活一鮮 (已結業)

朋友介紹話有間平靚正嘅日本嘢性價比好高，所以我就帶mama嚟食呢間北角小店活一鮮， 佢都真係幾隱世， 不過食好嘢永遠都要畀啲心機， 為咗食好西係值得嘅!首推呢個特上活一鮮丼，百零蚊有蝦有魚有海膽都不特止，仲有飛魚子蟹膏同帶子， 重點係佢激新鮮， 望住師傅喺個壽司吧遞出嚟，都真係幾有日本feel另外佢個帶子海膽蟹棒捲都幾正， 本身一上枱以為咁孤寒得一粒飛魚子， 點知一啖擺落口飛魚子嘅鹹味又真係啱啱好冇多冇少， 面頭粒帶子仲大過舊卷物， 蟹棒比例有大過舊飯，又真係幾抵食佢個厚燒玉子同紫心香芋丸都唔錯，價值合理，玉子有d蔥味唔會太過份甜，香芋丸 炸嘢嚟講唔算油膩，口感幾得意整體嚟講呢間隱世小店真係幾唔錯，價錢公道又高質， 荷包唔傷又可以氹到mama開開心心，讚!

高質心機小店!!!難得放假同friend子出街梗係想食D好嘢， 上網見到話呢間日本嘢好似幾唔錯， 鍾意捐窿捐罅食好嘢嘅我梗係唔放過啦~因為想叫多幾樣唔同嘢所以我哋叫咗一個主食share， 個人覺得呢個{牛柳粒蕃茄湯烏冬}幾啱女仔口味， 超濃蕃茄味又唔會太酸， 牛柳粒又唔會好硬， 同埋碗烏冬分量都幾多， 好彩冇一人一個主食啫xp仲有叫咗我最愛嘅黑松露，帶子上面鋪咗啲黑松露， 再有沙律菜墊底沙律， 清新得嚟又唔會好寡，我自己就真係幾鍾意~~呢個印住活一鮮既厚燒玉子， 食得出佢係自家製， 玉子入面玉子入面仲有少少好似滑蛋咁， 唔會整到啲蛋老哂~最後要講呢個紫心香芋丸，我自己就第一次食，佢大大粒炸物咁既樣其實唔係幾吸引， 但咬落原來入面係好軟身， 有啲似 麻糬咁嘅感覺，好好食!真心高質呢間小店， 雖然店仔細細但裝修都有啲日本風情，真係不枉我google搵咗咁耐先搵到佢!

特上活一鮮丼$144聽說呢間日本餐廳食刺身非常出名,出名在價廉物美，呢次人唔多所以叫左個刺身丼，可以一次過試下唔同的刺身!食物一上都有點驚訝，一個$144蚊既丼飯竟然有咁充份量既刺身!有蝦,有蟹膏,有飛魚子,有帶子,有幾種魚同海膽，種類多之餘而且每樣都非常新鮮，呢個價錢真係非常抵食! 芒果三文魚天婦羅卷 $68一客有六件，外層脆脆的，入面係壽司飯包住芒果,三文魚,青瓜,上面再加左蟹子，一啖放入口都頗有層次，可能有芒果同青瓜夾埋,所以唔會覺得油膩。價錢中等，唔係太平，但心機野來講$68蚊完全合理。厚燒玉子$48 呢客玉子從佢面上面個行”活一鮮”黎得出佢係自家製，甜甜地既蛋夾雜D蔥，毫無違和感，出奇地幾香幾好食，蛋唔會整到硬實實，質地都算幾滑，不錯。苦瓜炒雞肉身為一個唔係苦瓜既人，呢個苦瓜我係肯放入口的!唔知是不是用日本苦瓜所以清甜味大過苦澀味，放入口既苦味只係少少回甘，唔會苦到入唔到口；雞肉唔會炒到乾到柴咁，睇落咁多汁仲以為會好鹹，但又完全沒有，不過如果加個飯食會再高興點。

上菜慢左d，但係野食好新鮮，值得再食。Although it takes time to serve, the food is fresh and delicious, will come next time.

溫泉蛋汁燒黑豚丼豚肉唔會太薄,炭燒唔會燒到過哂火,汁唔多但個溫泉蛋撈埋落去啱啱好,加埋面既紫菜同蔥令味道再豐富好多,呢個價值算係咁。必食厚切牛舌牛舌厚身,外面脆口,入面滑嫩,調味適中唔會太重味,如果份量可以再多返少少會滿充好多。燒物首推燒雞翼, 雞皮卜卜趣, 肉質完全唔乾,睇得出有心機燒,而且一串兩隻價錢都算公道,其他燒物都值得食下。都幾多款野飲簡,有酒精同冇酒精既選擇都唔少,不過廢是日光白飲酒就選左杯巨峰提子梳打,價錢正路,味道唔差,仲用環保飲筒呢下加分。

今日OT完好想食好西慰勞下自己，同事話附近有間穩世日本菜CP值勁高，所以就黎試試佢總括一句，刺身SSS超高質! 今餐叫左北海道岩蠔、海膽、薄切鱆紅魚，三樣都新鮮到喊出黎！岩蠔成部電話咁大，一啖放入口成個口full哂，勁濃嘅海水+蠔味+礦味海膽完全唔欺場，原板上!大大羹夾紫菜食，係奢侈既極致鱆紅魚勁誇張，薄到透到隻碟，好爽口好味鮮!性價比又高，CP值真心爆曬燈!!其餘兩個卷物質素都唔錯，叫左客帶子海膽蟹棒卷同芒果三文魚天婦羅卷，雖然兩樣都比想像中細份，但味道搭救。蟹棒卷細細粒但勁大條蟹棒卷住勁少飯，上面粒帶子住大過舊飯，再加海膽同三文魚子，絕對滿足；天婦羅卷就走特色風，成舊放入口係幾有層次，好脆口又有魚油香，唔錯!最後加多個溫泉蛋汁燒黑豚丼就滿足曬! 黑豚肉份量啱啱好，又唔會好乾，肉味都幾重，飯筒都值得食下!總括黎講呢間穩世小店真心高質，CP值高絕對唔係呃人!

見到隔離上左碟好靚既野，一問店員先知原來係「薄切鱆紅魚」!我自己一向麻麻地食油脂好重既魚生，所以呢款鱆紅魚刺身就好啱我口味!食落好清甜好爽口，而且”薄切”真係薄到紙咁，直程透到碟既顏色，係咪就係傳說中既刀功!本身見隔離個隻生蠔脹卜卜好吸引，但今日唔想食咁多生野，睇睇下原來有款「燒青芥末生蠔」，即刻叫黎試下~生蠔好鮮味，燒得剛剛好，個肚位仲係好creamy既，真心正! 上面既青芥末出奇地完全唔搶，反而去左蠔既腥味，一客兩隻，完全唔想share……呢個「蒲燒鰻魚」都幾高質，本身以為鰻魚周圍都一樣係咁既味，但原來唔係!呢到個鰻魚好厚身肉質勁滑，仲有種炭燒既味道，食落就知唔係來貨叮返熱就算~ 細心位係佢既伴碟，酸酸地脆脆地，中和左鰻魚個種油，唔會覺得heavy~平時成日食日本野都見到有香竽丸，今次終於都叫黎試下! 呢個「紫心香竽丸」QQ既口感好得意，本身以為又係竽頭又係炸既一定會滯到不得了，點知又唔覺得喎佢一份有4粒份量剛剛好，香脆又甜甜地咁，硬係覺得佢好似高力豆沙，為呢餐飯畫上完美既句號

兩隻生蠔脹卜卜!超級新鮮!全隻放入口咬落去D蠔味湧出黎!真心必食! 薄切鱆紅魚擺盤非常靚,片片都透光咁,絕對見到師博刀功!食落鮮甜爽口,個人覺得幾抵食!熟食就簡左溫泉蛋黑豚丼飯同燒物，兩樣都幾出色! 燒物整體各樣都好啱火喉，叫左冬菇、秋葵、京蔥、煙肉捲、牛舌、釀雞翼、牛柳、雞翼……款式好多選擇，而且唔會燒到乾爭爭，調味都好夠，整返杯啤酒就一流!我自己就特別鍾意燒牛舌同冬菇， 牛舌唔會熟到咬唔開，調味唔會太濃味空口食都好OK，燒冬菇值得讚，唔會燒到燶哂有苦味，外面夠味之餘仲保持到入面軟軟地有D汁，睇得出係比心機慢慢燒；溫泉蛋黑豚丼飯望落色水就麻麻地,但將溫泉蛋撈埋落去食,成碗飯又幾香幾好食!份量食落都唔少,絕對飽肚!整體性價比都幾高, 係幾抵食又幾好食既餐廳!

兩個人係港島區想食餐好野坐下傾下計，又唔想幫襯連鎖店，上網睇到呢間有D偏僻既北角日式餐廳。雖然店仔細細，但都算好坐~呢間店最出名既係「特級刺身拼盤」，真係聞不虛傳，拼盤有成八/九種刺身，有四款魚、帶子、八爪魚、北寄貝、甜蝦、牡丹蝦，全部都好新鮮。我個人最欣賞係個甜蝦，完全冇啱啱係冰櫃拎出來未溶哂雪既感覺，好鮮甜~叫左客「帶子海膽蟹棒卷」，的的骰一口size，份量唔多，但都幾足料，唔會好大舊飯但無料,，帶子、海膽同蟹棒都唔算細粒,價值唔貴都可接受~「蒲燒鰻魚」就不過不失，食得出唔係是但叮返熱既，仲有些少炭燒味~「燒芝士年糕」外面好脆，輕輕有點醬油味不過唔濃，咬開有拉芝，QQ既口感幾得意，不過記住要襯熱食，放耐左就開始變硬同埋入面既芝士都唔拉芝了T^T"

睇openrice呢間日本野都算幾多好評,所以決定黎試下,確實又真係幾唔錯,價錢相宜,食物質素又不錯。北海道岩蠔-大大隻,好新鮮唔會腥,質素算中上,價值都合理吉列黑豚豬扒-表面完全不油膩,非常鬆脆；豬肉完全無雪味,仲幾鬆軟,而且仲好大塊,份量好足,仲有沙律伴碟唔係是但放點唔食得既雜草係上面,算幾有誠意,值得加分。厚燒玉子-唔係一般香港食到得個甜味玉子,反而蔥花味好出,蛋完全唔鞋,份量剛剛好唔會太漏,仲印左店名係上面,幾有心思。溫泉蛋汁燒黑豚丼-溫泉蛋生熟度剛剛好,係技巧既表現, 黑豚唔乾,不過味道唔濃,但配埋蛋汁、蔥花同紫菜味道就剛剛好,呢個新產品值得長推。總括而言,呢間日本小店價錢中等,但食物絕對係中上,食得出所有野不是放入微波爐整返熱就賣,整體食物都有心思,算係良心食店。

話說想食日本野，於是係OpenRice 搵到活一鮮，於是決定嚟試下。朋友預先已打電話問有冇得book 枱，職員話有，所以就book 左2位8:15pm!我朋友大概7:40 pm已去到門口，店內入面已坐滿人，職員都話暫時未有位坐，都可能要等到8:15pm。咁我朋友照企係到等，那時候其實得我朋友一人係到等緊，冇其他人等緊。等到大概8點左右，已慢慢有多幾組人開始嚟門口等位(2人，3人 都有）。其中新嚟等位的2人，係門口企左唔係好耐，職員就好快俾位佢地。以我朋友的觀察及留意，覺得那2人同職員係相識的，職員見到佢地，一有吉位，就即時叫佢地入去坐！而我朋友咁早嚟到，去左邊？咪仲企左係到呆等！再等多5分鐘左右，等到bar 枱的客人走左後，個職員先嚟叫我朋友去坐bar 枱！傻的嗎？👿一早打電話嚟book 枱，仲要等左成大半粒鐘，先換嚟坐bar 枱🤬。我朋友當然唔坐啦～～🤬🤬🤬🤬咁我大概8:20 去到店門外會合朋友～朋友當然仲企係到等緊位，而我也親眼目睹3人那組人竟然都被安排入去坐4人枱！ 唔通就因為我哋得2人就要被安排到最後？我唔深信我哋的消費能力會比3人低！於是我哋激鬼氣，決定唔食！轉去其他餐廳到食

係北角接女朋友放工，2個人就係北角搵下有咩好食既晚餐。行行下係一條內街見到呢間日式既小店，就入左去試下！呢度餐牌款式都好多，我地只要嗌左壽司、手卷。三文魚、吞拿魚、馬刀貝、北寄貝、八爪魚、帆立貝壽司呢度既壽司係每2件咁嗌，而呢度既魚生都好新鮮，飯有小小黏性，握得唔會太緊；當中我最鐘意既係吞拿魚同帆立貝！吞拿魚無根，切得厚，魚味濃；帆立貝就極鮮甜，一咬開佢既汁就同飯既醋酸融合埋一齊，好有層次感！😜😜燒牛脷燒得好香，唔會太鹹，肉質軟，唔會韌到咬唔開，好惹味！🥳牛油果軟殼蟹卷軟殼蟹炸得香脆，上碟仲熱既，牛油果都新鮮，加埋啲醬酸酸甜甜，好食！😋😋2個人大概食左300蚊，咁既質素真係好抵食！而且員工既服務態度都好好，入座會幫你放袋入櫃，加晒分！💯

"地膽同事帶路，黎左呢間係北角內街既活一鮮，唔識路真係有D難搵，隱世小店果然夠隱世~-我地一人叫左一個主食再加左兩個小食，主食係”牛柳粒蕃茄湯烏冬”同”特上活一鮮丼”， 蕃茄湯底超級濃，烏冬食落唔係有陣酸味個D平價貨，牛柳粒唔會好dry，整體係合格既。個海鮮丼同事就話好新鮮，而且估唔到一碗會有咁多種類，又有蝦有蟹又兩款魚，又有幾款貝類，仲有埋海膽，重點係佢面頭個D蟹膏，簡直係神來之筆，呢個真心推介!另外叫左一個”松露帶子沙律”同”芒果三文魚天婦羅卷”， 松露同帶子真係好夾，配沙律食感覺好開胃；天婦羅卷幾有驚喜，多數食D天婦羅既卷物一係就成陣油膉味，一係D脆脆就林哂，但呢個出奇地就算夾住芒果都仲係好脆口，三文魚天婦羅又一D都唔覺得油，可能關D sauce事，一啖放入口感覺係有D清新，值得試下!小店牆上面仲有大大個手寫menu，都幾多唔同種類既選擇，我地都心思思要回頭再試下其他野食!"

難得同朋友約到出黎食飯專登揀左係北角既活一鮮方便大家收工就腳🤤餐廳裝修好有日本味道空間比較細 座位都較小所以建議想黎食個陣先卜定位先！今次我地兩個人黎食所以就叫左2樣主食同1樣小食分別試左佢地既熟食同刺身整體黎講好滿意🥰👉🏿吉列黑豚豬扒朋友叫左個熱食～食左佢一舊豬扒 覺得都唔錯唔會好厚粉 仲食到陣陣新鮮豬肉味仲要係新鮮熱辣辣炸出黎真係要趁熱食 好香口🤤👉🏿特上活一鮮丼本身已經好中意食丼呢個刺身丼好吸引 好足料除左飯多 仲有好多唔同既刺身切到厚度岩岩好 口感好正最鐘情於油甘魚 好高汁😋鮮甜得黎完全唔會腥！👉🏿紫心香竽丸平時食日本菜見到有香竽丸都一定會嗌呢到一份有4粒 每粒都炸到岩岩好外脆內軟 咬落淡淡芋頭香係我中意既芋頭味😍食完已經飽到不得了見到隔壁枱叫左壽司好吸引下次再黎食一定要試下佢地既壽司！

黃店活一鮮呢一間喺北角錦屏街內街嘅一間壽司舖， 位置喺算偏僻，如果唔係foodie都好難發覺🙊。小店，入到去真係有d迫！蟹籽沙律$42溫泉蛋豆腐沙律$52天婦羅盛合$90清酒煮蜆 $60呢四樣野都正正常常呢道個刺身都幾抵食。特級刺身拼盤$348 總共九款刺身各三件帶子、三文魚腩、八爪魚、北寄貝、油甘魚、鯛魚、甜蝦、海膽、牡丹蝦其中我覺得個牡丹蝦特別出色，鮮甜彈牙！海膽就一時時🤔🤔🤗另外嗌咗個海膽魚生飯，有三文魚、油甘魚、北寄貝、香蔥吞拿魚和海膽，新鮮抵食！仲叫左個鰻魚飯，都唔錯！呢道d壽司飯水準唔standard，時好時壞！今日食既就麻麻地，尤其個牛油果軟殼蟹卷！所以壽司就唔講了！天婦羅有三隻大蝦、蕃薯、茄子、秋葵、冬菇、三文魚同南瓜！粉漿剛剛好，唔會成口粉，但唔夠熱🙊串燒叫左塩燒雞翼$45同燒牛脷$45串燒幾好食，可再enchore 🤤🤤🤤香草燒三文魚腩邊$42又係好值得食，腩邊非常肥美！但係你唔會食到成口油唔想？反而想一啖接一啖咁送酒食，正👍🏾叫左杯黑啤同一枝清酒獺祭最後叫左三個柚子雪芭$38同香桃雪芭$48 唔會好甜，食落好fresh的感覺！個桃仲可以原個食tim😘🤭總括嚟講，好