活一鮮 (已結業)

琴日屋企人話夜晚冇煮飯，要自己食嘅關係。所以係北角放學之後...就諗住方便食埋嘢先番屋企啦。由於係屋企人比錢嘅關係🤣🤣緊係食啲特別嘢啦，我就揀左呢間日本嘢😋😋望到個餐牌...叫左個吉列黑豚豬扒、特上活一鮮丼 、紫心香竽丸同燒鱈魚干。🐟燒鱈魚干基本上可以當零食咁樣食，因為好似啲蝦片咁，只係佢即刻整，黎到嘅時候仲好熱同超級脆，同埋好有鱈魚嘅味散發出黎。至於夜晚無飯不歡嘅我，當然要叫碗飯黎食啦😂😂。所以就叫左個特上活一鮮丼 ，裡面有唔同種類嘅魚生，樣樣睇落都好有光澤，食落好肥美，呢個價錢黎講算係唔錯。我叫吉列黑豚豬扒嘅原因係...想食啲熟嘅嘢🤣🤣所以食住個飯，再食埋豬扒，增加飽肚感。評一評個豬扒先，大致上肥瘦分明，炸到啱啱好，唔會炸定放到凍哂👍🏻👍🏻10分裡面有8分。紫心香竽丸方面...又係屬於炸物黎嘅，炸到一個波波咁，而香芋蓉好似流心咁流出黎，仲有好多一舊舊香芋係入面，增加咬口感。呢間日本餐廳帶比我親切感，因為可能係小店關係，食得舒服，嘢食質素又唔錯，正評啊！

活一鮮 Katsuisen📍北角 North Point//刺身新鮮肥美 壽司飯嘅份量比坊間嘅少 適合女士 不過飯質有啲黏 冇乜咬口 有待改善🤨//🍣 鮮壽司 $155: 挪威三文魚腩 黑松露油甘魚 京蔥醬鱆紅魚 珍寶甜蝦 紫蘇墨魚 蔥吞拿魚腩 蟹羔 海膽 三文魚子 帆立貝 醬燒三文魚 玉子小食(共12款)(附前菜 沙律 麵豉湯)//🍱 三色丼 $106: 挪威三文魚腩 帆立貝 蔥吞拿魚腩(附前菜 沙律 麵豉湯)

琴日因為做嘢做到凌晨🤦🏻‍♂🤦🏻‍♂，所以今日瞓到好晏先起身。梳洗完之後就落街食嘢啦，其實樓下有一間我食左好多次嘅日本嘢，我見佢食物質素唔錯，所以決定介紹一下🙈🙈，呢間鋪頭唔係大型連鎖店，所以其實裝修簡單同埋鋪頭都較細。今日決定叫一個芒果三文魚天婦羅卷、帶子海膽蟹棒卷同溫泉蛋汁燒黑豚丼。芒果三文魚天婦羅卷方面，我覺得係較為特別，因為未食過同水果有關嘅天婦羅，大多都係蕃薯同大蝦，不過芒果呢個配搭新鮮之餘，都唔會話有中伏嘅感覺，三文魚係入面啦，至於芒果就包住左佢三文魚，可以一啖放落口嘅Size🤣🤣。帶子海膽蟹棒卷係每次黎到必食嘅嘢👍🏻👍🏻，海膽新鮮之餘，帶子都大大粒，超級鮮甜，蟹肉比啲飯粒包住，三樣放落埋口就一流啦。最後叫左個溫泉蛋汁燒黑豚丼，用料豐富，黑豚肉鋪滿左係飯面到，加埋啲醬汁撈埋一齊食，一個字「正」，食完個肚即刻脹卜卜。對於我食左幾次嘢原因，證明左呢間小店係值得一試，仲要食過番尋味添。

利用自己力量去實踐黃色經濟圈💪🏼呢間一直都有聽到港島區朋友推介，難得今日過到黎，就專登去試試。壽司都係由$15起(大部分都1客2件) ，而且仲有好多壽司、刺身、燒物、丼ge款式選擇，最重要係以咁新鮮又高質黎講，價錢算係一啲都唔貴😛點餐紙款式多到眼花瞭亂😵，有選擇困難症ge人真係要花d時間先揀到食咩，最後揀左海膽、三文魚、火炙三文魚、赤蝦、花之戀、拖羅.....為左比較下有咩差別，專登叫左帆立貝同珍寶帆立貝🤭，食落就覺得珍寶帆立貝個味道出d鮮味d。總括黎講，裝修同食物都唔錯，下次經過都會黎食😋

超新鮮嘅壽司，係香港真係買少見少！1.鮮壽司--每件魚超新鮮，魷魚夾埋塊紫蘇一齊食超夾，蟹羔同三文魚子超鮮甜，帶子滑嘟嘟～唯一係個蛋凍咗d 同海膽腥咗d,好味到有7成似返咗日本食壽司嘅感覺2. 自選鍋物，叫左海鮮，湯底係壽喜燒加寬絲，估唔到都幾夾。寬絲係少咗d 但好滑，炸蝦天婦羅本身以為會浸到淋最，但估唔到入面仲脆緊，蟹棒夠鮮，仲有溫泉蛋超級滑溜。而且湯底連埋蔬菜一齊食，清得黎幾好食～3.蔥吞拿魚腩豆腐，嘩，無得輸！吞拿魚腩同豆腐一樣入口融化，味道雖然淡但加一兩滴豉油已經可以吊出個鮮味，再夾埋個蔥同炒過嘅白芝麻好香口，正！4. 明太子雞翼，比起出面食到嘅明太子辣少少，仲有少少泡菜感覺，配合埋燒到好香口拆埋骨雞翼，超惹味！呢到服務都唔錯，女侍應好主動幫我地，仲介紹個豆腐可以點食，而且好主動加茶，唯一美中不足係野食出得比較耐，要畀d耐性佢慢工出細貨～

今晚又係一個唔知想食咩既夜晚，最後我地決定去懲罰北角既呢一間!自選三色丼 $102有帶子，海膽，吞拿魚蓉同三文魚揀男人揀左唔要三文魚帶子好鮮甜! 魚膽魚生飯 $82咁睇我個個好似抵食過三色丼XD 我覺得我呢份個海膽好食過佢個個~ 其他魚生係厚切既~麵豉煮牛舌 $50呢個好食! 個汁配白飯一流! 白蘿蔔入味好正常，佢好在連紅蘿蔔都入哂味! 不過佢舊牛舌好大舊，其實我有尐驚XD 但好林好好食~墨魚壽司 $12食左件先記得影，墨魚好新鮮，12蚊有兩舊都抵食丫~活赤貝壽司 $36呢個真係新鮮，真係“活”架!其實唔叫小食都會飽，係男人貪心，所以之後行左去一田再行返屋企XDbtw, 佢地都好有禮貌同好friendly~ 真係食得個人好開心好自在~

朋友帶左我去食呢間活一鮮無佢帶路應該要花時間搵下路😂我地叫左3個小食 1個前菜同主菜食左呢幾樣都好岩心水 好好食❤️share黎食已經好full👍🏿吉列黑豚豬扒吉列豬扒最忌厚粉好彩呢到係真材實料😂外脆內軟 仲鎖住左肉汁食落好juicy食到好香既豬肉味～唔會比啲粉掩蓋左🥶紫心香竽丸 一客有4粒 份量岩岩好🤤煙煙韌韌既口感 好中意仲帶住陣芋香味❤️新鮮炸出黎 一定要趁熱食甜甜地 食完唔會好溜～黑松露帶子沙律黑松露同帶子既份量都幾多唔會得幾粒仔敷衍了事😂所以成個沙律都好香黑松露味配埋啲生既菜食都幾特別而帶子都係好新鮮 食到佢既香甜～大大粒放入口 好滿足😙蒲燒鰻魚鰻魚汁好夠 食落唔會乾爭爭！仲要好厚身 肉質好滑😋大大啖咬落去 完全食到個種新鮮仲有陣微微既炭燒香味呢個鰻魚好正❤️燒青芥末生蠔生蠔燒到岩岩好 唔會成個熟哂食落去 仲咬到中間軟綿綿既口感🤤仲配左小小既芥末味唔會太濃而搶走左生蠔既香～呢個配搭好新鮮！中意食燒蠔值得一試😍

話說我平時都好少去北角個一邊😂😂我都估到自己會燙失路，打開個googlemap去搵間公司，搵完之後...就上網睇下有咩好西介紹食下，就望到呢間食日本菜嘅餐廳😈😈。入到餐廳之後，見到有個開放式嘅廚房，裝修大致都係偏日系風格。坐低左一陣同睇埋餐牌之後，就叫左吉列黑豚豬扒，厚燒玉子，溫泉蛋汁燒黑豚丼同埋燒芝士年糕。吉列黑豚豬扒方面，炸得啱啱好，唔會炸完之後..裡面嘅肉變得硬，醃製也令到肉質好香。跟住黎到厚燒玉子啦，玉子相當厚，燒到外表金黃色，食得出用左好多蛋去整👍🏻。至於燒芝士年糕呢...外表圓圖地😂😂，好似塊餅咁樣，芝士味亦入到年糕到，不過我覺得會有少少硬，老人家唔太啱食🥴🥴🥴由於前面個三樣都係小食啦，所以點都叫左個溫泉蛋汁燒黑豚丼，大大碗相當抵食喎，溫柔蛋亦都冇失望，咬左一啖就流心咁流哂啲蛋醬出黎😯😯，黑豚肉肉質都相當有水準，不錯不錯！總括黎講...網上嘅留言係冇呃人🤣，又真係有啲水準，價錢相當親民，啱哂我呢啲打工仔搵得唔多，又想食高水質日本嘢嘅人🙈🙈

近排出街都驚有危險🤦🏻‍♂，但係放假唔通仲留係屋企咩，跟住去左行陣街，再係附近搵啲嘢咬下，於是黎到左呢間食日式嘢嘅鋪頭仔。雖然話就話細細間，但係原來佢入面啲餐具同擺設都幾靚😍😍。食物方面我叫左芒果三文魚天婦羅卷,海膽,特上活一鮮丼,燒鱈干同埋酒。芒果三文魚天婦羅卷，聽個名好似之前「紅豆軍艦」咁有啲恐怖，但係食落比想像中好，可能主要都係因為中意食三文魚，啲魚都厚肉同肥。海膽係必食架啦，味道都係咁樣，主要睇佢新唔新鮮啦，咁大致都新鮮同鮮甜。燒鱈干就比較特別，賣相好似零食，類似蝦片咁樣，味道比較清淡。最後就係特上活一鮮丼，兩個字「抵食👍🏻」，有唔同種類嘅魚生，一定食得飽啊，配埋干酒就一流啦。呢間餐廳係平民同埋好食嘅，可以下次帶埋朋友一齊黎試下。

坐左陣叮叮去左北角, 入左一間日本野食個LUNCH食LUNCH 既關係所以叫得比較多小食我地叫左2個沙律一人一個分別係松葉蟹肉沙律 同 黑松露帶子沙律松葉蟹肉沙律 D蟹肉 都幾鮮甜但有D少. 如果再多一點就好了~加埋個千島醬不錯黑松露帶子沙律依個真係好足料, 帶子仲要大大粒, 仲要有好多粒, 超開心❤紫心香竽丸 4粒每人2粒仔, 熱辣辣的,好香既竽丸味 蒲燒鰻魚 依個真係好抵食 2大塊都唔會太貴而且食落去冇咩骨, 煮既時候又加埋D燒鰻汁, 好入味溫泉蛋汁燒黑豚丼 食左咁多小食, 點都要叫返個正餐所以就叫左個飯share蛋汁做得杷當出息, 係流心的黑豚肉又唔會太肥 好吃喔

今日係北角見完個客之後，夜晚係附近打波，所以唔可以食太飽，就選擇左間食日本嘢嘅小店，話明小店，比我嘅感覺緊係「平靚正」架啦？🤨🤨我叫左芒果三文魚天婦羅卷、京都東子酒、海膽燒帶子、燒物同燒芝士年糕。芒果三文魚天婦羅卷...個配搭好似好奇怪咁，但係食落都幾新鮮，芒果同三文魚係入面，令到三文魚變得甜甜地，外面炸完之後個皮好脆，不過份量較少。燒物同燒芝士年糕係同時間黎到，燒物同一般串燒差唔多，都燒得幾香同埋溫度啱啱好。至於燒芝士年糕...將一舊軟嘅嘢變成左硬，令口感唔同左，好似食緊個老婆餅咁😂😂。海膽燒帶子係最後黎到，亦都係我最欣賞嘅食物👍🏻👍🏻。本身我係一個海膽王者，基本上食日本嘢就會叫一客海膽🤣，不過未試過燒左佢連埋帶子食，估唔到係咁好食..望落就知好食啦，燒到金黃色咁樣，隻帶子又大隻，我真係想叫多次黎食架(唔可以食太飽)。啊！其實我仲叫左瓶京都東子酒chill下，不過就冇咩酒味嘅，純粹過下癮。呢間小店嘅食物真係ok，我覺得可以作為一個小毒毒選擇嘅餐廳🙈🙈

Happy hour簡左呢間就腳既日本野，雖然少少地叫左5樣野同清酒，但已經決定左呢到會係新蒲點，d小食都真係幾唔錯!*海膽燒帶子及燒青芥末生蠔我勁欣賞佢個海膽燒帶子同燒青芥末生蠔，海膽夾帶子鮮味到一個點 ，生蠔燒完都仲好大隻好飽滿，面頭d芥末出奇地又幾夾，睇得出有用個腦研究過，係抵讚既!*芒果三文魚天婦羅卷仲有個芒果三文魚天婦羅卷都幾得意，好似攞左舊三文魚卷去炸咁，天婦羅面唔會覺得好油，口感又脆又軟咁幾得意，仲要有芒果係入面，好有層次既口感!*燒鱈魚干自從喺日本一間居酒屋食過燒鱈魚干之後， 返到嚟每次食日本嘢一見到都一定要嗌 ， 空口食覺得好食都未算極致， 餸酒真係一流! 佢脆得黎酥化個下真係令人上哂癮，不過可能真係麻煩處理所以唔係到到有得食，竟然呢d店仔會有，真係開心大發現!

黑松露帶子沙律 7分中規中矩，黑松露唔會得少少敷衍下就算，帶子都有好幾粒，菜就正常唔會話黄哂都拎出黎賣咁吉列黑豚豬扒 9分豬扒唔會用鬆肉粉那到鬆哂，肉味都幾重， 脆漿唔會太厚， 炸得嚟唔會硬到吉口，又唔會太油膩帶子海膽蟹棒卷 8分蟹棒卷一客六粒， 海膽同帶子份量都唔少，卷住青瓜同蟹棒，層次都幾多厚燒玉子 7分蛋好厚身，比一般玉子無咁甜，有蔥花係入面，整體都幾香唯一缺點係舖面係有d細，張枱隔離企個人就冇位行， 但 so far 感覺唔會太辛苦，唔算趕客

今日爭扎左去銅鑼灣定北角，結果都係北角啦，因為好想去懲罰呢間，但之前去佢無開... 所以一直深深不忿... 但點知... 等左一陣車，再塞左好耐車，去到已經係1450左右，其實都擔心食唔到... 結果... 我去到入去，男店員接緊電話但佢應該係想話落場唔啦... 佢示意叫女店員，開頭都係話無，但我好失望... 我講左句... 嗚... 已經黎左好幾次... 其實我都唔想阻佢落場都真係打定輸數，不過黃店真係黃店，人情味係濃尐既... 佢問我刺身飯就做俾我，我當然無問題啦！結果我都唔好意思左諗右諗... 挪威三文魚，油甘魚，蟹膏飯 $86 加一呢個價位黎講... 魚生新鮮既，都厚身，但最好食同驚喜係個蟹膏，濃味，連埋個飯一流! 但可能落場，飯比較黏，但相信正常時間會正常既XD

活一鮮嘅魚生幾名, 但對於唔食生野嘅我, 都有唔少選擇午市一人入去, 發現有唔少lunch set, 我就叫左 七味牛肉豆腐定食 ($70 另外加一)前菜有麵鼓湯, 味道剛剛好, , 沙律, 清新, 仲有茄子漬物主菜等左一段時間, 七味牛肉豆腐終於到, 牛肉加上汁好入味, 豆腐好滑, 配上七味粉, 非常惹味埋單時店員不停向我講唔好意思, 要我等, 原來今日入廚房得一個師傅, D野食咁好食, 等耐少少當然冇問題啦