活一鮮 (已結業)

特上活一鮮丼$144聽說呢間日本餐廳食刺身非常出名,出名在價廉物美，呢次人唔多所以叫左個刺身丼，可以一次過試下唔同的刺身!食物一上都有點驚訝，一個$144蚊既丼飯竟然有咁充份量既刺身!有蝦,有蟹膏,有飛魚子,有帶子,有幾種魚同海膽，種類多之餘而且每樣都非常新鮮，呢個價錢真係非常抵食! 芒果三文魚天婦羅卷 $68一客有六件，外層脆脆的，入面係壽司飯包住芒果,三文魚,青瓜,上面再加左蟹子，一啖放入口都頗有層次，可能有芒果同青瓜夾埋,所以唔會覺得油膩。價錢中等，唔係太平，但心機野來講$68蚊完全合理。厚燒玉子$48 呢客玉子從佢面上面個行”活一鮮”黎得出佢係自家製，甜甜地既蛋夾雜D蔥，毫無違和感，出奇地幾香幾好食，蛋唔會整到硬實實，質地都算幾滑，不錯。苦瓜炒雞肉身為一個唔係苦瓜既人，呢個苦瓜我係肯放入口的!唔知是不是用日本苦瓜所以清甜味大過苦澀味，放入口既苦味只係少少回甘，唔會苦到入唔到口；雞肉唔會炒到乾到柴咁，睇落咁多汁仲以為會好鹹，但又完全沒有，不過如果加個飯食會再高興點。