好好，值得一試呀。

今次和媽媽去食飯拍拍拖，聊聊天，現在有宋王臺站來九龍城真的超方便，半個鐘就到！整晚聽住日本音樂，期待飛的一日😍人均：$572.半熟龍蝦·海膽·龍蝦粥龍蝦兩食，媽媽好喜歡！啖啖龍蝦肉配上甜美海膽，食完半熟龍蝦之後拎隻龍蝦煲粥/湯，我們都選了粥！食粥時，還可以食到龍蝦身的膏和肉，今次再食質素依舊！回味無窮！.日本汁煮水餃子在雞皮餃子掙扎一番，選了水餃子，簡簡單單成為食完龍蝦後的過場，繼續食！.大阪燒餅滿滿木魚絲，很多椰菜，非常有口感，加上燒汁，櫻花蝦，為燒餅增加風味。.大蔥豚肉串即叫即燒，小心勁熱，香脆油香豚肉配上清甜多汁大蔥，燒得剛剛好。.北海道直送半熟帆立貝用上牛油燒，加點蔥花，入口彈牙，鮮甜濃厚。.@hamataki__izakaya

和朋友於九龍城按摩後於附近尋找美食找到這一家日式餐廳餐廳內掛了很了日本裝飾和印有餐廳名子的酒播放住日文歌加上吧枱後的廚房傳來陣陣串燒的香氣整個環境令人感覺置身於日本三年來不能外遊去一趟「浜滝」思鄉一下和朋友點了一個大蝦拉麵和白鰻鍋飯拉麵送上時碗內有塊熱石令碗中的湯保持沸騰湯底非常濃郁和鮮甜大蝦亦都新鮮彈牙白鰻鍋飯非常足料總共有四大塊厚切的鰻魚肉非常滿足的一餐

回頭率好高既日式居酒屋😍😍😍食材新鮮，質素亦十分高店內食品酒類種款多，亦有多款季節限定空運魚料👍特別必食推介火炙平目魚邊 入口即溶，肥美但完全唔油膩 😍配埋酸汁食係開胃! 再加上自家製嘅wasabi 唔會太搶味又有提鮮作用 ！最緊要係個賣相原條上🤤 呢個係必食!另外推介酒盜芝士 呢個建議配上清酒☺️係佐酒小食 ! 芝士上有鰹魚蓉 有鹹香味夾埋紫菜食,食完之後飲一啖清酒清酒出左唔同味，我覺得甜左🤩 好神奇亦驚喜👍鎮店推介就係伊勢龍蝦海膽兩食 🤗龍蝦要夠新鮮先敢做到半生熟效果食完之後龍蝦頭 用黎煲湯或者煲粥 一樣超濃味 又夠大碗,食得勁滿足🤩呢間居酒屋絕對可以回頭！每樣野都好食/抵食 好難逐一分享,,仲要唔算好貴 所以等大家自己去證實一下😁性價比高🔥🔥🔥

9月生日月就快完❣️要將想食既都衝一下肥也是幸福胖·位於九龍城既浜滝主打日式居酒屋除左提供高級日式料理仲有多款特式創意料理務求令一眾食客感受不一樣既風味♡ 伊勢海龍燒（$698）極之誘人既半熟龍蝦· 秒吸晴兼瘋狂相機食先邊影相邊吞口水🥹龍蝦已經起左肉 · 呈現半透明既誘人狀態口感爽嫩鮮甜 · 配埋海膽真係不得了每口都是幸福感 · 係心情唔好食完會秒笑番系列♡ 龍蝦湯｜龍蝦粥以為食完龍蝦就完？店員會將龍蝦殼拎去煲湯或者粥香甜濃郁到令人瘋狂既龍蝦湯濃稠到不行 · 裡面仲有龍蝦肉｜菇菜令口感更為豐富♡ 大分直送火炙平目魚群邊（$148）係我最愛既左口魚群邊輕輕炙燒過 ·柔嫩而滿滿油脂感很喜歡芥辣帶來既刺激感平衡整體既油膩感♡ 芥末牛油果海老餅（$78）綿密細滑既牛油果球 · 帶輕輕既芥末味配上櫻花蝦增加風味口感而餅乾絕對唔係配襯品 · 增加咸香鬆脆最後係要舉手加餅乾😇♡ 松葉甲羅燒（$128）先加入鵪鶉蛋攪拌 · 令口感更滑嫩三文魚籽同櫻花蝦係口感嘅擔當最正都係濃郁既蟹香 · 在口腔裏久久不散༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：超推燒龍蝦 ·

😝在一番選擇下，小廚神與大吃貨來到九龍城，但是我們這天不想吃泰國菜，🇯🇵反而想吃一些日本料理。這間餐廳映入眼簾，我們便一試究竟。😉🇯🇵餐廳裝潢跟日本居酒屋相似，我們還以為自己真的到了日本呢！🥰🥰這裏串燒的選擇不少，🍡我們選擇了數種串燒，串燒的質素不差，但說不上令人回味。只是當中以豚肉蒜芯串最為驚喜！這令我們忍不住加點兩次！🧀此外，我們還點了芝士年糕。年糕十分煙靭，而且味道十足，令人回味萬分！🥩我們另外也點了牛肉沙律，只可惜只見沙律不見牛肉，這點令到小廚神非常失望，因為小廚神是牛肉愛好者，🥲是因為想吃牛肉而點菜的。🗿熱騰騰的石鍋飯味道不過不失。大家可以多吃串燒☺️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️浜滝 地址：九龍城福佬村道59號地下A舖電話： 23865055

呢間餐廳無論係FB定IG，Openrice又好，都應該係史上最多engagement嘅一篇，重要度比從前寫嘅一篇澳牛潮文更加好反應。可能因為上次無公開，所以有三千人問過，覆PM覆到手軟，今次我學精了，Tag地方啦，唔駛再留言問。再訪原因係因為有人未食過，而且有讀者話好似我介紹去後跌咗watt，又話menu無壽司食，咁一於行動證明，再試一次你睇，邊有啲blogger會咁，自己俾錢介紹完仲驚唔好再食一次你睇。半熟龍蝦海膽刺身加粥底，還是無敵。大分直送火炙平目魚邊還是肥美又精彩，當日飛機貨間白刺身好得，整個魚湯更完美。串燒如阿波美雞腿，酒盗芝士、芝士魚餅都係好得，今次我無食壽司，因為人少無咁刷得，但至少今次我自己黎，水準同上次掹衫尾差唔多，唯獨係價錢真心唔平，但久唔久食一次，ok啦。

食過依間居酒屋幾好feel，帶friend黎試下，今次坐高枱，牆身掛左張勁大既富士山poster，未食都有feel啦！Menu第一版已經見到正野！半熟龍蝦+海膽+龍蝦粥 ($698) 依個組合真係不得了，一定要試！龍蝦肉好厚好彈牙，果然新鮮，同熟既龍蝦個味好唔同，加埋海膽個味仲濃！個龍蝦頭會拎番入廚師整湯同粥，湯勁濃，個粥吸晒成個龍蝦頭既精華，好正🤩兵庫蠔$48 x 2 - 食蠔最緊要夠新鮮！淡淡海水味都ok油揚燒蠔串$48 - 依個幾特別，成個福袋咁，有油揚包住入邊隻蠔唔算乾身，熟蠔既味濃過生蠔添阿波美雞腿串（明太子）$48 - 正常發揮地獄炭氅鐵板阿波美雞腿肉$88 - 依個有驚喜！鐵板上夠晒熱，辣辣地好開胃，d雞肉又juicy，出奇地惹味浜瀧秘制炸雞$48 - 比起鐵板雞黎講依份雞既份量又幾多，外脆內軟，加日式沙律醬食好夾蔥吞拿魚腩薄脆$88 - 咁樣食法幾特別，不過味道可以重少少最中餅散壽司$128 - 打卡岩晒，個餅裝住壽司飯，上面有帶子同蝦，最面仲有海膽，全部都幾新鮮，而且好飽肚！日本純菜配白子豆腐$78 - 試下d香港唔大唔既野，純菜同白子豆腐都無食過！d菜要連埋啫喱食，