泰COOL (鴻圖道) (已結業)

我一向對泰菜特別鐘情， 今日同好友去咗「泰 COOL」食泰菜， 食泰菜唔係一定要去九龍城嘅， 「泰 COOL」位於觀塘鴻圖道48號新榮大廈1樓。 環境不錯， 地方寬闊!從遠處已經見到「泰 COOL」， 仲有可愛嘅泰妹歡迎我哋添！ 首先叫咗條《冬陰公明爐烏頭》， 原來唔係好辣， 辣味我啱啱好！ 味道惹味， 帶有少少酸同辣， 加上勁多香料， 仲有香菇等配料， 真係好香， 好好食，香氣撲鼻！ 魚肉十分嫩滑， 十分鮮味， 加上明爐上枱， 熱騰騰上枱， 唔怕凍晒啦！ 香濃惹味《黃咖喱豬》， 豬肉唔肥瘦配上咖哩爆香一齊炆， 十分惹味， 豬肉濃郁 ，又香又腍！ 加$30 可以配上熱辣辣嘅蒜蓉包， 濃郁嘅咖哩配上香脆身嘅蒜蓉包， 不但口感脆香，仲有香濃咖喱味，真係好夾， 超好食！ 仲有《泰式炒椰菜苗》， 份量十足， 菜苗青綠幼嫩， 鮮甜可囗， 椰菜炒得爽囗， 不會過火， 味道咸淡適中帶少辣，值得一讚！ 好味！

啱啱同男朋友係九展行完婚展要醫肚咁岩見到呢間係工廠大廈入面嘅泰國菜《泰cool》👅明爐烏頭 $158😌😚蒸得唔錯 幾好味 兩個人一齊share 就perfect 池青咖喱青口 $88青口幾新鮮，配埋咖喱汁好惹味送飯食一流😌😚炭燒豬頸肉 $78燒豬頸肉燒得路錯😌沙冰唔建議叫 太甜鮮蝦金柚子沙律 $82其實係spicy 唔係清清地果種但幾好味overall 環境唔錯 價錢適中 可encore😀係gathering 好地方

以前的火鍋中菜酒樓，其中一層變了現時的泰國菜食館，差不多每星期在樓下路過，今天 "意外" 地上去吃晚飯，我們坐近窗口的卡位，枱夠長，椅夠寬。香葉爆炒肉碎生菜包加了乾葱頭蒜粒爆炒的肉碎炒得頗香，而且煮時已直接下了醋與青檸汁，不會有油膩感，用上生菜包起吃， "意外" 地吃過不停。泰式炒芥蘭居然 "意外" 的挺辣，相當醒胃，就我們來說是增加了食慾，菜亦炒得爽脆。黃咖喱鷄香而不辣，沒有雞皮的雞肉嫩腍，薯仔不會腍爛散開，青紅椒份量也夠，平時因減肥晚上不會/少吃飯，今日點完一碗，後再加一碗，把餸與咖喱汁吃完，" 意外" 地美人照了鏡，哈哈！三色冰椰汁味普通濃稠，少甜。

好耐無食過泰國野，今晚過黎試下新野。呢間泰cool 正正就係金港會樓上，估唔到呢個位置都有幾多人搵到上黎食。✨見唔係好餓，今餐食得簡單d, 一人叫左一個飯麵，再加杯野飲同食我最愛既椰汁糕。✨泰式奶茶飲落好香甜，唔知點解飲落有陣雲呢嗱味咁😝✨香芒蟹肉炒飯（$88): 個飯都幾大，入面有蟹肉，蛋，粟米，雜豆，車厘茄，芒果。最正係個芒果，食落好甜，加埋淡淡既蟹肉味～個飯清清地都幾好味，不過食果時有碎殼要小心，如果個飯再乾身d 會更加正。✨雜菜野菌炒金邊粉（$78): 個粉實在太大，見到有點嚇呆了，食完個飯已經半飽🙈，二個人應該叫一個飯再加d 小食其實已經好夠。外層蛋膜薄得黎幾有彈性，金邊粉食落煙煙韌，茄汁味幾突出。仲有雜菜，豆乾，草菇，紅蘿蔔，韮菜等等配料，實在係太飽，最後打包左一盒xD✨椰汁西米糕（$38):除左西米，仲有椰肉同好多粟米，甜而不膩既飯後甜品。

早兩日因為個老死要開OT, 我放左工専登去觀塘陪佢食個快飯之後繼續開工，响無特別嚴選下，我吔就決定去佢公司附近搵食，工廠區呢邊其實好多餐廳，不過一到夜晚就成個死城咁，所以我吔就揀左呢間門面最光猛最eye catching 嘅去開餐由於2個人都係諗住hea食，所以都係order左啲簡單大路嘢，豬手飯，大蝦泰式金邊粉，同一個小食燒雞翼老實講，燒雞翼真係估佢唔到咁好食，皮脆好香口，至於2個主食都合格，最緊要係經濟實惠，所以响呢個「沙漠地帶」夜晚都不斷有客入嚟，証明真係有一定嘅吸引力

老公今晚另有節目，不回家吃飯，見閒著沒事，下班後決定來觀塘相約小鬼一起去撐檯腳。本來還沒想到吃甚麼，不過小鬼話知道鴻圖道最近新開咗間泰菜館，問我是否有興趣一試。一講起泰菜就突然好想食芒果糯米飯，反正我一向鍾意試新餐廳，一於不作他想。店舖位於鴻圖道 48 號新榮大廈 1 樓，沿梯級行一層就到。餐廳以深啡色為主，空間感大，裝潢簡潔，近門口是水吧區，牆身上繪滿了可愛的壁畫，配合室內柔和的燈光，令人感覺放鬆。打開餐牌，大部份的菜色都附有相片，精美清晰。至於食物選項就包括有開胃前菜、引人沙律、泰式串燒、泰妹靚湯、泰仔明爐、精選小炒、暹羅咖哩、巨型麵包、本地時蔬、四大發明、船屋湯河、泰國甜品、西太匯聚及飲品。由於兩個人食量都不大，所以我哋只係揀咗碟泰式炒河同炒椰菜苗，配三色冰，一於留肚食芒果糯米飯。泰式炒河 ($78) 泰式炒河可以揀豬肉或雞肉，選了前者。河粉炒得夠鑊氣，質地滑溜，沒有過重的油膩感。豬肉下得非常慷慨，比河粉還要多，食落香口惹味，另外還加入了蛋絲和芥蘭，口感豐富。至於炒椰菜苗 ($72) 就有泰式、鹹魚或馬拉盞三款可供選擇，揀咗大家都愛吃的馬拉盞。椰菜苗嫩綠爽甜，口感甚佳，配上馬拉盞

星期五收工返到屋企附近又唔想番屋企煮，就約左一樣住附近既朋友係觀塘搵下啲新餐廳食下。中海日升已經食左好多次，就去左旁邊呢間泰Cool。呢度入口係位於金港會地下，行呢條夠曬grand既樓梯上去就啱。上到黎都幾旺場，更有人係度慶祝生日。呢度餐牌都幾全面，有齊大家食開既泰菜。<馬拉盞蜜豆炒牛柳粒>（$88）呢個有大量牛柳粒同埋豆，幾抵食。牛柳略嫌韌，但食落牛味自然，唔似係經過化學野處理過而變腍。用左蔥頭炒，味道帶甜又香。<黃咖哩雞肉>（$78）雞肉係雞髀肉，嫩滑無比，黃咖哩又夠入味。薯仔都炆得幾腍。一大鍋咖哩，如果想食埋汁可以加$30要埋蒜蓉包，或者$8要個白飯。我同朋友就無叫到因為真係會食唔曬。<泰式炒芥蘭>（$68）揀左泰式，所以味道比較辣，有好多辣椒籽，怕辣既朋友要慎點，可以揀馬拉盞就會無咁辣。芥蘭炒得幾爽脆，感覺新鮮。呢度食物份量比較大份，所以兩個女仔唔洗食飯都食到飽曬。值得讚呢度上菜超快，唔洗5分鐘已經上第一道菜，15分鐘內上齊，啱曬要求速度既朋友。

最近出街食野，都會睇下香港人的飲食購物天地 黎揀餐廳。 今日黎到觀塘區， amp都冇咩選擇，又想食下泰國野，諗住支持下志同道合嘅餐廳，就揾到呢間新開的泰cool.行向海邊方向，兩個街口就到了。餐廳好大，待應俾我地自由揀位坐。健康每餐都要食菜 ，叫左碟泰式炒通茶 ，好大碟啊 ！！ 好開心！！！少少辣 好好味！金邊粉同樣好大碟熱辣辣上枱 蕃茄汁重啲，但都好好食， 啲蛋夠香 。豬頸肉就中規中矩，個汁比較杰同平時唔同， 下次試下其他小食先。待應得一個，但一揮手就黎，服務都唔錯。上菜都好快，而且啲個個都前後五分鐘內上哂。 會再黎幫襯：）

觀塘區一向都有很多不同的美食，我比較喜歡是下午茶時段出外吃午餐，人流比較少。同事告訴我公司附近開了一間新的泰國菜餐廳，今天下午便去試試吧！餐廳地方很寬闊坐位很舒服，一入門口已經感覺到泰國feel。下午茶時段有套餐，也可以追加食物。點了餐後我還加咗兩個小食，春捲和肉碎生菜包。生菜包味道辣辣地都好開胃。網狀春卷皮炸得香脆，餡料有芋頭、蝦及甘筍，爽口好味。泰式生牛肉牛丸湯河粉生牛肉剛剛好，牛丸口感爽口！湯底鮮甜平均中規中矩。馬拉盞炒通菜份量足夠，通菜新鮮和爽脆，味道恰到好處，鹹辣味道炒得適中。熱情果沙冰沙冰感覺很涼快，熱情果味道香濃。

泰Cool觀塘開左間新既泰國菜，間野好大間架係一樓而且樓下泊車都幾方便明爐烏頭明爐烏頭大大條，肉質鮮嫩骨都唔算太多，用咗酸梅做底好惹味鮮蝦炒金邊粉賣相一流，鮮蝦份量都好多，兩個人都食唔完，炒金邊粉唔會太碎食落口有口感鮮蝦金柚子沙律 夏天做頂頭盤開胃菜真心一流份量大大份，沙律除左有柚子肉及大蝦外食落清新爽口好夾炒椰菜苗新鮮蔬菜用蒜頭炒氣，好味椰青椰青大大個，椰子水極度多，所以女朋友一個都飲完難得觀塘有間泰國菜真係值得推介，最怕人多又唔好食嘅餐廳，依度環境舒適食物OK，方便好食推介推介⭐️⭐⭐️⭐⭐ 

今日來到觀塘區有開倉，搏殺完已經係下午茶時間，見到附近呢間泰國餐廳下午茶幾抵食，就同朋友仔黎醫下肚啦。餐廳環境開揚，我地坐卡位，向窗望可以望到街景，坐位寬闊又舒適，可能因為係星期六下晝關係，餐廳唔係太多人。下午茶都算多選擇，我地叫左兩個餐加兩個小食，另外仲叫左一份沙律share食。鮮蝦金柚子沙律 :份量都幾多，沙律除左有柚子肉及大蝦外，仲有椰子肉、蔥粒及生菜等，食落清新爽口，嚴嚴夏日用黎作開胃菜一流。炸魚餅 : 一份有四塊，魚餅即叫即炸熱辣辣，入口彈牙夠味道，亦唔會覺得太油膩。春卷 : 網狀春卷皮炸得香脆，餡料有芋頭、蝦及甘筍，食落爽口好味。泰式豬手飯 : 豬手軟淋入味，豬皮脆之餘唔會覺得肥膩，伴碟有青瓜及半隻蛋，配埋特製酸辣沾醬黎撈飯，唔錯。香煎香茅豬扒配無骨鳳爪沙律 :無骨鳳爪絕對係我嘅最愛，入口爽口彈牙，味道唔會太辣，唔駛吐骨食落好方便，香茅豬扒煎得香口脆身，份量都幾大件，唔需要食飯都夠飽。椰汁西米糕 :食完主菜覺得唔係幾夠喉，就叫左一份甜品，椰汁西米糕入口清甜軟滑，好香椰汁味，入面有西米、粟米粒及芋頭粒，味道唔會太甜。

全部食物都係返熱， 返叮毫無誠意， 蝦餅第一口咬落去韌嘅， 唔熱，似放左好耐，生蝦溶雪處理得唔好，咬落去唔新鮮，食左一啖其餘唔敢食，串燒係炸嘅唔係燒，上枱都唔熱唔香乾爭爭，得個菜係即炒，連個蒜蓉包都係翻叮生先過份吖嘛，個咖啡牛腩似中式，牛腩好so，什菜粉絲煲，個粉絲熱菜就唔熱，吹脹!真心唔推价大家去，煮得唔係咁好唔係問題， 但上枱啲嘢食似係煮定曬出嚟畀你，食左成千蚊，最好就係個椰青同雪碧囉，真心勁伏，本身都唔係嘴刁嘅人，個真係冇樣好食

【無骨鳳爪沙律】好鍾意酸酸甜甜嘅泰式鳳爪，夠哂開胃 😍而且係酸辣嘅辣度唔高，怕辣嘅朋力都食到連啲洋蔥都好惹味【小食拼盤】拼盤包含咗四種小食，配咗泰式辣醬有泰式單骨雞翼、炸魚餅、炸蝦餅同春卷一次過滿足哂四個願望，哈哈 ✨【炸魚餅】幾爽彈我唔係好受到香料味太重嘅魚餅不過呢個就無問題，好好味 😋【炸蝦餅】真材實料好厚身 👍🏻有勁多蝦肉餡，難怪外脆內彈牙【春卷】脆得嚟唔油，唔錯【單骨雞翼】係另一種炸衣所以唔會覺得啲炸嘢好重覆單骨都幾方便食【鮮蝦炒金邊粉】Pad Thai鋪咗塊格仔蛋皮同炸大蝦喺面賣相超靚，睇落好吸引！💯 金邊粉味道正宗，微甜又帶點酸入面仲有好多隻蝦，非常足料

難得嚟到觀塘當然要唔捐窿捐啦搵嘢食😋😋😋！今次嚟到APM行8分鐘左右嘅呢一間泰國嘢，睇落都唔細，幾好坐，擺設都好靚🙆🏻泰王咖喱軟殼蟹呢個軟殼蟹真係好抵食🤑🤑兩隻軟殼蟹加埋咖喱都只係140幾蚊🤑🤑🤑🤑兩隻軟殼蟹份量都唔細，比起葵廣啲手卷店嘅軟殼蟹要大一啲，而且有好多咖喱，大家不妨叫多一份蒜蓉包配嚟食😋😋😋馬拉盞炒通菜呢個馬拉盞通菜份量都足夠，好夠味，唔會炒得太耐太老👍🏻👍🏻👍🏻馬拉盞雞肉炒粉絲個人覺得炒粉絲味道足夠，但就略嫌雞肉唔入味😗😗😗熱情果沙冰呢個熱情果沙冰好好味🤤🤤🤤飲得出係真係用成個熱情果😋😋菠蘿沙冰水準平均好有菠蘿味👍🏻👍🏻

觀塘開左間新既泰國菜，間野好大間架裝潢設計好特別，仲有個小型酒櫃環境很不錯價錢好大眾化，一啲都唔貴，睇埋出品之後，就會覺得超抵食「冬蔭海鮮金邊粉」$58 好大碗呀，但都只係$58，超抵食抵食之餘仲要好好食香茅與酸辣味平衡得好好，真係好有衝動飲哂成碗湯只怪我太飽，只飲到7成咋......而海鮮一啲都唔求其，魷魚好軟，仲好香魷魚味，煮既時間岩岩好青口同樣都好好食，完全唔韌！「青咖哩青口配蒜蓉包」$118一睇呢個價錢都已經夠吸引，一碗起碼有成6-7隻架每隻大小很均一，肉質爽軟仲要蒜蓉包係超香脆可口，實在難以抗拒「單骨雞翼配無骨鳳爪沙律」$46雞翼係新鮮炸起的但卻無咩特別，味道欠奉，不知道是否忘了調味不過鳳爪沙律卻好好味好入味，鳳爪中既軟骨好soft三色冰我深信係用左100%椰奶，好夠濃飲第一啖已經覺得好好飲坐坐下，發現原來呢間餐廳有幾個職員都係泰國人黎，怪不得咁好食咁正宗啦