泰COOL (鴻圖道) (已結業)

觀塘越嚟越旺，行去‘工廠區’嗰邊開咗好多食肆，多咗好多選擇，唔使成日幫襯大財團或連鎖店。朋友介紹，必食‘鮮蝦刺身’，即係生蝦。真係必食呀！新鮮，爽口，個汁唔會太辣。好多時個汁太辣太酸會搶哂蝦嘅鮮味，呢個啱啱好。食泰國菜我必叫‘柚子沙律’，呢間餐廳就配鮮蝦，好爽口。佢唔似一般泰式沙律，酸酸哋或者係凍嘅，佢呢個有啲暖暖嘅汁撈埋，幾特別㗎。主菜就揀咗‘辣椒膏炒蜆’，好彩唔太辣，唔係好食得辣嘅都可以接受。佢好足料，每隻蜆入面都有肉㗎，而且啲黃椒甜甜地，炒埋一齊好好味。佢每碟嘅份量都好多，夠三四個人食㗎。就連杯啤酒都係500ml一杯。下次一班朋友嚟開觀塘，可以嚟呢度食返餐。

今日同好姊妹黎觀塘APM行街，想食泰國野，縱觀商場為數不多，所以另上網搵左呢間餐廳。鮮蝦刺身(生蝦) $88蝦肉質地鮮滑，咬落很q彈。蘸上泰式醬汁很開胃，酸酸辣辣的味蕾如同被炸開。青胡椒花甲煲 $88花甲肉尚算飽滿，醬汁味道很濃，很下飯的一道菜。鐵板黑椒牛柳 $88牛柳被切成肉粒狀，方便一啖一口，且不會食膩！黑椒汁充分地融在牛柳粒裡面，入味十足！薯仔很香滑。馬拉盞雜菜粉絲煲 $88起初覺得粉絲煲不起眼，嚐起來卻是另一番風味，馬拉盞醬令粉絲充滿蝦香，咬起來又滑又有彈性。鮮蝦炒金邊粉 $88與粉絲煲不同，這碟金邊粉以酸甜口味為主，搭配鮮炸海峽，泰式風情十足。這間位於觀塘的餐廳，闊落，很多人事先book位，到了預定的時間一桌子的菜等待著客人們坐下便能開餐，是不少人晚飯的好選擇！晚餐聚會超正。

今晚約咗爸爸食晚飯，因為就爸爸，所以揀咗娘家附近嘅觀塘區。唔想咁悶又去大型商場連鎖店食，所以行多幾步，去咗鴻圖道食泰國菜。餐廳佈置有泰國feel，花過心思，牆上有一些泰國傳統嘅裝飾。餐廳餐牌選擇豐富，幾乎諗得出嘅泰菜都有。我哋就點咗泰式通菜，野菌雜菜炒金邊粉同海南雞飯。呢幾款幾乎係我每次食泰國菜必點嘅，所以好容易就比較得出好唔好食。海南雞飯分量ok，油飯好香 ，海南雞都算滑。泰式炒通菜超級惹味，食到停唔到口。炒金邊粉好巨型呀，有蛋網包住，賣相唔錯 。味道酸酸甜甜，係我近期食過最好食嘅炒金邊粉， 因為之前試過有餐廳嘅金邊粉淡茂茂冇味嘅。

好耐冇食過泰國嘢，喺觀塘返工嘅朋友今日帶我去試下位於觀塘工業區嘅呢間泰cool， 話價錢唔算貴又幾正宗！咸魚炒通菜通菜炒得好似大排檔般， 非常有鑊氣！而且通菜乾而爽， 配埋鹹香適宜嘅咸魚，翠綠又惹味~青咖哩煮牛腩 鍾意食泰國嘢嘅我又唔食得太辣，所以我哋嗌咗唔辣嘅青咖哩， 青咖哩嘅 椰香味比較濃， 口感creamy，而牛腩炆得好冧， 肉身薄薄地又有筋，非常好食！ 加配嘅蒜蓉包 看得香脆可口，送咖哩一流！串燒拼盤拼盤嘅份量唔少，我哋兩個人食都覺得有啲飽！ 裏面又串燒牛、串燒雞同串燒豬， 配上正宗嘅沙爹醬， 非常好食！而我最愛嘅就係佢嘅豬頸肉， 燒到外皮香脆但口感爽滑， 令人回味無窮！

泰Cool同朋友去左觀塘搵好野食，今次想試泰國菜，好似係新開所以試下囉雜菜野菌炒金邊粉賣相超靚，睇落好吸引，外層蛋膜薄得黎幾有彈性，金邊粉食落煙煙韌，仲帶唔同既配料，真材賓料，泰國金邊粉味道正宗炒椰菜苗炒得幾好味，菜亦炒得爽脆少油鮮蝦金柚子沙律 :份量都幾多，沙律除左有柚子肉及大蝦外，仲有椰子肉、蔥粒及生菜等，食落清新爽口，嚴嚴夏日用黎作開胃菜一流。整體嚟講泰cool價錢適中,絕對係食泰菜多左一個好既選擇推介⭐️⭐⭐️⭐⭐

今晚來到於觀塘嘅泰菜餐廳泰Cool,經過一天忙碌工作，肚餓了,來到於觀塘嘅泰菜餐廳泰Cool食晚飯。一入餐廳，空間挺寬闊的，有棵樹的裝飾物，四邊有壁畫。食野先馬拉蓋密豆炒牛柳粒$88，豆甜肉嫩，密豆炒得翠綠。椰菜苗$72也可以，鑊氣夠，菜苗夠鮮綠，但汁液有點多。最後送上芒果糯米飯$48糯米飯的椰汁香噴噴。芒果吾夠靚，老了點。整體而言環境比想像中寬趟舒適，富有泰國氣氛，價錢適中。

唯有食物最能解壓。今晚來到於觀塘嘅泰菜餐廳泰Cool,一入到去見🈶棵生命樹🌳，四邊牆身🈶壁畫。經過一天忙碌工作，肚餓了。見餐牌食物款式豐富且多元化，串燒，甜品，小食，主菜，飲品都有。上菜好快，起筷啦,馬拉蓋密豆炒牛柳粒$88豆甜肉嫩，密豆好翠綠。椰菜苗$72也不錯喔，鑊氣夠，菜苗夠鮮綠，不油膩。最後送上芒果糯米飯$48和青檸梳打，個人感覺青檸好fresh，吾會太甜。糯米飯的椰汁香噴噴。Cheers環境比想像中寬趟舒適，富有泰國氣氛，價錢適中，性價比高。

每月一聚❣️今期去左觀塘搵食🤩呢間泰國嘢雖然位置比較偏僻但附近都有唔少人喺度食嘢🙃成間鋪都幾闊落而且啲位空間幾大👍🏻坐得幾舒服❣️入正題👏🏻🔺無骨鳳爪沙律❣️比起平時出面舖嘅份量多好多起碼有10幾隻🤩隻隻都好大隻又爽口👍🏻不過對於我黎講辣左啲🙃🔺鮮蝦炒金邊粉❣️一上枱個樣就好吸引啦🤩用咗蛋去包住成碟嘅金邊粉👍🏻軟硬適中而且啲調味都啱啱好不過油左少少🙃份量超多兩個女仔係食唔晒嘅❣️另外有一隻炸蝦好大隻幾彈牙👍🏻🔺泰式炸蝦餅❣️一個蝦餅一分為二可以一啖食晒👍🏻即炸上碟🤩入口仲熱辣辣加埋啲甜酸醬超開胃❣️🔺炒椰菜苗❣️有幾款調味料揀我哋就揀咗馬拉盞❣️椰菜苗好爽而且好有𡁻口🤣

來到觀塘食泰國菜印象中食過將軍澳嗰間泰cool 是唔錯的一於約朋友嚟觀塘呢一間再嘗一嘗一嚟坐得好舒服地方超級寬躺坐得舒適食得出色已經贏咗幾條街單骨雞翼配鳳爪鳳爪小小辣 勁入味單骨雞翼 好香脆一支骨就比較方便進食小食開下胃就岩份量啱啱好👍🏻追加左個炸魚餅一共四大塊似墨魚 味 好鮮甜又唔油膩中間仲有些魚粒都幾有口感但唔會話好難咬加埋泰式辣醬味道再出一點叫左好多小食 好開心好滿足呢泰式雞肉炒金邊粉超級抵食巨型份量勁多多到睇落似成座山咁高既金邊粉材料豐富非常惹味食落去感覺簡直係置身於泰國炒通菜都係份量頗大一碟通菜嫩綠非常之抵食椰青食泰國嘢梗係要叫番個椰青啦選材上乘非常清甜解渴好大一個入面都幾多 椰青水青檸薄荷梳打水朋友必叫青檸梳打又一涼透心之選

今日放工之後同朋友去左位於觀塘既泰Cool！好耐冇食泰菜啦，真係好期待呀！👇-📌泰式無骨鳳爪 - $78👉我地點左三個小菜同一杯飲料，「泰式無骨鳳爪」一直都係我既最愛，無骨鳳爪沙律有好多鳳爪，大大碟好抵食。佢地既無骨鳳爪酸辣味十足，超入味超好食。📌鹹魚芥蘭豬頸肉 - $78👉食完個酸辣嘅菜式梗係要食一個鹹既菜式中和返啦，所以我地點左一個「鹹魚芥蘭豬頸肉」，有好多薄切既豬頸肉。濃濃既鹹魚味將芥蘭同豬頸肉既微調出嚟，都係好入味好好食。📌炭燒牛柳粒 - $78👉最後仲叫咗個「炭燒牛柳粒」，一共有四串串燒，牛肉唔會燒得太老好好食。特別想提吓係佢地既串燒汁真係好夾，個串燒汁我地100分。📌青檸薄荷梳打冰 - $36👉我地點左一杯特色飲料「青檸薄荷梳打冰」，因為我地食既野都比較濃味，所以配一杯清清地既野飲真係好match，同埋可以好解渴。人均$150就食到超飽同超好食，下星期再同屋企人黎！

原本以為餐廳不會有太多人，因為距離地鐵站都需要行一段距離， 但去到後見到差不多座無虛席。泰式蠔仔蛋 ($88)見到鄰桌的泰式蠔仔蛋上菜時，用鐵板上菜， 新鮮熱辣，我們便跟著點了一份。來到的時候，近看真的很大分! 應該差不多有四隻雞蛋的份量， 當中包含了大粒香軟的蠔仔。用芽菜墊底的方法很值得讚，不但不會過熱， 因為雞蛋太熟會很老， 而且可以隔開鐵板上的油冬陰公蝦湯河 ($68)我們轉了金邊粉，碗很大，粉很多，還有不同的海鮮， 有蝦、青口和魷魚。我們要小辣，湯底偏酸，有微微的椰奶味。香芒蟹肉炒飯 ($88)炒飯中夾雜了大粒的泰國芒果，還有粒粒的蟹肉，目測都應該大約有兩碗飯，十分夠鑊氣。由於晚上人頗多，而且地方大，只有數個服務員忙得不可開交，如果多幾個服務員變更好了。

在觀塘出入了很長的時間，發覺在這裡的泰菜餐廳並不多。最近男友轉到觀塘上班，說有一間泰菜不錯，就帶我去試試了。泰cool很容易找到，由apm步行去約8至10分鐘。今晚點了:泰皇咖哩軟殻蟹鮮蝦炒金邊粉冬蔭功蝦湯河1.  泰皇咖哩軟殻蟹－兩隻 （$148）食泰菜又怎可不點咖哩呢？這個份量十足，兩個人一定夠吃，軟殻蟹炸得很香脆，而且咖哩味很香，椰汁味很濃，正。可惜點了兩款粉麵，不然的話，多叫一個蒜蓉包配咖哩汁就不得了。2.  鮮蝦炒金邊粉 ($88)水準不錯，金邊粉炒得很入味很有口感，不要以為只有一隻炸大蝦，其實還有很多鮮蝦在粉中。炒金邊粉有Q彈的鮮蝦，花生粒的香口，再加上數滴青檸汁提味，感覺清新而不膩。在點菜的時候沒有想過份量會這麼大，一個人比較難吃畢。3.  冬蔭功蝦湯河 ($68)天氣有點熱，不想吃炒粉類，所以我點了這個。這個湯河十分足料，有蝦有魷魚有茹，好入味，少許辣，令人非常開胃。

朋友喺觀塘返工，講咗好耐話約食飯，一路約唔成，今晚終於肯出現，帶我去工廠大廈嘅餐廳試泰國菜。泰cool又真係幾cool！影咗環境比大家參考。無呃你㗎！工廈入面嘅裝修都絕對唔hea！有open bar，又有sofa圓枱，仲有大大個酒櫃，感覺係cool係chill既！跟住就梗係叫嘢食啦！兩個女人仔，share明爐烏頭同一份海南雞飯。明爐烏頭可以話係本人泰菜必叫。一來酸酸地幾開胃，二來烏頭嘅質素絕對反映食材是否新鮮，知道餐廳質素和用心。呢度嘅明爐烏頭味鮮肉嫩，沒有河魚嘅泥味，也沒有雪藏嘅木質，實在新鮮。加埋清新醒胃嘅香茅和青檸汁在湯中，令肥美嘅烏頭不膩，更香。海南雞飯海南雞是黃油雞吧？見到皮嘅鮮黃色澤，油亮，大約可估到雞的肥美程度。雖然我們得到的是雞的上半部分，雞胸也嫩滑，一點也不乾身。油雞飯更加食到雞和香茅互相配合的天衣無縫滋味，見到其色澤亮麗就知雞油已被完全吸收，絕對係一大comfort food！兩個女人仔咁樣分完岩岩好飽，仲飲咗一小碗明爐魚湯暖暖胃，解解膩！滿足！

今日早收工, 去左等BB收工, 去到官瑭四圍行下, 平時都係只行APM, 但今日冇咁熱, 我就係出面行下, 點知俾我見到LEE 間 泰COOL , 咁岩又想食泰國野, 我就叫BB放工一齊食, 泰COOL都幾大間, D位都坐得好舒服, 咁我地食左4樣野加杯野飲:1)    泰式炸蝦餅---蝦肉彈牙新鮮, 熱辣辣新鮮炸出來, 好正, 人少左可以叫半份, 岩哂我地兩個人食2)     炭燒雞翼---真心燒到好正, 剛剛好, 好滑好好味3)     炒椰菜苗---我地食馬拉盞炒椰菜苗, 少少辣, 唔會太咸同太油, 真係一碟都唔夠食4)     冬蔭功蝦湯河--冬蔭功湯底, 酸酸辣辣好開胃, 蝦又好新鮮5)     青蘋果氣泡茶---比青檸梳打有特色, 可以一試

老公同事介紹一間泰國菜館好好食，是在觀塘鴻圖道的泰Cool。今晚星期日吾想煮飯，就同老公去試下。餐廳裝修時尚，座位寬敞。海南雞飯：雞肉鮮嫩，配上泰式酸辣醬和薑蓉，令味道提升，前者味道酸中帶辣，後者鹹鹹地帶薑香味。油飯粒粒分明不會太油膩。泰式地道豬手飯：豬手林滑入味，我特別喜歡食皮，滑溜溜有豐富的骨膠原，加埋特製醬汁濃郁美味，跟上的醬汁有酸甜味和酸辣味，也可令豬手更添風味。冬蔭功蝦湯河：冬蔭功湯底極為濃郁芳香，酸酸辣辣的，好醒胃，鮮蝦、青口、魷魚、菇類等，口感爽口，河粉吸收湯底又加埋芽菜，食落又滑又有芽菜的爽，味道酸辣好惹味！