活一鮮

營業中

休息中

位於西環嘅活一鮮，聽朋友講午市好抵食，今次就嚟試吓佢個晚餐！小小嘅鋪頭有兩層，雖然鋪頭唔大，但係食客竟然都唔少，兩層都滿座，八點嘅鐘數都要等一陣！首先當然要食返個豚肉沙律清清喉嚨，豚肉淋，沙律配上麻醬，開胃！厚燒玉子，食落好滿足，充滿蛋香，而且加咗啲蔥花，食落有少少甜，但又無平時食開嘅玉子咁甜！特上活一鮮丼，滿滿嘅魚生丼，大大隻牡丹蝦，仲有三文魚、北寄貝、蟹籽、海膽等，份量都幾多，以呢個價錢來講絕對抵食！重點推介，北海道小川海膽！原盤上，自己鍾意一啖食幾多都得食落超鮮甜，一啲都唔腥！

今日經過呢頭，醒起有呢間日本野，於是入嚟試吓。平日嘅lunch Time都幾full，嚟到都要等大約15至20分鐘，可能因為呢度近大學嘅關係掛。-呢度嘅lunch set有魚生飯同埋其他熟食魚生飯就大概七十至百幾蚊不等。而熟食就平少少，鰻魚飯就應該係最貴㗎啦。-🥢帶子三文魚飯帶子得一粒，仲要一開四，食起上嚟冇咁有滿足感不過都算係新鮮嘅😁三文魚就有五片，而且切得比較厚身👍🏻但係三文魚唔係咁肥美，所以食落冇乜魚油香味，覺得麻麻地。呢度嘅lunch set除咗個飯仲包咗個前菜同埋麵豉湯。前菜係細細的沙律，味道一般冇特別。麵豉湯都係正常。-總括來講，以呢個價錢都唔應該有太大嘅expectation，質素都算中規中矩嘅，有機會嘅話會再嚟。

最鐘意食日本野，同朋友去上環嚟左食活一鮮，原來幾好食，下次會再嚟幫襯。鐘意食三文魚嘅我當然會叫三文魚他他沙律，份量都幾大，三文魚薄薄既外層係半熟，入面三文魚肉同脂肪紋好靚，食落好有三文魚既香味，配埋沙律菜好清新。睇相見日本岩蠔好大隻，原來實物真係超大隻，好厚肉又嫩滑，非常新鮮同鮮甜，一啲都唔腥，一定要試！好impressed!北海道小川海膽拆晒殼就咁筆嚟食，啖啖肉好滿足，好滑嫩好香好鮮甜。柚子面豉燒雞扒幾得特別，柚子味幾出，調味適中，食落唔會乾。黑松露帶子沙律有晒我最鐘意嘅兩樣材料黑松露同帶子，黑松露好香帶子好新鮮，正！

今日專登同家姐黎左好遠既西環食飯😍😍雖然地方比較遠 但睇OPENRICE D 相 好似不錯所以專登去試下依間日本野火炙三文魚菜包卷個食法就好生菜包肉碎咁, 但今次就係包三文魚三文魚就有D黑椒, 沙律, 青瓜,蕃茄同家姐包完, 你一舊我一舊, 食得好開心味道不錯! 仲好似好食過生菜包肉碎生菜包三文魚原來都咁好食仲有個鰻魚飯, 好想介紹一下有3塊鰻魚 2個玉子佢D飯係勁多鰻魚 好正!!!因為我係D重口味既人所以覺得岩岩好😚

📍活一鮮📍真係見到都想食！刺身好新鮮，海膽仲要原盤上，超鮮甜！壽司拼盤有唔同款，軍艦系列、玉子都有，足足12件！牡丹蝦大大隻，仲啜埋佢啲蝦膏添😭地址: 西環石塘咀皇后大道西503號地下

日本菜可以話係由細食到大，加上近年日本機票平過返大陸，而家係對日本菜有啲要求。以西環區黎講，選擇都好多，今次試呢間可以話驚喜吾大，正常一般既日本野。餐牌好多選擇，有4張足底面既A5紙，今次點了幾款壽司同魚生飯。整體黎講，壽司比魚生飯質素高好多，魚生飯既魚生款式都合理但份量吾算多，飯就比較硬同吾夠醋。壽司相當正常好多， 軟殼蟹手捲亦都唔錯。總結係推介壽司同手捲， 可以多試幾款。p.s. 需要加一同收信用卡的

中環收工後去左西環覓食，呢間小店唔算大，但好多人幫襯!! 座位的確有啲逼，如果For傾計吹水就唔推介了!!講番嘢食先，同友人兩個女仔order左幾款壽司，魚生薄薄一塊，厚度適中，而飯既量亦都恰到好處呢度既熱食都唔錯，銀鱈魚煎得好香，魚既肉質都好新鮮，有少少油分入口感覺良好

已經係第二次黎呢到食 四個人 嗌左一set壽司 一set刺身 同一碗牛肉烏冬 簡單晚飯岩岩好刺身set 味道新鮮鮮甜 特別喜歡佢既帆立貝刺身壽司set 相片影得麻麻 但好味 除左魚生好食之外壽司飯都整得唔錯 唔會好易散開或者過暖 最後嗌左牛肉烏冬 水準正常 純粹為飽肚 以食魚生同壽司既地方黎講 呢到既環境同性價比唔錯 今次簡單食晚飯四個人只係嗌左三樣野 如果想滿足地走就要再嗌多d野 亦都見到隔離枱即劏魚食 總之平有平食貴有貴食 十分好 一定會再黎

係附近返學，所以知道有間日本料理嘅餐廳午市set lunch極級抵食高質😍😍佢包一個湯同沙律 第一次黎食叫左牛舌定食，牛舌份量好足夠，牛舌好冧好好食，飯都夠香，有口感，食到最尾仲淨低好多牛舌😆😆😆之後就試過其他定食，鹿兒島和牛漢堡排定食，100蚊之內食到呢啲質素嘅漢堡排，有返咁上下厚度，大細，極力推介！都食過野菜牛肉定食，炸豬排，豚肉生薑燒，豆腐牛肉定食，全部都好夠份量，各有特色，唔會食完唔夠飽！😋😋如果唔夠飯可以加5蚊有半碗飯，不過見係學生都會裝多啲

都嚟過呢度食嘢食咗幾次啦，呢個絕對值得比一個好評。呢度唔係好大，有時要等位，想食嘅話可能要預等一等。上次叫咗一個三色自選刺身飯，我叫咗三文魚、海膽加吞拿魚茸飯。呢個飯買單都唔使$100 ，好抵食三文魚竟然係俾咗三大塊三文魚腩，海膽應該都有俾咗兩格，吞拿魚茸都好大對，好足料。分量對女仔來講啱啱好唔會太多，又唔會太少。味道方面三文魚好肥美食得出幾新鮮，海膽夠甜冇乜腥味抵讚，吞拿魚茸加蔥花好香。係有啲日本餐廳食嗰啲吞拿魚係會甩色喺飯面，呢間嘅吞拿魚就過關啦，冇甩色，證明係真嘅吞拿魚茸。環境方面因為係小店，所以座位唔多，如果要坐好耐想傾計嘅話，呢度就唔係坐得非常之舒服，但係如果想輕鬆食個晚餐嘅話都係唔錯嘅選擇黎嘅。

又係一間排哂長龍嘅日本魚生店，訂左位都等左十幾分鐘先可以入座。店舖有地下同樓上兩層，的的色色好有日本地道小店風味。刺身拼盤質素同份量都好豐富，七個人分享都夠食。牡丹蝦又大又新鮮，仲好黏牙。壽司同軍艦都好推介，特別是蟹膏軍艦都有幾款，一次過試哂唔同濃度同款式嘅蟹膏。基本上食物都高質味道好，蟹子沙拉，燒牛扒，sake煮蜆依d都基本得黎做得好好。特別想講下有個「雞腿骨腸仔」，真係有條雞腿骨喺入面架！好得意好新奇！唯獨係有幾款野食都賣哂，有小小失望同可惜。希望下次去到都食到想食嘅野啦！特別係荔枝煙肉卷！

平時食隔離果間日本野，今日試下呢間 《活一鮮》嘩！！飽到呢，估唔到呢個價錢，份量會咁多已經叫左少飯超新鮮三文魚魚生同埋海膽湯加沙律 $78海膽一啲苦味都冇三文魚有6片咁多真係大滿足喇！

第一年情人節在這裡吃，今年是第二年。希望有更多更多的年頭。味道沒變，依舊新鮮。變的只是店門通道的小木橋，拆卸了。刺身盛多款魚鮮，刀工很好，是一個大享受。海膽加飯，變成自製手卷。好玩也很好吃。壽司盛多款創意配搭，賣相精美。特別欣賞白魷魚加紫蘇葉，口感出眾。蟹羔軍艦我相信很陌生，但濃濃的鮮味迅速走遍口腔，一定要嘗一下！其他的都做得恰如其份，例如燒物一定要吃三文魚骹，油脂比例充分，能鎖住滑嫩的魚肉，外皮也燒得甘香。溫馨提示:送單時間稍久，尤其加單，建議盡早下單。我對活一鮮抱有高度謝意，能夠給我一個難忘晚上，而且重拾對壽司的堅持✊。手握壽司飯看出師傅的手藝以及店內的食物質素。每一口都不鬆散 。我會跟叮叮每年都會來，希望活一鮮都客似雲來。

Great quality sashimi at this small neighbourhood Japanese food store! I love the lunch sets here, you get a small salad, a bowl of miso soup and your kaisendon!I highly rate the Norwegian salmon belly and the scallops, they’re top notch 👌🏼 Other than that I also got a side of their seared salmon which was also 🔥

this place is ALWAYS full - perhaps for a good reason. They serve good sushi. So we were seated on the 2nd floor and the space wasnt exactly spacious - what do you expect at peak hour.So we ordered quite a number of sushi - SCALLOP, hirame (flatfish) and salmon sushi, softshell crab roll and an ell egg roll. ALL the sushi they serve were SUPERB!!! They came rather quickly but we kinda have to wait for the sushi cumbo. In my opinion, the combo they offer wasnt really a good deal because the size