泰COOL (鴻圖道) (已結業)

今日和同事去觀塘鴻圖道辦事，事後搵地方食飯，同事見到有間食泰菜的泰cool,突然好想食泰國菜，那麼就陪他入座去！上左一條樓梯就見到餐廳，餐廳佈置清雅，地方整潔。冬蔭功蝦湯河，冬蔭功湯湯底濃郁，用料新鮮又豐富，大隻青口、大蝦仁、魷魚等，爽口彈牙。河粉滑溜，掛湯後味道酸辣，湯底還帶有濃濃的椰香，十分惹味！泰式地道豬手飯，都好夠份量，豬手已去骨，炆得夠林夠入味，肉質軟稔，豬手皮QQ的，滿口的骨膠原好好味！泰式炒河(豬肉)，炒得又香夠穫氣，加入豬肉、蛋絲、芥蘭炒河粉，味道調較得好惹味。

今晚同老公去觀塘食飯，除了APM之外，其實觀塘還有很多好地方，今次來了這間泰國餐廳，覺得十分值得推介。豬肉泰式炒河河粉炒得火候十足，很美味，配上豬肉、菜心和紅蘿蔔，豬肉份量很多，有香港著名大排檔的風味，調味不會過鹹，剛剛好這個炒河可選擇雞肉或豬肉，不錯!快車炒飯配豬手快車炒飯即是泰式炒飯，有雞肉、蛋絲、小蕃茄和蔬菜，炒飯味道不錯，飯粒炒得乾身我十分欣賞這個豬手，啖啖肉，味道濃郁，很豐富呀！斑蘭椰子奶我們很少在泰國餐廳找到斑蘭椰子奶，很特別，味道真的像吃斑蘭椰子蛋糕！夏天喝這個，一流!檸檬柑橘蜂蜜這杯熱飲是養生之選，柑橘蜂蜜非常濃郁。總括來說，這裏性價比很高，感覺挺地道，選擇亦很多，值得再來呀。

觀塘係一個充滿着美食嘅工廠區 只要細心留意下 就可以搵到好多人人隱世美食 經過朋友介紹吓嚟咗呢間泰國餐廳 -泰 cool 裝修好有情調每一個飯枱上有一個聚焦燈有一種燭光晚餐嘅感覺🤙🏻✨芒果糯米飯($48)由於女朋友好鍾意芒果糯米飯所以就叫餐廳率先上咗一份俾我哋食咗先芒果好鮮甜，糯米飯有兩款，一邊係黑糯米而另一邊係傳統嘅白糯米 ✨大蝦菠蘿海鮮炒飯($128)同一般嘅菠蘿海鮮炒飯唔同，泰cool嘅菠蘿海鮮炒飯特別在用上一隻黃金大蝦黎整 所謂黃金大蝦就係鹹蛋黃大蝦 食落非常香同惹味海鮮嘅種類亦都好豐富有鮮蝦魷魚蜆肉等等 當然唔少得我最鍾意嘅肉鬆同埋腰果 令到口感更上一層樓✨青咖喱牛腩($88)青咖喱個味道非常濃烈 味道辣得嚟又有少許甜味送飯簡直一流 牛腩仲要件件都好大件 唔會太硬亦都唔會太散 認真唔錯✨椰青($46)泰國熱辣辣 當日食晚餐嘅天氣都係熱辣辣 當然唔少得帶返個清涼嘅椰青啦

泰國菜賣點通常是惹味又便宜，而這家更是份量超凡，害我們眼闊肚窄。吧台配合園林景緻，非常舒適的設計，食物：泰式燒雞半隻$128非常巨大的燒雞，件頭大，口感煙韌，外皮燒得爽脆香甜，味道一流。泰式 炒雜菜$78又一道份量大的菜色，椰菜，芥蘭，秀珍菇等同炒，帶微微辣勁，如果可以炒更乾身點就更佳。蠔仔蛋$88非常巨大的鐵板燒系列，蛋香十足，而且非常金黃，蠔仔的size 非常大，比蠔仔粥用的大上一倍有多吧？香葉肉碎金邊粉$78味道帶甜香，肉碎超多，但金邊粉口感比較像米粉，仍是相當出色的一味芒果椰汁白糯米 $48芒果非常香甜，是剛剛好熟透的金黃色，白糯米稍煙韌，可能是店家刻意模仿黑糯米的效果？

泰COOL趕係MTR 又擺工前去KWUN TONG 買東西, KWUN TONG 工廠區好多平野, 專登坐車去都抵買完食埋DINNER, 唔坐MTR 仲有巴士均衡架DINNER一定最少一菜一肉, 咁先稱得上健康$128 燒雞半隻 , 皮脆肉嫩, 香脆加個泰式酸甜醬 crispy 但胸位有點鞋身過乾。$78 炒雜菜係用了好多調味, 入口味道會比較油膩同濃, 炒雜菜多幾種更能吸收唔同蔬菜的維他命同營養。泰式炒spicy yummy yummy

雖然觀塘有個大型shopping mall, 但我同朋友總喜歡捐窿捐罅搵食, 通常都搵到意想不到驚喜!今日走到近工廠區一帶既十字路口, 見到間樓上泰菜, 門口看看價錢唔貴, 雖然錯過左下午茶時段, 但總想入內一試!餐廳整潔, 設有卡位, 座位舒適闊落。一般泰國菜餐廳食物款式都很齊全, 價錢公道~ 【無骨鳳爪沙律】HK$78份量多, 無骨鳳爪酸尾尾, 每件鳳爪中心位都連帶左軟根位, 既開胃又滿足到口感。【馬拉盞炒通菜】HK$68炒得幾有穫氣, 通菜爽脆, 當中既馬拉盞香料令整體更為惹味【冬蔭功鮮蜆肉意粉】HK$78冇預期中既辣, 偏向乾身, 蜆肉冇沙, 味道其實唔錯, 但意粉質地煙韌, 如果林返d會更加好。 

裝修超靚觀塘工廠區隱世泰國菜🇹🇭內設酒吧區路過見到唔洗排隊 就入去試 發覺驚喜味道很不錯 很有泰式地道風味 聽聞是泰國廚師.鮮蝦刺身🦐每次吃泰菜都會叫的一道前菜 生蝦迷很喜歡這個醬汁 辣得過癮又醒胃再配上蒜片和椒粒 完美組合.無骨鳳爪沙律🥗CP值幾高 $78就有大大的一碟鳳爪份量相當多 而且入味 皮又爽脆.冬陰原隻大蝦海鮮湯🥘最喜歡這個冬陰公 十分推薦酸辣度適中 海鮮超級多⚠️小心燙口啊.泰式炒河🍜炒河便能看出師傅的功架 不會過油/乾身每條河粉都入味又不纏在一起 好好味.青檸薄荷梳打冰🍸食食下覺得有啲辣 就飲返杯解下渴

今日又到Happy Friday，放左工就同朋友去左觀塘站附近食嘢。喺apm行大概七分鐘，就去到呢間喺熟食市場附近嘅泰cool，餐廳都幾闊落。點左個冬蔭公大蝦湯，入面好多料，有蝦、青口、菇，唔會太辣，剛剛好，可以飲到5-6碗，3-4人share都得。仲叫左個菠蘿海鮮炒飯，側邊配埋腰果肉鬆，都幾大碟，入面有海鮮，有魷魚、蝦等等，如果可以炒得更入味就更好。仲點左個泰式炒通菜，有啲面豉喺上面，辣辣地，好開胃。飲品就叫左杯青檸薄荷梳打，都沖得幾好飲，唔會太甜，如果大杯啲會更好。

呢兩日地鐵賴晒屎，搞到大胃周圍搵食都增加咗難度，不過都仲去到觀塘醫肚可能因為咁，人流少咗，晚市初期鬆動咗，不過可以睇住Viu TV新聞留意吓動向，另一邊可以睇波交通不便要行多咗路，勁口渴，杯蝶豆花mix咗百香果，解渴又醒胃大胃食親泰國嘢就好想嗌Phad Thai，呢款有好大隻炸蝦伏喺上面，炒粉入面都有好多蝦㗎廚房好細心幫我地切好晒啲包，我地就唔使咁捩棄，咖喱好濃，軟殼蟹又夠脆最後都係趕唔切8點地鐵，算啦，食完好西自有計

今日繼續輕鬆，又係近近地去觀塘搵食啦，今日口痕痕想食泰國野，今日被我選中既係位於工業區既"泰cool"。餐廳好大好寬敞，有我至愛既綠色，舒服，適合一大班朋友聚聚。兩個人食叫左辣椒膏炒蜆，馬拉盞炒通菜同甲拋香葉肉碎炒飯。一開始都唔知咩係甲拋，原來係泰式香葉既一種， 香葉肉碎炒飯，同泰國食到既一樣口味，香口而不膩。馬拉盞炒通菜，味道濃郁帶咸香。 用來炒菜惹味得來， 口感層次比一般炒菜更豐富，食到唔停口。辣椒膏炒蜆，夠鑊氣，超有風味，惹味香濃。份量多，兩人食得好飽👍👍

· 近日太想食泰國嘢無論下午茶定晚飯都會去食泰Food😛今次去咗呢間位於觀塘樓上嘅泰國餐廳除咗有NOW TV睇波外，環境超寬敞有梳化位，成個感覺似大大間嘅CAFE好寫意又坐得幾舒服㗎!附近返工嘅你定夜晚食飯聚會呢度都係一個唔錯嘅選擇!·嚟咗呢度小吃一下，點咗杯薄荷青檸梳打，再加泰式酸辣鳳爪 + 泰式雞翼，酸辣鳳爪份量多肉又多!而且好開胃!雞翼炸得香脆唔油膩好正，夠曬飽飽的個人TEA 👍#thaicool #泰Cool #thaifood #instafood #instagram#hkfoodie #foodblog #foodiehkig

🐷🐷🐷▪️泰式春卷 ($48)泰式春卷炸得好香脆，入面嘅餡味道特別，香濃惹味，而且份量10分足夠，我哋兩個人食差啲食唔晒！因為用油炸過，就咁食春卷可能會食到有啲濟，但半碟嘅泰式辣可以中和返種飽肚感，10分醒胃！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️泰式蠔仔蛋 ($88)煎蛋香滑，味道雖然比較淡，但反而食得出蛋嘅香味，蠔仔嘅份量一啲都唔吝嗇，蠔仔味香濃。比起煎既蠔餅，呢度才更加健康少油少香料，相信老一輩嘅朋友一定好鍾意食！〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️泰式炒河 ($78)炒河粉食得出好夠火候，但同時又唔會太油膩，反而好香口，試過食到啲炒到一嚿嚿嘅河粉真係頂唔順，但呢間炒完出嚟係一絲絲嘅🐷 菜心同豬肉嘅份量好恰當，食完之後唔會覺得好大罪惡感🤪〰️〰️〰〰️️〰️〰️〰️4/5🐷〰️〰️〰️〰〰️️〰️〰️🔸Overall ($214+1)📍泰COOL (觀塘)觀塘鴻圖道48號新榮大廈1樓

能夠有彈性午餐時段真好，今日選擇晏少少先食唔想同人逼，泰式餐廳質素這店算唔錯，價錢大眾化，大大碟好抵食，廚師好到家，這店的東南亞泰式食物質素不錯呢。海南雞飯~ 不用我多說，飯的份量非常足夠，海南雞是去骨的，件件嫩滑，咁晏先食lunch，肚餓就啱曬。冬陰功海鮮湯~ 湯底好有水準，材料豐富，包括蝦、青口、魷魚、雜菇、生菜等。小食加配蝦餅同春卷~春卷新鮮炸起，小心燙口。蝦餅彈牙，美味。馬拉盞炒芥蘭~ 大碟到一個點，馬拉盞味道香濃，啱曬重口味嘅我，嫩綠芥蘭新鮮爽脆。飲品可以加少少錢轉特飲，蝶豆花檸檬特飲~ 是周圍地方飲到這個新品種，大家不妨試試。班蘭椰子奶~ 椰子味較重，斑斕味也很恰當，兩個味道平衡得好好。下午老闆往總公司開大會，我們可以晏少少返公司，多謝老闆於這個時候讓員工可以輕鬆下。臨走嘅時候見到下午茶個牌，更抵吃！

星期六下午在官塘放工, 一直苦惱食咩好, 上openrice睇下有咩好食, 見這間有好多人都話好食, 所以即管試試。下午茶餐牌有好多選擇, 而且可以加錢追加小食, 岩哂眼闊肚窄既我。叫了馬拉盞雞肉河粉, 追加春卷, 飲班蘭椰奶。河粉炒得有鑊氣, 不過唔知係唔係下午茶關係, 份量只有一般, 個汁酸酸地好開胃。春卷脆口。椰奶班蘭味足不會水汪汪。整體份量及味道正常, 我會下次再來食其他野。

同男友去觀塘食飯，搵到間泰國菜好似幾好，就行去試下。係工廈一帶，係要行樓梯上一樓。本來見到咁樣期望不太大，估唔到內裏別有洞天。環境舒適而且幾有氣氛。服務亦很到位。食品選擇頗多。椰青冇誇張，真係飲過最好飲既椰青。汁清甜而不膩，夠甜夠凍勁好飲。內裏果肉都厚，亦都好甜。一個字，正。馬拉盞炒通菜好正路既菜式，炒得幾有鑊氣，夠入味。同時個份量都好大，好夠食！黃咖哩牛腩份量頗大，牛腩好軟熟有鮮味，可惜汁比較淡。鮮蝦金邊粉賣相好靚！份量亦係超大！炸蝦好鮮味，炸皮好脆同香口。金邊粉既汁都好好食，酸甜既味令人胃口大增。再撈搵花生，蛋絲同青檸汁，口感更佳！