影片
更多
2022-10-13
101 瀏覽
今晚專程嚟到九龍城福佬村道呢間居酒屋食飯，門口可以泊車，好方便👍🏻👍🏻餐廳門口已經好有日本居酒屋氣氛，入到餐廳更加濃厚氣氛，加上一句日文「歡迎光臨」，正！望見餐牌都非常之多嘅選擇，款款都想食😛嚟呢間餐廳就必定要食「伊勢海龍燒」，侍應們都細心介紹及講解食法，專業👍🏻半熟龍蝦加上海膽，咁樣食真係不得了，龍蝦爽口彈牙，新鮮嘅味道，海膽嘅配搭一流，喺口腔有回甘嘅味道，超值得一試👍🏻👍🏻👍🏻食完呢道菜時，店員就將龍蝦頭再入廚房準備粥，同樣鮮甜好味，食完暖笠笠🥰聽到師傅介紹鯛魚刺身，都好想試，師傅用火槍將魚身輕輕一燒，令魚皮收縮更加彈牙，魚味鮮甜，配上自家制柚子醬汁，胃口大增！食完刺身後，廚房又會將魚骨煲湯，可以兩味食，抵啊！😜居酒屋當然要食串燒啦，我哋叫咗油揚燒蠔串，係用日本蠔，蠔味重，塞入福袋入面，好得意，醬汁甜甜，幾過癮。另外仲有厚切和牛牛舌/近江牛串，兩串嘅牛味都濃，牛脂滿足，師傅燒到剛剛好，唔韌唔老，好味道！！整體來講，呢間餐廳用料好，服務態度好，環境舒服，值得介紹👍🏻👍🏻👍🏻👍🏻👍🏻
餐廳門口已經好有日本居酒屋氣氛，入到餐廳更加濃厚氣氛，加上一句日文「歡迎光臨」，正！
望見餐牌都非常之多嘅選擇，款款都想食😛
嚟呢間餐廳就必定要食「伊勢海龍燒」，侍應們都細心介紹及講解食法，專業👍🏻
半熟龍蝦加上海膽，咁樣食真係不得了，龍蝦爽口彈牙，新鮮嘅味道，海膽嘅配搭一流，喺口腔有回甘嘅味道，超值得一試👍🏻👍🏻👍🏻
食完呢道菜時，店員就將龍蝦頭再入廚房準備粥，同樣鮮甜好味，食完暖笠笠🥰
聽到師傅介紹鯛魚刺身，都好想試，師傅用火槍將魚身輕輕一燒，令魚皮收縮更加彈牙，魚味鮮甜，配上自家制柚子醬汁，胃口大增！
食完刺身後，廚房又會將魚骨煲湯，可以兩味食，抵啊！😜
居酒屋當然要食串燒啦，我哋叫咗油揚燒蠔串，係用日本蠔，蠔味重，塞入福袋入面，好得意，醬汁甜甜，幾過癮。
另外仲有厚切和牛牛舌/近江牛串，兩串嘅牛味都濃，牛脂滿足，師傅燒到剛剛好，唔韌唔老，好味道！！
整體來講，呢間餐廳用料好，服務態度好，環境舒服，值得介紹👍🏻👍🏻👍🏻👍🏻👍🏻
張貼
