泰COOL (鴻圖道) (已結業)

近來社會不穩，各大商場又不開，幸好個人比較喜歡光顧小店，見到觀塘有家泰國菜有開店，一於試試。青胡椒花甲 - 好大碟，花甲鋪得滿滿的，足料。花甲挺飽滿，配香濃醬汁很不錯。冬蔭功湯河 - 冬蔭功濃郁，轉了金邊粉，每條金邊粉都掛了微辛香口的冬蔭功湯，加上有蝦仁，魷魚，青口，菇及車厘茄等，十分豐富。馬拉盞炒椰菜苗 - 另一足料菜式，椰菜苗爽脆，散發出馬拉盞香氣中帶微辣，惹味之選。餐廳環境寬敞舒適，份量普遍多，價格合理，值得一試。

同朋友去左觀塘食既晚餐，觀塘呢邊既工廈真係有幾多好野食，我地今日就揀左一間食泰國菜既餐廳。呢間餐廳環境好闊落。好多選擇，價錢都唔算貴。我地唔算好肚餓，所以唔係點左好多野。主菜方面，我地點左泰式地道豬手飯。豬手煮到好入味，佢既外皮煮到好腍，入口即化，而肉亦都好嫩滑。另外，我地仲點左馬拉盞粉絲雜菜煲，佢呢個煲有好多粉絲，充滿馬拉盞既香味。份量亦都好夠，我地最後都食唔哂，要打包拎走。飲品方面，我點左蝶豆花茶同埋青檸薄荷梳打冰。

陪朋友去觀塘見工，經過門口就畀佢吸引咗上去，仲有下午茶餐食，一至五，非公眾假期下午茶仲免加一！下午茶餐可以加小小錢追加嘢食，啱曬唔想嗌太多嘢但又想食多d款嘅人！生牛肉牛丸河: 泰cool d生牛河有佢自己特色，河粉厚身d，湯底調味係好味嘅，牛肉都新鮮，岀到黎成碗嘢係好食嘅！追加生菜肉碎: 加10蚊可追加生菜肉碎兩件，都算大件，好味，有小鹹！牛串: 沙爹汁岀色，牛燒得啱好，match 埋好食！青木瓜沙律: 食親泰國嘢必叫，泰Cool d青木瓜沙律又係有番自己特色，同食開果d有d唔同，木瓜口感爽口，幾開胃！總括黎講，嘢食ok，價錢適中，值得一試！Warm tip: 免加一只係下午茶餐，主餐牌都係要加一嘅！

泰COOL在一間舊酒樓的位置，樓面很大，座位都寬敞舒適。兩個人點了三道菜。*鮮蝦金柚子沙律 ($82)柚子很甜很JUICY，份量一點都不少；唯泰式的辣汁稍為濃了一點，味道偏咸和辣。*香芒蟹肉炒飯 ($88)蟹肉炒飯粒粒分明，不會太油；芒果甜甜的；蟹肉都是新鮮拆出來的。*冬蔭功蝦湯河 ($68)冬蔭功蝦湯河是我可以按受的辣度；冬蔭湯比起平時的偏酸一點，但都好開胃；河粉很滑，又不會太油；有蝦、有青口和菇。

想食泰國菜唔需要一定去到九龍城喺觀塘有間泰式餐廳做得唔錯位於觀塘鴻圖道，有間叫做泰cool😋😋😋見到呢個公仔行樓梯上一層就啱啦上到去餐廳十分闊落首先點咗個泰式生蝦佢有兩個份量可以揀我揀咗八隻 $88佢哋嘅餐具以天藍色為主上菜時見到佢哋用藍色心形嘅碟載住啲醬這碟很美生蝦嘅肉質非常爽口亦都夠晒冰凍店員亦細心提醒，底下既冰會慢慢開始溶叫我地盡快食推介👍🏻冬陰功明爐烏頭 $168條魚夠晒大條多肉而且非常新鮮，一點也不腥烏頭亦大大舊肉這食法係有火一直加熱的最推介係佢嘅冬陰功湯底酸辣辣辣得黎仲好重椰香味💕💕💕💕超鍾意同推介冬陰功湯為咗呢個會想再嚟😁😁

今日來到觀塘辦公事，現在天氣熱，放工后都想坐嚇食㸃野才回家，同事提議找個地方坐嚇食個晚飯。這間泰Cool ，座落於十字路口，招牌比較搶眼，於是選擇了食泰菜。餐廳裝修看得出老闆花了很多心思，感覺舒適又雅致。馬拉盞雞肉炒粉絲$78馬拉盞雞肉炒粉絲，炒粉絲有大量的雞肉，青椒、洋蔥、芽菜、蛋碎及香芹菜...等。粉絲炒得煙煙韌韌很香口，與眾多的配菜一齊食可口又惹味。青咖哩牛腩$88青咖哩牛腩，有泰式茄子、薯仔、有荷蘭豆、紅椒及香葉。咖哩味道很濃，牛腩夠淋又香咖哩味，整個青咖哩牛腩連配菜連牛腩都很香咖喱味。炭燒雞翼$48炭燒雞翼，侍㒣告訴我們雞翼不是燒的，而是炸的，問我們是否落柯打，我想食香口的雞翼，所以炸的一樣冇問題沒問題。雞翼有四隻，炸得金啡的顏色分外吸引，外皮大少少微脆，再點上泰式秘製醬汁，酸酸甜甜很是惹味。

今天和朋友在觀塘辦事，放工後去吃好西，有很多樓上餐廳都沒有吃過，路過這間餐廳，價錢同款式都好吸引的泰國餐廳，於是飢腸轆轆的兩人就決定在這裡享用晚餐。泰國菜的代表應該是菠蘿炒飯同pas Thai, 於是我們就決定點後者，估不到份量如此慷慨，不僅有一直炸到黃金酥脆的大蝦，金邊粉裡面也有很多蝦仁同腐片，味道整體酸酸甜甜，十分開胃。🥳泰國前菜又怎麼少得了泰式生蝦，晶瑩剔透的蝦肉上放了一片生蒜，蘸上酸辣的醬汁，正。🤤🤤馬拉盞雜菜粉絲煲，馬拉盞的鹹鮮加上粉絲爽脆，蔬菜的份量也不少，有芥蘭，椰菜，紅蘿蔔等👏配菜有黑椒鐵板牛同青胡椒炒蜆，兩碟小菜的份量都驚人，而且味道整體都冇得挑剔，非常滿意👍最後我地兩個人都食到好飽，如果一大班人黎食都係一個唔錯嘅選擇，位置夠大，上菜夠快，下次會再來！😍👍

除左日本菜，泰國菜亦都係我既至愛，今日同老公去行街再去食泰國菜，每次黎到官塘，好多時我地都會去工廈搵食，今日我地行遠小小去泰Cool食泰國菜餐廳裝潢好大，好多座位，6點到達唔駛排隊直入，但到7點半已經要排隊，所以最好一早book定位原個椰香海鮮焗飯（$138）之前每次去泰國餐廳都好想食以個飯，今次老公終於陪我食啦。用上新鮮椰青，餐廳將椰青既水同水倒落杯到比客人飲，一D都唔浪費，所以好肯定椰青係即叫即開，椰青水好清甜。原個椰香海鮮焗飯黎到真係嘩一聲，好大個，仲有隻炸蝦係上面，椰青入面超級多炒飯，炒飯入面仲有魷魚同蝦，每一啖都食到椰汁同椰肉，椰汁味超濃郁。串燒拼盤（細）（$88）豬頸肉有4薄片，有一串豬，一串牛，一串雞三色冰（$28）

泰Cool雖然離地鐵站遠DD，但都好多人黎食，餐牌選擇夠多，最緊要份量大份，價錢又合理~~~鮮蝦刺身-好耐好耐冇食過，生蝦夠大隻，配埋蒜頭辣椒，秘製醬汁一齊食，真係8隻都唔夠食，蝦肉富彈性，特別爽口彈牙～～香葉肉碎煎蛋飯-每次去到泰國餐廳都會必點香葉肉碎煎蛋飯，肉碎餐廳都比好多，食完飯，肉碎都有多，一個人都食唔晒，肉碎炒得夠乾身，夠香，但係唔夠辣，我比較鐘意食辣D，如果辣D會更好～～青檸薄荷梳打冰

生蝦10隻好精緻，用上靚靚既藍色碟，生蝦鋪係冰粒上，好吸睛🤩。大大隻、好新鮮，入口仲好脆口。生蝦配上紅椒生蒜，加埋個甜甜酸酸既醬，真係好味。而且價錢相當合理，推介😋鮮蝦金柚子沙律沙律大碟到好似小菜！泰式沙律，都預左會帶有小小辣，上碟個下有d意外，蝦同柚子都變左紅紅地色，好似人地炒過咁😂想太多喇....不過味道係唔錯，絕對唔洗俾佢既紅色嚇親，好少辣。金柚子大大舊而且多水又清甜，蝦既份量亦都好多，食沙律都會飽😊辣椒膏炒蜆初初以為落左單，成碟黃色似咖哩多d🤣點知一食落，真係辣椒膏味喎😋味道上確係俾到驚喜，食到辣味之餘又唔會搶左泰式既味道，好夾。炒蜆同樣係足份量，雖然d蜆唔係大大隻，但蜆肉好厚身，而且無沙，讚👍Stella 🍺食泰野，當然要啤啤佢啦

So Thai🇹🇭 So Cool✨✨ Thai Food🍴💫..十月一 今日係一個特別既日子，好多地方/商舖都提早了關門。而今晚咁岩去左觀塘走走，到了晚飯時間 突然想吃個泰菜🇹🇭，上網找找仍營業既餐廳 原來工廈裡都有一個好選擇。觀塘區工廈林立，租金便宜 所以都吸引唔少甚具質素既餐廳係度開業。今晚既泰菜餐廳🍴，環境寬敞舒適`富有泰國風情`價錢大眾化`性價比算高呢。而且款式豐富多元化，菜式味道算正宗，令人感覺置身泰國。ll $88Pad Thai With Prawn食泰菜點少得炒金邊粉呢，味道酸酸甜甜既Pad Thai 係我愛吃既菜式，每次食泰菜必點❤️。呢度份量真係好足，加上大蝦`豆乾`蛋絲`蔥條同炒，好豐富。隨個人喜愛 混合青檸`花生碎，更添泰國風情。ll $88Fried Rice Crab Meat With Mango泰國炒飯🍚 不能少得芒果🥭，加上蟹肉🦀 &蝦皮。炒飯色水好靚💛 味道有蟹肉味而又不失芒果既清甜。同樣份量好足呢。ll $48Mango Sticky Rice最後泰國甜品，點少得我最愛既芒果糯米飯🥭🍚。一黑一白糯米 軟糯米香，加上椰汁🥥 真係好match💛，而芒果

🌟泰cool同朋友係觀塘區即興約食夜晚飯，因為係商業區所以好多餐廳都唔開，於是就隨意入咗一間泰國餐廳。🇹🇭生蝦刺身 $98一共有10隻生蝦，肉質爽口，都算新鮮，味道正常。泰皇咖喱雙拼 $188咖喱軟殼蟹+大蝦，份量都算幾多幾抵食。炒椰菜苗 $72分量唔算好多，不過食落都算新鮮。香葉肉碎炒金邊粉 $78分量幾多，炒得夠乾身夠入味，而且唔會太油膩。觀塘區都算幾多泰國餐廳，依間來講整體覺得CP值算幾高。👍🏻

呢排都幾鍾意食泰菜，今晚去開觀塘做ｇｙｍ，就去咗呢間泰ｃｏｏｌ食。佢係近工廠區果頭，雖然唔算係好近地鐵站，但勝在相對抵食同埋大份。兩個人叫咗三樣野食，原來Ｄ野食勁大碟，真係好多！無骨鳳爪沙律整得好正宗，好有泰式的酸辣味，鳳爪都有好多隻，又大隻又多肉，加埋Ｄ西芹同埋白葉，好開胃。馬拉盞密豆炒牛柳即係荷蘭豆少牛柳粒，醬汁都幾香甜，荷蘭豆同埋牛柳粒比例平均，唔會話只比幾舊肉，　一定夠食，而且牛柳粒好香，炒得剛剛好仲保留到肉汁香葉爆炒肉碎伴生菜包我地走咗蔥，所以呢碟炒肉碎睇起上黎好似比較單調，但其實食落去食得出好有鑊氣，肉碎都食到檸檬汁的香，加上生菜包的菜都好新鮮，食呢個都幾飽。

上星期放工和朋友去了觀塘的泰COOL食泰國菜，雖然地方位置吾近地鐵站，但見網上啲評價也不錯，所以決定一試！環境方面，地方好大，有好多CAR位，所以坐得好舒服。而服務方面，職員也有禮貌啊！無骨鳳爪沙律：真心推介！首先價錢吾貴，份量又多，感覺上已回值。鳳爪已去除了骨，大大方便食客品嚐，加上本身既泰式醬汁又辣又酸，令我們特別開胃。口感方面，鳳爪既外皮好爽口，整體也很配，因此值得大家一試啊！炭燒雞翼：雖然外觀上看似平平無奇，但食落既味道令我驚喜。因以炭燒黎煮，外層會因而較黑，但食落沒有燒焦既味道；反而好香口。雞翼入面略帶少許肉汁，可配以泰式辣醬食。牛腩拼牛丸湯河：份量相當大，可以二人分享。牛腩吸入左湯底很入味，口感林口又juicy；而牛丸口感帶少少彈牙。湯河比平時所食的為粗，令口感大增又夠滑，夾落吾易斷，很飽肚。椰汁西米糕 (4件)：飯後當然要食甜品，價錢好抵。椰汁味濃郁，西米在底層，兩者好夾好好食！

今晚來到觀塘吃晚飯，選了新開的泰cool!! 人還挺多的，我們6點半左右去都滿了一半呢！最好還是先預訂😍點了一個蝦炸金邊粉($88)🍤🍤 賣相很好，有個蛋網左上面，把它搞好再配上旁邊的花生碎真的很不錯呢！份量真的很多，一個人是吃不完的，裏面還有豆干、蝦子等菜料，吃起來口感也不錯👍🏻另一個主食叫了冬陰公河($68)😇冬陰公湯底很濃郁，酸酸辣辣的，還有一點椰香。而河粉有粗有幼，吃起來口感就比較多而有層次咧。還有一點魷魚、蝦和青口，配料還是豐富的😚最後一份豬頸肉($78)😌燒得剛好，外層有焦脆的，配了特製醬汁，吃上來不油膩，很不錯👍🏻